প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা উত্তর প্রদেশকী কানপুরদা লুপা কোতি ৪৭,৬০০ রোমগী প্রোজেক্ত কয়া শঙ্গাখ্রে, উরেপ উয়ুং তমখ্রে
ওপরেসন সিন্দুরদা মালেমনা ভারতকী লমদমসিগী ওইবা খুৎলাইশিং অমসুং মেক ইন ইন্দিয়াগী শক্তি অদু উবা ফংলে: পি.এম.
অচৌবা মেত্রো শহরশিংদা লৈরিবা ইনফ্রাস্ত্রকচর, ফেসিলিতীশিং, রিসোর্সশিং অসি হৌজিক কানপুরদসু উবা ফংলে: পি.এম.
ঐখোয়না য়ু.পি.বু ইন্দস্ত্রীগী মতাংদা মতিক লৈবা রাজ্য অমা ওইহল্লসি: পি.এম.
Posted On:
30 MAY 2025 4:37PM by PIB Imphal
প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী কানপুরদা চাউরাক্না লুপা কোতি ৪৭,৬০০গী প্রোজেক্ত কয়াগী উরেপ উয়ুং তমখ্রে অমসুং শঙ্গাখ্রে। মীয়াম তিনখিবা অদুদা ৱা ঙাংলদুনা মহাক্না হায়খি মদুদি ২০২৫গী এপ্রিল ২৪দা কানপুরদা চৎকদৌরিবা মহাক্কী খোঙচৎ অসি পহালগামদা তেরোরিস্ত এতেক্ত তৌখিবনা মরম ওইদুনা কেন্সেল তৌখ্রে। মহাক্না থৌদোক অসিদা থৱাই লৌবীখ্রবা কানপুরগী মচানুপা শ্রী শুভম দ্বিবেদীবু ইকায় খুম্নবা উৎখি। প্রধান মন্ত্রীনা হায়খি মদুদি মহাক্না লৈবাক শিনবা থুংনা লৈরিবা ইচিল-ইনাও অমসুং ইচিন-ইনাওশিংগী অৱাবা, অৱা-অনা, নুংঙাইতবা অমসুং অপুনবা অৱা-অনাশিং অদু থোইদোক্না ফাওরি। ওপরেসন সিন্দুর পাঙথোকপদা মালেম শীনবা থুংনা ঐখোয়গী অশাওবা অসি উবা ফংখি হায়না মহাক্না ফোংদোকখি। মহাক্না ওপরেসন সিন্দুর মায় পাক্না পাংথোকখিবা অদু পনখি, মদুদা পাকিস্থানদা লৈবা তেরোরিস্তশিংগী মফমশিং থুগাইখি অমসুং পাকিস্থানগী লান্মীনা ঐখোয়গী লান্দা অদু লোইশিন্নবা হায়জখি। প্রধান মন্ত্রীনা আর্মদ ফোর্সেসকী থৌনাগীদমক থাগৎপা ফোংদোকখি। মহাক্না হায়খি মদুদি মহাক্না নীংতম লানগী লমদম অসিদগী মখোয়গী থৌনা অদুদা ইকায় খুম্নবা উৎলি। ওপরেসন সিন্দুরগী মনুংদা ঙাকপীনবা হায়জরকখিবা য়েক্নবশিংনা ওপরেসন সিন্দুর অসি লোইশিনখ্রে হায়না কৈদৌনুংদা খল্লোইদবনি হায়না মহাক্না হায়খি। প্রধান মন্ত্রীনা তেরোরিজমগা লান্থেংনবদা ভারতকী ময়েক শেংবা ৱাখল্লোন অহুম পনখি। অহানবদা, ভারতনা তেরোরিস্ত এটেক খুদিংমক্তা অচেৎপা পাউখুম পীগনি। মসিগী পাউখুম পীনবগী মতম, পাম্বৈ অমসুং কন্দিসনশিং অসি ভারতকী লান্মীশিংনা খক্তনা লেপ্পি। অনিশুবদা, ভারতনা ন্যুক্লিয়র শিজিন্নগনি হায়না কিহল্লকপা মতমদা করিশু নাচুংলোই, অদুগা অসিগুম্বা কিহল্লকপশিংদা য়ুম্ফম ওইদুনা ৱারেপ লৌরোই। অহুমশুবদা, ভারতনা তেরোরিজমগী মাস্তরমাইন্দশিং অমসুং মখোয়বু ঙাকথোক্লিবা সরকারশিংবু চপ মান্ননা মাইয়োক্নগনি। পাকিস্থানগী স্তেত অমসুং নন-স্তেত এক্তরশিংগী মরক্তা লৈরিবা খেন্নবা অসি মখা তানা লৌশিনবা ঙম্লোই। প্রধান মন্ত্রীনা হায়খি মদুদি য়েক্নবা খুদিংমক লেম্না খক থারোই।
