ಕೇಂದ್ರ ರೈಲ್ವೆ, ಮಾಹಿತಿ ಮತ್ತು ಪ್ರಸಾರ ಹಾಗು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ  ಶ್ರೀ ಅಶ್ವಿನಿ ವೈಷ್ಣವ್ ಅವರು ದೇಶದ ಅತ್ಯಂತ ಜನನಿಬಿಡ ಟರ್ಮಿನಲ್‌ ಗಳಲ್ಲಿ ಒಂದಾದ ಪ್ರಯಾಣಿಕರ ಅನುಭವಕ್ಕೆ ಗಮನಾರ್ಹ ಉತ್ತೇಜನ ನೀಡುವ ನಿಟ್ಟಿನಲ್ಲಿ, ಇಂದು ನವದೆಹಲಿ ರೈಲು ನಿಲ್ದಾಣದಲ್ಲಿ (ಎನ್‌.ಡಿ.ಎಲ್‌.ಎಸ್.) ಹೊಸದಾಗಿ ನಿರ್ಮಿಸಲಾದ ಯಾತ್ರಿ ಸುವಿಧಾ ಕೇಂದ್ರವನ್ನು (ಶಾಶ್ವತ ಹೋಲ್ಡಿಂಗ್ ಏರಿಯಾ) ಪರಿಶೀಲಿಸಿದರು.  ಯಾವುದೇ ಸಮಯದಲ್ಲಿ ಸರಿಸುಮಾರು 7,000 ಪ್ರಯಾಣಿಕರಿಗೆ ಸೌಕರ್ಯಗಳ ಅವಕಾಶ ಕಲ್ಪಿಸಲು ಈ ಕೇಂದ್ರವನ್ನು ವಿನ್ಯಾಸಗೊಳಿಸಲಾಗಿದೆ, ಇದು ಬೋರ್ಡಿಂಗ್ ಪೂರ್ವ ಸೌಕರ್ಯ ಮತ್ತು ಹರಿವನ್ನು ಸುಗಮವಾಗಿ ನಿಯಂತ್ರಿಸುತ್ತದೆ.

ಕೇಂದ್ರ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು, "ಹೊಸದಾಗಿ ಅಭಿವೃದ್ಧಿಪಡಿಸಲಾದ ಅತ್ಯಾಧುನಿಕ ಯಾತ್ರಿ ಸುವಿಧಾ ಕೇಂದ್ರವು ಹಬ್ಬದ ಸಮಯದಲ್ಲಿ ಪ್ರಯಾಣಿಕರಿಗೆ ಸೌಕರ್ಯವನ್ನು ಒದಗಿಸುತ್ತದೆ ಏಕೆಂದರೆ ಪ್ರಯಾಣಿಕರ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ. ಈ ರೀತಿಯ ಯಾತ್ರಿ ಸುವಿಧಾ ಕೇಂದ್ರವನ್ನು ದೇಶದ ಇತರ ನಿಲ್ದಾಣಗಳಲ್ಲಿಯೂ ಅಭಿವೃದ್ಧಿಪಡಿಸಲಾಗುವುದು" ಎಂದು ಹೇಳಿದರು.

ಪ್ರಯಾಣಿಕರ ಸಂಚಾರವನ್ನು ಸುಗಮಗೊಳಿಸಲು ಹೊಸ ಯಾತ್ರಿ ಸುವಿಧಾ ಕೇಂದ್ರವನ್ನು ಕಾರ್ಯತಂತ್ರವಾಗಿ ಮೂರು ವಲಯಗಳಾಗಿ ವಿಂಗಡಿಸಲಾಗಿದೆ, 2,860 ಚದರ ಮೀಟರ್ ವಿಸ್ತೀರ್ಣದ ಟಿಕೆಟಿಂಗ್ ಪ್ರದೇಶ, 1,150 ಚದರ ಮೀಟರ್ ವಿಸ್ತೀರ್ಣದ ಪೋಸ್ಟ್ ಟಿಕೆಟಿಂಗ್ ಪ್ರದೇಶ ಮತ್ತು 1,218 ಚದರ ಮೀಟರ್ ವಿಸ್ತೀರ್ಣದ ಪೂರ್ವ ಟಿಕೆಟಿಂಗ್ ಪ್ರದೇಶ. ಈ ಪ್ರಾದೇಶಿಕ ಪ್ರತ್ಯೇಕತೆಯನ್ನು ಟರ್ಮಿನಲ್‌ ನ ಮುಖ್ಯ ದ್ವಾರದಾದ್ಯಂತ ದಟ್ಟಣೆಯನ್ನು ಕಡಿಮೆ ಮಾಡಲು ಮತ್ತು ಪ್ರಯಾಣಿಕರ ಸೌಕರ್ಯವನ್ನು ಸುಧಾರಿಸಲು ವಿನ್ಯಾಸಗೊಳಿಸಲಾಗಿದೆ.

