নমস্কার!

মরু ওইবা বজেৎ ৱেবিনার অসিদা পুম্নমকপু তরাম্না ওকচরি অমসুং য়াইফ-পাউজেল পীজরি। মীয়ামদা শেল থাদবা, শেন্মিৎলোন অমসুং ইন্নোবেসন অসি চাউখৎলবা ভারতকী রোদমেপ মশক তাক্লিবা থিম অমনি। চহি অসিগী বজেৎ অসিদা মসিগী শাফু অসি য়াম্না চাউনা উবা ফংই। মরম অদুনা, মসিগী বজেৎ অসি ভারতকী তুংলমচৎকী ব্লুপ্রিন্ত অমা ওইনা থোক্লক্লি। ঐখোয়না ইনবেস্তমেন্তদা ইনফ্রাস্ত্রকচর অমসুং ইন্দস্ত্রীশিংদা মী, ইকোনোমী অমসুং ইন্নোবেসনদা পীরিবা মরুওইবা পীরি। অদোম পুম্নমক্না খঙনরবনি মদুদি কেপাসিতী বিল্দিং অমসুং তেলেন্ত নর্সিং অসি লৈবাক অসিগী চাউখৎপগী য়ুম্ফম্নি। মরম অদুনা, হৌজিক চাউখৎপগী মথংগী তাঙ্কক অসিদা, ঐখোয়না লমশিং অসিদা অহেনবা শেন থাদবা তাই। মসিগীদমক্তা স্তেকহোল্দর পুম্নমক্না মাংলোমদা চংশিনবা তাই। মরমদি, মসিনা লৈবাক অসিগী শেন্মিৎলোন চাউখৎনবা হোৎনবদা তঙাইফদবা অমা ওইরি। অমসুং মতম অমত্তদা, মসিনা ওর্গনাইজেসন খুদিংমক্কী মায় পাকপগী য়ুম্ফমসু ওইরি।

মরুপশিং,

ইনভেস্তমেন্ত ইন পিপলগী ভিজন অসি য়ুম্বী অহুম - এজুকেসন, স্কিল অমসুং হেল্থকেয়রদা য়ুম্ফম ওইরি। ঙসিদি ভারতকী এজুকেসন সিস্তেমদা চহি কয়াগী মতুংদা অচৌবা অহোংবা কয়া অমা লাক্লিবা অসি অদোম্না উবা ফংলি। নেস্নেল এজুকেসন পোলিসী, আই.আই.তি.শিং পাকথোক চাউথোকহনবা, এজুকেসন সিস্তেমদা তেক্নোলোজী পুন্সিনবা, এ.আই.গী মপুং ফানা শীজিন্নবা, লাইরিকশিং দিজিতেলাইজ তৌবা, ভারতকী লোল ২২দা লর্নিং মেতরিএলশিং ফংহনবগী থবক অসিগুম্বা থবক কয়া মিসন মোদতা চত্থরি। মখোয়শিং অসিনা মরম ওইদুনা, ঙসি ভারতকী এজুকেসন সিস্তেম অসি ২১শুবা চহিচাগী মালেমগী মথৌ তাবশিং অমসুং পেরামিতরশিংগা চান্নহল্লি।