শ্রী মোদীনা হায়খি, "ওপরেসন সিন্দুরনা মালেমদা ভারতকী লমদমসিগী ঙাকশেলগী তৌবা ঙম্বশিং অমসুং মেক ইন ইন্দিয়াগী মপাঙ্গল উৎখি।" মহাক্না মখা তাখি, "ব্রহ্মোস মিসাইল য়াওনা ভারতকী লমদমসিগী ওইবা খুৎলাইশিংনা অশেংবা মওংদা মীৎয়েং চঙখি, মসিনা য়েক্নবশিংগী লমদমগী অরাপ্পা মফমশিংদা মাং-তাকহনখি।" মহাক্না হায়খি, মসিগী তৌবা ঙম্বা অসি আত্মানির্ভর ভারতকীদমক ভারতনা লৌরিবা অচেৎপা ফিরেপ অদুগী মহৈনি। শ্রী মোদীনা হায়খি মদুদি মতম অমদা ভারতনা মশাগী লান্মী অমসুং ঙাকশেলগী মথৌ তাবশিংগীদমক মপান লৈবাক্কী লৈবাকশিংদা মখা পোল্লি। অদুম ওইনমক, লৈবাক অসিনা ঙাকশেলগী পোত্থোক পুথোকপদা মশা-মরোমদোম লেপচবা ঙম্নবা হোৎনদুনা ফিভমশিং অদু হোংদোকপা হৌরে। ঙাকশেলগী লমদা মশা-মরোমদোম লেপচবা অসি শেন্মিৎলোনগীদমক্তা মরু ওইবতা নত্তনা লৈবাক্কী ইকাই খুম্নবা অমসুং নিং-খা তম্বগীদমক্তসু মরু ওই হায়না মহাক্না ফোংদোকখি। ভারতপু অসিগুম্লবা দিপেন্দেন্সী অসিদগী লৌথোক্নবা সরকারনা আত্মনির্ভর ভারত ইনিসিয়েতিব হৌদোক্লে হায়না অমুক হন্না ফোংদোক্লদুনা, শ্রী মোদীনা দিফেন্সতা মশা-মরোমদোম লেপচবা ঙম্নবা উত্তর প্রদেশকী অচৌবা থৌদাং অসিদা চাউথোকচবা ফোংদোকখি। মহাক্না হায়খি মদুদি, কানপুরগী পুৱারী ওইরবা ওর্দানন্স ফেক্তরীগুম্না, ওর্দানন্স ফেক্তরী তরেৎপু এদভান্স দিফেন্স প্রদক্সন য়ুনিৎশিংদা ওন্থোকখ্রে। মহাক্না উত্তর প্রদেশতা মরু ওইবা দিফেন্স কোরিদোর অমা লিংখৎপগী মতাংদসু পনখি। কানপুর নোদ অসি দিফেন্স সেক্তরদা আত্মানির্ভর ভারতকী মরুওইবা সেন্তর অমা ওইরক্লি।
মতম অমদা ত্রেদিস্নেল ইন্দস্ত্রীশিং মফম হোংদোক্লম্মি অদুগা হৌজিক্তি দিফেন্স সেক্তরগী মরুওইবা কম্পেনীশিংনা মখোয়গী মফম হোংদোক্লে হায়না পল্লদুনা প্রধান মন্ত্রীনা হায়খি মদুদি অমেথীদা এ.কে.-২০৩ রাইফলশিং পুথোকপা হৌখ্রে। মহাক্না অকনবা ৱাফম থমখি মদুদি ওপরেসন সিন্দুরদা মরুওইবা থৌদাং লৌখিবা ব্রহ্মোস মিসাইল অসি হৌজিক উত্তর প্রদেশতা অনৌবা য়ুম অমা লৈরে। মসিনা রাজ্য অসিনা দিফেন্স প্রদক্সনদা হেন্না মরুওইবা মফম অমা লৈরে হায়বা তাক্লি। প্রধান মন্ত্রীনা হায়খি মদুদি তুংলমচৎতা কানপুর অমসুং উত্তর প্রদেশনা ভারতপু মরুওইবা দিফেন্স এক্সপোর্তর অমা ওইহন্নবা লমজিংগনি। মহাক্না মখা তারদুনা হায়খি মদুদি অনৌবা ফেক্টরীশিং লিংখৎকনি, শেল থাদবা কয়া অমা লাক্কনি অমসুং মফম অসিগী নহা লিশিং কয়াদা থবক ফংহনবগী অফবা খুদোংচাবা ফংলগনি।
