প্রধান মন্ত্রী, শ্রী নরেন্দ্র মোদীনা ঙরাং শ্রীলঙ্কাগী কলম্বোদা ইং 1996কী শ্রীলঙ্কাগী ক্রিকেৎ তীমগা ৱারী শানখ্রে। থৌরম অদুদা ক্রিকেৎকী শান্নরোয়শিংনা প্রধান মন্ত্রীগা উনবদা নুংঙাইবা অমসুং থাগৎপা ফোংদোকখি। প্রধান মন্ত্রীনা মখোয়গা উনবদা নুংঙাইবা ফোংদোকখি অমসুং ভারতকী মীয়াম্না হৌজিক ফাওবা তীম অসিগী পুক্নিং থৌগৎনিংঙাই ওইবা পরফোর্মেন্স, মরু ওইনা মতম শাংনা নিংশিংদুনা লৈহৌরবা মেমোরিয়েল ভিক্তরী অদু নীংশিংলি হায়না ফোংদোকখি। মহাক্না মখা তাখি মদুদি মখোয়গী মাইপাকপা অসিনা লৈবাক অসিদা লেপ্তনা ইথিল পীরি।

শ্রী মোদীনা 2010দা মহাক্না এহ্মদবাদতা শান্নখিবা মেচ অমদা শরুক য়াখিবা অদু নীংশিংখি। মহাক্না ভারতকী 1983গী ৱার্ল্দ কপ অমসুং শ্রীলঙ্কাগী 1996কী ৱার্ল্দ কপকী মায় পাকপগী অহোংবা পুরকপা ইম্পেক্তকী মতাংদা পনখি। প্রধান মন্ত্রীনা হায়খি মদুদি T20 ক্রিকেৎকী ইভোলুসন অসি 1996কী মেচশিংদা মতমদুগী শ্রীলঙ্কা ক্রিকেৎ তীমনা উৎখিবা অনৌবা শান্নবগী মওং অদুদগী হৌরকখিবনি। মহাক্না হৌজিক মখোয়না হোৎনরিবা অসিগী মতাংদা অতোপ্পশিংদগী খঙবা পাম্মি হায়না ফোংদোকখি অমসুং মখোয়না হৌজিকসু ক্রিকেৎ অমসুং কোচিংগী থৌদাংশিংদা য়াওরিৱ্রা হায়না হংখি।

শ্রী মোদীনা 1996তা বোম্ব পোখাইবগী থৌদোক্না মরম ওইদুনা অতোপ্পা তীমশিং হন্দোক্নবা হোৎনরবসু ভারতনা শ্রীলঙ্কাদা শরুক য়ানবগী ৱারেপ লৌখিবগী মতাংদা পনখি। মহাক্না শ্রীলঙ্কাগী শান্নরোয়শিংনা অৱাবা মতমদা ভারতকী মতেং পাংবগীদমক থাগৎপা ফোঙদোকখি। মহাক্না ভারতনা উৎলিবা লেপ্পা লৈতনা শান্নরিবা শান্নরোইগী থৌনা অদুগী মতাংদা পনখি। মহাক্না হায়খি মদুদি ভারতনা শ্রীলঙ্কাদা কুমজা 1996তা থোকখিবা বোম্ব পোখাইবগী থৌদোক য়াওনা অৱাবা কয়া মায়োক্নখি। মহাক্না 2019গী চর্চ বোম্ব ব্লাস্তকী মতুংদা মহাক মশামক্না শ্রীলঙ্কাদা চৎখিবা অদু পনখি। মসিনা মহাকপু অসিগুম্বা খোঙচৎ অসিদা চৎখিবা মালেমগী অহানবা লুচিংবা ওইহনখি। মহাক্না মখা তাখি মদুদি 2019দা ইন্দিয়ন ক্রিকেৎ তীমসু অথুবা মতমদা তুর চৎখি। প্রধান মন্ত্রীনা লৈবাক অসিগী অচেৎপা মগুনশিং উৎতুনা, নুংঙাইবা অমসুং অৱাবা অনিমক্তা শ্রীলঙ্কাগা লোয়ননা লেপমিন্নবগী ভারতকী অচেৎপা ৱাখল্লোন অমসুং ফিরেপ অদু ফোংদোকখি।