মরুপশিং,

২০১৪দগী হৌদুনা সরকারনা নহারোল কোতি ৩ হেনবদা স্কিল ত্রেনিং পীখ্রে। ঐখোয়না আই.তি.আই. ইন্সতিত্যুৎ ১০০০গী থাক ৱাংখৎহন্নবা অমসুং সেন্তর ওফ এক্সেলেন্স ৫ শেম্নবা থৌরাং তৌরি। ঐখোয়গী পান্দমদি নহারোলশিংবু ঐখোয়গী ইন্দস্ত্রীগী মথৌ তাবশিংদু ফংহন্নবগীদমক্তা মখোয়বু ত্রেনিং পীবনি। মসিদা ঐখোয়না মালেমগী এক্সপর্তশিংগী মতেং লৌরি অমসুং ঐখোয়গী নহারোলশিং মালেমগী থাক্তা চাংদম্নবা ঙম্নবা হোৎনরি। ঐখোয়গী ইন্দস্ত্রী অমসুং একাদেমিয়া অসিনা হায়রিবা হোৎনরিবশিং অসিদা খ্বাইদগী চাউবা থৌদাং লৌরি। ইন্দস্ত্রী অমসুং এজুকেসনেল ইন্সতিত্যুৎশিংনা অমনা অমগী মথৌ তাবশিং খঙগদবনি অমসুং মখোয়দু মপুং ফাহনগদবনি। নহারোলশিংনা য়াম্না থুনা হোংলক্লিবা মালেম অসিগা লোয়ননা চৎমিন্নবগী খুদোংচাবা ফংগদবনি, মখোয়না এক্সপোজর ফংগদবনি, মখোয়না প্রেক্তিকেল লর্নিংগী প্লেৎফোর্ম ফংগদবনি। মসিগীদমক্তা স্তেকহোল্দর পুম্নমক পুন্না থবক তৌমিন্নবা তাই। নহাশিংদা অনৌবা খুদোংচাবা অমসুং প্রেক্তিকেল স্কিলশিং ফংহন্নবা ঐখোয়না পি.এম.-ইন্তর্নশিপ স্কিম হৌদোক্লে। ঐখোয়না মশিং য়াম্লবা ইন্দস্ত্রীশিংনা স্কেল খুদিংমক্তা মসিগী স্কিম অসিদা শরুক য়াহনগদবনি।

মরুপশিং,

ঐখোয়না হায়রিবা বজেৎ অসিদা অহেনবা মেদিকেল সিৎ লিশিং ১০গী মতাংদা লাউথোকখ্রে। লাক্কদৌরিবা চহী ৫দা মেদিকেল লাইন্দা সিৎ ৭৫,০০০ হাপচিনবগী পান্দম থম্লি। তেলি-মেদিসিনগী খুদোংচাবশিং অসি প্রাইমরী হেল্থ সেন্তর খুদিংমক্তা অমসুং হায়রিবা মফম পুম্নমক্তা পাকথোক চাউথোকহল্লি। দে কেয়র কেন্সর সেন্তরশিং অমসুং দিজিতেল হেল্থকেয়র ইনফ্রাস্ত্রকচরগী খুত্থাংদা ঐখোয়না ক্বালিতী হেল্থকেয়রবু অরোইবা মাইল ফাওবা য়ৌহনবা পাম্মি। মসিনা মীওইবগী পুন্সিদা কয়া য়াম্না অহোংবা পুরক্কদগে হায়বদু অদোম্না খনবা য়াই। মসিনা নহারোলশিংগীদমক অনৌবা থবক ফংবগী খুদোংচাবা কয়া অমসু লৈহল্লগনি। মখোয়শিং অসি পুরক্নবগীদমক অদোম্না চপ মান্ননা থবক তৌগদবনি। মসি পাংথোক্লবা খক্তদা ঐখোয়না বজেৎ লাউথোকপগী কান্নবশিং অসি মীওই কয়া অমদা য়ৌহনগনি।

মরুপশিং,

হৌখিবা চহি ১০ অসিদা ঐখোয়না ইকোনোমীদা ইনভেস্তমেন্ত তৌবদা ফ্যুচরস্তিক ওইবা এপ্রোচ অমা লৌখৎখি। অদোম্না খংবগুম্না, ২০৪৭ ফাওবদা ভারতকী সহরগী মীশিং অসি করোর ৯০ য়ৌগনি হায়না পানরি। অসিগুম্বা মশিং য়াম্লবা মীশিং অসিনা থৌরাং তৌরবা অর্বানাইজেসন অমা মথৌ তাই। মসিগীদমক ঐখোয়না লুপা কোতি লাখ ১গী অর্বান চেলেঞ্জ ফন্দ শেম্নবা খোংথাং লৌখৎলে। মসিনা গবর্নান্স, ইনফ্রাস্ত্রকচর অমসুং ফাইনান্সিএল সস্তেনেবিলিতীদা মীৎয়েং থমগনি অমসুং প্রাইবেৎ ইনভেস্তমেন্তসু হেনগৎহনগনি। ঐখোয়গী শহরশিং অসি তুংকোইনা চৎনগদবা অর্বান মোবিলিতী, দিজিতেল ইন্তিগ্রেসন অমসুং ক্লাইমেৎ রেসিলিয়েন্স প্লানগীদমক শকখঙলগনি। ঐখোয়গী প্রাইবেৎ সেক্তর, মরুওইনা রিয়েল ইস্তেত অমসুং ইন্দস্ত্রীনা, থৌরাং তৌরবা অর্বানাইজেসনদা মীৎয়েং থমগদবনি অমসুং মসিবু মাংলোমদা পুখৎকদবনি। অমৃত ২.০ অমসুং জলজীবন মিসনগুম্বা কেম্পেইনশিং অসি মাংলোমদা পুখৎনবা মীপুম খুদিংমক্না পুন্না থবক তৌমিন্নবা তাই।

