ইকাই খুম্নরবা মীথুংলেন পুম্নমক, ঐগী মন্ত্রী-মন্দলগী মরুপশিং, ইন্দস্ত্রীগী লুচিংবশিং, ইন্তর্নেস্নেল দেলিগেৎশিং, অমসুং ঐগী মরুপশিং, খুরুমজরি!

ঙসি অমসুং লাক্কদৌরিবা নুমিৎ অনি অসিদা, ঐখোয়না ভারতকী সনরাইজ সেক্তর, স্তীল সেক্তরগী তৌবা ঙম্বশিং অমসুং পোতেন্সিএলগী মতাংদা পাক-শন্না খন্ন-নৈনগনি। মসি ভারতকী খুমাং চাউশিল্লকপগী য়ুম্ফম ওইরিবা, 'ভিক্সিত ভারত' (চাউখৎলবা ভারত) অমগী মপাঙ্গল কনবা য়ুম্ফম ওইরিবা অমসুং লৈবাক অসিদা অহোংবা পুরকপগী অনৌবা চেপ্তর অমা শেম্লিবা সেক্তর অমনি। ইন্দিয়া স্তীল ২০২৫দা ময়াম পুম্নমকপু তরাম্না ওকচরি। ঐহাক্না থাজবা থম্লি মদুদি থৌরম অসিনা অনৌবা ৱাখল্লোনশিং শেয়র তৌনবা, অনৌবা পার্তনরশিপ শেম্নবা অমসুং ইন্নোবেসন প্রমোৎ তৌনবা অনৌবা লোঞ্চ পেদ অমা ওইগনি। মসিনা স্তীল সেক্তরদা অনৌবা চেপ্তর অমগী য়ুম্ফম ওইগনি।

মরুপশিং,

স্তীলনা মালেমগী মোদর্ন ইকোনোমীশিংদা শরূপোলাংগুম্না থৌদাং অমা লৌরি। স্কাইস্ক্রেপর নৎত্রগা শিপ্পিং, হাইৱে নৎত্রগা হাই-স্পিদ রেল, স্মার্ত সিতী নৎত্রগা ইন্দস্ত্রীএল কোরিদোর ওইগেরা, মায় পাকপগী ৱারী খুদিংমক্কী তুংদা স্তীলগী মপাঙ্গল লৈ। ঙসি ভারতনা দোল্লর ত্রিলিয়ন ৫গী ইকোনোমী ওইবগী পান্দম অদু মপুং ফাহনবা হোৎনরি। স্তীল সেক্তরনা পান্দম অসি ফংবদা মরু ওইবা থৌদাং অমা লৌরি। ভারতনা হৌজিক মালেমগী অনিশুবা খ্বাইদগী চাউবা স্তীল পুথোকপা লৈবাক ওইরকপা অসিদা ঐখোয়না চাউথোকচবা ফাওই। নেস্নেল স্তীল পোলিসীগী মখাদা ঐখোয়না ২০৩০ ফাওবদা স্তীল তন মিলিয়ন ৩০০ পুথোক্নবা পান্দম থম্লি। হৌজিক্কী ওইনা, ঐখোয়গী পর কেপিতা স্তীল কঞ্জুম্পসন অসি চাউরাক্না কিলোগ্রাম ৯৮ ওইরি, অমসুং মসি ২০৩০ ফাওবদা কিলোগ্রাম ১৬০দা হেনগৎলক্কনি হায়না পানরি। স্তীল কঞ্জুম্পসন হেনগৎলক্লিবা অসিনা লৈবাক অসিগী ইনফ্রাস্ত্রকচর অমসুং শেন্মিৎলোনগীদমক গোল্দন স্তেন্দর্দ অমা ওইনা মথৌ তৌরি। মসিনা লৈবাক অসিগী মাইকৈ অমসুং সরকারগী ইফিসিএন্সী অমসুং ইফেক্তিবনেসগী বেঞ্চমার্ক অমসু ওইরি।