উত্তর প্রদেশ অমসুং কানপুরবু চাউখৎপগী অনৌবা অৱাংবা থাক্তা পুখৎপা অসি কেন্দ্র অমসুং রাজ্য সরকারশিংগী খ্বাইদগী মরুওইবা থবক অমনি হায়না পল্লদুনা, শ্রী মোদীনা হায়খি মদুদি খুমাং চাউশিনহনবা অমসুং কানপুরগী পুৱারী ওইরিবা মগুন অদু অমুক হন্না ফগৎহন্দুনা মসিগী খুমাং চাউশিনবা অসি ফংলগনি। মমাংগী সরকারশিংনা মোদর্ন ইন্দস্ত্রীশিংগী মথৌ তাবশিংবু কান্নবা পীখিদে, মসিনা মরম ওইদুনা কানপুরদা ইন্দস্ত্রীগী মতিং হন্থরকখি হায়না মহাক্না ফোংদোকখি। মহাক্না ফেমিলী-দাইরেক্ত সরকারশিংনা পুক্নিং চিংশিনখিদে, মসিনা মরম ওইদুনা কানপুর খক্তমক নত্তনা উত্তর প্রদেশ পুম্নমক চাউখৎপগী লমদা মাংলোমদা চংশিল্লি।
প্রধান মন্ত্রীনা হায়খি মদুদি রাজ্য অসিগী ইন্দস্ত্রীএল প্রোগ্রেসকী মরুওইবা য়ুম্বী অনিদি ইনর্জী সেক্তরদা মশা-মরোমদোম লেপচবা ঙম্বা ওইহনবা, লেপ্পা লৈতনা পাৱর সপ্লাই লৈহনবা অমসুং ইনফ্রাস্ত্রকচর অমসুং কনেক্তিবিতী মপাঙ্গল কনখৎহনবা অসিনি। মহাক্না মেগাৱাৎ ৬৬০গী পান্কি পাৱর প্লান্ত, মেগাৱাৎ ৬৬০গী ন্যৱেলি পাৱর প্লান্ত, মেগাৱাৎ ১৩২০গী জৱাহরপুর পাৱর প্লান্ত, মেগাৱাৎ ৬৬০গী ওব্রা-সি পাৱর প্লান্ত, অমসুং মেগাৱাৎ ৬৬০গী খুর্জা পাৱর প্লান্ত য়াওনা মরুওইবা পাৱর প্লান্ত কয়া শঙ্গাখ্রে। প্রোজেক্তশিং অসিনা উত্তর প্রদেশকী ইনর্জীগী মথৌ তাবশিং ফংহন্নবা মরুওইবা খোংথাং অমনি হায়না মহাক্না ফোংদোকখি। প্রধান মন্ত্রীনা হায়খি মদুদি হায়রিবা পাৱর প্লান্তশিং অসি মথৌ তৌবা হৌরকপগা লোয়ননা রাজ্য অসিদা ইলেক্ত্রিসিতী ফংহনবগী চাং হেনগৎলগনি। মসিনা ইন্দস্ত্রীএল গ্রোথ হেন্না খুমাং চাউশিলহল্লগনি। মহাক্না হায়খি মদুদি চাউখৎ-থৌরাংগী অচেৎপা ফিরেপ অদু মপাঙ্গল কনখৎহন্দুনা লুপা করোর ৪৭,০০০গী চাউখৎ-থৌরাংগী প্রোজেক্তশিং শঙ্গাখ্রে অমসুং তোঙান-তোঙানবা থৌরাং কয়াগীদমক উরেপ-উয়ুং তমখ্রে। প্রধান মন্ত্রীনা হায়খি মদুদি সেনিয়র সিতিজনশিংদা আয়ুশ্মান ভায় ভন্দনা কার্দশিং য়েন্থোকখ্রে, মসিনা লেম্না হিদাক লায়েংবগী খুদোংচাবা ফংহল্লে, অদুগা অতোপ্পা কান্নবা ফংলবশিংনা তোঙান তোঙানবা য়াইফ-থৌরাংগী স্কিমশিংগী খুত্থাংদা মতেং ফংলি। মহাক্না হায়খি মদুদি খোঙথাংশিং অমসুং চাউখৎ থৌরাংগী প্রোজেক্তশিং অসিনা কানপুর অমসুং উত্তর প্রদেশকী চাউখৎ থৌরাংদা সরকারগী অচেৎপা থৌনা অদু উৎলি।
