ইকাই খুম্নরবা প্রধান মন্ত্রী শ্রী নরেন্দ্র মোদীগী কৌবদগী য়ুনাইতেদ কিংদমগী ইকাই খুম্নরবা প্রধান মন্ত্রী, রাইৎ ওনরেবল সর কেয়র স্তার্মর এম.পি.না ওক্তোবর 08-09, 2025দা ভারতকী ওফিসিএল খোঙচৎ অমদা লাকখি। বিজিনেস অমসুং ত্রেদকী রাজ্য সেক্রেতরী অমসুং বোর্দ ওফ ত্রেদকী প্রসিদেন্ত রাইৎ ওনরেবল পিতর কাইল এম.পি., স্কোৎলেন্দগী সেক্রেতরী ওফ স্তেৎ রাইৎ ওনরেবল দৌগ্লাস এলেকজেন্দর এম.পি., ইনভেস্তমেন্তগী মন্ত্রী, শ্রী জেসন স্তোকৱুদ, অমসুং CEO 125, ওন্তপ্রিন্যুওরশিং, য়ুনিভর্সিতীগী ভাইস চাঞ্চেল্লরশিং অমসুং কলচরেল লিদরশিং য়াওবা অৱাংবা থাক্কী দেলিগেসন অমগা প্রধান মন্ত্রী স্তার্মরগা লোয়ননরকখি।

মসি প্রধান মন্ত্রী স্তার্মরগী ভারতকী অহানবা ওফিসিএল খোঙচৎনি। খোঙচৎ অসি 2025গী জুলাই 23-24দা ভারতকী প্রধান মন্ত্রীনা য়ুনাইতেদ কিংদমদা চৎখিবা অদুগী মতুংদা লাকপনি। মসিগী মনুংদা নাকল অনিমক্না পুৱারী ওইরবা ভারত-UK কম্প্রিহেন্সিব ইকোনোমিক অমসুং ত্রেদ এগ্রীমেন্ত (CETA) দা খুৎয়েক পীনখি অমসুং ইন্দিয়া-UK ভিজন 2035 অমসুং দিফেন্স ইন্দস্ত্রীএল রোদমেপ অমা এদোপ্ত তৌখি।

প্রধান মন্ত্রী মোদী অমসুং প্রধান মন্ত্রী স্তার্মরনা ওক্তোবর 9, 2025দা মুম্বাইদা গ্লোবেল ফিনতেক ফেস্ততা মরুওইবা ৱারোল পীখি। লুচিংবা অনিনা ওক্তোবর 9, 2025দা মুম্বাইদা মীহুৎ কাংবুগী থাক্তা ৱারী শানখি। মখোয়না ভারত-UKগী কমপ্রিহেন্সিব স্ত্রেতেজিক পার্তনরশিপকী অপৱার্দ ত্রেজেক্তরী অসিদা অপেনবা ফোংদোকখি অমসুং মালেমগী শান্তি, তংদু লৈতাবা অমসুং কাঙলোনশিংদা য়ুম্ফম ওইবা মালেমগী ওইবা কাংলোন অমগীদমক পুন্না হোৎনমিন্নবা অদু অমুক হন্না ফোংদোকখি। মখোয়না ম্যুচেল ইন্তরেস্তকী গ্লোবেল অমসুং রিজনেল ইসুশিংসু খন্নখি।

গ্রোথ
ভারত-UK সম্মিৎকী নাকলদা মুম্বাইদা CEO ফোরমগী মীফম পাংথোকপবু প্রধান মন্ত্রী অনিনা তরাম্না ওকখি। লুচিংবা অনিমক্না ভারত-UK কম্প্রিহেন্সিব ইকোনোমিক অমসুং ত্রেদ এগ্রীমেন্ত (CETA) অথুবা মতমদা রেতিফিকেসন তৌনবা অমসুং মসিগী কান্নবশিং ফংনবা হোৎনখি।