মরুপশিং,

ঙসি ঐখোয়গী স্তীল ইন্দস্ত্রী অসি মাগী তুংলমচৎকী মতাংদা অনৌবা কনফিদেন্সনা থল্লে- মরমদি লৈবাক অসিদা পি.এম. গতী শক্তি নেস্নেল মাস্তর প্লানগী শক্তমদা অচেৎপা য়ুম্ফম অমা লৈরে। পি.এম. গতি শক্তিগী খুত্থাংদা, তোঙান তোঙানবা য়ুতিলিতী সর্বিসশিং অমসুং লোজিস্তিক মোদশিং পুনশিন্নরি। লৈবাক অসিগী মাইনিং এরিয়াশিং অমসুং স্তীল য়ুনিৎশিংগী মরক্তা মল্তি-মোদেল কনেক্তিবিতী হেনগৎহন্নবা মেপিং তৌরি। লৈবাক অসিগী নোংপোক থংবা লমদমশিংদা, স্তীল সেক্তর অয়াম্বনা য়ুম্ফম ওইবা মফমশিংদা, মরুওইবা ইনফ্রাস্ত্রকচর শেমগৎনবা অনৌবা প্রোজেক্তশিং হৌদোক্লি। ঐখোয়না দোল্লর ত্রিল্লিয়ন ১.৩গী নেস্নেল ইনফ্রাস্ত্রকচর পাইপলাইনসু মাংলোমদা চংশিল্লি। ঐখোয়গী শহরশিংবু স্মার্ত সিতীশিং ওইহন্নবগীদমক অচৌবা থাক্তা থবক পায়খৎলি। লম্বী-থোং, রেলৱেজ, এয়রপোর্তশিং, পোর্তশিং অমসুং পাইপলাইনশিংদা মমাংদা অমুক্তা ওইখিদ্রিবা মওংদা চাউখৎপা অসিনা স্তীল সেক্তরদা অনৌবা খুদোংচাবশিং ফংহল্লি। পি.এম. আৱাস য়োজনাগী মখাদা লৈবাক শীনবা থুংনা য়ুম মিলিয়ন কয়া শারি। মসিগা মান্ননা, জল জীবন মিসননা লৈবাক অসিগী খুঙ্গংশিংদা অচৌবা ইনফ্রাস্ত্রকচর শেমগৎলি। ঐখোয়গী লৈবাক অসিদা অসিগুম্বা স্কিমশিং অসি অয়াম্বা মতমদা ৱেলফেয়র লেন্সকী মীৎয়েংদগী য়েংই। অদুবু লায়রবশিংবু মপাঙ্গল কনখৎহন্নবা পান্দম থম্লিবা য়াইফ-থৌরাংশিং অসিনা স্তীল ইন্দস্ত্রীবুসু মপাঙ্গল কনখৎহল্লি। সরকারগী প্রোজেক্তশিংদা 'মেদ ইন ইন্দিয়া' স্তীল খক্তমক শীজিন্নগনি হায়না ঐখোয়না ৱারেপ লৌরে। হায়রিবা খোঙথাংশিং অসিগী মহৈ ওইনা, কন্সত্রক্সন অমসুং ইনফ্রাস্ত্রকচরদা স্তীল শীজিন্নরিবা অচৌবা শরুক অমা হৌজিক্তি সরকারনা লুচিংবা ইনিসিয়েতিবশিংদগী লাক্লি।

