ঙসি প্রধান মন্ত্রী শ্রী নরেন্দ্র মোদীনা হরিয়ানাগী যমুনা নগরদা চাউখৎ-থৌরাংগী প্রোজেকশিং শঙ্গাখ্রে, উরেপ-উয়ুং তমখ্রে। হরিয়ানাগী মীয়ামদা মহাক্কী য়াইফ পাউজেল পীখি, মহাক্না হরিয়ানাগী শেংলবা লমদমদা ইকায়খুম্নবা উৎখি, লমদম অসি ইমা সরশ্বতি, মান্ত্র দেবী, পঞ্চমুখি হনুমান জিগী লমদমনি অমসুং কপলমোচান সাহিবকী থৌজাল ফংলে হায়না প্রধান মন্ত্রীনা ফোঙদোকখি। শ্রী মোদীনা হায়খি হরিয়ানা অসি নাৎ, কৎথোকপা অমসুং ভক্তিগী ইতিনফমনি। বাবাসাহেব অম্বেদকারগী ১৩৫ শুবা মপোক নুমিত্ত মহাক্না মীয়ামদা মহাক্কী য়াইফ পাউজেল পীখি। বাবাসাহেবকী মীৎয়েং অমসুং ইথিলনা মখা তানা চাউখৎপগী মাইকৈদা ভারতকী খোঙচৎ লমজিংগনি হায়না মহাক্না ফোঙদোকখি।

প্রধান মন্ত্রীনা হায়খি যমুনগর অসি সহর খক নত্তে, ভারতকী উদ্যোগকী মরুওইবা শরুক অমনি, প্লাইৱুদতগী হৌরগা ব্রাস অমসুং ষ্টিল ফাওবগী মসিগী উদ্যোগশিংনা শেন্মিৎলোন্দা চাউনা মতেং পাংলি। লমদম অসি কপাল মোচান মেলা, রিষি বেদ ব্যাসকী শেংলবা লমদমনি অমসুং গুরু গোবিন্দ সিংহ জিগী খুৎলায়গী মফমনি। মহাক্না হরিয়ানাগী ইন-চার্জ ওইরিঙৈ মনুংদা মহাক্না পঞ্চকুলাদগী যমুনগর ফাওবা তোইনা চৎখি। লমদম অসিগী থবক শুবা-নোম্বা কনবা অমসুং কৎথোকপগী চৎনবী অমা লৈরি অমসুং মহাক্কা পুন্না থবক তৌমিন্নখিবা কৎথোক্লবা থৌমীশিংগী মফমদা তৌবীমল খঙবা উৎচরি।

প্রধান মন্ত্রীনা হায়খি থংন থংননা অহুমসুবা তার্মদা কেন্দ্র অমসুং রাজ্য সরকারশিংগী মখাদা ইঞ্জিন অনিগী খোঙজেলদা হরিয়ানা চাউখৎপা উরে। বিকসিত হরিয়ানা অসি বিকসিত ভারত অমগী মঙলানগী শরুক অমনি। হরিয়ানাগী মীয়ামগী সেবা তৌনবা অমসুং হরিয়ানাগী নহারোলশিংগী অনিংবশিং থুংহন্নবা হেন্না য়াংবা খোঙজেল অমসুং পাক-চাউবগা লোয়ননা সরকারনা থবক পায়খৎলি। ঙসি হৌদোক্লিবা চাউখৎ-থৌরাংগী প্রোজেকশিং অসি থাজবা অসিগী শরুক অমনি অমসুং চাউখৎ-থৌরাংগী থবকশিং অসিগীদমক মহাক্না হরিয়ানাগী মীয়ামদা হরাওবা ফোঙদোকখি।

প্রধান মন্ত্রীনা হায়খি খুন্নাইগী অচুম্বা পুরক্নবা উদ্যোগ চাউখৎহনবা হায়বসি লম্বী অমনি হায়বা বাবাসাহেবনা থাজখি। ভারত্ত লম পীক্না ফংবগী খুদোংচাদবশিং বাবাসাহেবনা খঙদোকখি অমসুং লৌ উনবা লম মরাংকাইনা ফংদ্রবা দলিতশিং উদ্যোগ চাউখৎলকপগী কান্নবশিং হেন্না ফংনবা বাবাসাহেবনা তকশিনখি। উদ্যোগশিংনা দলিতশিংদা থবক হেন্না ফংনবা খুদোংচাবশিং পীনবা অমসুং মখোয়গী পুন্সি মহিং ৱাংখৎনবা বাবাসাহেবনা মঙ মঙখি। ভারতকী উদ্যোগ চাউখৎনবা থবকশিংদা বাবাসাহেবনা মরুওইবা থৌদাং লৌখি অমসুং মাইকৈ অসিদা লৈবাক অসিগী অহানবা ইন্দষ্ট্রি মিনিষ্টর দোক্তর শ্যামা প্রসাদ মুখর্জিগা লোয়ননা থবক তৌমিন্নখি।

