उपराष्ट्रपती कार्यालय
उपराष्ट्रपती सी. पी. राधाकृष्णन यांनी बिहारमधील सिताब दियारा येथे भारतरत्न लोकनायक जयप्रकाश नारायण यांच्या जयंतीनिमित्त केले अभिवादन
Posted On:
11 OCT 2025 8:00PM by PIB Mumbai
नवी दिल्‍ली, 11 ऑक्‍टोबर 2025
उपराष्ट्रपती सी. पी. राधाकृष्णन यांनी आज बिहारच्या सारण जिल्ह्यातील सिताब दियारा येथे भारतरत्न लोकनायक जयप्रकाश नारायण (जेपी) यांच्या जयंतीनिमित्त आदरांजली अर्पण केली.
उपराष्ट्रपतींनी लोकनायक जयप्रकाश नारायण यांच्या 123व्या जयंतीनिमित्त बिहारचा एकदिवसीय दौरा करून त्यांना अभिवादन केले.
उपराष्ट्रपतींनी सिताब दियारा येथील लोकनायक जयप्रकाश नारायण यांच्या वडिलोपार्जित निवासस्थानाला भेट दिली व लोकनायक जयप्रकाश नारायण राष्ट्रीय स्मारकावर पुष्पांजली अर्पण केली.
समारंभाला संबोधित करताना उपराष्ट्रपती म्हणाले की, लोकनायक जयप्रकाश नारायण यांची 123वी जयंती ही फक्त एका महान नेत्याला श्रद्धांजली वाहण्याची संधी नाही, तर “राष्ट्र हे स्वतःपेक्षा श्रेष्ठ, मूल्ये ही सत्तेपेक्षा श्रेष्ठ आणि जनता ही राजकारणापेक्षा श्रेष्ठ” या आदर्शांचा उत्सव साजरा करण्याचा क्षण आहे.
ते पुढे म्हणाले की, लोकनायक जयप्रकाश नारायण किंवा जेपी, हे केवळ स्वातंत्र्यसैनिक नव्हते, तर भारतीय लोकशाहीचा आत्मा जपणारे होते.
उपराष्ट्रपतींनी नमूद केले की, लोकनायकांचा ‘संपूर्ण क्रांती’चा संदेश हा शस्त्रक्रांतीचा नव्हता, तर विचारक्रांतीचा होता, ज्यामध्ये स्वच्छ प्रशासन, सशक्त गरीबवर्ग आणि भारताचे भविष्य घडविण्यात सक्रिय तरुण सहभाग यांची कल्पना होती.
शेवटी उपराष्ट्रपतींनी अधोरेखित केले की, विकसित भारत - 2047 च्या दिशेने भारत वाटचाल करत असताना, सशक्त आणि सर्वसमावेशक राष्ट्र उभारणीसाठी लोकनायक जयप्रकाश नारायण यांचे आदर्श आणि मूल्ये आत्मसात करणे आवश्यक आहे.
* * *
निलिमा चितळे/गजेंद्र देवडा/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2177891)
Visitor Counter : 6