কেন্দ্র অমসুং রাজ্য সরকার অনিমক্না মোদর্ন অমসুং দিবেলপ তৌরবা উত্তর প্রদেশ অমা শেমগৎনবা থবক পায়খৎলি হায়বা ৱাফম থম্লদুনা শ্রী মোদীনা হায়খি মদুদি মেট্রো শহরশিংগী মরক্তা লৈরম্বা ইনফ্রাস্ত্রকচর, খুদোংচাবশিং অমসুং রিসোর্সশিং হৌজিক কানপুরদা উবা ফংলে। চহি খরগী মমাংদা সরকারনা কানপুরদা অহানবা মেত্রো সর্বিস পীখি অমসুং ঙসিদি কানপুর মেত্রোগী ওরেঞ্জ লাইননা কানপুর সেন্ত্রেল য়ৌরে হায়না মহাক্না নিংশিংখি। মহাক্না হায়খি মদুদি মেত্রো নেৎৱর্ক অসি, মীতরদা হৌখিবা অদুগা হৌজিক্তি মীতরদা পাকথোক চাউথোক্লে, মসিনা সহরগী মরুওইবা মফমশিংবু শম্নহল্লি। শ্রী মোদীনা হায়খি মদুদি কানপুর মেত্রো পাকথোক চাউথোকহনবা অসি মহৌশাগা মান্নবা প্রোজেক্ত অমা নত্তে অদুবু মতৌ করম্না অচেৎপা লুচিংবা, অচেৎপা ৱিল পৱার, অমসুং অচুম্বা ৱাখল্লোনগা লোইননা লৈঙাক অমনা লৈবাক্কী চাউখৎপা পুরকপা ঙম্বগী খুদম অমনি। মী কুংনা তাবা মফমশিং, অখন্নবা লম্বীশিং অমসুং মোদর্ন অর্বান প্লানিং লৈতবনা মরম ওইদুনা কানপুরদা মেত্রো সর্বিসশিং নৎত্রগা মরুওইবা ইনফ্রাস্ত্রকচর ফগৎলকপা অসি করিগুম্বা অমত্তা পায়খৎপা ঙম্লোই হায়না মীয়াম্না হংলকপদা মহাক্না পনখি। শিংনবশিং অসিনা কানপুর অমসুং উত্তর প্রদেশকী অতোপ্পা মরুওইবা শহরশিং অসি চাউখৎপগী লমদা মাংলোমদা চংশিল্লকপদা, ত্রাফিক জামগী ফীভম ফগৎলকপদা অমসুং শহর অসিগী খুমাং চাওশিল্লকপগী খোঙজেল তপথরকপদা মরম ওইখি হায়না মহাক্না ফোংদোকখি। মহাক্না হায়খি ঙসিদি কানপুর অমসুং উত্তর প্রদেশ অসি চাউখৎ-থৌরাংগী অনৌবা থাকশিং শেমগৎলি। প্রধান মন্ত্রীনা কানপুরগী মীয়ামগীদমক মেত্রো সর্বিসকী হকথেংননা কান্নবা পনখি। মরুওইবা কম্মর্সিএল হব অমা ওইনা, মেত্রো অসিনা নবীন মার্কেৎ অমসুং বাদা চৌরাহাদা ত্রেদরশিং অমসুং কস্তমরশিংগীদমক্তা চত্থোক চৎশিন তৌবদা হেন্না লায়থোকহল্লগনি হায়না মহাক্না ফোংদোকখি। আই.আই.তি. কানপুরগী মহৈরোইশিং অমসুং মীয়াম্নসু সেন্ত্রেল রেলৱে স্তেসন য়ৌবদা চঙগদবা মতম কনবা ঙমগনি হায়না মহাক্না অকনবা ৱাফম থমখি। সহর অমগী খোঙজেলনা মসিগী চাউখৎপা অদু লেপ্পী হায়না শ্রী মোদীনা অমুক্কা হন্না ফোংদোকখি। মসিগী হেনগৎলক্লিবা কনেক্তিবিতী অমসুং ত্রান্সপোর্ত ফেসিলিতীশিং অসিনা উত্তর প্রদেশকী চাউখৎপগী অনৌবা, মোদর্ন ইমেজ অমা শেমগৎলি হায়না মহাক্না ফোংদোকখি।
