খুরুমজরি,

ঙসি অয়ুক্তগী ভারত মন্দপম অসি ভাইব্রেন্ত ওইবা প্লেৎফোর্ম অমা ওইরক্লি। মিনিত খরনিগী মমাংদা, ঐহাক্না নখোয়গী তীমগা উনবগী খুদোংচাবা ফংখি। সম্মিৎ অসি দাইভর্সিতীনা থনখি। সম্মিৎ অসিদা মমিং লৈরবা মীওই কয়ানা মচু হাপখি। ঐনা থাজৈ মদুদি নখোয়গী এক্সপরিয়েন্স অদুসু য়াম্না কান্নবা ওইগনি। সম্মিৎ অসিদা নহাশিং অমসুং নুপী কয়া শরুক য়াবা অসিনা মসিগী অখন্নবা মশক অমা ওইরে। মরুওইনা, ঐখোয়গী দ্রোন দিদি অমসুং লাখপতি দিদিশিংনা শেয়র তৌবা এক্সপরিয়েন্সশিং - ঐহাক্না হৌজিক্তি এঙ্কর পুম্নমক্কা উনবদা, মখোয়না মখোয়গী ৱারীশিং অদু থৱায় য়াওনা শেয়র তৌরিবা অদু ঐহাক্না উবা ফংখি। মখোয়গী দাইলোগ খুদিংমক মখোয়না নীংশিংখি। মসিমক্না থৌরম অসি পুক্নিং থৌগৎনিংঙাই ওইরিবনি।

মরুপশিং,

মসি হোংলক্লিবা ভারতকী মশক অমনি, মসিনা লম খুদিংদা মাগী ভোইস হেনগৎহল্লি। ভারত অসি অওনবা পুরক্নবগী খ্বাইদগী চাউবা মঙলান অসি 2047 ফাওবদা বিক্সিৎ ভারত (চাউখৎলবা ভারত) ওইবনি। মসি ফংনবগীদমক্তা ঐখোয়গী লৈবাক অসিদা কেপাসিতী, রিসোর্সশিং অমসুং ৱিল পৱার লৈ। স্বামী বিবেকানন্দনা হায়রম্মি - হৌগৎলু, হৌগৎলু, অমসুং পান্দম অদু ফংদ্রিবা ফাওবা লেপ্পোইদবনি।  ঙসিদি, ঐহাক্না ভারত মচা খুদিংমক্তা হায়রিবা ৱাখল্লোন অসি উবা ফংলি। অসিগুম্বা দেলিবরেসনশিং, অসিগুম্বা খন্ন-নৈনবশিং অমসুং মরুওইনা নহারোলশিংনা শরুক য়াবা অসি 'বিক্সিৎ ভারত'কী পান্দম ফংনবা হোৎনবদা মরুওইবা থৌদাং অমা লৌরি। অদোম্না অসিগুম্লবা অফবা মীফম অমা শিন্দুনা লাক্লি। মসিগীদমক ঐহাক্না ঐহাক্কী মরুপ অতীব সরকরজী, ঐহাক্কী অরিবা মরুপ রাজনিশ অমসুং ABP নেৎৱার্ক্কী তীম পুম্নমকপু থাগৎপা ফোংদোকচরি।

মরুপশিং,

ঙসি অসি ভারতকী ওইনা পুৱারী ওইরবা নুমিৎ অমনি। মতম খরগী মমাংদা, ঐহাক্না য়ুনাইতেদ কিংদমগী প্রধান মন্ত্রীগা লোয়ননা মফম অসিদা লাক্ত্রিঙৈ মমাংদা ৱারী শানখি। ভারত-য়ু.কে. ফ্রী ত্রেদ এগ্রীমেন্ত হৌজিক ফাইনেল ওইরে হায়না ঐহাক্না শেয়র তৌবদা নুংঙাইবা ফাওই। মালেমগী মরুওইবা অমসুং ওপন মার্কেৎ ইকনোমি অনিগী মরক্তা লৈনরিবা ম্যুচুএল ত্রেদ অমসুং ইকনোমিক কোওপরেসনগী মতাংদা য়ানা ৱারোল অসিনা লৈবাক অনিগী চাউখৎ থৌরাংদা অনৌবা চেপ্তর অমা হাপকনি। মসি মরুওইনা ঐখোয়গী নহাশিংগীদমক্তা য়াম্না নুংঙাইবা পাউ অমনি। মসিনা ভারত্তা শেন্মিৎলোনগী থবক থৌরমদা পুক্নিং থৌগৎকনি অমসুং ভারতকী বিজিনেস অমসুং MSMEশিংগীদমক অনৌবা খুদোংচাবশিং হাংদোক্কনি। অদোম্না খঙলে মদুদি ঐখোয়না ইকুই কুইদ্রিঙৈদা য়ু.এ.ই., ওস্ত্রেলিয়া অমসুং মোরিসিয়সকুম্বা লৈবাকশিংগা লোয়ননা ললোন-ইতিক্কী এগ্রীমেন্তশিং সাইন তৌনখ্রে। মসিনা উৎলি মদুদি ভারতনা রিফোর্মশিং পায়খৎপা খক্তা নত্তনা মালেমগা লোয়ননা এক্তিব ওইনা শরুক য়াবা হেনগৎলক্লি অমসুং ললোন-ইতিক অমসুং কম্মর্সকীদমক মশাবু ভাইব্রেন্ত হব অমা ওইরক্লি।