মরুপশিং,

ঙসিদি, ঐখোয়না শেন্মিৎলোনদা ইনবেস্তমেন্তগী মতাংদা ৱা ঙাংলিঙৈদা, তুরিজমগী ওইথোকপা য়াবশিংদা ঐখোয়না অখন্নবা মীৎয়েং থমগদবনি। তুরিজম সেক্তরনা ঐখোয়গী জি.দি.পি.দা চাদা ১০ ফাওবা কন্ত্রিব্যুত তৌগনি হায়না পানরি। সেক্তর অসিনা নহারোল করোর কয়াদা থবক পীবগী পোতেন্সিএল লৈরি। মরম অদুনা, দোমেস্তিক অমসুং ইন্তরনেস্নেল তুরিজম প্রমোৎ তৌনবা মসিগী বজেৎ অসিদা ৱারেপ কয়া লৌখ্রে। লৈবাক শীনবা থুংনা তুরিজমদা মীৎয়েং থমদুনা দিস্তিনেসন ৫০ শেমগৎকনি। হায়রিবা মফমশিং অসিদা লৈরিবা হোটেলশিংদা ইনফ্রাস্ত্রকচরগী থাক পীবনা তুরিজমদা খুদোংচাবা হেনগৎহনগনি অমসুং লোকেল এমপ্লোইমেন্তসু হেনগৎহনগনি। হোম-স্তেগীদমক্তা মুদ্রা স্কিমগী স্কোপসু পাকথোক চাউথোকহনখ্রে। "হীল ইন ইন্দিয়া" অমসুং "লেন্দ ওফ বুদ্ধ" কেম্পেনশিংগী খুত্থাংদা মালেম পুম্বদগী তুরিস্তশিং লাক্লি। ভারতপু মালেমগী থাক্কী তুরিজম অমসুং ৱেলনেস হব অমা ওইহন্নবা হোৎনরি।

মরুপশিং,

ঐখোয়না তুরিজমগী মতাংদা ৱা ঙাংবদা, হোতেল ইন্দস্ত্রী অমসুং ত্রান্সপোর্ত সেক্তর নত্তনা, তুরিজমগী অতোপ্পা সেক্তরশিংদা অনৌবা খুদোংচাবশিং লৈ। মরম অদুনা, ঐহাক্না হায়জনীংবদি ঐখোয়গী হেল্থ সেক্তরগী স্তেকহোল্দরশিংনা হেল্থ তুরিজম প্রমোৎ তৌবদা ইনবেস্ত তৌগদবনি, মসিগী খুদোংচাবা অসি লৌগদবনি। ঐখোয়না য়োগ অমসুং ৱেলনেস তুরিজমগী অপুনবা পোতেন্সিএলসু শিজিন্নগদবনি। এজুকেসন তুরিজমগী লমদসু ঐখোয়না থবক কয়া পায়খৎপা য়াগনি। ঐহাক্না হায়জনীংবদি হায়রিবা মাইকৈ অসিদা কুপ্না খন্ন-নৈনগদবনি অমসুং ঐখোয়না মপাঙ্গল লৈরবা রোদমেপ অমগা লোইননা মাইকৈ অসিদা চংশিনগদবনি।