মরুপশিং,

স্তীল অসি সেক্তর কয়ামরুমগী গ্রোথতা মরুওইবা কম্পোনেন্ত অমনি। মরম অসিনা স্তীল ইন্দস্ত্রীগীদমক সরকারনা পায়খৎলিবা পোলিসীশিং অসিনা অতোপ্পা ভারতকী ইন্দস্ত্রী কয়া অমা মালেমগী থাক্তা চাংদম্নবা ঙম্বদা মরু ওইবা থৌদাং অমা লৌরি। ঐখোয়গী মেন্যুফেকচরিং সেক্তর, কন্সত্রক্সন, মেছিনরী, অমসুং ওতোমোতিব সেক্তরশিং অসিনা ইন্দিয়ন স্তীল ইন্দস্ত্রীদগী পাঙ্গল লৌরি। চহি অসিগী বজেৎতা, ঐখোয়গী সরকারনা "মেক ইন ইন্দিয়া"দা খোংজেল য়াংখৎনবা নেস্নেল মেনুফেকচরিং মিসন লাউথোকখি। মিসন অসি স্মোল, মীদিয়ম অমসুং লার্জ ইন্দস্ত্রীশিংদা মান্ননা দিজাইন তৌবনি। নেস্নেল মেনুফেকচরিং মিসন অসিনা ঐখোয়গী স্তীল ইন্দস্ত্রীগীদমক অনৌবা খুদোংচাবশিংসু হাংদোক্লগনি।

মরুপশিং,

মতম শাংনা, ভারত অসি হায়-গ্রেদ স্তীলগীদমক ইম্পোর্তকী মখা পোল্লি। অসিগুম্বা ফিভম অসি, মরু ওইনা দিফেন্স অমসুং স্ত্রেতেজিক সেক্তরশিংদা হোংদোকপা অসি য়াম্না মরু ওই। ভারতকী অহানবা ইন্দিজিনস এয়রক্রাফ কেরিয়র শাবদা শীজিন্নরিবা স্তীল অসি ভারত্তা শাবদা ঐখোয়না চাউথোকচরি। ভারতকী স্তীলগী মপাঙ্গলনা চন্দ্রয়ান মিসনগী পুৱারী ওইরবা মায়পাকপদা মতেং পাংখি। ঙসিদি, ঐখোয়দা মতিং অমসুং থাজবা লৈরে। মসিদি লাইবক ফবদগী ওইরকপা নত্তে। পি.এল.আই. (প্রদক্সন লিঙ্ক ইন্সেন্তিব) স্কিমগী মখাদা, হায়-গ্রেদ স্তীল পুথোকপা হেনগৎহন্নবা লুপা করোর লিশিং কয়া ইনভেস্ত তৌরি। অমসুং মসি শুপ্নগী অহৌবনি - ঐখোয়না চৎকদবা লম্বী য়াম্না শাংখ্রে। লৈবাক শিনবা থুংনা মেগা-প্রোজেক্ত কয়া অমা হৌরে, অমসুং হায়-গ্রেদ স্তীলগী দিমান্দ অসি মখা তানা হেনগৎলক্লগনি। চহি অসিগী বজেৎ অসিদা, ঐখোয়না ইনফ্রাস্ত্রকচরদা মীৎয়েং থম্লিবা অসিগী শরুক অমা ওইনা শিপ বিল্দিংগী থবকশিং য়াওহনখ্রে। ঐখোয়না ভারত্তা মোদর্ন অমসুং অচৌবা জহাজশিং শাবগী পান্দম থম্লি। মসিগী পান্দমদি অতোপ্পা লৈবাকশিংনা ভারত্তা শাবা জহাজশিং লৈহনবা হায়বসিনি। অসিগুম্বা মওংদা, লৈবাক অসিদা পাইপলাইন গ্রেদ স্তীল অমসুং কোরোজন রেজিস্তেন্ত এল্লোইশিংগী দিমান্দসু হেনগৎলক্লি।