ಉತ್ತರ ರೈಲ್ವೆಯು ಪ್ರಯಾಣಿಕರ ಅನುಕೂಲತೆ ಮತ್ತು ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರವನ್ನು ಸಮಗ್ರ, ಆಧುನಿಕ ಸೌಲಭ್ಯಗಳೊಂದಿಗೆ ಸಜ್ಜುಗೊಳಿಸಿದೆ.

ಪ್ರಮುಖ ಸೌಕರ್ಯ-ಸೌಲಭ್ಯಗಳ ಗುಣಲಕ್ಷಣಗಳು :

ಟಿಕೆಟಿಂಗ್: 22 ಆಧುನಿಕ ಟಿಕೆಟಿಂಗ್ ಕೌಂಟರ್‌ಗಳು ಮತ್ತು 25 ಸ್ವಯಂಚಾಲಿತ ಟಿಕೆಟ್ ವಿತರಣಾ ಯಂತ್ರಗಳು (ಎ.ಟಿ.ವಿ.ಎಂಗಳು).

ಸಾಮರ್ಥ್ಯ ಮತ್ತು ಸೌಕರ್ಯ: ಸಮರ್ಥ ಕೂಲಿಂಗ್‌ ಗಾಗಿ 200 ಪ್ರಯಾಣಿಕರಿಗೆ ಮತ್ತು 18 ಹೈ ವಾಲ್ಯೂಮ್ ಕಡಿಮೆ ವೇಗದ (ಹೆಚ್.ವಿ.ಎಲ್.ಎಸ್.) ಫ್ಯಾನ್‌ಗಳಿಗೆ ಆಸನ ಸಾಮರ್ಥ್ಯ.

ನೈರ್ಮಲ್ಯ ಮತ್ತು ನೀರು: ಆರ್.ಒ-ಆಧಾರಿತ ಕುಡಿಯುವ ನೀರಿನ ವ್ಯವಸ್ಥೆಯೊಂದಿಗೆ 652 ಚದರ ಮೀಟರ್‌ ವಿಸ್ತೀರ್ಣ ದಲ್ಲಿ ನಿರ್ಮಿಸಲಾದ ಮೀಸಲಾದ ಟಾಯ್ಲೆಟ್ ಬ್ಲಾಕ್.

ಮಾಹಿತಿ ಮತ್ತು ಸುರಕ್ಷತೆ: 24 ಸ್ಪೀಕರ್‌ಗಳು, ಮೂರು ಎಲ್.ಇ.ಡಿ ಎಲೆಕ್ಟ್ರಾನಿಕ್ ರೈಲು ಮಾಹಿತಿ ಪ್ರದರ್ಶನಗಳು ಮತ್ತು ಆಧುನಿಕ ಅಗ್ನಿಶಾಮಕ ವ್ಯವಸ್ಥೆಯ 7 ಘಟಕಗಳೊಂದಿಗೆ ದೃಢವಾದ ಪ್ರಯಾಣಿಕರ ಮಾಹಿತಿ ಘೋಷಣೆ ವ್ಯವಸ್ಥೆ.

ಭದ್ರತೆ: 18 ಸಿ.ಸಿ.ಟಿ.ವಿ ಕ್ಯಾಮೆರಾಗಳು, 5 ಲಗೇಜ್ ಸ್ಕ್ಯಾನರ್‌ಗಳು ಮತ್ತು 5 ಡೋರ್ ಫ್ರೇಮ್ ಮೆಟಲ್ ಡಿಟೆಕ್ಟರ್‌ಗಳು ಸೇರಿದಂತೆ ಅತ್ಯಾಧುನಿಕ ಭದ್ರತಾ ಕ್ರಮಗಳು.