মরুপশিং,

লৈবাক অমগী তুংলমচৎ অসি ইনোবেসনদা থাদরিবা শেনফমনা লেপ্পি। আর্তিফিসিএল ইন্তেলিজেন্সনা ভারতকী শেন্মিৎলোনদা লুপা করোর লাখ কয়াগী গ্রোথ পীবা ঙম্মি। মরম অদুনা, ঐখোয়না মসিগী মাইকৈ অসিদা খোঙজেল য়াংনা চংশিনবা তাই। হায়রিবা বজেৎ অসিদা এ.আই. দাইভর্ন্দ এজুকেসন অমসুং রিসর্চকীদমক লুপা করোর ৫০০গী এলোকেসন তৌখ্রে। ভারতনা এ.আই.গী তৌবা ঙম্বশিং শেমগৎনবা নেস্নেল লার্জ লেঙ্গ্বেজ মোদেলসু লিংখৎকনি। মসিগী মাইকৈ অসিদা, ঐখোয়গী প্রাইবেৎ সেক্তরসু মালেমগী মমাংদা খোংথাং অমা চংশিনবা তাই। মালেম অসিনা এ.আই.দা শেন্মিৎলোনগী ওইবা সোলুসনশিং পীবা ঙম্বা থাজবা য়াবা, সেফ অমসুং দেমোক্রেতিক লৈবাক অমগীদমক ঙাইরি। সেক্তর অসিদা হৌজিক্না নহাক্না শেল হেন্না থাদরক্লিবমখৈ, নহাক্না তুংলমচৎতা হেন্না কান্নবা ফংলগনি।

মরুপশিং,

হৌজিক ভারত অসি মালেমগী খ্বাইদগী চাউবা স্তার্তঅপ ইকোসিস্তেমগী অহুমশুবনি। স্তার্ত-অপশিংবু পুক্নিং থৌগৎনবা সরকারনা বজেৎ অসিদা খোংথাং কয়া অমা লৌখৎলি। রিসর্স অমসুং ইন্নোবেসন প্রমোৎ তৌনবা লুপা কোতি লাখ ১গী কোর্পস ফন্দ অমা পাস তৌখ্রে। মসিনা ফন্দশিংগী দিপ তেক ফন্দগা লোয়ননা হৌগৎলক্লিবা সেক্তরশিংদা শেল থাদবা হেনগৎহনগনি। আই.আই.তি. অমসুং আই.আই.এস.সি.দা রিসর্স ফেলোশিপ লিশিং ১০গী প্রোভিজন অমা শেম্লে। মসিনা রিসর্সপু খুমাং চাউশিলহল্লগনি অমসুং হৈ-শিংলবা নহাশিংদা খুদোংচাবা পীগনি। নেস্নেল জিও-স্পেসিএল মিসন অমসুং নেস্নেল রিসর্স ফাউন্দেসনগী খুত্থাংদা ইন্নোবেসনগী খোঙজেল য়াংশিল্লগনি। ভারতপু রিসর্স অমসুং ইন্নোবেসনগী লমদা অনৌবা থাক্তা পুখৎনবা ঐখোয়না থাক খুদিংমক্তা পুন্না থবক তৌমিন্নবা তাই।

মরুপশিং,

গ্যান ভারতম মিসন, অমসুং ঐহাক্না পুম্নমকপু মসিগী ৱাখল্লোন অসিদা মাংজিল থারি হায়না থাজবা থম্লি, গ্যান ভারতম মিসনগী খুত্থাংদা ভারতকী শিংথানীংঙাই ওইরবা মেনুস্ক্রিপ্ত হেরিতেজ অসি ঙাক-শেন্দুনা থম্বা য়াম্না মরু ওই। মসিগী মিসন অসিগী খুত্থাংদা মেনুস্ক্রিপ্ত কোতি অমা হেন্না দিজিতেলগী মওংদা ওন্থোক্কনি। মসিগী মতুংদা মালেম পুম্বগী স্কোলরশিং অমসুং রিসর্চরশিংনা ভারতকী পুৱারী অমসুং চৎনবীগী ওইবা লৌশিং অমসুং লৌশিংগী মরমদা খঙবা ঙম্নবগীদমক নেস্নেল দিজিতেল রিপোজিৎরী অমা শেম্লগনি। ভারতকী প্লান্ত জেনেতিক রিসোর্সশিং ঙাক-শেন্নবা সরকারনা নেস্নেল জিন বেঙ্ক অমা লিংখৎলি। ঐখোয়গী খোঙথাং অসিগী পান্দমদি লাক্কদৌরিবা চারোন-শুরোনশিংগীদমক জীনেতিক রিসোর্সশিং অমসুং ফুদ সেক্যুরিতী লৈহন্নবা হোৎনবনি। ঐখোয়না অসিগুম্বা হোৎনরিবশিং অসি পাকথোক চাউথোকহনগদবনি। ঐখোয়গী তোঙান-তোঙানবা ইন্সতিত্যুৎশিং অমসুং সেক্তরশিং অসি হোৎনরিবশিং অসিদা পার্তনর ওইগদবনি।