প্রধান মন্ত্রীনা হায়খি উদ্যোগ অমসুং মেনুফেকচরিং পুন্না থবক তৌমিন্নবা অসি খুঙ্গং চাউখৎনবা য়ুম্ফমনি হায়বা দিনবন্ধু চৌধুরি ছোতু রাম জিনা খঙখি। লৌ উবগী মথক্ত অপীকপা উদ্যোগশিংগী খুৎথাংদা লৌমীশিংগী শেন্থোক হেনগৎলবা মতমদা খুঙ্গংশিং নুংঙাইগনি হায়না ছোতু রাম জিনা থাজখি। খুঙ্গংশিং অমসুং লৌমীশিংগী য়াইফনবা চৌধুরি চরন সিংহ জিনা মহাক্কী পুন্সি কৎথোকখি। শেন্মিৎলোনগী য়ুম্বীশিং ওইনা উদ্যোগ চাউখৎপা অমসুং লৌউ-শিংউ অমনা অমগী মতেং পাংনগদবনি হায়বা চরন সিংহনা থাজখি।

প্রধান মন্ত্রীনা হায়খি মেনুফেকচরিং চাউখৎহনবা মতমদা ‘মেক ইন ইন্দিয়া’ অমসুং ‘অত্মনির্ভর ভারত’ চাউখৎকনি। চহি অসিগী বজেত্ত ‘মিসন মেনুফেকচরিং’ কী লাউথোক্লে। তঙাইফদবা ত্রেনিংশিং পীদুনা দলিত, তোল্লবা, লায়রবা নহারোলশিং থবক ফংনবা খুদোংচাবা পীনবা, ললোন-ইতিক্ত চঙবা শেনফম হন্থহন্নবা, এম.এস.এম.ই সেক্তর চাউখৎনবা অমসুং উদ্যোগশিংদা অনৌবা তেক্নোলোজিশিং শীজিন্নবা ঙম্নবা মিসন অসিনা পান্দম থম্লি। পান্দমশিং অসি ফংনবা মুৎপা নাইদনা মৈ ফংহনবা য়াম্না মরুওই। দিনবন্ধু চৌধুরি ছোতু রাম থর্মেল পৱার প্লান্তগী অহুমশুবা য়ুনিত থবক হৌরে অমসুং মসিনা যমুনানগর অমসুং হরিয়ানাদা কান্নবশিং পীগনি। ভারতকী প্লাইৱুদকী তঙ্খায় অমা যমুনানগরনা পুথোক্লি অমসুং এলুমিনিয়ম, কোরি অমসুং ব্রাসকী কোন-লিক শাফমনি। যমুনানগরগী পেত্রোকেমিকেল প্লান্তগী অতোপ্পা লৈবাক কয়া থাদোক্লে। পোৎথোক পুথোকপা হেনগৎলকপা অসিনা হায়রিবা উদ্যোগকশিং কান্নবা পীগনি অমসুং মিসন মেনুফেকচরিং শৌগৎকনি।