মরুপশিং,

থৌনা ফরবা ৱারেপ লৌনবা অমসুং ঐখোয়গী পান্দমশিং ফংনবা, লৈবাক অসিগী ইন্তরেস্তশিংবু মরু ওইনা লৌগদবনি অমসুং লৈবাক অসিগী তৌবা ঙম্বশিংদা থাজবা থমগদবনি। লাইবক থিবদি, ঐখোয়গী লৈবাক অসিদা চহি তরাগী খুজিং কয়াগী মমাংদগী মসিগী মাইয়োক্তা ৱাখল্লোন অমা লৈরকখি অমসুং মসিনা মরম ওইদুনা লৈবাক অসিনা অৱাবা কয়া মায়োক্নখি। অচৌবা ৱারেপ অমা লৌদ্রিঙৈদা নত্ত্রগা খোঙথাং অমা লৌখৎত্রিঙৈদা লুচিংবশিংনা: মালেমনা করি খল্লি? মসিনা ঐখোয়দা ভোৎ পীবা ঙমগদ্রা? সিৎ অসি লেং দনা লৈগদ্রা? ভোৎ বেঙ্ক অসি মাঙশিল্লক্কদ্রা? মরুওইবা ৱারেপশিং অমসুং অচৌবা রিফোর্মশিং অসি তোঙান তোঙানবা মশাগী কান্নবা ফংনবগীদমক্তা মতম শাংনা লেপখি।

মরুপশিং,

অসিগুম্বা মওংদা লৈবাক অমত্তনা মাংলোমদা চংশিনবা ঙম্লোই। লৈবাক অমা চাউখৎলকপা মতমদা ৱারেপ খুদিংমক্কী অমত্তা ঙাইরবা ক্রাইতেরিয়াদি লৈবাক অসিনি। হৌখিবা চহি তরা অসিদা, ভারতনা হায়রিবা পোলিসী অসিগা লোয়ননা মাংলোমদা চংশিল্লি। অমসুং ঙসিদি, ঐখোয়না মসিগী মহৈশিং অদু উবা ফংলি।

মরুপশিং,

হৌখিবা চহি 10-11 অসিদা, ঐখোয়গী সরকারনা ৱারেপ অঞগী মথংদা অমা লৌখি। ৱারেপশিং অসি রাজনিতীগী ইথিল লৈতবনা মরম ওইদুনা চহি তরাগী খুজিং কয়াগী মমাংদগী লেপখি, মতম শাংদোকখি, নৎত্রগা থিংজিনখি। খুদম ওইনা, শেন্মিৎলোনগী মপাঙ্গল ওইরিবা ঐখোয়গী বেঙ্কিং সেক্তর। মমাংদা, বেঙ্কশিংগী অমাংবগী মতাংদা খন্ন-নৈনদনা সম্মিৎ অমত্তা মপুং ফাদ্রি। অমসুং ঐখোয়গী লৈবাক অসিদা বেঙ্কশিং অসি 2014গী মমাংদা কাইগদবগী ফীভমদা লৈরমখি। অদুবু ঙসিগী ফিভম অসি কমদৌরি? ঙসি, ভারতকী বেঙ্কিং সেক্তর অসি মালেমগী খ্বাইদগী মপাঙ্গল কনবা সিস্তেমশিংগী মনুংদা অমা ওইরে। ঐখোয়গী বেঙ্কশিংনা রেকোর্দ ওইবা শেন্দোং ফংলি, অমসুং দিপোজিতরশিংনা কান্নবা ফংলি। মসি ঐখোয়গী সরকারনা বেঙ্কিং সেক্তরদা লেপ্পা লৈতনা রিফোর্মশিং পাংথোকপদগী ওইথোকপা ঙমখ্রে। লৈবাক অসিগী কান্ননবগীদমক অপীকপা বেঙ্কশিং পুনশিন্নবা অমসুং মখোয়গী তৌবা ঙম্বশিং হেনগৎহনখি। এয়র ইন্দিয়াগী মমাংগী ফীভম অদুসু অদোম্না নীংশিংবা য়াই। এয়র ইন্দিয়া অসি মুৎকদবগী ফীভমদা লৈরম্মি অমসুং চহি খুদিংগী লুপা করোর লিশিং কয়া মাংখি। অদুম ওইনমক মমাংগী লৈঙাকশিংনা ৱারেপ অমা লৌবদা অকিবা পোকখি। ঐখোয়না ৱারেপ অদু লৌখি অমসুং লৈবাক অসিবু লেপ্তনা মাং-তাকপদগী ঙাকথোকখি। করিগীনো? মরমদি, লৈবাক অসিগী কান্নবা অসি ঐখোয়গীদমক খ্বাইদগী মরু ওই।