য়ু.পি.গী ইনফ্রাস্ত্রকচর অমসুং কনেক্তিবিতীদা মশক থোকপা খুমাং চাউশিল্লকপগী মতাংদা পল্লদুনা, রাজ্য অসিনা মমাংদা লৈরম্বা পোৎলমশিং অমসুং লম্বীশিংদগী কান্নবা কয়া ফংলে হায়না পল্লদুনা, প্রধান মন্ত্রীনা হায়খি মদুদি য়ু.পি. অসি হৌজিক এক্সপ্রেসৱেজকী পাক চাউরবা নেৎৱার্ককীদমক্তা খঙনরে। মহাক্না ফোংদোকখি মদুদি মতম অমদা মীয়াম্না নুমিদাংৱাইরমগী মতুংদা মপান্দা চৎপদা পুক্নিং চিংশিনখি, অদুবু হৌজিক্তি উত্তর প্রদেশকী হাইৱেশিংদা ত্রিপুরা নুমিৎকী ওইনা চৎপা মীওইশিংনা লেপ্তনা চৎলি। মহাক্না হায়খি মদুদি কানপুরগী মীয়াম্না অহোংবা অসি কনাগুম্বা অমত্তদগী হেন্না খঙই। প্রধান মন্ত্রীনা হায়খি মদুদি অথুবা মতমদা, কানপুর-লখনৌ এক্সপ্রেসৱেনা লখনৌ ফাওবগী খোঙচৎকী মতম অদু মিনিৎ ৪০-৪৫দা হন্থহল্লগনি। মসিগী মথক্তা, লখনৌ অমসুং পুরভাঞ্চল এক্সপ্রেসৱেগী মরক্তা হকথেংননা কন্নেক্তিবিতী লৈহনগনি, অদুগা কানপুর-লখনৌ এক্সপ্রেসৱে অসি গঙ্গা এক্সপ্রেসৱেগা শম্নহল্লগনি। মহাক্না ফারুকহবাদ-অনৱার্গঞ্জ সেক্সনদা সিঙ্গল-লাইন রেলৱে ত্রেক লৈবনা মরম ওইদুনা কানপুরগী মীওইশিংনা মতম শাংনা অৱাবা কয়া মায়োক্নদুনা লাক্লি হায়না য়াখি। মহাক্না পনখি মদুদি রেলৱেগী ক্রোসিং ১৮দা চৎথোক-চৎশিন তৌবদা খুদোংচাদবা মায়োক্নখি অমসুং চৎথোক-চৎশিন তৌবদা খুদোংচাদবা কয়া থেংনখি। প্রধান মন্ত্রীনা লমদম অসিদা এলিভেতেদ রেল কোরিদোর অমা শেমগৎনবা লুপা কোতি ১০০০ থাদনগনি হায়না লাউথোকখি। মসিনা ত্রাফিক ফ্লো হেন্না ফগৎহল্লগনি, স্পীদ হেনগৎহল্লগনি অমসুং পোলুসন হন্থহল্লগনি। খ্বাইদগী মরুওইরিবদি, মসিগী খোংথাং অসিনা কানপুরগী মীয়ামগী মমল য়াম্লবা মতম কনবা ঙমগনি হায়না মহাক্না অকনবা ৱাফম থমখি।
শ্রী মোদীনা কানপুর সেন্ত্রেল রেলৱে স্তেসন অসি মালেমগী থাক্কী ফেসিলিতী অমা ওইহন্নবগীদমক অপগ্রেদ তৌরি হায়না ফোংদোক্লদুনা মদুগী ত্রান্সফোর্মেসন চত্থরি হায়না পনখি। মহাক্না হায়খি মদুদি অথুবা মতমদা, স্তেসন অসি মোদর্ন ফেসিলিতীশিং অমসুং ইনফ্রাস্ত্রকচরগা মরী লৈননা এয়রপোর্ত অমগা মান্নরগনি। সরকারনা অমৃত ভারত রেলৱে স্তেসন ইনিসিয়েতিবকী মখাদা উত্তর প্রদেশতা রেলৱে স্তেসন ১৫০ হেন্না দিবেলপ তৌদুনা কনেক্তিবিতী অমসুং পেসেঞ্জর এক্সপরিয়েন্স হেন্না ফগৎহল্লগনি হায়নসু মহাক্না পনখি। উত্তর প্রদেশ অসি ইন্দিয়াদা ইন্তর্নেস্নেল এয়রপোর্ত খ্বাইদগী য়াম্না লৈবা রাজ্য অমা ওইরে হায়না পল্লদুনা শ্রী মোদীনা হায়খি মদুদি