প্রধান মন্ত্রীনা হায়খি বিকসিত ভারত অমা শেমগৎপদা ইলেক্ত্রিসিতিনা মরুওইবা থৌদাং অমা লৌরি। ৱান নেসন-ৱান গ্রিদ, অনৌবা কয়লাগী পৱার প্লান্তশিং, সোলার ইনর্জি প্রোজেকশিং অমসুং ন্যুক্লিয়ার সেক্তর চাউখৎহনবা য়াওনা মৈ ফংবা হেনগৎহন্নবা থবক কয়া সরকারনা পায়খৎলে। ঐখোয়গী থবক্তি লৈবাক অসি ইলেক্ত্রিসিতি পুথোকপা হেনগৎহনবনি, মৈ ৱাৎপনা লৈবাক শেমগৎপদা খুরৌ থাংহল্লোইদবনি। মমাঙ সরকারশিংগী মখাদা ২০১৪ গী মমাঙদা য়াম্না তোইনা মৈ মুৎপা থেংনখি অমসুং করিগুম্বা কংগ্রেসনা মখা তানা সরকার পায়রবদি অসিগুম্বা খুদোংচাদবা থেংনগনি। মতম অদুদা ফেক্তরিশিং, রেলৱেজ অমসুং ইথৈ ফংহনবগী থবকশিং চাউনা অৱাবা মায়োক্নখি। হৌখিবা চহি ১০ দা ভারতনা মৈ পুথোকপা শরুক অনি হেনগৎলে অমসুং হৌজিক য়ুমথংনবা লৈবাকশিংদা মৈ য়োল্লে। হরিয়ানাদা মৈ পুথোক্নবা মখোয়গী সরকারনা মীৎয়েং চঙবদগী হৌজিক মৈ মেগাৱাত ১৬,০০ পুথোক্লে। লাক্লিবা চহিশিংদা মৈ মেগাৱাত ২৪,০০০ পুথোক্নবা পান্দম থম্লি।

প্রধান মন্ত্রীনা হায়খি পি.এম সু্র্য়া ঘর মুফ বিলজি য়োজনা হৌদোকপদগী লনাই মীওইশিংনা মখোয়গী য়ুম মথকশিংদা সোলার পেনেলশিং থমদুনা মৈগী বিলশিং থিদ্রে অমসুং অহেনবা মৈ য়োন্দুনা শেন ফাওবা তাল্লে। স্কিম অসিদা লৈবাক শীনবা থুংবগী মীওই করোর ১.২৫ রেজিষ্টার তৌরে অমসুং মসিদা হরিয়ানাদগী লাখ কয়া য়াওরি। সোলার সেক্তরনা অনৌবা স্কিলশিং শেমগৎলে, এম.এস.এম.ইশিংগী খুদোংচাবশিং পীরে অমসুং নহারোল কয়া থবক ফংনবা খুদোংচাবা পীরে। অপীকপা সহরশিংদা লৈবা অপীকপা উদ্যোগশিংদা মৈ মরাংকাইনা ফংহন্নবা সরকারনা মীৎয়েং চঙলে। কোবিদ-১৯ মনুংদা সরকারনা এম.এস.এম.ইশিংদা লুপা করোর লাখ কয়াগী শেন্থং পীখি। মখোয়না চাউখৎলকপা মতমদা সরকারগী মতেং পীবা লেপখিবগী অকিবা লৈতনা অপীকপা উদ্যোগশিং চাউখৎপা ঙম্নবা এম.এস.এম.ইশিংগী দিফিনিসন শেমদোক্লে। অপীকপা উদ্যোগশিংদা অখন্নবা ক্রেদিদ কার্দশিং পীরে। মুদ্রা য়োজনাগী মখাদা গরেন্তি য়াওদনা লুপা করোর লাখ ৩৩ গী লোনশিং ফংহনখ্রে। স্কিম অসিগী বেনিফিসরিশিংগী চাদা ৫০ এস.সি. এস.তি অমসুং ও.বি.সি ইমুংশিংনা ওইরে।

প্রধান মন্ত্রীনা হায়খি লৌমীশিংগী হরাওবা অমসুং অৱাবশিংদা কেন্দ্র অমসুং রাজ্যগী সরকারশিংনা লেংদবা মরুপ ওইরি। হৌজিক রাজ্য সরকারনা মহৈ-মরোং ২৪ এম.এস.পিদা লৈরে। হরিয়ানাগী লৌমী লাখ কয়া পি.এম ফাসাল বিমা য়োজনাগী মখাদা লুপা করোর  ৯,০০০ গী কান্নবা ফংলে। পি.এম কিষান সম্মান নিধিগী মখাদা হরিয়ানাগী লৌমীশিংদা লুপা  করোর  ৬,৫০০ য়েন্থোকখ্রে। লোয়লম লৈঙাক মতমগী অরিবা আইনশিং হরিয়ানা সরকারনা মুৎথৎনবা ৱারেপ লৌবদগী লৌমীশিং ইথৈ-লৌখোংগী তেক্স থিদ্রে। তেক্স অসিগী মখাদা তোনবা লুপা করোর ১৩০ গী শেনফম কোক্লে। কেন্দ্র অমসুং রাজ্য সরকারনা লৌমীশিং অমসুং শা-ষন লোইরিবশিংদা অনৌবা খুদোংচাবা কয়া পীরে। গোবর্ধন য়োজনাগী মখাদা লৌমীশিংনা ষন্থী, লৌউ-শিংউগী অরেমখাকশিং অমসু অতোপ্পা ওর্গনিক অমোৎপশিংদগী বাইওগ্যাস পুথোক্লে। লৈবাক শীনবা থুংনা গোবর্ধন প্লান্ত ৫০০ লিংখৎনবা হন্দক্কী বজেত্ত লাউথোক্লে। যমুনানগরদা অনৌবা গোবর্ধন প্লান্ত অমা শানবা উরেপ-উয়ুং তমখিবা অসিনা ম্যুনিসিপাল কোওপরেসনশিংগী চহি অমদা লুপা করোর ৩ কনবা ঙমগনি। গোবর্ধন য়োজননা শ্বাছ ভারত অভিয়ানদা মতেং পাংদুনা লু-নানবা হেনগৎহল্লে।