ಉತ್ತರ ರೈಲ್ವೆ ನಿರ್ಮಾಣದ ಸಮಯದಲ್ಲಿ ಹಲವಾರು ಸಂಕೀರ್ಣ ಸವಾಲುಗಳನ್ನು ಯಶಸ್ವಿಯಾಗಿ ನಿಭಾಯಿಸಿತು, ಅವುಗಳಲ್ಲಿ ಎ.ಟಿ.ಎಂಗಳು, ದೆಹಲಿ ಪೊಲೀಸ್ ಕ್ಯಾಬಿನ್ ಮತ್ತು ಹೋರ್ಡಿಂಗ್ ಬೋರ್ಡ್‌ಗಳಂತಹ ಅಸ್ತಿತ್ವದಲ್ಲಿರುವ ರಚನೆಗಳ ಅಗತ್ಯ ಕೆಡವುವಿಕೆ, ಬದಲಾವಣೆ ಮತ್ತು ಸ್ಥಳಾಂತರವೂ ಸೇರಿತ್ತು. ಇದಲ್ಲದೆ, ದೈನಂದಿನ ಕಾರ್ಯಾಚರಣೆಗಳಿಗೆ ಅಡ್ಡಿಯಾಗದಂತೆ ನೀರಿನ ಮಾರ್ಗಗಳು, ಒಳಚರಂಡಿ ವ್ಯವಸ್ಥೆಗಳು ಮತ್ತು  ಕೇಬಲ್‌ ಗಳಂತಹ ಅಗತ್ಯ ಉಪಯುಕ್ತತೆಗಳ ಸೂಕ್ಷ್ಮ ಸ್ಥಳಾಂತರವನ್ನು ಕಾರ್ಯಗತಗೊಳಿಸಲಾಯಿತು.

ಸಮಾನಾಂತರವಾಗಿ, ಪಾದಚಾರಿ ಮೇಲು ಸೇತುವೆ - 1 ವಿಸ್ತರಣೆಯೊಂದಿಗೆ ಅಗತ್ಯ ಮೂಲಸೌಕರ್ಯ ನವೀಕರಣವನ್ನು ಪೂರ್ಣಗೊಳಿಸಲಾಯಿತು. ಈ ವಿಸ್ತರಣೆಯು ನವದೆಹಲಿಯಲ್ಲಿ ರೈಲುಗಳಿಂದ  ಇಳಿಯುವ ಪ್ರಯಾಣಿಕರು ಈಗ ನೇರವಾಗಿ ಮೆಟ್ರೋ ನಿಲ್ದಾಣದ ಕಡೆಗೆ ನಿರ್ಗಮಿಸಬಹುದು ಎಂದು ಖಚಿತಪಡಿಸುತ್ತದೆ, ಇದು ಬಹುಮಾದರಿ ಸಂಪರ್ಕವನ್ನು ಗಮನಾರ್ಹವಾಗಿ ಸುಧಾರಿಸುತ್ತದೆ ಮತ್ತು ಪ್ಲಾಟ್‌ ಫಾರ್ಮ್ ದಟ್ಟಣೆಯನ್ನು ಕಡಿಮೆ ಮಾಡುತ್ತದೆ.

ಕೇಂದ್ರ ಸಚಿವರೊಂದಿಗೆ ರೈಲ್ವೆ ಮಂಡಳಿಯ ಅಧ್ಯಕ್ಷ ಮತ್ತು ಸಿ.ಇ.ಒ ಶ್ರೀ ಸತೀಶ್ ಕುಮಾರ್; ಉತ್ತರ ರೈಲ್ವೆಯ ಜನರಲ್ ಮ್ಯಾನೇಜರ್ ಶ್ರೀ ಅಶೋಕ್ ಕುಮಾರ್ ವರ್ಮಾ ಮತ್ತು ಇತರ ಹಿರಿಯ ರೈಲ್ವೆ ಅಧಿಕಾರಿಗಳು ಇದ್ದರು, ಅವರು ಸೌಲಭ್ಯದ ಯೋಜನೆ ಮತ್ತು ಕಾರ್ಯಗತಗೊಳಿಸುವಿಕೆಯ ಕುರಿತು ವಿವರವಾದ ವಿವರಣೆಯನ್ನು ನೀಡಿದರು. ಪರಿಶೀಲನೆಯು ನಿರ್ಣಾಯಕ ಮೂಲಸೌಕರ್ಯವನ್ನು ಆಧುನೀಕರಿಸುವ ಮತ್ತು ಪ್ರಯಾಣಿಕರಿಗೆ ವಿಶ್ವ ದರ್ಜೆಯ ಸೌಲಭ್ಯಗಳನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರ ರೈಲ್ವೆ ಸಚಿವಾಲಯದ ಬದ್ಧತೆಯನ್ನು ಒತ್ತಿ ಹೇಳುತ್ತದೆ.

****