হায়ৱেজ, রেলৱেজ অমসুং এয়রৱেজকী খুমাং চাউশিল্লকপগা লোয়ননা রাজ্য অসিনা সেক্তর খুদিংমক্তা খোঙজেল য়াংনা খুমাং চাউশিল্লি। মহাক্না উত্তর প্রদেশপু ইন্দস্ত্রীএল ওপর্তুনেসিবিলিতীগী হব অমা ওইহন্নবা সরকারগী ফিরেপ অদু অমুক হন্না ফোংদোকখি। মহাক্না চহি অসিগী বজেৎতা মিসন মেনুফেকচরিং হৌদোকখিবগী মতাংদা পনখি। মসিগী পান্দমদি লোকেল ইন্দস্ত্রীশিং অমসুং পোৎথোক পুথোকপা হেনগৎহন্দুনা মেক ইন ইন্দিয়াবু মপাঙ্গল কনখৎহনবনি। শ্রী মোদীনা মখা তারদুনা হায়খি মদুদি কানপুরগুম্বা শহরশিং অসি মসিগী খোংথাং অসিদগী কান্নবা কয়া ফংলগনি। কানপুরগী ইন্দস্ত্রীগী মপাঙ্গল অসি পুৱারীগী ওইনা এম.এস.এম.ই.শিং অমসুং অপীকপা ইন্দস্ত্রীশিংনা লমজিংদুনা লাক্লি হায়না মহাক্না খঙখি। সরকারনা ইন্দস্ত্রীশিং অসিগী অপাম্বশিং ফংহন্নবা, মখোয়গী গ্রোথ অমসুং সস্তেনেবিলিতী লৈহন্নবা থবক পায়খৎলি হায়না মহাক্না অকনবা ৱাফম থমখি।
এম.এস.এম.ই. সেক্তরদা অহোংবা লাক্লিবা অসিগী মতাংদা পল্লদুনা, মমাংদা, অপীকপা ব্যুজিনেসশিং অসি পাকথোক চাউথোকপা য়াহন্দবা মওংদা ৱাহন্থোক পীখি হায়না পল্লদুনা, প্রধান মন্ত্রীনা হায়খি মদুদি সরকারনা ৱাহন্থোকশিং অসি শেমদোক্লে, তর্নওভর হেনগৎহল্লে অমসুং গ্রোথ প্রমোৎ তৌনবা লিমিৎশিং হেঙ্গৎহল্লে। মহাক্না হৌখিবা বজেৎ অসিনা এম.এস.এম.ই.শিংগী স্কোপ মখা তানা পাকথোক চাউথোকহনখ্রে অমসুং মখোয়দা অহেনবা এক্সজেন্সন পীখ্রে হায়না লাউথোকখি। মমাংদা এম.এস.এম.ই.শিংগীদমক ক্রেদিৎ ফংহনবা অসি অচৌবা শিংনবনি হায়না প্রধান মন্ত্রীনা খঙখি। অদুম ওইনমক, মহাক্না হায়খি মদুদি হৌখিবা চহি ১০ অসিদা, সরকারনা ইসু অসিবু কোকহন্নবা ৱারেপ লৌবা য়াবা খোংথাং কয়া অমা লৌখৎখ্রে। মহাক্না পনখি মদুদি মখোয়গী ব্যুজিনেস হৌবা পাম্লিবা নহা ওইরিবা ইন্ত্রপ্রিনরশিংনা মুদ্রা য়োজনাগী খুত্থাংদা হৌজিক্তি শেলগী তেংবাং ফংলি। মসিগী মথক্তা, ক্রেদিৎ গেরেন্তী স্কিমগী খুত্থাংদা অপীকপা অমসুং মেদিয়ম ইন্তর্প্রাইজশিংবু শেল থুমগী মপাঙ্গল কনখৎহল্লি। চহি অসিগী বজেৎতা এম.এস.এম.ই.গী লোন গেরেন্তীশিং অসি লুপা করোর ২০দা হেনগৎহনখ্রে হায়না পল্লদুনা প্রধান মন্ত্রীনা হায়খি মদুদি এম.এস.এম.ই.শিংদা মখোয়গী গ্রোথতা মতেং পাংনবা লুপা লাখ ৫ ফাওবগী লিমিৎ লৈবা ক্রেদিৎ কার্দশিং পীরি। সরকারনা এম.এস.এম.ই.