ریلوے، اطلاعات و نشریات، اور الیکٹرانکس و انفارمیشن ٹیکنالوجی کے مرکزی وزیرجناب اشوِنی ویشنو نے آج جاپان کے وزیر برائے زمین،بنیادی ڈھانچہ، ٹرانسپورٹ اور سیاحت،ہیروماسا ناکانو کے ساتھ ممبئی–احمد آباد بلیٹ ٹرین پروجیکٹ کےسورت اور ممبئی میں جاری تعمیراتی مقامات کا دورہ کیا۔

جاپان کے وزیر عزت مآب ہیروماسا ناکانو کا سورت بین الاقوامی ہوائی اڈے پر روایتی رقص گربا کے ساتھ استقبال کیا گیا۔اس موقع پرسورت کے رکن پارلیمان جناب مکیش دلال، میئر جناب ڈکشیس موانی، ریلوے بورڈکے چیئرمین ،این ایچ ایس آر سی ایل اور ضلع انتظامیہ کے سینئر افسران بھی موجود تھے۔

سورت میں ٹریک سلیب بچھانے کےمقامات کا دورہ:وزراء نے سورت ہائی اسپیڈ ریل سائٹ پر واقع ٹریک کنسٹرکشن بیس کا دورہ کیا، جہاں انہوں نے ویاڈکٹ میں  جے سلیب بغیر گٹی والے ٹریک سسٹم کی تنصیب کامعائنہ کیا۔ٹریک سلیب کی تنصیب اور مستقل ریل بچھانے کا کام تیزی سے جاری ہے۔

حال ہی میں مرکزی وزیر اشوِنی ویشنو نے سورت ایچ ا یس آر اسٹیشن کے قریب پہلے ٹریک ٹرن آؤٹ کی تنصیب کا بھی مشاہدہ کیا تھا۔

ممبئی کےبی کےسی ایچ ایس آر اسٹیشن کا دورہ:وزراء نے وندے بھارت ایکسپریس کے ذریعے سورت سے ممبئی کا سفر کیا اورباندرا-کرلا کمپلیکس (بی کے سی) میں بلیٹ ٹرین اسٹیشن کی تعمیراتی پیش رفت کا جائزہ لیا۔وزیر ناکانو اورجاپان کے وفد نے وندے بھارت ٹرین کے معیار اور سہولتوں پر اطمینان اور خوشی کا اظہار کیا۔

بی کےسی بلٹ ٹرین اسٹیشن، ممبئی کی اہم خصوصیات: باندرا کرلا کمپلیکس (بی کے سی) اسٹیشن ممبئی-احمد آباد ہائی اسپیڈ ریل کوریڈور پر زیر زمین سہولت ہوگی۔ کھدائی 30 میٹر سے زیادہ کی گہرائی تک پہنچ گئی ہے، جو 10 منزلہ عمارت کے برابر ہے، جس کا تقریباً 84 فیصد کام پہلے ہی مکمل ہو چکا ہے۔ اسٹیشن تین سطحوں پر مشتمل ہوگا: پلیٹ فارم، کنکورس، اور سروس فلور، اور سڑک اور میٹرو دونوں طرح کے رابطے کی سہولیات فراہم کرے گا۔ دو داخلی اور خارجی راستوں کا منصوبہ بنایا گیا ہے- ایک میٹرو اسٹیشن کے قریب اور دوسراایم ٹی این ایل عمارت کے قریب۔ مسافروں کے آرام کے لیے ڈیزائن کیا گیا، یہ اسٹیشن قدرتی روشنی کی سہولیات فراہم کرنے کے لیے اسکائی لائٹس کے ساتھ  ساتھ وسیع و عریض علاقے اور جدید سہولیات فراہم کرے گا۔

بلٹ ٹرین منصوبے کی پیشرفت (ستمبر، 2025): ممبئی-احمد آباد بلٹ ٹرین کوریڈور 508 کلومیٹر طویل ہے۔ کل وایاڈکٹ میں سے 323 کلومیٹر مکمل ہو چکا ہے، ساتھ ہی 399 کلومیٹر پیئر کا کام بھی ہو چکا ہے۔ پل کی تعمیر کے اہم سنگ میلوں میں دریا کے 17 پلوں، 5 پی  ایس سی پلوں، اور 9 اسٹیل پلوں کی تکمیل شامل ہے۔ کل 211 کلومیٹر کا ٹریک بیڈ بچھایا گیا ہے، اور راہداری کے ساتھ 4 لاکھ سے زیادہ شور بیریئرز لگائے گئے ہیں۔ پالگھر میں سات پہاڑی سرنگوں کے لیے کھدائی جاری ہے، جب کہ بی کے سی اور شلفاٹا کے درمیان 21 کلومیٹر طویل این اے ٹی ایم سرنگ میں سے 5 کلومیٹر کو کامیابی کے ساتھ کام مکمل ہوا ہے۔ سورت اور احمد آباد میں رولنگ اسٹاک ڈپو زیر تعمیر ہیں۔ گجرات کے تمام اسٹیشنوں پر سپر سٹرکچر کا کام ایک اعلی درجے کے مرحلے میں ہے۔ مہاراشٹر کے تینوں ایلیویٹڈ اسٹیشنوں پر کام شروع ہو گیا ہے۔

جاپان کے وزیر کا دورہ ہندوستان کے پہلے ہائی اسپیڈ ریل کوریڈور کو نافذ کرنے میں ہندوستان اور جاپان کے درمیان مضبوط تعاون کی عکاسی کرتا ہے۔

*****

UR-7103 

(ش ح۔ ع ۔ ف ر )