প্রধান মন্ত্রীশিংনা জোইন্ত ইকোনোমিক এন্দ ত্রেদ কমিতী (JETCO) অমুক হন্না লিংখৎপবু তরাম্না ওকখি। মসিনা CETAগী গভর্নান্স অমসুং য়ুতিলাইজেসনদা মতেং পাংগনি অমসুং ঐখোয়গী পাক চাউরবা ললোন-ইতিক অমসুং ইনভেস্তমেন্ত পার্তনরশিপবু মাংলোমদা পুখৎকনি।

য়ুনাইতেদ কিংদমগী প্রধান মন্ত্রীগা লোয়ননা লাকখিবা মশিং য়াম্লবা বিজিনেস দেলিগেসন অসিনা লৈবাক অনিমক্তা কন্সত্রক্সন, ইনফ্রাস্ত্রকচর অমসুং ক্লিন ইনর্জী, এদভান্স মেন্যুফেকচরিং, দিফেন্স, এজুকেসন, স্পোর্ত, কলচর, ফাইনান্সিএল অমসুং প্রোফেস্নেল বিজিনেস সর্ভিসেস, সাইন্স, তেক্নোলোজী অমসুং ইন্নোবেসন, কঞ্জ্যুমর গুদস অমসুং ফুদকী ফোকস সেক্তরশিংদা ইনভেস্তমেন্তকী খুদোংচাবশিং উৎখি। নীতি আয়োগ অমসুং সিতি ওফ লন্দন কোর্পোরেসনগী মরক্তা লৈরিবা UK ইন্দিয়া ইনফ্রাস্ত্রকচর ফাইনান্সিং ব্রিজ (UKIIFB) অসি সস্তেনেবল গ্রোথকীদমক ঐখোয়গী অপুনবা এম্বিসনগী খুদম অমনি।

প্রধান মন্ত্রী অনিমক্না এভিএসন সেক্তরদা কনেক্তিবিতী ফগৎহন্নবা অমসুং কোওপরেসন হেনগৎহন্নবা মখোয়গী অচেৎপা ফিরেপ অদু অমুক হন্না ফোংদোকখি। মখোয়না নাকল অনিমক্না এভিএসনগা মরী লৈনবা অতোপ্পা ৱাফমশিংগা লোয়ননা ভারত-UKএয়র সর্ভিসেস এগ্রীমেন্ত নৌনা শেমগৎনবা খন্ন-নৈনরিবা অসিদা নুংঙাইবা ফোংদোকখি। মসিনা লৈবাক অনিমক্তা এয়রোস্পেস সেক্তরদা হেন্না নকশিন্ননা থবক তৌমিন্নবগী খুদোংচাবা অমা পীরি।

তেক্নোলোজী অমসুং ইন্নোভেসন

ভারত অমসুং য়ুনাইতেদ কিংদমগী প্রধান মন্ত্রীশিংনা ইনক্লুসিব ইকোনোমিক গ্রোথ, নেস্নেল সেক্যুরিতী মপাঙ্গল কনখৎহনবা অমসুং গ্লোবেল ইন্নোবেসনগী তুংলমচৎ শেমগৎনবা ফ্রন্তিয়র তেক্নোলোজীশিং শীজিন্ননবা মখোয়না শরুক য়ামিন্নবগী ফিরেপ অদু অমুক হন্না ফোংদোকখি। লেন্দমার্ক ওইবা তেক্নোলোজী সেক্যুরিতী ইনিসিএতিব (TSI) দা য়ুম্ফম ওইদুনা, লুচিংবা অনিমক্না তেলিকম্ম্যুনিকেসন, ক্রিতিকেল মিনরেলস, AI অমসুং হেল্থ তেক য়াওনা ক্রিতিকেল অমসুং ইমর্জিং তেক্নোলোজীশিংদা অওনবা পুরকপদা নুংঙাইবা ফোংদোকখি।

TSIগী মখাদা লুচিংবশিংনা পীরিবশিং অসি এস্তব্লিশ তৌবদা নুংঙাইবা ফোংদোকখি:

• ইন্দিয়া-UK কনেক্তিবিতী অমসুং ইন্নোবেসন সেন্তর, জোইন্ত হব অমা 6G, নন-তেরেস্ত্রিএল নেতৱার্কশিং (NTNশিং), অমসুং তেলিকোমগী সাইবর সেক্যুরিতীগীদমক AI নেতিব নেতৱার্ক শেমগৎপদা মীৎয়েং চঙগনি, প্রোজেক্ত অসিগী অহানবা ফেজদা য়ামদ্রবদা লুপা মিলিয়ন 24গী জোইন্ত ফন্দিং পীগনি।

• ভারত-UK জোইন্ত সেন্তর ফোর AIনা হকশেল, ক্লাইমেৎ, ফিনতেক অমসুং ইঞ্জিনীয়রিং বাইওলোজীদা থৌদাং লৌবা অমসুং থাজবা য়াবা AI এদভান্স তৌগনি।

• UK - ইন্দিয়া ক্রিতিকেল মিনরেলস প্রোসেসিং অমসুং দাউন্সত্রীম কোলাবোরেসন গিল্দনা ক্রিতিকেল মিনরেলস সপ্লাই চেনশিং মপাঙ্গল কনখৎহন্নবা অমসুং দাইভর্সাইফাই তৌনবা অমসুং লৈবাক অনিমক্তা ইনভেস্তমেন্ত অমসুং গ্রোথ ফংহন্নবা কংক্রিৎ পার্তনরশিপ শেমগৎকনি। মিনরেল কভরেজ পাকথোক চাউথোকহন্নবা, এদভান্স তেক্নোলোজীশিং মখা তানা পুনশিন্নবা, নাকল অনিগী ওইবা ইনভেস্তমেন্তকী অনৌবা খুদোংচাবশিং ফংহন্নবা অমসুং IIT-ISM ধনবাদতা অনৌবা সেতলাইত কেম্পস অমা লিংখৎনবা UK-ইন্দিয়া ক্রিতিকেল মিনরেলস সপ্লাই চেন ওবজর্বেতরীগী ফেজ 2গী থবকসু মখোয়না লাউথোকখি।

সেন্তর ফোর প্রোসেস ইন্নোবেসন (CPI), UK অমসুং ভারতকী বাইওতেক্নোলোজী রিসর্চ এন্দ ইন্নোবেসন কাউন্সিল (BRIC) ইন্সতিত্যুসনশিং, হেনরী রোইস ইন্সতিত্যুসন (HRI) অমসুং ইন্দিয়ন ইন্সতিত্যুসন ওফ সাইন্স (IISc), ওক্সফোর্দ নেনোপোর তেক্নোলোজীজ (ONT) অমসুং BRIC- সেন্তর ফোর NDA ফিঙ্গরপ্রিন্তিং এন্দ দাইগনোস্তিক (BRIC-CDFD)ন বাইওমেন্যুফেকচরিং, 3D প্রিন্তিং অমসুং জেনোমিক্সতা অওনবা পুরক্কদবা ফলশিং ফংহনগনি।

দিফেন্স অমসুং সেক্যুরিতী

লুচিংবশিংনা জোইন্ত এক্সরসাইজ, ত্রেনিং অমসুং কেপাসিতী বিল্দিংগী থোংদা ভারত অমসুং UKগী আর্মদ ফোর্সেসকী মরক্তা বাইলেতরেল একচেঞ্জ পাকথোক চাউথোকহন্নবা য়ানখি। প্রধান মন্ত্রী মোদীনা UKগী কেরিয়র স্ত্রাইক গ্রুপকী পোর্ত কোল অমসুং রোয়ল নেভীগী ইন্দিয়ন নেভীগা লোয়ননা কোঙ্কন এক্সরসাইজ তৌবদা নুংঙাইবা ফোংদোকখি। ইন্দো-পেসিফিক ওসিন ইনিসিএতিব (IPOI) গী মখাদা রিজনেল মেরিতাইম সেক্যুরিতী সেন্তর ওফ এক্সিলেন্স (RMSCE) লিংখৎপা য়াওনা ইন্দো-পেসিফিকতা মপাঙ্গল কনখৎপা মেরিতাইম সেক্যুরিতী কোলাবোরেসন তৌনবা নাকল অনিমক্না ৱাশক লৌখি।