প্রধান মন্ত্রীনা হায়খি হরিয়ানা চাউখৎপগী লম্বীদা য়াংনা চঙশিল্লি। মমাঙদা মহাক্না হিসারদগী অয়োধ্যা ধামগী মরক্ত ফ্লাইত সর্বিস হৌদোকখ্রে। রেৱারিগী অনৌবা ফ্লাইওভর অসিনা কৈথেলশিং, লম্বী ফাংনবা মফমশিং অমসুং রেলৱে ক্রোসিংশিং য়াম্না চিনবা ফহনগনি অমসুং গারিশিং য়াম্না নুংঙাইনা সহর অসি ফাওদুনা চৎপা য়ারগনি। লেন মরিগী বাইপাস অসিনা দিল্লি অমসুং নারনাওল অনিগী মরক্ত চৎথোক-চৎশিন্দা চঙবা মতম পুং ১ দা হন্থরগনি।

প্রধান মন্ত্রীনা হায়খি মখোয়গী ওইনা রাজনিতি অসি মীয়ামগী থবক তৌনবা পাম্বৈ অমনি। ঐখোয়গী দলনা মসিগী ৱাশক অসি ঙাক্লে অমসুং মসি হরিয়নানা শাখিনি। অহুমশুবা ওইনা সরকার পায়রবা মতুংদা ৱাশকখিবশিং সরকারনা থবক ওইনা পাংথোক্লে। ওপোজিসন্না পানবা রাজ্যশিংদা মীয়ামগী থাজবা লৈত্রে। চাউখৎ-থৌরাং অমসুং য়াইফ থৌরাংগী প্রোজেকশি পন্দুনা লৈবদগী হিমাচল প্রদেসকী মীয়াম অৱাবা মায়োক্নরে। হৌজিক পাল্লিবা সরকার অসিগী মখাদা কর্নাতকাদা মৈ, শঙ্গোম, বস ভারা অমসুং মরুশিংগী মমল হেনগৎলে। কর্নাতকাদা মীয়াম্না সরকারগী মথক্ত পেন্দবা সোসিএল মেদিয়াদা উবা ফংলে। শেঞ্জা-থুমজাদা কর্নাতকা মকোক্ত লৈরে হায়বা চীফ মিনিষ্টরগা নক্নবা মীওইশিং ফাওবনা ফোঙদোরক্লে। তেলঙ্গানাগী হৌজিক পাল্লিবা সরকার অসিনা মীয়ামদা শকখিবা ৱাশকশিং মীরাইরে অমসুং উমংশিং কোকথোক্নবা মীৎয়েং চঙবদগী মহৌশা অমসুং লম্লক্কী শা-উচেকশিংদা অকায়বা পীরে। মখোয়গী সরকারনা বিকসিত ভারত অমগীদমক কৎথোক্লে অমসুং ওপোজিসন্না শক্তি পায়নবগীদমক নমথাক তৌরি।

প্রধান মন্ত্রীনা হায়খি জালিয়ানৱালা বাগ মীহাৎকী ১০৬ শুবা কুমওন থৌরম লাকপদা মখোয়গী থৱায়শিং কৎখ্রবা অথৌবশিংগী মফমদা ইকায়খুম্নবা উৎচরি। মীহাৎ অসিগী অতোপ্পা শক্তম অমনা- মীওইবা খুন্নাই অমসুং লৈবাক্কীদমক অকিবা লৈতনা লেপখিবগী শ্রী সঙ্কর নাইয়রগী থৌনা অদুনি। বৃতিস সরকারগী শক্নাইরবা উকিল অমসুং অৱাংবা থাক্কী ওফিসিএল সঙ্কর নায়রনা ফম থাদোক্নবা ৱারেপ লৌখি অমসুং মপান লৈবাক্কী লৈঙাক্কী মীওৎ-মীনৈগী মায়োক্ত লৈখি।

