ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ,  ಜೈವಿಕ ವೈದ್ಯಕೀಯ ಸಂಶೋಧನಾ ವೃತ್ತಿ ಕಾರ್ಯಕ್ರಮದ (ಬಿ.ಆರ್.ಸಿ.ಪಿ.) ಹಂತ-III ಅನ್ನು ಮುಂದುವರಿಸಲು ಅನುಮೋದನೆ ನೀಡಿದೆ. ಈ ಕಾರ್ಯಕ್ರಮವನ್ನು ಜೈವಿಕ ತಂತ್ರಜ್ಞಾನ ಇಲಾಖೆ (ಡಿ.ಬಿ.ಟಿ.)  ಮತ್ತು ಯುನೈಟೆಡ್ ಕಿಂಗ್ಡಮ್ ನ ವೆಲ್ ಕಮ್ ಟ್ರಸ್ಟ್ (ಡಬ್ಲ್ಯೂ ಟಿ) ಮತ್ತು ಎಸ್.ಪಿ.ವಿ., ಇಂಡಿಯಾ ಅಲೈಯನ್ಸ್ ಫಾರ್ ಫೇಸ್ III (2025-26 ರಿಂದ 2030-31) ನಡುವಿನ ಪಾಲುದಾರಿಕೆಯಲ್ಲಿ ಕಾರ್ಯಗತಗೊಳಿಸಲಾಗುತ್ತಿದೆ, ಇನ್ನೂ ಆರು ವರ್ಷಗಳ ಕಾಲ (2031-32 ರಿಂದ 2037-38) 2030-31 ರವರೆಗೆ ಅನುಮೋದಿಸಲಾದ ಫೆಲೋಶಿಪ್ಗಳು ಮತ್ತು ಅನುದಾನಗಳನ್ನು ಪೂರೈಸಲು ಒಟ್ಟು ರೂ. 1500 ಕೋಟಿ ವೆಚ್ಚದಲ್ಲಿ, ಜೈವಿಕ ತಂತ್ರಜ್ಞಾನ ಇಲಾಖೆ ಮತ್ತು ವೆಲ್ ಕಮ್ ಟ್ರಸ್ಟ್ ಕ್ರಮವಾಗಿ ರೂ. 1000 ಕೋಟಿ ಮತ್ತು ರೂ. 500 ಕೋಟಿ ಕೊಡುಗೆ ನೀಡುತ್ತವೆ.

ಕೌಶಲ್ಯ ಮತ್ತು ನಾವೀನ್ಯತೆಗಳನ್ನು ಬೆಳೆಸುವ ವಿಕಸಿತ ಭಾರತದ ಗುರಿಗಳೊಂದಿಗೆ ಹೊಂದಿಕೆಯಾಗುವಂತೆ ಜೈವಿಕ ತಂತ್ರಜ್ಞಾನ ಇಲಾಖೆ, ಜೈವಿಕ ವೈದ್ಯಕೀಯ ಸಂಶೋಧನಾ ವೃತ್ತಿ ಕಾರ್ಯಕ್ರಮದ ಹಂತ III ಅನ್ನು ಪ್ರಾರಂಭಿಸಿದೆ. ಈ ಕಾರ್ಯಕ್ರಮವು ಅತ್ಯಾಧುನಿಕ ಜೈವಿಕ ವೈದ್ಯಕೀಯ ಸಂಶೋಧನೆಗಾಗಿ ಉನ್ನತ ಶ್ರೇಣಿಯ ವೈಜ್ಞಾನಿಕ ಪ್ರತಿಭೆಯನ್ನು ಪೋಷಿಸುತ್ತದೆ ಮತ್ತು ಪ್ರಾಯೋಗಿಕ ಅನ್ವಯಿಕೆಗಳಾಗಿ ಪರಿವರ್ತಿಸುವ ನಾವೀನ್ಯತೆಗಾಗಿ ಅಂತರಶಿಸ್ತೀಯ ಸಂಶೋಧನೆಯನ್ನು ಉತ್ತೇಜಿಸುತ್ತದೆ. ಇದು ಉತ್ತಮ ಗುಣಮಟ್ಟದ ಸಂಶೋಧನೆಯನ್ನು ಬೆಂಬಲಿಸುವ ವ್ಯವಸ್ಥೆಗಳನ್ನು ಬಲಪಡಿಸುತ್ತದೆ ಹಾಗು ಜಾಗತಿಕ ಪ್ರಭಾವದೊಂದಿಗೆ ವಿಶ್ವ ದರ್ಜೆಯ ಜೈವಿಕ ವೈದ್ಯಕೀಯ ಸಂಶೋಧನಾ ಸಾಮರ್ಥ್ಯವನ್ನು ರಚಿಸಲು ವೈಜ್ಞಾನಿಕ ಸಾಮರ್ಥ್ಯದಲ್ಲಿ ಪ್ರಾದೇಶಿಕ ಅಸಮಾನತೆಗಳನ್ನು ಕಡಿಮೆ ಮಾಡುತ್ತದೆ.