ত্রেনিংদা মতেং পীনবগী মতাংদা, লুচিংবা অনিনা ভারতকী এয়র ফোর্সকী ক্বালিফাইদ ফ্লাইয়িং ইন্সত্রক্তরশিংবু UKগী রোয়ল এয়র ফোর্স ত্রেনিংদা পুনশিনবা অমসুং ঐখোয়গী অচেৎপা ত্রেনিং অমসুং এজুকেসনগী মরীদা মতেং পাংগদবা এগ্রীমেন্ত অমগী মতাংদা খন্ন-নৈনবগী খোংজেলদা নুংঙাইবা ফোংদোকখি।

প্রধান মন্ত্রী অনিমক্না ইন্দিয়ন নেভেল প্লেতফোর্মশিংগীদমক মেরিতাইম ইলেক্ত্রিক প্রোপলসন সিস্তেম শেমগৎপদা মতেং পীননবা ইন্দিয়া-UK ইন্তর-গবর্নমেন্তেল এগ্রীমেন্ত (IGA) অমা ফাইনেল তৌনবা হোৎনবদা নুংঙাইবা ফোংদোকখি।

লুচিংবা অনিমক্না লাইতৱেৎ মল্তিরোল মিসাইল (LMM) সিস্তেমশিংগী অহানবা সপ্লাইগী মতাংদা গবর্নমেন্ত তু গবর্নমেন্ত রুতকী খুত্থাংদা চৎথনবা য়ানখিবা অদুসু লাউথোকখি। মসিনা ভারতকী এয়র দিফেন্স কেপাবিলিতীদা মখা তানা মতেং পাংগনি অমসুং, আত্মনির্ভর ভারতকী ৱাখল্লোন্দা, ভারতকী দিফেন্স মিনিস্ত্রীগী হৌজিক্কী অমসুং তুংগী মথৌ তাবশিং ফংহল্লগনি, অমসুং লৈবাক অনিগী মরক্তা কমপ্লেক্স ওইবা খুৎলায়শিংদা মতম শাংনা তেংবাং পীনগনি।

প্রধান মন্ত্রী অনিমক্না তেরোরিজম অমসুং হিংসাগী ওইবা এক্সত্রিমিজমগী মওং মতৌ পুম্নমক্তা অকনবা মওংদা নিন্দা তৌখি। মখোয়না তেরোরিজমদা জিরো তোলরেন্স লৈহন্নবা অমসুং UN চার্তর অমসুং ইন্তরনেস্নেল লোগী মতুং ইন্না তেরোরিজমবু মপুং ফানা অমসুং লেপ্পা নাইদনা লান্থেংননবা পুন্না হোৎননবা হায়খি। মখোয়না রেদিকেলাইজেসন অমসুং হিংসাগী ওইবা এক্সত্রিমিজম থেংননবা; তেরোরিজমদা শেল থাদবা অমসুং তেরোরিস্তশিংগী ঙমখৈ লান্না চৎপা থিংনবা; তেরোরিস্তকী পান্দমদা অনৌবা অমসুং থোরক্লিবা তেক্নোলোজীশিং শীজিন্নবা থিংনবা; তেরোরিস্ত রিক্রুত তৌবদা থেংননবা; ইনফোর্মেসন শেয়র তৌবা, জুদিসিএল কোওপরেসন, কেপাসিতী বিল্দিংদা মতেং পীনবা হেনগৎনবা; অমসুং UN অমসুং FATF য়াওনা হিরমশিং অসিদা বাইলেতরেল অমসুং মল্তিলেতরেল কোওপরেসন মপাঙ্গল কনখৎনবা য়ানখি। মখোয়না জম্মু অমসুং কাশ্মীরগী পহলগামদা এপ্রিল 2025দা থোকখিবা তেরোরিস্ত এতেক্ত অদু অকনবা মওংদা য়ানিংদবা ফোঙদোকখি। মালেমগী ওইনা অথিংবা থম্লিবা তেরোরিস্তশিং, তেরোরিস্ত এন্তিতীশিং অমসুং মখোয়গী স্পোন্সরশিংগী মায়োক্তা ৱারেপ লৌবা অমসুং অপুনবা থবকশিং লৌখৎনবা মখোয়না তেংবাং পীনবা মপাঙ্গল কনখৎনবা অচেৎপা ৱাফম থমখি।