মরুপশিং,

ঐখোয়গী লৈবাক অসিগী হান্নগী প্রধান মন্ত্রী অমনা সরকারনা লায়রবশিংদা লুপা অমা থাবা মতমদা লম্বীদা লুপা 85 মাঙই হায়না য়াখি। লৈঙাকশিং হোংলকখি, চহি কয়া চত্থখি, অদুবু লায়রবশিংদা পীগদবা শেনফম অদু মপুং ফানা ফংহন্নবগীদমক করিগুম্বা অকনবা খোঙথাং অমত্তা লৌখৎখিদে। ঐখোয়গী পান্দমদি দিল্লীদগী লুপা অমা থারবদি, পাইসা 100 অদু বেনিফিসরী অদুদা য়ৌহনবনি। মসিগীদমক ঐখোয়না দাইরেক্ত বেনেফিৎ ত্রান্সফর (DBT) সিস্তেম ইমপ্লিমেন্ত তৌখি। মসিনা সরকারগী স্কিমশিংদা লীকেজ থিংখি অমসুং কান্নবশিং অসি ফংফম থোকপা মীওইশিংদা হকথেংননা য়ৌহনখি। ঐহাক্না শন্দোক্না হায়বা পাম্মি মদুদি সরকারগী ফাইলশিংদা ফেক বেনিফিসরী করোর 10 য়াওরি। হোয়, করোর 10! শুকলৈ লৈতবা মীওইশিংনা সরকারগী মপুং ফাবা কান্নবশিং ফংলি। মসিগী সিস্তেম অসি মমাংগী সরকারশিংনা শেমখি। ঐখোয়গী সরকারনা সিস্তেমদগী ফেক নেম করোর 10 অসি লৌথোকখি অমসুং শেনফম পুম্নমক DBTগী খুত্থাংদা লায়রবশিংগী বেঙ্ক একাউন্তশিংদা হকথেংননা য়ৌহনখি। মসিনা মরম ওইদুনা, লুপা করোর লাখ 3.5 হেন্না - হোয়, লুপা করোর লাখ 3.5 হেন্না - অরানবা খুৎতা চংহনবদগী ঙাকথোকখি। অতোপ্পা ৱাহৈ অমদা হায়রবদা, ঐখোয়না অদোমগী শেল মাংবদগী ঙাকথোক্লে। অদোমগী শেলদি কনবা ঙম্লে, অদুবু মোদীদিদি রিবুক তৌখি।

মরুপশিং,

ৱান রেঙ্ক, ৱান পেসন (OROP)গী মতাংসি য়েংসি। মসি দিকেদ কয়াগী মমাংদগী লেপতুনা লৈরকখি। মমাংদা, মসি সরকারগী ত্রজরীদা পোৎলুম পীরগনি হায়দুনা থাদোকখি। অদুবু ঐখোয়গী সরকারনা লৈবাক অসিবু ঙাক শেনবগীদমক মখোয়গী পুন্সি কৎথোক্লবশিংগী ইন্তরেস্তশিংনা অতোপ্পদগী হেন্না মরু ওইনা লৌই। ঙসিদি লান্মীশিংগী ইমুং লাখ কয়ানা OROPগী কান্নবা ফংলি। হৌজিক ফাওবদা, ঐখোয়গী সরকারনা স্কিম অসিগী মখাদা এক্স-সর্বিসমেনশিংদা লুপা করোর লাখ 1.25 হেন্না পীখ্রে।

মরুপশিং,

লৈবাক অসিদা চহি কয়াগী মমাংদগী লায়রবা ইমুংশিংদা রিজার্বেসন পীনবগী মতাংদা ৱা ঙাংদুনা লাক্লি, অদুবু থবক অমত্তা পায়খৎপা লৈতে। ঐখোয়গী সরকারনা মসি চৎনহন্নবা ৱারেপ লৌখি। লৈবাক অসিগী মীপুম খুদিংমক্না লোক সভা অমসুং স্তেৎ এসেমব্লীশিংদা নুপীশিংগী 33% রিজার্বেসনগী মতাংদা চহি কয়া অসিদা থোকখিবা থৌদোকশিং অদু উখ্রে। মসিবু মতম শাংনা লেপহন্নবগীদমক কান্নবা কয়া লৈরম্মি। অদুবু মসি লৈবাক অসিগী কান্ননবগীদমক্তা তঙাইফদে। মসিনা মরম ওইদুনা ঐখোয়গী সরকারনা লোক সভা অমসুং স্তেৎ এসেমব্লীশিংগীদমক নুপীগী রিজার্বেসন লো চৎনহনখি, মসিনা নারী শক্তিবু হেন্না শক্তি লৈহনখি।

