প্রধানমন্ত্রীগী লোইশঙ
প্রধান মন্ত্রীনা দিল্লীদা ফেব্রুৱারী ২১ দা ৯৮শুবা অখিল ভারতিয় মরাথি সাহিত্য সমেলন হৌদোক্কদৌরি
চহি ৭১ গী মতুংদা লৈবাক্কী কোনুংদা পাঙথোক্কদৌরিবা মরাথি সাহিত্যগী থৌরম অসিনা মরাথি সাহিত্যগী মতম নাইদ্রবা মশকপু সেলেব্রেত তৌগনি অমদি মতমসিগী ওইবা ৱাফমশিংদা মসিনা লৌরিবা থৌদাংশিং নৈনগনি
Posted On:
20 FEB 2025 7:29PM by PIB Imphal
মরাথিবু লৈঙাক্না ইকুই কুইদ্রিঙৈদা ক্লাসিকেল লোল ওইনা শকখঙখি। খোঙথাং অসিবু মখা তানা মাঙদা পুখৎলদুনা অমমদি ভারতকী ইনাক খুল্লবা নাৎ অমদি পারী পুরীগী লনবু সেলেব্রেত তৌবা ওইনা, প্রধান মন্ত্রী শ্রী নরেন্দ্র মোদীনা ৯৮শুবা অখিল ভারতিয় মরাথি সাহিত্য সমেলন, নই দিল্লীগী বিজ্ঞান ভবন্দা ফেব্রুৱারী ২১ গী নুংথিল পুং ৪:৩০ রোম তারকপা মতমদা হৌদোক্কনি। থৌরমদুদা তিল্লিবা মীয়ামগী মফমদা মহাক্না ৱা ঙাংগনি।
সমেলন অসি ফেব্রুৱারী ২১ দগী ২৩ ফাওবা পাঙথোক্কনি অমদি খন্ন-নৈনবা, লাইরিক মেলা, নাৎকী থৌরমশিং, অমদি মশক নাইবা সাহিত্যগী মীওইশিংগা ৱারী ৱাতায় শান্নবগী খেন্নবা মখলগী থৌরম কয়া পাঙথোক্কনি। সমেলন অসিনা মরাথি সাহিত্যগী মতম নাইদ্রবা শক্তমবু সেলেব্রেত তৌগনি অমদি লোল য়োকখৎপগী থীমশিং, হন্দোকপা, অমদি দিজিতেলাইজেসন্না সাহিত্যগী খুৎইশিংদা পীরিবা ইথিল য়াওনা মতমসিগী ওইবা ৱাফমশিংদা মসিনা লৌরিবা থৌদাংশিংবু নৈনগনি।
চহি ৭১ গী মতুংদা লৈবাক্কী কোনুংদা পাঙথোক্কদৌরিবা মরাথৎ সাহিত্যগী থৌরম অসিদা সিম্বোলিক ওইবা লিতরেরী ত্রেনগী খোঙচৎ অমা পুনেদগী দিল্লী ফাওবা, শরুক য়াগদবা মীওই ১,২০০ পুদুনা চৎপগা লোয়ননা সাহিত্যগী অমত্তা ওইনা পুনশিনবগী ৱাখল্লোনবু উৎকনি। মসিদা শৈরেং ২,৬০০ থাজিনবা, লাইরিক ৫০ ফোঙবা অমদি লাইরিক য়োনবা স্তোল ১০০ লোয়ননা অতৈ কয়ামরুম য়াওরি। লৈবাক শিনবা থুংবদগী মশক মমিং লৈরবা স্কোলার, অইবা, শৈরেং ইবা, অমদি সাহিত্যদা ঙাওজবা মীওই কয়ানা শরুক য়াগদৌরি।
***
(Release ID: 2170615)
Visitor Counter : 7
Read this release in:
Bengali
,
Odia
,
Tamil
,
Malayalam
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Telugu
,
Kannada