ক্লাইমেৎ অমসুং ইনর্জী

লুচিংবশিংনা নেৎ-জিরোগী পান্দমশিং ফংনবগীদমক পুন্না থবক তৌমিন্নবগী মরুওইবা অদু অমুক হন্না ফোংদোকখি। প্রধান মন্ত্রীশিংনা ভারত-UK ক্লাইমেৎ ফাইনান্স ইনিসিয়েতিববু তরাম্না ওকখি। মসিনা ক্লাইমেৎ ফাইনান্স পাকথোক চাউথোকহন্নবা, গ্রীন গ্রোথ অমসুং লৈবাক অনিমক্তা অনৌবা ফাইনান্সিংগী খুদোংচাবশিং ফংহন্নবা হোৎনগনি। মখোয়না ক্লাইমেৎ তেক স্তার্ত-অপ ফন্দদা অনৌবা পুন্না শেন থাদনবগী ৱাফমসু লাউথোকখি। UK সরকার অমসুং স্তেৎ বেঙ্ক ওফ ইন্দিয়াগী মরক্তা MoUগী মখাদা স্ত্রেতেজিক ইনিসিয়েতিব অসিনা ক্লাইমেৎ তেক্নোলোজী অমসুং AIগুম্বা ফ্রন্তিয়র সেক্তরশিংদা থবক তৌরিবা ইন্নোবেতিব ওন্তপ্রিন্যুওরশিংদা মতেং পীনবা হেনগৎহনগনি।

লুচিংবশিংনা ওফশোর ৱিন্দ তাস্কফোর্স লিংখৎপদা নুংঙাইবা ফোংদোকখি। মখোয়না গ্লোবেল ক্লিন পৱার এলাইন্স (GCPA) গী খুত্থাংদা পুন্না থবক তৌমিন্নবগী ওইথোকপা য়াবশিং থিজিনবগী মখোয়গী অপাম্বা অদু অমুক হন্না ফোংদোকখি।

এজুকেসন, কলচর অমসুং পিপল-তু-পিপল

লুচিংবা অনিনা লৈবাক অনিগী মরক্তা তুংগী মরী শেমগৎপদা নহারোল, কলচরেল অমসুং এজুকেস্নেল একচেঞ্জগী মরুওইবা অদু পনখি। অহানবা চহিগী ওইবা মিনিস্তরেল স্ত্রেতেজিক এজুকেসন দাইলোগ অমসুং 2025গী মেদা কলচরগী মন্ত্রী অনিমক্না খুৎয়েক পীনখিবা কলচরেল কোওপরেসন প্রোগ্রামগী থবক পায়খৎনবা মখোয়না অচেৎপা ৱাফম থমখি।

