الیکٹرانکس اور اطلاعات تکنالوجی کی وزارت
یو آئی ڈی اے آئی نے 7-15 سال کی عمر کے بچوں کے لیے آدھار بائیو میٹرک اپ ڈیٹس کے چارجز معاف کر دیے، تقریباً 6 کروڑ بچوں کو فائدہ
ایم بی یو چارجز کی چھوٹ یکم اکتوبر 2025 سے نافذ العمل ہے اور یہ ایک سال تک نافذ رہے گی
بچوں کی تعلیم، اسکالرشپ اور ڈی بی ٹی اسکیموں تک رسائی کو آسان بنانے کے لیے آدھار میں مفت بائیو میٹرک اپ ڈیٹس
Posted On:
04 OCT 2025 7:03PM by PIB Delhi
عوام نواز اقدام کے تحت، یونیک آئیڈینٹیفیکیشن اتھارٹی آف انڈیا (یو آئی ڈی اے آئی) نے لازمی بایومیٹرک اپ ڈیٹ (ایم بی یو-1) کے تمام چارجز معاف کر دیے ہیں۔ اس اقدام سے تقریباً 6 کروڑ بچوں کو فائدہ ہونے کی توقع ہے۔
مذکورہ عمر کے گروپ کے لیے ایم بی یو چارجز کی چھوٹ یکم اکتوبر 2025 سے نافذ العمل ہے اور یہ ایک سال کی مدت کے لیے نافذ العمل ہوگی۔
پانچ سال سے کم عمر کے بچے کا آدھار اندراج تصویر، نام، تاریخِ پیدائش، صنف، پتہ اور پیدائش کے سرٹیفکیٹ کی بنیاد پر کیا جاتا ہے۔ پانچ سال سے کم عمر بچوں کے آدھار اندراج کے وقت فنگر پرنٹس اور آئرس بایومیٹرکس نہیں لیے جاتے کیونکہ اس عمر میں یہ مکمل طور پر پختہ نہیں ہوتے۔
موجودہ قواعد کے مطابق، بچے کے پانچ سال کی عمر کو پہنچنے پر اس کے آدھار میں فنگر پرنٹس، آئرس اور تصویر کا لازمی اپ ڈیٹ کیا جانا ضروری ہے، جسے پہلا لازمی بایومیٹرک اپ ڈیٹ (فرسٹ ایم بی یو) کہا جاتا ہے۔ اسی طرح، بچے کے پندرہ سال کی عمر کو پہنچنے پر بایومیٹرکس کو دوبارہ اپ ڈیٹ کرنا ضروری ہوتا ہے، جسے دوسرا لازمی بایومیٹرک اپ ڈیٹ (سیکنڈ ایم بی یو) کہا جاتا ہے۔
پہلا اور دوسرا ایم بی یو اگر بالترتیب 5 تا 7 سال اور 15 تا 17 سال کی عمر کے درمیان کیا جائے تو یہ مفت ہوتا ہے۔ اس کے بعد، فی ایم بی یو 125 روپے کی مقررہ فیس لی جاتی ہے۔ اس فیصلے کے ساتھ، اب 5 تا 17 سال کی عمر کے تمام بچوں کے لیے ایم بی یو مؤثر طور پر مفت کر دیا گیا ہے۔
اپ ڈیٹ شدہ بایومیٹرک کے ساتھ آدھار سہولتِ زندگی کو بہتر بناتا ہے اور اسکول داخلوں، داخلہ امتحانات کے اندراج، وظائف کے حصول، اور ڈی بی ٹی (ڈائریکٹ بینیفٹ ٹرانسفر) اسکیموں سے فائدہ اٹھانے میں آدھار کے ہموار استعمال کو یقینی بناتا ہے۔
والدین و سرپرستوں کو مشورہ دیا جاتا ہے کہ وہ ترجیحی بنیاد پر اپنے بچوں ، وارڈکے بایومیٹرکس کو آدھار میں اپ ڈیٹ کرائیں۔
***
UR-7068
(ش ح۔اس ک)
(Release ID: 2174855)
Visitor Counter : 46