প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলগী মীফমনা ঙসি শেনবা চহি ২০২৪-২৫গী ওইনা মখাদা পীরিবা মওং অসিদা "অনেম্বা ভেল্যুগী ভীম-য়ু.পি.আই. ত্রাঞ্জেক্সনশিং পার্সন তু মার্চেন্ত (পি২এম) প্রমোৎ তৌনবা ইন্সেন্তিব স্কিম" অয়াবা পীখ্রে:

i. লো ভেল্যু ভীম-য়ু.পি.আই. ত্রাঞ্জেক্সনশিং (পি.২.এম.) প্রমোৎ তৌনবা ইন্সেন্তিব স্কিম অসি লুপা করোর ১,৫০০গী চাদিং তৌদুনা ১.০৪.২০২৪দগী ৩১.০৩.২০২৫ ফাওবা ইমপ্লিমেন্ত তৌগনি।

ii. অপীকপা মর্চেন্তশিংগীদমক লুপা 2,000/- ফাওবগী য়ু.পি.আই. (পি.২.এম.) ত্রাঞ্জেক্সন খক্তমক স্কিম অসিগী মখাদা কোনশিল্লি।

iii. অপীকপা লল্লোন-ইতিক তৌবশিংগী কাংলুপতা য়াওরিবা লুপা 2,000 ফাওবগী ত্রাঞ্জেক্সনদা ত্রাঞ্জেক্সন ভেল্যু অমদা 0.15%গী চাংদা ইন্সেন্তিব পীবা।

iv. স্কিম অসিগী ক্বার্তর পুম্নমক্তা, এক্বাইরিং বেঙ্কশিংনা অয়াবা পীরবা ক্লেমগী শেনফমগী 80%দি করিগুম্বা কন্দিসন অমত্তা য়াওদনা পীগনি।

v. ক্বাতর খুদিংগী এদমিৎ তৌরবা ক্লেমগী শেনফমগী লেমহৌরিবা 20%গী শেনফম অসি মখাদা পীরিবা কন্দিসনশিং অসি মপুং ফাহনবগী মখা পোনগনি:

a) এক্বাইরিং বেঙ্ককী তেক্নিকেল দিক্লাইন অসি 0.75%দগী হন্থরবদি এদমিৎ তৌরবা ক্লেমগী 10%দি পীগনি; অমসুং

b) এক্বাইরিং বেঙ্ককী সিস্তেম অপতাইম 99.5%দগী হেন্না লৈরবা মতমদা খক্তদা এদমিৎ তৌরবা ক্লেমগী লেমহৌরিবা 10% অদু পীগনি।

কান্নবশিং:

i. খুদোংচারবা, সেক্যুর ওইবা, হেন্না থুনা শেল থাবা, অমসুং দিজিতেল ফুটপ্রিন্সকী খুত্থাংদা ক্রেদিৎকী খুদোংচাবা হেনগৎহনবা।

ii. মীচম প্রজাশিংনা অহেনবা চার্জ লৌদনা শেল পীবগী খুদোংচাবা ফংলগনি।

iii. অপীকপা মর্চেন্তশিং অহেনবা শেনফম অমত্তা লৌদনা য়ু.পি.আই. সর্ভিসশিং শিজিন্নবা ঙমহনগনি। অপীকপা মর্চেন্ত অসি মমলদা সেন্সিতিব ওইবনা, ইন্সেন্তিবশিংনা মখোয়বু য়ু.পি.আই. পেমেন্ত লৌনবা পুক্নিং থৌগৎকনি।

iv. ত্রাঞ্জেক্সনশিং দিজিতেলগী মওংদা ফোর্মেলাইজ তৌবা অমসুং একাউন্তিং তৌবগী খুত্থাংদা শেল-থুমগী ইকোনোমী হন্থহন্নবগী সরকারগী ভিজনবু শৌগৎলি।

v. ইফিসিএন্সী হেনগৎলকপা- বেঙ্কশিংনা সিস্তেমগী অৱাংবা অপতাইম অমসুং তেক্নিকেল দিক্লাইন্দ হন্থনা থম্বা মতমদা 20%গী ইন্সেন্তিব পীগনি। মসিনা নাগরিকশিংদা পেমেন্ত সর্ভিসশিং মতম চুপ্পদা ফংহল্লগনি।

vi. য়ু.পি.আই. ত্রাঞ্জেক্সনশিং হেনগৎলকপা অমসুং সরকারগী শেলথুমদা শেলগী পোৎলুম হন্থরকপা অনিমক্কী অচুম্বা বেলেন্স।

পান্দম:

• লমদমসিগী ওইবা ভীম-য়ু.পি.আই. প্লেৎফোর্ম প্রমোৎ তৌবা। শেনবা চহি ২০২৪-২৫ দা অপুনবা ত্রাঞ্জেক্সন ভোল্যুম কোতি ২০,০০০গী পান্দম ফংহনবা।
• দিজিতেল পেমেন্ত ইনফ্রাস্ত্রকচর অমা মপাঙ্গল লৈনা অমসুং সেক্যুর ওইনবা শেমগৎপদা পেমেন্ত সিস্তেমগী শরুক য়ারিবশিংদা মতেং পাংবা।
• য়ু.পি.আই. অসি তায়র ৩দগী ৬ ফাওবগী শহরশিংদা, মরুওইনা খুঙ্গংগী অমসুং অরাপ্পা মফমশিংদা, ফিচর ফোনদা য়ুম্ফম ওইবা (য়ু.পি.আই. ১২৩ পে) অমসুং ওফলাইন (য়ু.পি.আই. লাইত/য়ু.পি.আই. লাইতএক্স) পেমেন্ত সোলুসনশিংগুম্বা ইন্নোবেতিব প্রদক্তশিং প্রমোৎ তৌদুনা পীবা।
• সিস্তেমগী অৱাংবা অপ্তাইম অমা ঙাক্না চৎপা অমসুং তেক্নিকেলগী দিক্লাইন হন্থহনবা।

বেকগ্রাউন্দ:

দিজিতেল পেমেন্তশিং প্রমোৎ তৌবসি ফাইনান্সিএল ইনক্লুজনগীদমক সরকারগী স্ত্রেতেজিগী মরুওইবা শরুক অমনি অমসুং মীচম প্রজাদা পাক-শন্না পেমেন্ত ওপ্সনশিং ফংহল্লি। দিজিতেল পেমেন্ত ইন্দস্ত্রীনা মখোয়গী কস্তমরশিং/মর্চেন্তশিংদা সর্ভিসশিং পীরকপা মতমদা চংবা শেনফম অদু মার্চেন্ত দিসকাউন্ত রেৎ (এম.দি.আর.) গী চার্জগী খুত্থাংদা রিকোভর তৌই।

আর.বি.আই.গী মতুং ইন্না ত্রাঞ্জেক্সন ভেল্যুগী 0.90% ফাওবগী এম.দি.আর. অসি কার্দ নেটৱার্ক পুম্নমক্তা চৎনগনি। এন.পি.সি.আই.গী মতুং ইন্না, ত্রাঞ্জেক্সন ভেল্যুগী ০.৩০% ফাওবগী এম.দি.আর. দিজিতেল ত্রাঞ্জেক্সনশিং প্রমোৎ তৌনবা জনুৱারী ২০২০দগী হৌনা, পেমেন্ত এন্দ সেতলমেন্ত সিস্তেম্স এক্ত, ২০০৭গী সেক্সন ১০এ অমসুং ইনকম তেক্স এক্ত, ১৯৬১গী সেক্সন ২৬৯এস.য়ু. গী খুত্থাংদা রুপে ডেবিট কার্দ অমসুং ভিম য়ু.পি.আই.গী ওইনা জিরো ওইহনখি।

পেমেন্ত ইকোসিস্তেমদা শরুক য়ারিবশিংদা মতেং পাংনবা অমসুং সর্ভিসশিং মপুং ফানা ফংহন্নবা, মন্ত্রী মন্দলনা অয়াবা পীদুনা "রুপে দেবিৎ কার্দশিং অমসুং ভিম-য়ু.পি.আই. ত্রাঞ্জেক্সনশিং (পি.২.এম.) প্রমোৎ তৌনবা ইন্সেন্তিব স্কিম" চৎনহনখ্রে। হৌখিবা শেনবা চহি অহুমগী মনুংদা সরকারনা পীখিবা চহিগী ওইবা ইন্সেন্তিব পেমেন্ত (কোতি রোমদা):

ইন্সেন্তিব অসি সরকারনা এক্যুইরিং বেঙ্ক (মর্চেন্তকী বেঙ্ক) দা পীগনি অমসুং মদুগী মতুংদা অতোপ্পা স্তেকহোল্দরশিং: ইসুয়র বেঙ্ক (কস্তমরগী বেঙ্ক), পেমেন্ত সর্ভিস প্রোভাইদর বেঙ্ক (য়ু.পি.আই. এপ/ এ.পি.আই. ইন্তিগ্রেসনশিংদা কস্তমর ওনবোর্দ তৌবা য়াহল্লি) অমসুং এপ প্রোভাইদরশিং (তি.পি.এ.পি.শিং) দা য়েন্থোক্কনি।

****