মরুপশিং,

মমাংদা অসিগুম্বা ইসু কয়া অমা লৈরম্মি মদুদি ভোৎ বেঙ্কশিং শোকলক্কনি হায়বগী চিংনবা লৈবদগী কনাগুম্বা অমত্তনা খন্ন-নৈনবা পামখিদে। খুদম ওইনা, ত্রিপল তলাক্কী ইসু লৌসি। মসিনা মশীং থীঙমদ্রবা মুস্লিম নুপী কয়াগী পুন্সি মাংহনখি। অদুবু মতমদুদা লৈঙাক পায়রম্বা মীওইশিংদি করিসু তৌদে। ঐখোয়গী সরকারনা নুপীশিংগী য়াইফনবা অমসুং মুস্লিম ইমুংশিংগী য়াইফনবগীদমক ত্রিপল তলাক্কী মায়োক্তা আইন অমা শেম্লে। চপ মান্ননা, ৱাকফ এক্ততা মরুওইবা রিফোর্মশিংগী তঙাই ফদবা অদু দিকেদ কয়াগী মমাংদগী লৈরক্লি, অদুবু মসিগী অফবা মরম অসি ভোৎ বেঙ্কশিংবু নুংঙাইহন্নবগীদমক্তা মীৎয়েং চংদনা লৈখি। হৌজিক, অরোইবদা, ৱাকফ এক্ততা তঙাইফদবা শেমদোক-শাদোকশিং তৌখ্রে। মসিনি মুস্লিম মমাশিং অমসুং ইচিল-ইনাওশিং, অমসুং লায়রবশিং অমসুং শোত্থরবা (পাসমন্দা) মুস্লিমশিংদা তশেংনা কান্নবা পীগদবা রিফোর্মশিং।

মরুপশিং,

অতোপ্পা মরুওইবা খোংথাং অমা লৈ, মদুগী মতাংদা খন্ন-নৈন্নদে - মদুদি তুরেলশিং শম্নহনবা অসিনি। হৌজিক্তি, অতীব জীনা ঈশিংগী মতাংদা হংখি - করি তৌগনি? চহি কয়াদগী ঐখোয়গী লৈবাক অসিদা তুরেলগী ঈশিং অসি তেন্সন অমসুং দিস্প্যুৎ কয়া থোক্নরক্লি। অদুবু ঐখোয়গী সরকারনা রাজ্য সরকারশিংগা লোয়ননা তুরেলশিংবু শম্নহন্নবা অচৌবা কেম্পেন অমা হৌদোক্লে। কেন-বেৎৱা লিঙ্ক প্রোজেক্ত, পার্বতী-কালিসিন্ধ-চম্বল লিঙ্ক প্রোজেক্তকুম্বা প্রোজেক্তশিংনা লৌমী লাখ কয়াদা কান্নবা ফংহল্লগনি। ঙসিদি, মীদিয়াদা ঈশিংগী মরমদা খন্ন-নৈনবগী থৌওং কয়া অমা লৈরি । মসিগী ৱাহন্থোক অদু ময়াম পুম্নমক্না য়াম্না থুনা খঙলগনি । মমাংদা, ভারতকী ওইগদবা ঈশিং অসি ঐখোয়গী ঙমখৈ মপান্দগী চেল্লম্মি। হৌজিক ভারতকী ঈশিং অসি ভারতকী কান্ননবগীদমক্তা চেল্লগনি, ভারত্তা লৈগনি অমসুং ভারতকী সেবা তৌগনি।

মরুপশিং,

চহি কয়াগী মতুংদা অরোইবদা অনৌবা পার্লিয়ামেন্ত বিলদিং অমা শাগৎলে হায়না মীয়াম্না তোয়না হায়নৈ। অদুবু য়াম্না তোয়না নৈনদবা ৱাফমদি চহী তরাগী খুজিং কয়াগী মতুংদা, ঐখোয়গী লৈঙাক্না দোক্তর মোদীগী য়ুম অসি শাখিবনি। দিল্লীদা লৈবা বাবাসাহেব অম্বেদকর নেস্নেল মেমোরিয়েল। ৱাখল্লোন অসি অতল জীগী সরকারগী মতমদা হৌদোকখিবনি, অদুবু প্রোজেক্ত অসি দিকেদ অমা লেপখি। ঐখোয়গী সরকারনা মসিবু লোইশিনবতা নত্তনা পঞ্চতীর্থকী থৌরাংগী শরুক অমা ওইনা ভারত অমসুং মালেমগী মফম কয়াদা বাবাসাহেবকা মরী লৈনবা মরুওইবা মফমশিংসু শেমগৎলে।