লৈবাক অসিগী রেল ইনফ্রাস্ত্রকচর অসি মমাংদা অমুক্তা ওইখিদ্রিবা মওংদা চাউখৎলক্লি। অসিগুম্বা মথৌ তাবশিং অসিগীদমক্তা ঐখোয়গী পান্দমদি  ‘জেরো ইম্পোর্ত’ অমসুং ‘নেৎ এক্সপোর্ত’ ওইগদবনি! হৌজিক্তি, ঐখোয়না স্তীল এক্সপোর্ত তন মিলিয়ন ২৫ তৌবগী পান্দম থম্লি। ঐখোয়না ২০৪৭ ফাওবদা ঐখোয়গী পোত্থোক পুথোকপগী কেপাসিতী তন মিলিয়ন ৫০০দা হেনগৎহন্নবা হোৎনরি। অদুবু মসি থোকহন্নবগীদমক্তা, ঐখোয়গী স্তীল সেক্তর অসি অনৌবা থৌওংশিং, অনৌবা গ্রেদশিং, অমসুং অনৌবা স্কেলগীদমক শেম-শারি। ঐখোয়না তুংলমচৎকী ৱাখল্লোনগা লোয়ননা পাকথোক চাউথোকহনগদবনি অমসুং অপগ্রেদ তৌগদবনি। ঐখোয়না হৌজিক্তি তুংলমচৎকীদমক্তা শেম-শারি। স্তীল ইন্দস্ত্রীগী গ্রোথ পোতেন্সিএলনা থবক ফংহন্নবগী লোইনাইদ্রবা খুদোংচাবশিং লৈ। অনৌবা ৱাখল্লোনশিং পুথোক্নবা, খুমাং চাউশিনহন্নবা অমসুং শেয়র তৌনবা ঐনা পব্লিক অমসুং প্রাইবেৎ সেক্তর অনিমকপু হায়জরি। ঐখোয়না মেনুফেকচরিং, আর.এন্দ.দি. অমসুং তেক্নোলোজী অপগ্রেদেসনদা পুন্না মাংলোমদা চংশিনগদবনি, অমসুং ঐখোয়গী লৈবাক অসিগী নহাশিংগীদমক থবক ফংহন্নবগী খুদোংচাবশিং হেন্না হেন্না শেমগদবনি।

মরুপশিং,

স্তীল ইন্দস্ত্রীগী গ্রোথকী খোঙচৎ অসিদা শীংনবশিংসু লৈরি, অমসুং মখোয়শিং অসি কোকহন্নবা হোৎনবদা মীৎয়েং শানবা হায়বসি তঙাইফদে। রো মেতরিএল সেক্যুরিতী অসি অচৌবা নুংনাংবা অমা ওইরি। ঐখোয়না নিকেল, কোকিং কোল, অমসুং মেঙ্গানিজগীদমক ইম্পোর্তকী মীপাল তাংলি। মরম অদুনা, ঐখোয়না মালেমগী ওইবা পার্তনরশিপশিং মপাঙ্গল কনখৎহনবা, সপ্লাই চেনশিং সেক্যুর তৌবা অমসুং তেক্নোলোজী অপগ্রেদ তৌবদা মীৎয়েং থম্বা মথৌ তাই। ঐখোয়না ইনর্জী কান্নবা, ইমিসন হন্থবা, অমসুং দিজিতেলগী অৱাংবা থাক্কী তেক্নোলোজীগী মায়কৈদা খোংজেল য়াংনা চংশিনবা তাই। স্তীল ইন্দস্ত্রীগী তুংলমচৎ অসি এ.আই., ওতোমেসন, রিসাইক্লিং অমসুং বাই-প্রদক্ত শীজিন্নবনা শেমগনি। মরম অসিনা ঐখোয়না হিরমশিং অসিদা ইন্নোবেসনগী লমদা ঐখোয়না হোৎনরিবশিং অদু হেন্না চেৎশিলহনগদবনি। ঐখোয়গী গ্লোবেল পার্তনরশিং অমসুং ভারতকী কম্পেনীশিংনা মসিগী মাইকৈ অসিদা পুন্না থবক তৌমিন্নরবদি, ঐখোয়না হায়রিবা শীংনবশিং অসি হেন্না থুনা মায়োক্নবা ঙমগনি।