ಜೈವಿಕ ತಂತ್ರಜ್ಞಾನ ಇಲಾಖೆ ಪಾಲುದಾರಿಕೆಯಲ್ಲಿ ಯುಕೆಯ ವೆಲ್ ಕಮ್ ಜೊತೆಗೆ, 2008-2009 ರಲ್ಲಿ ಡಿಬಿಟಿ/ವೆಲ್ಕಮ್ ಟ್ರಸ್ಟ್ ಇಂಡಿಯಾ ಅಲೈಯನ್ಸ್ (ಇಂಡಿಯಾ ಅಲೈಯನ್ಸ್) ಮೂಲಕ "ಜೈವಿಕ ವೈದ್ಯಕೀಯ ಸಂಶೋಧನಾ ವೃತ್ತಿ ಕಾರ್ಯಕ್ರಮ" (ಬಿ.ಆರ್.ಸಿ.ಪಿ.) ವನ್ನು ಪ್ರಾರಂಭಿಸಿತು, ಇದು ಮೀಸಲಾದ ವಿಶೇಷ ಉದ್ದೇಶದ ಘಟಕ(ಎಸ್ಪಿವಿ) ವಾಗಿದ್ದು, ಕ್ಯಾಬಿನೆಟ್ ಅನುಮೋದನೆಯೊಂದಿಗೆ, ವಿಶ್ವ ದರ್ಜೆಯ ಮಾನದಂಡಗಳಲ್ಲಿ  ಜೈವಿಕ ವೈದ್ಯಕೀಯ ಸಂಶೋಧನೆಗಾಗಿ ಭಾರತದಲ್ಲಿ ನೆಲೆಗೊಂಡಿರುವ ಸಂಶೋಧನಾ ಫೆಲೋಶಿಪ್ಗಳನ್ನು ನೀಡುತ್ತದೆ. ತರುವಾಯ, ಹಂತ II ಅನ್ನು 2018/19 ರಲ್ಲಿ ವಿಸ್ತೃತ  ಇಲಾಖೆಯೊಂದಿಗೆ  ಜಾರಿಗೆ ತರಲಾಯಿತು.

ಹಂತ-IIIರಲ್ಲಿ, ಈ ಕೆಳಗಿನ ಕಾರ್ಯಕ್ರಮಗಳನ್ನು ಕಾರ್ಯಗತಗೊಳಿಸಲು ಪ್ರಸ್ತಾಪಿಸಲಾಗಿದೆ: i.) ಮೂಲಭೂತ, ಕ್ಲಿನಿಕಲ್ ಮತ್ತು ಸಾರ್ವಜನಿಕ ಆರೋಗ್ಯದಲ್ಲಿ ಆರಂಭಿಕ ವೃತ್ತಿ ಮತ್ತು ಮಧ್ಯಂತರ ಸಂಶೋಧನಾ ಫೆಲೋಶಿಪ್ಗಳು. ಇವು ಜಾಗತಿಕವಾಗಿ ಗುರುತಿಸಲ್ಪಟ್ಟಿವೆ ಮತ್ತು ವಿಜ್ಞಾನಿಗಳ ಸಂಶೋಧನಾ ವೃತ್ತಿಜೀವನದ ರಚನಾತ್ಮಕ ಹಂತಗಳಿಗೆ ಅನುಗುಣವಾಗಿರುತ್ತವೆ. ii.) ಸಹಯೋಗಿ ಅನುದಾನ ಕಾರ್ಯಕ್ರಮ, ಇವುಗಳಲ್ಲಿ ಭಾರತದಲ್ಲಿ ಬಲವಾದ ಸಂಶೋಧನಾ ದಾಖಲೆಯನ್ನು ಹೊಂದಿರುವ ಕ್ರಮವಾಗಿ ಆರಂಭಿಕ ಮತ್ತು ಮಧ್ಯಮ-ಹಿರಿಯ ವೃತ್ತಿಜೀವನದ ಸಂಶೋಧಕರಿಗೆ 2-3 ತನಿಖಾ ತಂಡಗಳಿಗೆ ವೃತ್ತಿ ಅಭಿವೃದ್ಧಿ ಅನುದಾನಗಳು ಮತ್ತು ವೇಗವರ್ಧಕ ಸಹಯೋಗಿ ಅನುದಾನಗಳು ಸೇರಿವೆ, iii) ಪ್ರಮುಖ ಸಂಶೋಧನಾ ಪ್ರಯತ್ನಗಳನ್ನು ಬಲಪಡಿಸಲು ಸಂಶೋಧನಾ ನಿರ್ವಹಣಾ ಕಾರ್ಯಕ್ರಮ. ಹಂತ III ಮಾರ್ಗದರ್ಶನ, ನೆಟ್ ವರ್ಕಿಂಗ್, ಸಾರ್ವಜನಿಕ ತೊಡಗಿಸಿಕೊಳ್ಳುವಿಕೆ ಮತ್ತು ಹೊಸ ಹಾಗು ನವೀನ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಪಾಲುದಾರಿಕೆಗಳನ್ನು ಅಭಿವೃದ್ಧಿಪಡಿಸುವುದರ ಮೇಲೆ ಕೇಂದ್ರೀಕರಿಸುತ್ತದೆ.