হৌজিক শ্রীলঙ্কাগী নুপাগী ক্রিকেৎ তীমগী কোচ ওইরিবা শ্রী সনাথ জয়াসুরিয়ানা শ্রীলঙ্কাদা হন্দক্তা থোকখিবা শেন-থুমগী অৱাবা ময়োক্নবগী মতমদা ভারতনা লেপ্পা লৈতনা মতেং পাংবগীদমক প্রধান মন্ত্রীবু থাগৎপা ফোংদোকখি। মহাক্না মখা তানা প্রধান মন্ত্রীদা হায়খি মদুদি ভারতনা শ্রীলঙ্কাগী জাফনাদা ইন্তর্নেস্নেল ক্রিকেৎ মেৎচশিং পাংথোক্নবা ক্রিকেৎ গ্রাউন্দ অমা লিংখৎপদা মতেং পাংবগী ওইথোকপা য়াবশিং অদুবু বেশিনবীনবা হায়খি, মসিনা শ্রীলঙ্কাগী অৱাং-নোংপোক লমদমগী ক্রিকেৎ শান্নরোইশিং অমসুং মীয়ামদা মতেং পাংগনি।

প্রধান মন্ত্রীনা শ্রী জয়সুরিয়ানা ফোংদোকখিবা ৱাফমশিংগীদমক থাগৎপা ফোংদোকখি। মহাক্না হায়খি, "ভারতনা 'নেবরহুদ ফর্স্ত' পোলিসীদা অচেৎপা থাজবা থম্লি।" মহাক্না য়ুম্লোন্নরিবা লৈবাকশিংদা থোক্লিবা অৱা-অনাশিংগী মতাংদা ভারতনা খোঙজেল য়াংনা পাউখুম পীবগী মতাংদা পনখি। মহাক্না ইকুই কুইদ্রিঙৈদা ম্যানমারদা থোকখিবা মালেমগী ওইবা অৱা-অনাগী মতাংদা ভারতনা অহানবা ওইনা পাউখুম পীখিবগী মতাংদা পনখি। মহাক্না লৈবাক অমা ওইনা ভারতনা য়ুম্লোন্নরিবা অমসুং মরুপ মপাং ওইবা লৈবাকশিংগী য়াইফ-থৌরাংবু মরুওইনা লৌবগী থৌদাং লৌবগী মতাংদা পনখি। শ্রী মোদীনা শ্রীলঙ্কাগী ইকোনোমিক ক্রাইসিসকী মতমদা ভারতনা শ্রীলঙ্কাদা লেপ্পা লৈতনা মতেং পাংখিবা অদুসু পনখি। মহাক্না হায়খি মদুদি শিংনবশিং অসি মায়োক্নবদা শ্রীলঙ্কাদা মতেং পাংনবা ভারতনা থৌদাং লৌরি। মহাক্না অনৌবা প্রোজেক্ত কয়া অমা লাউথোকখিবগী মতাংদা পনখি অমসুং জাফনাদা ইন্তর্নেস্নেল ক্রিকেৎ মেৎচশিং পাংথোক্নবগী মরুওইবা অদু পল্লদুনা শ্রী জয়সুরিয়ানা জাফনাগীদমক থম্লিবা পুক্নিং চিংশিনবগীদমক থাগৎপা ফোংদোকখি। মহাক্না মহাক্কী তীমনা মসিগী সজেসন অসিবু খংজিনগনি অমসুং মদুগী ওইথোকপা য়াবশিং য়েংশিনগনি হায়না থাজবা পীখি।

প্রধান মন্ত্রীনা মীপুম খুদিংগা অমুক্কা হন্না উনবগী, অরিবা মেমোরীশিংবু অমুক হন্না নিংশিংহনবা অমসুং মশক খঙনবশিংগা অমুক হন্না উনবগী খুদোংচাবা ফংলকপদা থাগৎপা ফোংদোকখি। মহাক্না শ্রীলঙ্কাগা লোইননা ভারতকী অচেৎপা মরী অদু অমুক হন্না ফোংদোকখি অমসুং শ্রীলঙ্কাগী ক্রিকেৎ কম্ম্যুনিতীনা পায়খৎপা থৌরাং খুদিংমক্তা মপুং ফানা মতেং পাংগনি হায়না থাজবা পীখি।

A wonderful conversation with members of the Sri Lankan cricket team that won the 1996 World Cup. Do watch… pic.twitter.com/3cOD0rBZjA

— Narendra Modi (@narendramodi) April 6, 2025

***