এজুকেসন অসি লৈবাক অনিগী মরক্তা তেংবাং পীনবগী মরুওইবা লম অমনি হায়না য়ানদুনা নাকল অনিমক্না UKগী মকোক থোংবা য়ুনিভর্সিতী নিপানগী কেম্পসশিং ভারত্তা হাংদোকপদা খুমাং চাউশিল্লকপদা নুংঙাইবা ফোংদোকখি। সাউথহেম্প্তন য়ুনিভর্সিতীনা ভারতকী মহৈরোইশিংবু গুরুগ্রামগী কেম্পসতা তরাম্না ওকখ্রে। য়ুনিভর্সিতী গ্রান্ত কম্মিসন্না ভারত্তা লিভরপুল য়ুনিভর্সিতী, য়ুনিভর্সিতী ওফ য়োর্ক, য়ুনিভর্সিতী ওফ এবরদীন অমসুং য়ুনিভর্সিতী ওফ ব্রিস্তোলগী ব্রাঞ্চ কেম্পসশিং লিংখৎনবগীদমক লেতর ওফ ইন্তেন্ত (LOI) খুৎশিন্নখি। মসিগী মথক্তা, ক্বিন্স য়ুনিভর্সিতী ওফ বেলফাস্ত অমসুং কোভেন্ত্রী য়ুনিভর্সিতীনা GIFT সিতীদা মখোয়গী ব্রাঞ্চ কেম্পস হাংবগী অয়াবা পীখ্রে। খোঙচৎ মনুংদা, ভারতকী ওথোরিতীশিংনা বেঙ্গালুরুদা লঙ্কাস্তর য়ুনিভর্সিতীগী কেম্পস হাংদোক্নবগীদমক LoIসু খুৎশিন্নখি অমসুং GIFT সিতিদা সুরে য়ুনিভর্সিতীগী কেম্পস হাংদোক্নবগীদমক ইন-প্রিন্সিপল অয়াবা পীখি।

প্রধান মন্ত্রীশিংনা মাইগ্রেসন অমসুং মোবিলিতী পার্তনরশিপ (MMP) মখা তানা ইমপ্লিমেন্ত তৌনবা মখোয়গী ফিরেপ ফোংদোকখি। মাইগ্রেসন লাকশিন্নবা পুন্না থবক তৌমিন্নবদা খুমাং চাউশিল্লকপা অদু পল্লদুনা নাকল অনিমক্না হীরম অসিদা মখা তানা থবক তৌমিন্নবগী মখোয়গী ফিরেপ অদু অমুক হন্না ফোংদোক্নখি।

লুচিংবা অনিমক্না য়ুনাইতেদ কিংদমদা লৈরিবা ভারত মচাশিংবু লৈবাক অনিগী মরক্তা লৈরিবা থোং অমা ওইনা শকখঙখি অমসুং নাকল অনিগী ওইবা শেন্মিৎলোন, চৎনবী অমসুং খুন্নাইগী মরীশিং মপাঙ্গল কনখৎহন্নবা মখোয়গী থৌদাংবু থাগৎপা ফোংদোকখি। লুচিংবশিংনা কলচর, ক্রিএতিব ইন্দস্ত্রীজ, আর্তস, তুরিজম অমসুং স্পোর্তসকী লমশিংদা লৈবাক অনিমক্কী হৈশিংবশিং পুনশিন্নবা UK-ইন্দিয়া প্রোগ্রাম ওফ কলচরেল কোওপরেসনগী ওইথোকপা য়াবশিং অদু খঙখি।

রিজেনেল অমসুং মলতিলেরেল কোওপরেসন

প্রধান মন্ত্রীশিংনা মালেমগী শান্তি, চাউখৎপা অমসুং কাঙলোনশিংদা য়ুম্ফম ওইবা মালেমগী ওইবা কাংলোন অমগীদমক মখোয়না শরুক য়ামিন্নবগী ফিরেপ অদু অমুক হন্না ফোংদোকখি। মখোয়না য়ুনাইতেদ নেসন্স সেক্যুরিতী কাউন্সিল (UNSC) গী রিফোর্ম য়াওনা রিফোর্ম তৌরবা মল্তিলেতরেলিজম প্রমোৎ তৌবদা নক্না থবক তৌমিন্ননবা য়ানখি। রিফোর্ম তৌরবা UNSCদা পর্মিনেন্ত মেম্বর ওইবগীদমক ভারতকী লেজিতিমেৎ এস্পিরেসনশিংদা UKনা মতম শাংনা শৌগৎপদু অমুক হন্না ফোংদোকখি।