শিং অমসুং অনৌবা ইন্দস্ত্রীশিংগীদমক প্রোসেসশিং অমসুং রেগুলেসনশিং লাইথোকহন্দুনা বিজিনেস-ফ্রেন্দলী এনভাইরনমেন্ত অমা সক্রিয় ওইনা শেমগৎলি হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি কানপুরগী ত্রেদিস্নেল লেদর অমসুং সোসরী ইন্দস্ত্রীশিং অসি দিস্ত্রিক্ত ৱান, ৱান প্রদক্তগুম্বা খোংথাংশিংগী খুত্থাংদা মপাঙ্গল কনখৎহল্লি। মহাক্না হায়খি মদুদি মসিগী থবকশিং অসিনা কানপুরখক্তদা কান্নবা ফংহনবদা নত্তনা উত্তর প্রদেশকী জিলাশিংগী অপুনবা ইন্দস্ত্রীএল দিবেলপমেন্ততা মতেং পাংগনি।
উত্তর প্রদেশনা শেন থাদনবগীদমক্তা থোইদোক হেন্দোকপা অমসুং সেক্যুর ওইবা অকোয়রোন অমা শেম্লে হায়না পল্লদুনা শ্রী মোদীনা হায়খি মদুদি লায়রবশিংগী য়াইফনবা স্কিমশিং অসি ত্রান্সপরেন্সীগা লোইননা পায়খৎলি, মসিনা গ্রাউন্দ লেভেলদা ইফেক্তিব ওইবা থবক পায়খৎপা লৈহল্লগনি। মহাক্না মিদল ক্লাসকী অপাম্বশিং মপুং ফাহন্নবগীদমক সরকারনা অচেৎপা থাজবা থম্লি হায়না অমুক হন্না ফোংদোকখি। চহি অসিগী বজেৎনা লুপা লাখ ১২ ফাওবগী ইনকম মপুং ফানা তেক্স ফ্রী ওইহনখ্রে হায়না মহাক্না লাওথোকখি। মসিনা মিদল ক্লাসকী ইমুং লাখ কয়াদা অনৌবা থাজবা অমসুং শেল-থুমগী শক্তি পীরি। প্রধান মন্ত্রীনা লোইশিনখি। সরকারনা সেবা অমসুং চাউখৎ-থৌরাংগীদমক মহাক্কী অচেৎপা ফিরেপ অদু য়াংনা মাংলোমদা চংশিল্লগনি হায়না মহাক্না অমুক হন্না ফোংদোকখি। লৈবাক অমসুং উত্তর প্রদেশপু অনৌবা অৱাংবা থাক্তা পুখৎনবা হোৎনবদা পাংথোক্কদবা থবক অমত্তা লেপহন্দনা লৈরোই হায়না মহাক্না ফোংদোকখি।
উত্তর প্রদেশকী মুখ্য মন্ত্রী, শ্রী যোগী অদিত্যনাথ, উপ মুখ্য মন্ত্রীশিং শ্রী কেশব প্রসাদ মৌরিয়া অমসুং শ্রী ব্রজেজ পাঠক অমসুং অতৈ মকোক থোংবা মীওইশিংসু থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা লমদম অসিগী ইনফ্রাস্ত্রকচর অমসুং কনেক্তিবিতী হেঙ্গৎহন্নবা পান্দম থম্লিবা দিবেলপমেন্ত প্রোজেক্ত কয়াগী উরেপ উয়ুংসু তমখি অমসুং উরেপ উয়ুংসু তমখি। মহাক্না লুপা কোতি ২,১২০ হেনবগী কানপুর মেত্রো রেল প্রোজেক্তকী চুন্নীগঞ্জ মেত্রো স্তেসনদগী কানপুর সেন্ত্রেল মেত্রো স্তেসন ফাওবগী সেক্সন শঙ্গাখি। মসিদা মরুওইবা শহরগী লানমফমশিং অমসুং কম্মর্সিএল হবশিংবু মেত্রো নেৎৱর্কতা পুন্সিন্নবা অনৌবা মেত্রো স্তেসন মঙাগা লোইননা প্লান তৌরিবা স্তেসন ১৪ য়াওগনি। মসিগী মথক্তা, মহাক্না জি.তি.গী লম্বী পাকথোকহনবা অমসুং মপাঙ্গল কনখৎহন্নবা থবকশিংসু শঙ্গাখি। লম্বীদা চৎপা।