মরুপশিং,

কোয়লগী ইম্পোর্তশিং, মরু ওইনা কোকিং কোলনা মমল অমসুং শেন্মিৎলোন অনিমক্তা ইথিল পী হায়বসি অদোম্না খংই। ঐখোয়না অতোপ্পা পাম্বৈশিং থিগদবনি। ঙসিদি, দি.আর.আই. (দাইরেক্ত রিদজদ আইরন) রুত অমসুং অতোপ্পা মোদর্ন মেথদশিং অসি ফংলি, অমসুং ঐখোয়না মখোয়বু মখা তানা প্রমোৎ তৌনবা হোৎনরি। ঐখোয়না লৈবাক অসিগী কোয়লাগী রিসোর্সশিং হেন্না ফজনা শীজিন্নবা অমসুং ইমপোর্তকী মখা পোনবা হন্থহনবদা মতেং পাংলিবা, কোল গ্যাসিফিকেসনসু শীজিন্নবা য়াই। স্তীল ইন্দস্ত্রীদা থবক তৌরিবা মীওই পুম্নমকপু ঐহাক্না মসিগী থৌওং অসিদা শরুক য়াবা অমসুং মসিগী মাইকৈ অসিদা মথৌ তাবা খোঙথাংশিং লৌখৎনবা হায়জরি।

মরুপশিং,

অতোপ্পা মরুওইবা ৱাফম অমনা শীজিন্নদ্রবা গ্রীনফিল্দ মাইনশিং অসিনি। হৌখিবা চহি ১০ অসিদা লৈবাক অসিনা মাইনিং রিফোর্ম কয়া পায়খৎলে, মসিনা আইরন ওর অসি হেন্না লায়না ফংহল্লে। হৌজিক্তি, এল্লোৎ তৌরিবা মাইনশিং অমসুং ঐখোয়গী নেস্নেল রিসোর্সশিং অসি মতিক চাবা অমসুং মতম চানা শীজিন্নবা অসি য়াম্না মরু ওই। মসিদা থেংথবনা লৈবাক অসিবু শোকহনবতা নত্তনা ইন্দস্ত্রী অসিগীসু অমাংবা অমা ওইগনি। মরম অসিনা ঐনা গ্রীনফিল্দ মাইনিং অসি অথুবা মতমদা পাংথোক্নবা হায়জরি।

মরুপশিং,

ঙসিগী ভারত অসি দোমেস্তিক গ্রোথতা মীৎয়েং চংবতা নত্তনা গ্লোবেল লিদরশিপ লৌনবা শেম-শারি। ঙসি মালেমনা ঐখোয়বু হায়-গ্রেদ স্তীলগী থাজবা য়াবা সপ্লাইয়র অমা ওইনা উরি। ঐহাক্না মমাংদা হায়খিবা অদুগুম্না, ঐখোয়না স্তীলদা মালেমগী থাক্কী স্তেন্দর্দশিং ঙাক্না চৎকদবনি অমসুং লেপ্পা লৈতনা ঐখোয় ইশাবু অপগ্রেদ তৌগদবনি। লোজিস্তিক্স ফগৎহনবা, মল্তি-মোদেল ত্রান্সপোর্ত নেৎৱার্কশিং শেমগৎপা অমসুং কোস্ত ইফিসিএন্সী ফংহনবা অসিনা ভারতপু গ্লোবেল স্তীল হব অমা ওইহনবদা মতেং পাংগনি।

মরুপশিং,

ইন্দিয়া স্তীল প্লেৎফোর্ম অসিনা ঐখোয়গী তৌবা ঙম্বশিং পাকথোক চাউথোকহন্নবা অমসুং ঐখোয়গী ৱাখল্লোনশিংবু থবক ওইনা ওন্থোক্নবা খুদোংচাবা অমা পীরি। থৌরম অসিদা ঐহাক্না ময়াম পুম্নমকপু য়াইফ-পাউজেল পীজরি। ঐখোয় অমত্তা ওইনা পুনশিন্দুনা রেসিলিয়েন্ত, রিভোলুস্নরী অমসুং স্তীল-স্ত্রোং ভারত অমা শেমগৎলসি।

থাগৎচরি।

খঙহঞ্জবা: মসি পি.এম.গী ৱারোলগী চাউরাকপা ৱাহন্থোকনি। তশেংবা ৱারোলদি হিন্দীদা পীখি।

***