মহাক্না জালিয়ানৱালা বাগ কেস মথন্থতা থেংনখি, বৃতিস লৈঙাকগী য়ুম্ফমশিং নিকহনখি অমসুং কোর্ততা পুখৎখি। সঙ্কর নায়রগী থবকশিং অসি “এক ভারত, শ্রেস্থা ভারত” কী খুদম অমনি। মসিদা পঞ্জাবতা থোকখিবা মীহাৎ অমগীদমক কেরলাদগী মীওই অমনা কমদৌনা বৃতিসকী মায়োক্ত লৈখিবগে হায়বা উৎলি। মসিগী অপুনবা অমসুং লান্থেংনবগী থৌনা অসি ভারতকী নিংতম লালহৌগী অশেংবা ইথিল ওইখি অমসুং বিকসিত ভারত অমগী মাইকৈদা চৎলিবা খোঙচৎকী শাফু অমা ওইরি। সঙ্কর নায়রনা পাংথোকখিবা থবকশিং মীয়াম্না খঙনবা হোৎনগদবনি। লায়রবা, লৌমীশিং, নহারোলশিং অমসুং নুপীশিংগী ফিবম ফগৎনবা কেন্দ্র সরকার অমসুং রাজ্য সরকারনা লেপ্তনা থবকশিং পায়খৎলি। অপুনবা থবকশিং অসিনা হরিয়ানা চাউখৎপগী লম্বীদা লমজিংগনি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা হরিয়ানাগী চীফ মিনিষ্টর শ্রী নয়াব সিংহ সাইনি, য়ুনিয়ন মিনিষ্টরশিং শ্রী মনোহর লাল, শ্রী রাও ইন্দরজিৎ সিংহ, শ্রী কৃষ্ণন পাল গুরজার য়াওখি।

নুঙগীৱারোল

অথাপ্পা মফমদা ইলেক্ত্রিসিতি য়ৌহন্নবা পান্দমগা লোয়ননা লমদম অসিদা পৱার ইনফ্রাস্ত্রকচর ফগৎহন্দুনা, প্রধান মন্ত্রীনা যমুনাগরদা দীবন্ধু ছোতু রাম থর্মেল পৱার প্লান্তগী মেগাৱাত ৬০০গী মোদর্ন থর্মেল পৱার য়ুনিত উরেপ-উয়ুং তমখ্রে। য়ুনিত অসি লম একর ২৩৩ রোমদা লৈগনি, চাউরাক্না লুপা করোর ৮,৪৭০ রোম চংগনি, মসিনা হরিয়ানাগী মশাগী ওক্নবা মৈ পুথোকপা শিংথাবা য়ানা হেনগৎহনগনি অমসুং রাজ্য অসিদা মৈ মুৎপা নাইদনা ফংহনগনি।

গোবর্ধান (গালভানাইজিং ওর্গানিক বাইও-এগ্রো রিছোর্সেস ধন) গী পান্দম মাঙলোমদা পুখৎলদুনা, যমুনাগরগী মুকারাবপুরদা প্রধান মন্ত্রীনা কমপ্রেস বাইওগ্যাস প্লান্ত অমগী উরেপ-উয়ুং তমখ্রে। প্লান্ত অসিনা চহি অমদা মেত্রিক তন ২,৬০০ পুথোকপা ঙমগনি অমসুং মৈখু থাংদবা ইনর্জি পুথোকপা অমসুং মহৌশাগী অকোয়বগী ফিবম ঙাক-শেনবদা মতেং পাংবগা লোয়ননা, ওর্গানিক ওইবা অমোৎপা লোইশিনবদা মতেং পাংগনি।

প্রধান মন্ত্রীনা ভারতমালা পরিয়োজনাগী মখাদা লুপা করোর ১,০৭০ রোম চংবা কিমি ১৪.৪ শাংবা রেৱারি বাইপাস প্রোজকশু শঙ্গাখ্রে। মসিনা রেৱারি সহরদা চিনবা হন্থহনগনি, দিল্লি-নারনাউল চৎপগী মতম চাউরাক্না পুং ১ দা হন্থহনগনি অমসুং লমদম অসিগী শেন-থুম অমসুং খুন্নাইগী থবকশিং ফগৎহনগনি।

***