মরুপশিং,

2014দা, সিস্তেম অসিদা মীয়াম্না থাজবা থম্লমদ্রিঙৈ মতম অদুদা ঐখোয়গী সরকার শেমখি। মীওই খরদি ঐখোয়গী লৈবাক অসিদা দেমোক্রেসী অমসুং চাউখৎপা অমত্তা ওইনা লৈমিন্নবা ঙমগদ্রা হায়না হংনবা হৌরকখি। অদুবু ঙসিদি, কনাগুম্বনা ভারতপু য়েংবদা, মহাক্না চাউথোকচবা ফাওবগা লোয়ননা হায়বা ঙম্মি: "দিমোক্রেসীনা পীবা ঙম্মি।" হৌখিবা দিকেদ অমদা, মীওই করোর 25না লৈতবা লায়রবদগী থোরকপা ঙমখ্রে। মসিনা মালেমদা দেমোক্রেসীগী খুদোংচাবা লৈ হায়বা ময়েক শেংনা তাক্লি। মুদ্রা য়োজনাগী মখাদা লোন ফংলবা অপীকপা ওন্তপ্রিন্যুপর মিলিয়ন কয়ানা মসি খল্লি মদুদি দিমোক্রেসীনা পীবা ঙম্মি। মতম অমদা ঐখোয়গী লৈবাক অসিদা দিস্ত্রিক্ত মশিং কয়া অমা "শোত্থবা" হায়না লেবেল তৌরম্মি অমসুং মখোয়বু অততাই ওইনা হুন্দোকলমখি। ঙসিদি, হায়রিবা দিস্ত্রিক্তশিং অসি এস্পিরেস্নেল দিস্ত্রিক্তশিংদা ওন্থোকখ্রে, চাউখৎ-থৌরাংগী ইন্দিকেতরশিংদা মপাঙ্গল কন্না পাংথোক্লি। মসিদি দিমোক্রেসীনা পীবা ঙম্বগী ময়েক শেংবা খুদম্নি। মসি মীওই খরা খক্তনা খঙই, অদুবু ঐখোয়গী ত্রাইবেল কম্ম্যুনিতীশিংগী মনুংদা, চাউখৎপগী কান্নবা ফংদ্রিবা, কা হেন্না শোত্থরবা সব-গ্রুপশিংসু লৈ। ঙসিদি, পি.এম. জনমন য়োজনাগী মতেংনা, হায়রিবা কম্ম্যুনিতীশিং অসিনা সরকারগী সর্ভিসশিং ফংলক্লি। অমসুং মখোয়সু গনতন্ত্রনা পীবা ঙম্বগী থাজবা অদু ফংলে। অশেংবা দেমোক্রেসী হায়বসিনা লৈবাক অসিগী চাউখৎপা অমসুং মসিগী রিসোর্সশিং অসি খেন্নবা লৈতনা অরোইবা মীওই ফাওবা য়ৌহন্নবা হোৎনবনি। অমসুং মসি ঐখোয়গী সরকারনা তৌরিবনি।

মরুপশিং,

ঙসি ঐখোয়না অনৌবা ভারত অমা শেমগৎলি। চাউখৎপগী খোঙজেল য়াঙখৎলিবা অমসুং ঐখোয়গী চাউখৎপা অসি ৱাখল অমসুং ৱারেপ্না খক্তা নত্তনা নুংশি-চান্নবনা মপাঙ্গল কনখৎহল্লি। ঐখোয়না গ্রোথ অসি কৈথেল খক্তনা মশক তাকপা নত্তবা, হ্যুমেন-সেন্ত্রিক গ্লোবেলাইজেসনগী লম্বী অদু খল্লে। ঐখোয়গীদমক্তদি, মীশিংদা ইকায় খুম্নরবা পুন্সি অমা পীবা, অমসুং মখোয়গী মঙলানশিং মংফাওহনবদা মতেং পাংবা অসি চাউখৎপগী অশেংবা চাংনি। ঐখোয়না GDP খক্তদা য়ুম্ফম ওইবা এপ্রোচকী ৱাংমদা চংশিল্লি, অমসুং GEPদা য়ুম্ফম ওইবা প্রোগ্রেসকী মায়কৈদা চংশিল্লি – মসিদা GEP হায়বসিনা মীয়ামগী গ্রোস এম্পাৱরমেন্ত ওফ পিপল তাক্লি। মসিনা মীপুম খুদিংমক্কী শক্তি লৈহল্লগনি। লায়রবশিংনা পর্মিনেন্ত য়ুম অমা ফংলকপা মতমদা, মখোয়দা শক্তি লৈরকই, অমসুং মখোয়গী মশাগী ইকাই খুম্নবা হেনগৎলকই। লায়রবা অমগী ময়ুমদা তোইলেৎ অমা শাবা মতমদা, মখোয় অসি ইকাই খুম্নদবা অমসুং ওপন দেফিকেসনগী চৈথেংদগী কোকহল্লি। মখোয়না আয়ুশ্মান ভারত স্কিমগী খুত্থাংদা লুপা লাখ 5গী লেম্না লায়েং ফংলে, মসিনা মখোয়গী পুন্সিদগী অচৌবা অৱাবা অমা লৌথোক্লে। অসিগুম্বা খুদম কয়া অমা লৈরি। মখোয় পুম্নমক্না নুংশিজবা চাউখৎপগী লম্বী অদু মপাঙ্গল কনখৎহল্লি অমসুং লৈবাক অসিগী মীয়াম্বু তশেংনা শক্তি পীরি।

মরুপশিং,

নুমিৎ খরনিগী মমাংদা, ঐহাক্না সিভিল সর্বিসেস দেগী থৌরমদা 'নাগরিক দেবো ভাভা' হায়বা মন্ত্র অসিগী মতাংদা ৱা ঙাংখি। মসি ঐখোয়গী লৈঙাক্কী মরুওইবা ৱাখল্লোন অমনি। ঐখোয়না জনতা (মীওইবশিং) অসি জনর্দান (ঈশ্বর) ওইনা উরি। মমাংদা, "মাই-বাপ" (নিংথৌ-শাসনগী মখা পোনবা) কলচরনা লৈঙাক্কী থবক থৌরমশিংদা লৈঙাক্লমখি। ঙসিদি, ঐখোয়গী সরকারনা মীয়ামগী সেবা তৌবগী ৱাখল্লোনগা লোয়ননা থবক তৌরি। সরকারনা হৌজিক্তি নাগরিকশিংদা সর্ভিসশিং ফংহন্নবা প্রো-এক্তিব ওইবা মওংদা য়ৌরক্লি। মফম অসিদা নহা কয়া অমা লৈরি - হৌজিক্কী মতমদা, নহাক্না ফোর্ম অয়াম্বা ওনলাইনদা থাজল্লি। অদুম ওইনমক, মতম অমদা অদোম্না অদোমগী দোকুমেন্তশিং অসি এতেস্তেদ তৌনবগীদমক্তা সরকারগী ওফিসশিংদা চৎপা মথৌ তাখি। হৌজিক্তি, চপ মান্নবা থবক অসি সেল্ফ-এতেস্তেসনগী খুত্থাংদা পাংথোকপা য়াই।

