প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা বাইওমেদিকেল রিসর্চ কেরিয়র প্রোগ্রাম (BRCP), ফেজ-III মখা চত্থনবা অয়াবা পীখ্রে। প্রোগ্রাম অসি দিপার্তমেন্ত ওফ বাইওতেক্নোলোজী (DBT) অমসুং ৱেলকম ত্রস্ত (WT), য়ুনাইতেদ কিংদম অমসুং SPV, ইন্দিয়া এল্লাইন্সকী মরক্তা পার্তনরশিপকী মওংদা ফেজ III (2025-26দগী 2030-31 ফাওবা) অমসুং অতোপ্পা চহি তরুক (2031-32দগী 2037-38 ফাওবা) গীদমক ফেল্লোশিপ অমসুং গ্রান্তশিং সর্ভিস তৌনবগীদমক 2030-31 ফাওবা পুন্না লুপা করোর 1500 চংদুনা অয়াবা পীখ্রে লোয়ননা DBT অমসুং WT, য়ুনাইতেদ কিংদম্না মথংশিৎনা লুপা করোর 1000 অমসুং করোর 500গী কন্ত্রিব্যুসন তৌগনি।

দিপার্তমেন্ত ওফ বাইওতেক্নোলোজী (DBT) না স্কিল অমসুং ইন্নোবেসন হেনগৎহন্নবা বিক্সিত ভারতকী পান্দমগা মরী লৈননা বাইওমেদিকেল রিসর্চ কেরিয়র প্রোগ্রাম (BRCP) গী ফেজ III হৌদোকখ্রে। প্রোগ্রাম অসিনা অৱাংবা থাক্কী বাইওমেদিকেল রিসর্চকীদমক অৱাংবা থাক্কী সাইন্তিফিক তেলেন্তশিং শেমগৎকনি অমসুং ত্রান্সলেস্নেল ইন্নোবেসনগীদমক ইন্তরদিসিপ্লিনরী রিসর্চ প্রমোৎ তৌগনি। মসিনা অৱাংবা থাক্কী রিসর্চতা মতেং পাংলিবা সিস্তেমশিং মপাঙ্গল কনখৎহল্লগনি অমসুং মালেমগী ওইবা শাফু লৈবা মালেমগী থাক্কী বাইওমেদিকেল রিসর্চ কেপাসিতী শেম্নবগীদমক সাইন্তিফিক কেপাসিতীদা রিজনেল দিস্পেরিতীশিং হন্থহল্লগনি।

ৱেলকম ত্রস্ত (WT), য়ু.কে.গা খুৎশম্নদুনা দিপার্তমেন্ত ওফ বাইওতেক্নোলোজীনা DBT/ৱেলকম ত্রস্ত ইন্দিয়া এলাইন্স (ইন্দিয়া এলাইন্স) গী খুত্থাংদা 2008-2009দা "বাইওমেদিকেল রিসর্চ কেরিয়র প্রোগ্রাম" (BRCP) হৌদোকখি, দেদিকেতেদ স্পেসিএল পর্পস ভেহিকল (SPV) অসিনা মন্ত্রী-মন্দলগী অয়াবগা লোয়ননা ভারত্তে বেজ তৌবা মালেমগী থাক্কী স্তেন্দর্দশিংদা বাইওমেদিক রিসর্চকীদমক রিসর্চ ফেল্লোশিপশিং পীরি। মসিগী মতুং তারকপদা ফেজ II অসি এক্সপেন্দেদ তৌরবা পোর্তফোলিও অমগা লোয়ননা 2018/19দা ইমপ্লিমেন্ত তৌখি।

ফেজ-IIIদা, মখাগী প্রোগ্রামশিং অসি ইমপ্লিমেন্ত তৌনবা প্রপোজ তৌরি: i.) বেসিক, ক্লিনিকেল অমসুং পব্লিক হেল্থতা আর্লী কেরিয়র অমসুং ইন্তরমেদিএত রিসর্চ ফেল্লোশিপশিং। মখোয়শিং অসি মালেম পুম্বনা খঙনৈ অমসুং মখোয়শিং অসি সাইন্তিস্ত অমগী রিসর্চ কেরিয়রগী ফোর্মেতিব স্তেজশিংগীদমক্তা শেম্মী। কোলাবোরেতিব গ্রান্তস প্রোগ্রাম, মসিদা কেরিয়র দিবেলপমেন্ত গ্রান্ত অমসুং ভারত্তা অচৌবা রিসর্চ ত্রেক রেকোর্দ লৈবা আর্লী অমসুং মিদ-সিনিয়র কেরিয়বর রিসর্চরশিংগীদমক ইভেস্তিগেতর তীম 2-3গীদমক কেতালাইতিক কোলাবোরেতিব গ্রান্তশিং য়াওরি, iii) কোর রিসর্চকী থবকশিং মপাঙ্গল কনখৎহন্নবা রিসর্চ মেনেজমেন্ত প্রোগ্রাম। ফেজ III অসিনা মেন্তরশিপ, নেৎৱর্কিং, মীয়ামগী থৌদাং অমসুং অনৌবা অমসুং ইন্নোবেতিব নেস্নেল অমসুং ইন্তরনেস্নেল পার্তনরশিপশিং শেমগৎপদা মীৎয়েং থমগনি।

রিসর্চ ফেল্লোশিপশিং, কোলাবোরেতিব গ্রান্তশিং অমসুং রিসর্চ মেনেজমেন্ত প্রোগ্রাম অসি পুন্না পেন ইন্দিয়া ইমপ্লিমেন্ত তৌদুনা সাইন্তিফিক এক্সিলেন্স, স্কিল দিবেলপমেন্ত, কোলাবোরেসন অমসুং নোলেজ একচেঞ্জদা মতেং পাংগনি। আশা তৌরিবা মহৈশিংগী মনুংদা মহৈরোয় 2,000 অমসুং পোস্তদোক্তরেল ফেল্লোশিং ত্রেনিং পীবা, ইম্পেক্ত য়াম্না লৈবা পব্লিকেসনশিং পুথোকপা, পেতেন্ত তৌবা য়াবা দিস্কভরীশিং তৌবা, পিয়র রিকোগনিসন ফংহনবা, নুপীশিংদা 10-15% হেনগৎহনবা, TRL 4 অমসুং মসিগী মথক্তা এপ্রোচ তৌনবা কোলাবোরেতিব প্রোগ্রামশিংগী 25-30% অমসুং তায়র-2/3 সেত্তিংদা এক্তিবিতীশিং অমসুং এঙ্গেজমেন্তগী ফুতপ্রিন্ত পাকথোক চাউথোকপা য়াওরি।

ফেজ I অমসুং IIনা ভারতপু মালেমগী থাক্তা লৈরিবা বাইওমেদিকেল সাইন্সকী অনৌবা হব অমা ওইহনখি। সাইন্সতা ভারতকী ইনবেস্তমেন্ত হেনগৎলকপা অমসুং মালেমগী নোলেজ ইকোনোমীদা ভারতকী থৌদাং হেনগৎলকপনা স্ত্রেতেজিক ইসু অমগী অনৌবা তাঙ্কক অমা মথৌ তাই। মমাংগী ফেজশিংগী কান্নবশিংদা য়ুম্ফম ওইদুনা, ফেজ-IIIনা নেস্নেল প্রাইওরিতিশিং অমসুং গ্লোবেল বেঞ্চমার্কশিংগা মান্ননা তেলেন্ত, কেপাসিতী অমসুং ত্রান্সলেসনদা ইনবেস্ত তৌগনি।

***