তোঙান তোঙানবা জিওগ্রাফীশিংদা শন্দোরকপা মীওই বিলিয়ন 2.5না কম্মনৱেল্থ অসি শেয়র তৌরিবা অসি মসিগী শক্তিনি হায়না লুচিংবশিংনা খঙখি। মখোয়না কম্মনৱেল্থ ওর্গনাইজেসনগী অনৌবা লুচিংবশিংগা লোয়ননা ক্লাইমেৎ চেঞ্জ, সস্তেনেবল দিবেলপমেন্ত, অমসুং য়ুথ এঙ্গেজমেন্তকী লমশিংদা নক্না থবক তৌমিন্ননবা য়ানখি।

প্রধান মন্ত্রী অনিনা য়ুনাইতেদ নেসন্সকী চার্তর য়াওনা অন্তর্জাতিগী আইনগী মতুং ইন্না য়ুক্রেনদা অচুম্বা অমসুং তুং কোইনা লৈগদবা শান্তি অমা পুরকপদা মতেং পাংগনি হায়না ফোঙদোকখি। মখোয়না মসি ফংনবগীদমক তোঙান তোঙানবা লৈবাকশিংনা হৌজিক চত্থরিবা দিপ্লোমেতিক্কী ওইবা খোঙথাংশিং অদু তরাম্না ওকখি।

মখোয়না মিদল ইস্ততা শান্তি অমসুং তংদু লৈতাবা পুরকপা ঙম্নবগীদমক মখোয়গী ফিরেপ অমুক হন্না ফোংদোকখি। মখোয়না মীচম প্রজাশিংবু ঙাক-শেনবা অমসুং ইন্তর্নেস্নেল লো ঙাক্না চৎনবা অমসুং ফিভম অসিবু হেন্না শোকহনবা অমসুং রিজনেল তংদু লৈতাবা পুরক্লোইদবা থবকশিং তৌদনবা হায়খি। মখোয়না গাজাগীদমক্তা USকী শান্তিগী থৌরাংবু শৌগৎপা অমসুং রিজনেল পার্তনরশিংগা লোয়ননা খুদক্তা অমসুং তুং কোইনা সিজফায়র তৌনবা, হোস্তেজশিং থাদোক্নবা অমসুং হ্যুমেনিতরিয়ানগী মতেং পীনবগীদমক থবক তৌমিন্নবগী মখোয়গী অচেৎপা ফিরেপ অদু ফোংদোকখি। অমসুং মখোয়না লৈবাক অনিগী সোলুসনগী মায়কৈদা খোঙথাং অমা ওইনা মতম শাংনা অমসুং অচুম্বা শান্তি অমা পুরক্নবগী মখোয়গী শরুক য়ামিন্নবগী অচেৎপা ফিরেপ অদু ফোংদোকখি।

প্রধান মন্ত্রী স্তার্মরনা প্রধান মন্ত্রী মোদীবু মহাক অমসুং মহাক্কী মীহুৎ কাংবুগী মেম্বরশিংদা উৎখিবা মীয়োক মীচান ফবা মতৌ অদুগীদমক থাগৎপা ফোংদোকখি। ভারত-UKগী কম্প্রিহেন্সিব স্ত্রেতেজিক পার্তনরশিপকী মপাঙ্গল কনখৎপা অমসুং অফবা মওংদা খুমাং চাউশিল্লকপা অদু খোঙচৎ অসিনা অমুক হন্না ফোংদোকখি। মসি লৈবাক অনিগী মরক্তা লৈরিবা মরুপ-মপাংশিংগী মরক্তা লৈনরিবা অচেৎপা অমসুং মতম শাংলবা মরী অমসুং মান্নবা দেমোক্রেসী ভেল্যুশিংদা য়ুম্ফম ওইরি।

***