মরুপশিং,

চহি য়াম্লবা নাগরিকশিংগীদমক্তা মসিগা মান্নবা মতমগা চুন্দ্রবা সিস্তেমশিং লৈরম্মি। চহি খুদিংগী, চহি য়াম্লবা নাগরিকশিংনা মশাগী হান্নগী ওফিস অদুদা চৎতুনা মখোয় হিংলি হায়না প্রমান পীবা - নত্ত্রগা বেঙ্ক অদুদা চৎতুনা, "ঐহাক হিংলি, ঐহাক্না পেন্সন লৌগদবনি" হায়না হায়গদবনি। মদুগী সোলুসন অমা ঐখোয়না ফংলে। হৌজিক্তি, সেনিয়র সিতিজনশিংনা মখোয়গী লাইফ সর্টিফিকেট অসি দিজিতেলগী মওংদা মফম অমহেক্তদগী সবমিৎ তৌবা ঙম্লগনি। ইলেক্ত্রিসিতী কনেক্সন অমা এপ্লাই তৌবা, ঈশিংগী টেপ অমা ইন্সতোল তৌবা, বিলশিং পীবা, গ্যাস সিলিন্দর অমা বুক তৌবা, নৎত্রগা গ্যাস সিলিন্দরগী দেলিভরী ফংহনবা ওইরবসু, মমাংদা মীওইশিংনা থবক অদু পাংথোক্নবগীদমক্তা হন্না হন্না চৎপা নৎত্রগা থবক্তগী ছুতি লৌবা মথৌ তাই।

অদুবু ঙসিদি, সিস্তেম অসি হোংখ্রে। অসিগুম্বা থবক কয়া অমা হৌজিক ওনলাইনদা পাংথোক্লি। নাগরিক অমসুং সরকারগী মরক্তা লৈরিবা ইন্তরফেস খুদিংমক - পাসপোর্ত অমা এপ্লাই তৌবা, তেক্স রিফন্দ অমা রিক্বেস্ত তৌবা, নত্ত্রগা অতোপ্পা করিগুম্বা অমা রিক্বেস্ত তৌবা - অসি অচম্বা, থুনা অমসুং মতিক চানা পাংথোক্নবা ঐখোয়না লেপ্পা লৈতনা হোৎনরি। মসি “নাগরিক দেবো ভাভা”গী অশেংবা ৱাহন্থোক্নি।  অমসুং মসিগী ৱাখল্লোন অসিগা লোয়ননা, ঐখোয়না 2047 ফাওবদা 'ভিক্সিৎ ভারত'কী মপাঙ্গল কনবা য়ুম্ফম অমা শেমগৎলি।

মরুপশিং,

ঙসিদি ভারতনা মসিগী চৎনবী অমসুং মসিগী খুমাং চাউশিল্লকপগী থৌওং অনিমক য়াউদুনা মাংলোমদা চংশিল্লি। বিকাস অমসুং ভিরাসত অসি ঐখোয়গী মন্ত্রনি। ভারত্তা চৎনবী অমসুং তেক্নোলোজীনা মতৌ করম্না পুন্না হিংমিন্নবা য়াবগে হায়বদু ঐখোয়না উবা ফংলি। ঙসিদি, ঐখোয়না দিজিতেল ত্রাঞ্জেক্সনশিংদা মালেমগী খ্বাইদগী মকোক থোংবা লৈবাকশিংগী মনুংদা অমা ওইরে। মসিগা লোয়ননা, ঐখোয়না ঐখোয়গী চৎনবীগী থাজবা য়াবা পোৎলমশিং ওইরিবা য়োগ অমসুং আয়ুর্বেদপু মালেম শীনবা থুংনা শন্দোক্লি। ঙসিদি, মালেম অসিনা ভারত্তা ইনভেস্ত তৌনবা কন্না হোৎনরি। হৌখিবা চহি তরা অসিদা, ভারতনা FDI রেকোর্দ ওইবা থাক্তা ফংলি। মসিগা লোয়ননা, হুরানখ্রবা আর্তিফেক্তশিং অমসুং অতোপ্পা কলচরেল আইতেমশিংসু ভারত্তা রেকোর্দ ওইনা মশিং য়াম্না হল্লক্লি। ঙসি ভারত অসি মালেমগী অনিশুবা খ্বাইদগী চাউবা মোবাইল ফোন পুথোকপা লৈবাক ওইরে। মতম অমত্তদা, ঐখোয়না সুপরফুদশিং ওইরিবা মিল্লেৎ পুথোকপদসু মাংজিল থারি। সোলর তেম্পলগী ভারতনা হৌজিক্তি সোলর ইনর্জী পুথোকপগী কেপাসিতী গিগাৱাৎ 100 য়ৌরে।

