ورلڈ فوڈ انڈیا 2025 کے دوسرے دن، ہم نے پائیداری، ٹیکنالوجی، سرمایہ کاری، اور بین الاقوامی شراکت داریوں پر مرکوز مکالموں کے ساتھ، مستقبل کی عالمی فوڈ باسکٹ کے طور پر ہندوستان کو پوزیشن دینے کی طرف اہم پیش رفت کا مشاہدہ کیا۔ یہ تقریب بھارت منڈپم میں عالمی ریگولیٹرز، صنعت کے رہنماؤں، اسٹارٹ اپس اور پالیسی سازوں کی اعلیٰ سطح کی شرکت کے ساتھ ہو رہی ہے۔

آج کے پروگرام میں شراکت دار اور اہم ریاستیں – اترپردیش، گجرات، پنجاب، جھارکھنڈ اور بہار؛ اور نیوزی لیند، ویتنام، جاپان اور روس جیسے ممالک کے سیشن شامل ہیں ۔ اس کے علاوہ کاشتکاروں کی فلاح و بہبود کی وزات، آیوش کی وزارت، اے پی ای ڈی اے اور عالمی بینک کے ذریعہ بھی سیشنوں کا اہتمام کیا جائے گا۔ مزید برآں، خوراک ڈبہ بندی صنعت کی وزارت نے مختلف موضوعات پر مشتمل تیرہ سیشنز کی میزبانی کی جس میں اس سال کے ایڈیشن کے پانچ فوکس ستون اور کلیدی موضوعات جیسے کہ پالتو جانوروں کی خوراک، نیوٹراسیوٹیکلز، خاص غذائیں، الکوحل والے مشروبات، اور پودوں پر مبنی کھانے شامل ہیں۔

فوڈ پروسیسنگ انڈسٹریز کی وزارت نے 25,000 کروڑ روپے سے زیادہ کی سرمایہ کاری کے ساتھ اکیس کمپنیوں کے مفاہمت ناموں پر دستخط کا مشاہدہ کیا۔ ان کے ساتھ، 1 اور 2 دن پر دستخط کیے گئے مفاہمت ناموں کی کل مالیت 1 لاکھ کروڑ روپے کی سرمایہ کاری کو عبور کر گئی۔ سربراہی اجلاس کے ایک حصے کے طور پر، زراعت اور فوڈ پروسیسنگ میں تعاون کو مضبوط بنانے کے لیے روس اور پرتگال کے بین الاقوامی ہم منصبوں کے ساتھ حکومت سے حکومت کے درمیان اہم ملاقاتیں کی گئیں۔

ورلڈ فوڈ انڈیا کے ساتھ ساتھ، دو باوقار بین الاقوامی ایونٹس، ایف ایس ایس اے آئی کی جانب سے تیسری گلوبل فوڈ ریگولیٹرز سمٹ ہو رہی ہے جس کا مقصد عالمی ریگولیٹرز کو فوڈ سیفٹی کے معیارات کی ہم آہنگی پر تبادلہ خیال کرنے اور ریگولیٹری تعاون کو مضبوط کرنے کے لیے ایک منفرد پلیٹ فارم فراہم کرنا ہے۔ اور سی فوڈ ایکسپورٹرز ایسوسی ایشن آف انڈیا (ایس ای اے آئی) کے ذریعہ 24 واں انڈیا انٹرنیشنل سی فوڈ شو (آئی آئی ایس ایس) جو کہ ہندوستان کی بڑھتی ہوئی سمندری خوراک کی برآمدی صلاحیت اور عالمی منڈی کے روابط پر توجہ مرکوز کرتا ہے، ورلڈ فوڈ انڈیا کے حصے کے طور پر متوازی تقریبات کے طور پر منعقد کیا جا رہا ہے۔

تقریب نے صنعت کے تمام اسٹیک ہولڈرز پر زور دیا کہ وہ فوڈ پروسیسنگ کے شعبوں سے متعلق اختراعات میں سرمایہ کاری کریں۔ اس تقریب نے ایک قبول اور سرمایہ کاری کے لیے تیار مقام کے طور پر ہندوستان کی پوزیشن کو تقویت بخشی، عالمی اسٹیک ہولڈرز پر زور دیا کہ وہ فوڈ پروسیسنگ کے شعبوں میں اختراعات کا فائدہ اٹھائیں، ٹیکنالوجی کی منتقلی اور علم کے اشتراک میں تعاون کریں اور فوڈ سیکیورٹی سے نیوٹریشن سیکیورٹی تک ہندوستان کے سفر میں حصہ لیں۔

**********

 (ش ح –ا ب ن)

U.No:6699