লমদম অসিদা পাৱর পুথোকপগী কেপাসিতী হেনগৎহন্নবা, প্রোজেক্ত কয়া পায়খৎকনি। লমদম অসিগী হেনগৎলক্লিবা ইনর্জীগী মথৌ তাবশিং ফংহন্নবা প্রধান মন্ত্রীনা য়ুমুনা এক্সপ্রেসৱে ইন্দস্ত্রীএল দিবেলপমেন্ত ওথোরিতী (য়ি.ই.আই.দি.এ.), গৌতম বুধ নগরগী সেক্তর ২৮দা কিলোভোল্ত ২২০গী সব-স্তেসন অমগী উরেপ উয়ুং তমখ্রে। মহাক্না গ্রেতর নোইদাদা ইকোতেক-৮ অমসুং ইকোতেক-১০দা লুপা কোতি ৩২০ হেনবগী শেনফম ওইগদবা কে.ভি. সবস্তেসন ১৩২সু শঙ্গাখি।
প্রধান মন্ত্রীনা উত্তর প্রদেশকী ইনর্জী কেপাসিতী হেঙ্গৎহন্নবা কানপুরদা লুপা কোতি ৮৩০০ হেনবগী মমল ওইগদবা মেগাৱাৎ ৬৬০গী পানকী থর্মেল পাৱর এক্সতেন্সন প্রোজেক্ত অমা শঙ্গাখি। মহাক্না লুপা কোতি ৯,৩৩০ হেন্না চংগদবা ঘাতামপুর থর্মেল পাৱর প্রোজেক্তকী মেগাৱাৎ ৬৬০গী য়ুনিত অহুমসু শঙ্গাখি। মসিনা পাৱর সপ্লাইদা চাউনা মতেং পাংগনি।
প্রধান মন্ত্রীনা কানপুরগী কল্যানপুর পঙ্কী মন্দিরদা পঙ্কী রোদতা পঙ্কী পাৱর হাউস রেলৱে ক্রোসিং অমসুং পঙ্কী ধাম ক্রোসিংগী মথক্তা রেল ওভর ব্রিজশিংসু শঙ্গাখি। মসিনা লোকেল পোপুলেসনগী ত্রাফিক চিংনবা হন্থহন্দুনা, কোয়ল অমসুং ওইল ত্রান্সপোর্ত তৌবদা মতেং পাংদুনা পঙ্কি থর্মেল পাৱর এক্সতেন্সন প্রোজেক্তকী লোজিস্তিক্সপু মতেং পাংগনি।
প্রধান মন্ত্রীনা কানপুরগী বিগাবানদা লুপা কোতি ২৯০ হেনবগী শেনফম ওইগদবা এম.এল.দি. মসিনা রিতেক্তেদ সেৱেজ ৱাতর অমুক হন্না শিজিন্নবা য়াহল্লগনি, মসিনা লমদম অসিদা ঈশিং কঞ্জার্বেসন অমসুং সস্তেনেবল রিসোর্স মেনেজমেন্ত প্রমোৎ তৌগনি।
লমদম অসিদা লম্বীগী ইনফ্রাস্ত্রকচরদা অচৌবা খোংজেল অমা পীরদুনা প্রধান মন্ত্রীনা কানপুর নগর দিস্ত্রিক্তকী ইন্দস্ত্রীএল দিবেলপমেন্তকীদমক গৌরিয়া পালী মার্গ পাকথোকহন্নবা অমসুং মপাঙ্গল কনখৎহন্নবগীদমক উরেপ উয়ুং তমখি। অমসুং কানপুর নগর দিস্ত্রিক্তকী দিফেন্স কোরিদোরগী মখাদা নারৱাল মোদ (এ.ঐচ.-১) নারৱাল হাইৱেগা কানপুর দিফেন্স নোদ (লেন ৪) গা শম্নহন্নবা লম্বী পাকথোকহন্নবা অমসুং মপাঙ্গল কনখৎহন্নবগীদমক উরেপ উয়ুং তমখি। মসিনা দিফেন্স কোরিদোরগী কনেক্তিবিতী য়াম্না ফগৎহল্লগনি, লোজিস্তিক্স অমসুং এক্সেসিবিলিতী হেনগৎহল্লগনি।
প্রধান মন্ত্রীনা পি.এম. আয়ুশ্মান ভায় ভন্দনা য়োজনা, নেস্নেল লাইবলিহুদ মিসন অমসুং পি.এম. সুর্য গার মুফ্ত বিজলী য়োজনাগী কান্নবা ফংলবশিংদা সর্টিফিকেট অমসুং চেকশিংসু য়েন্থোকখি।
***
(Release ID: 2176705)
Visitor Counter : 9
Read this release in:
Punjabi
,
Odia
,
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Tamil
,
Telugu
,
Kannada
,
Malayalam