মরুপশিং,

খুমাং চাউশিলহন্নবগীদমক্তা, ঐখোয়গী চৎনবী নৎত্রগা ঐখোয়গী হৌরকফম থাদোকপগী তঙাইফদবা লৈতে। ঐখোয়গী হৌরকফমগা লৈনরিবা মরী অসি হেন্না চেৎশিল্লক্লিবমখৈ, মোদর্নিতীগা লৈনরিবা মরী অসি হেন্না চেৎশিল্লক্লগনি। চহি লিশিং কয়াগী মমাংদগী লৈরক্লবা ঐখোয়গী হেরিতেজ অসি ঐখোয়না চহি লিশিং কয়াগী মমাংদগী ভারতকী শক্তিগী হৌরকফম অমা ওইহল্লক্লি।

মরুপশিং,

2047 ফাওবদা 'ভিক্সিৎ ভারত' অমগী মায়কৈদা চংশিল্লিবা খোঙথাং খুদিংমক্কী মশাগী ওইবা মরুওইবা লৈ। ঙসি সরকারগী ৱারেপ অমনা কয়া য়াম্না চাউবা মল্তিপ্লাইয়র ইফেক্ত লৈহনবা ঙম্বগে হায়বসি মীয়াম্না খঙবা ঙম্নদ্রি। সেক্তর অমখক্তদগী খুদম অমা ঐঙোন্দা পীজগে - মেদিয়া অমসুং কন্তেন্ত শেম্বা। চহি 10গী মমাংদা ঐহাক্না দিজিতেল ইন্দিয়াগী মতাংদা ঙাংখিবা অদু খল্লু। মতম অদুদা মীওই কয়ানা চিংনবা কয়া ফোঙদোক্নরম্মি। অদুবু ঙসিদি দিজিতেল ইন্দিয়ানা ঐখোয়গী পুন্সিগী মরুওইবা শরুক অমা ওইরে। মমল হোংবা দেতা অমসুং মমল হোংবা মেদ ইন ইন্দিয়া স্মার্তফোনশিংনা অনৌবা রিভোলুসন অমা থোকহল্লে। দিজিতেল ইন্দিয়ানা ইজ ওফ লিভিংবু মতৌ করম্না হেনগৎহনবগে হায়বদু ঐখোয় পুম্নমক্না উবা ফংলি। অদুবু দিজিতেল ইন্দিয়ানা মতৌ করম্না কন্তেন্ত অমসুং ক্রিয়েতিবিতীগী অনৌবা মালেম অমা করম্না শেম্বগী হায়বা অসি কয়া খন্ন-নৈনদে।

ঙসি, খুঙহগং অমদা থোং থাকপা হৈবা নুপী অমনা মিলিয়ন-সবস্ক্রাইবর ক্লবকী শরুক ওইরে। ত্রাইবেল এরিয়াগী নহা অমনা মহাক্কী ত্রেদিস্নেল আর্তকী খুত্থাংদা মালেম শীনবা থুংনা লৈরিবা মীয়ামগা শম্নহল্লি। স্কুল চৎলিবা নহা অমনা তেক্নোলোজীগী মতাংদা শিংথানিংঙাই ওইবা মওংদা শন্দোক্না তাক্লি অমসুং উৎলি। ইকুই কুইদ্রিঙৈদা মুম্বাইদা অহানবা ৱেবস সম্মিৎ পাংথোকখি। মসিনা মীদিয়া, এন্তর্তেনমেন্ত অমসুং ক্রিয়েতিব ইন্দস্ত্রীশিংদা য়াওরিবা মালেমগী মীওইশিংবু পুনশিনখি। ঐহাকসু মসিগী শরুক অমা ওইনবগী খুদোংচাবা ফংখি। কনাগুম্বা অমনা ঐঙোন্দা হায়খি মদুদি য়ুত্যুব খক্তনা হৌখিবা চহি অহুম অসিদা ভারতকী কন্তেন্ত ক্রিএতরশিংদা লুপা করোর 21,000 পীখ্রে। মসিনা তাকপদি ঙসিদি, ঐখোয়গী ফোনশিং অসি পাউ ফাওনবগী খুৎলাইশিং খক্তা নত্তে, মসি ক্রিএতিবিতী অমসুং শেন্দোং ফংনবগী শক্তি লৈবা খুৎলাইশিংসু ওইরে।