ಸಂಶೋಧನಾ ಫೆಲೋಶಿಪ್ ಗಳು, ಸಹಯೋಗಿ ಅನುದಾನಗಳು ಮತ್ತು ಅಖಿಲ ಭಾರತದಾದ್ಯಂತ ಅನುಷ್ಠಾನದೊಂದಿಗೆ ಸಂಶೋಧನಾ ನಿರ್ವಹಣಾ ಕಾರ್ಯಕ್ರಮವು ಒಟ್ಟಾಗಿ ವೈಜ್ಞಾನಿಕ ಶ್ರೇಷ್ಠತೆ, ಕೌಶಲ್ಯ ಅಭಿವೃದ್ಧಿ, ಸಹಯೋಗ ಮತ್ತು ಜ್ಞಾನ ವಿನಿಮಯಕ್ಕೆ ಚಾಲನೆ ನೀಡುತ್ತದೆ. ನಿರೀಕ್ಷಿತ ಫಲಿತಾಂಶಗಳಲ್ಲಿ 2,000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಮತ್ತು ಪೋಸ್ಟ್ ಡಾಕ್ಟರಲ್ ಫೆಲೋಗಳಿಗೆ ತರಬೇತಿ ನೀಡುವುದು, ಹೆಚ್ಚಿನ ಪ್ರಭಾವ ಬೀರುವ ಪ್ರಕಟಣೆಗಳನ್ನು ಉತ್ಪಾದಿಸುವುದು, ಪೇಟೆಂಟ್ ಪಡೆಯಬಹುದಾದ ಆವಿಷ್ಕಾರಗಳನ್ನು ಸಕ್ರಿಯಗೊಳಿಸುವುದು,  ಸಹ ಸಂಶೋಧಕರಿಂದ ಮಾನ್ಯತೆಯನ್ನು ಗಳಿಸುವುದು, ಮಹಿಳೆಯರಿಗೆ ಬೆಂಬಲದಲ್ಲಿ 10-15% ಹೆಚ್ಚಳ, ಟಿ.ಆರ್.ಎಲ್.4 ಮತ್ತು ಅದಕ್ಕಿಂತ ಹೆಚ್ಚಿನದನ್ನು ಸಮೀಪಿಸಲು 25-30% ಸಹಯೋಗಿ ಕಾರ್ಯಕ್ರಮಗಳು ಮತ್ತು ಶ್ರೇಣಿ-2/3 ವ್ಯವಸ್ಥೆಯಲ್ಲಿ ಚಟುವಟಿಕೆಗಳು ಮತ್ತು ತೊಡಗಿಸಿಕೊಳ್ಳುವಿಕೆಯ ವಿಸ್ತೃತ ಹೆಜ್ಜೆಗುರುತನ್ನು ಸಕ್ರಿಯಗೊಳಿಸುವುದು ಸೇರಿವೆ.

ಹಂತ I ಮತ್ತು II ಭಾರತವನ್ನು ಅಂತಾರಾಷ್ಟ್ರೀಯ ಸ್ಥಾನಮಾನದ ಬಯೋಮೆಡಿಕಲ್ ವಿಜ್ಞಾನಕ್ಕೆ ಉದಯೋನ್ಮುಖ ಕೇಂದ್ರವನ್ನಾಗಿಸಿದೆ. ವಿಜ್ಞಾನದಲ್ಲಿ ಭಾರತದ ಹೆಚ್ಚುತ್ತಿರುವ ಹೂಡಿಕೆ ಮತ್ತು ಜಾಗತಿಕ ಜ್ಞಾನ ಆರ್ಥಿಕತೆಯಲ್ಲಿ ಬೆಳೆಯುತ್ತಿರುವ ಅದರ ಪಾತ್ರವು ಹೊಸ ಹಂತದ ಕಾರ್ಯತಂತ್ರದ ಪ್ರಯತ್ನವನ್ನು ಬಯಸುತ್ತದೆ. ಹಿಂದಿನ ಹಂತಗಳ ಲಾಭಗಳ ಆಧಾರದ ಮೇಲೆ, ಹಂತ-III ರಾಷ್ಟ್ರೀಯ ಆದ್ಯತೆಗಳು ಮತ್ತು ಜಾಗತಿಕ ಮಾನದಂಡಗಳೊಂದಿಗೆ ಜೋಡಿಸಲಾದ ಪ್ರತಿಭೆ, ಸಾಮರ್ಥ್ಯ ಮತ್ತು ಪ್ರಾಯೋಗಿಕ ಅನ್ವಯಿಕೆಗಳಾಗಿ ಪರಿವರ್ತಿಸುವ ನಾವೀನ್ಯತೆಗಾಗಿ ಹೂಡಿಕೆ ಮಾಡುತ್ತದೆ.

*****