মরুপশিং,

2047 ফাওবদা 'ভিক্সিৎ ভারত'কী পান্দমগা লোয়ননা, মসিগা নক্না মরী লৈনবা অতোপ্পা কেম্পেন অমসু লৈরি। মদুদি আত্মনির্ভর ভারত (আত্মনির্ভর ভারত) গী কেম্পেননি। মশা-মরোমদোম লেপচবা হায়বসি ঐখোয়গী ইকোনোমিক DNAগী শরুক অমা ওইদুনা লাক্লি। অদুম ওইনমক, ভারত অসি মেকর অমা নত্তে, কৈথেল অমখক্তনি হায়না ঐখোয়দা তোয়না হায়নরম্মি। অদুবু হৌজিক্তি, তেগ অদু লৌথোক্লে। ঙসি, ভারত অসি মালেমগী মরুওইবা দিফেন্স মেনুফেকচরর অমসুং এক্সপোর্তর অমা ওইরক্লি। ভারতকী দিফেন্স প্রদক্তশিং লৈবাক 100 হেনবদা এক্সপোর্ত তৌরি। ঐখোয়গী দিফেন্স এক্সপোর্তকী মশিংসু লেপ্তনা হেনগৎলক্লি। ঐখোয়গী লৈবাক অসিদা হৌজিক INS বিক্রান্ত, INS সুরত, অমসুং INS নীলগিরিগুম্বা লমদমসিগী ওইবা লানগী জহাজ কয়া লৈরে। মখোয় পুম্নমক অসি ভারতকী মশাগী তৌবা ঙম্বশিংনা শেমগৎপনি। ভারতনা হৌজিক্তি চৎনবীগী মতুং ইন্না ঐখোয়গী মপাঙ্গল ওই হায়না লৌনরমদবা সেক্তর কয়াদা শিংথানিংঙাই ওইবা মওংদা থবক তৌরি। খুদম ওইনা ইলেক্ত্রোনিক্স সেক্তর লৌরসি। হৌখিবা চহিশিংদা, ভারত অসি ইলেক্ত্রোনিক্কী মরুওইবা এক্সপোর্তর অমা ওইরক্লি। ঐখোয়গী লোকেল প্রদক্তশিং অসি মালেম শীনবা থুংনা য়ৌরক্লি। ইকুই কুইদ্রিঙৈদা, এক্সপোর্তকা মরী লৈনবা দেতা পুথোকখি। হৌখিবা চহিদা ভারতকী এক্সপোর্ত অসি চাউরাক্না দোল্লর বিল্লিয়ন 825গী রেকোর্দ লেভেল অমদা য়ৌখি। মসিনা তাক্লিবদি ভারতনা চহি তরাগী মনুংদা মপান্দা পোৎ পুথোকপা শরুক অনি হেনগৎলে। মসিবু মখা তানা খুমাং চাউশিলহন্নবা অমসুং অনৌবা অৱাংবা থাক্তা পুখৎনবা, ঐখোয়না চহি অসিগী বজেৎতা মিসন মেনুফেকচরিং অমা লাউথোক্লে। হায়রিবা মেনুফেকচরিংগী পাঙ্গল অসিনা মালেমদা ভারতকী মীওইশিংবু শেম্বিবা, অনৌবা পুথোকপা অমসুং অওনবা পুরকপা মীওইশিং ওইনা মশক তাক্লি।

মরুপশিং,

চহি তরাগী খুজিং অসিনা ভারতনা লাক্কদৌরিবা চহি চা কয়া অসিদা লৌখৎকদৌরিবা খোঙথাং অদু মশক তাক্কনি। মসি লৈবাক অসিগী অনৌবা তুংলমচৎ অসি ইরিবা মতমনি। লৈবাক অসিগী নাগরিক খুদিংমক্তা, ইন্সতিত্যুসন খুদিংমক্তা অমসুং সেক্তর খুদিংমক্তা ঐহাক্না মসিগী স্পিরিৎ অসি উবা ফংই। মীফম অসিগী মনুংদা, ঐখোয়না খন্ন-নৈনখিবা অদুসু চপ মান্নবা ইনর্জী অমসুং অপাম্বা অদু উৎলি। ঐহাক্না অমুক্কা হন্না ABP নেৎৱার্কপু সম্মিৎ অসি শীনবগীদমক থম্মোয় শেংনা নুংঙাইবা ফোংদোকচরি। অমসুং ঐহাক্না ময়াম পুম্নমকপুসু থাগৎপা ফোংদোকচরি – নুমিদাং থেংলবসু ময়াম্না মশিং য়াম্না মফম অসিদা লেংদনা লৈরি। মসি মশামকসু অফবা তুংলমচৎ অমগী খুদম অমনি। ঐহাক্না মরু ওইনা অদোম্না লৌখৎলিবা তোপ তোপ্পা মওং-মতৌ অসিবু থাগৎপা ফোংদোকচরি, অমসুং ঐহাক্না অদোমগী গেস্ত লিস্ত অদু য়েংখি। মসিদা নহা ওইরিবা, এক্সপরিমেন্তেল মাইন্দশিং য়াওরি। মখোয়দা অনৌবা ৱাখল্লোন, অনৌবা থৌনা লৈ। লৈবাক অসিদা মখোয়শিংনা ঙাংলিবা অসি তাবা মীওই খুদিংমক্না কনফিদেন্স লৈ ফাওই - ঐখোয়গী লৈবাক অসিদা অসিগুম্বা মপাঙ্গল অসি লৈ হায়না মখোয়না খঙলমগনি। অসুম্না, অদোম্না শিংথানিংঙাই ওইবা থবক অমা পাংথোকখ্রে, শিংথানিংঙাই ওইবা থবক অমা - অমসুং মদুগীদমক, ময়ামবু থাগৎপা ফোংদোকচরি। ময়ামবু হন্না-হন্না থাগৎচরি।

খুরুমজরি!

***