মরুপশিং,

ফেব্রুৱারীদা, ঐখোয়না ইন্দিয়ন ইকোনোমীগী মরমদা আই.এম.এফ.কী অচৌবা ওবজর্বেসনশিং ফংখি। রিপোর্ত অসিগী মতুং ইন্না, ২০১৫ দগী ২০২৫ ফাওবগী মনুংদা, চহি ১০ অসিদা, ভারতকী শেন্মিৎলোন অসি চাদা ৬৬গী গ্রোথ অমা রেজিস্তর তৌখ্রে, হায়বদি, চাদা ৬৬। ভারত অসি হৌজিক্তি দোল্লর ত্রিল্লিয়ন ৩.৮গী ইকোনোমী অমা ওইরে। অসিগুম্বা চাউখৎপা অসি অচৌবা শেন্মিৎলোন কয়াদগী হেন্না চাউই। ভারতনা দোল্লর ত্রিলিয়ন ৫গী ইকোনোমী অমা ওইরকপা নুমিৎ অদু অরাপ্পা নত্তে। ঐখোয়না অচুম্বা ইনভেস্তমেন্তশিং তৌদুনা অচুম্বা মাইকৈদা চংশিনবা তাই, অমসুং মসিগী মওংদা ঐখোয়গী ইকোনোমী পাকথোক চাউথোকহনগদবনি। অমসুং মসিদা বজেৎকী লাউথোকপশিংবু থবক ওইনা পাংথোকপসু অচৌবা থৌদাং অমা লৌরি, অদোম পুম্নমক্না মরু ওইবা থৌদাং অমা লৌরি।

ময়াম পুম্নমকপু ঐহাক্না য়াইফ-পাউজেল পীজরি। অমসুং ঐহাক্না থাজবা থম্লি মদুদি হৌখিবা চহি খরা অসিদা বজেৎ লাউথোকপগা লোয়ননা, ঐখোয়না, অদোম্না অদোমগী থৌদাং অদু পাংথোকউ অমসুং ঐখোয়না ঐখোয়গী থৌদাং অদু পাংথোকউ হায়বা চৎনবী অসি থুগাইখ্রে। ঐখোয়না বজেৎ শেমদ্রিঙৈ মমাংদা, বজেৎ শেমখ্রবা মতুংদা, মদু লাউথোকখ্রবা মতুংদা, লাক্কদৌরিবা থবকশিং অদু পায়খৎনবগীদমক অদোমগা লোয়ননা লৈমিন্নরি। মীয়াম্না শরুক য়াবগী অসিগুম্বা মোদেল অসি য়াম্না তাঙনা থেংনরম্বা য়াই। অমসুং ঐহাক্না নুংঙাইবা ফাওই মদুদি ব্রেইন স্তোরমিং প্রোগ্রাম অসি চহি খুদিংগী খুমাং চাউশিল্লি, মীশিংনা পুক্নিং থৌগৎনা শরুক য়াবা হৌরে, অমসুং মীপুম খুদিংমক্না ঐখোয়না বজেৎকী মমাংদা ঙাংলিবা ৱাফমশিং অসি বজেৎকী মতুংদা থবক ওইনা পাংথোকপদা কান্নগদবা ৱাফমশিংদগী হেন্না মরু ওই হায়না খল্লি। ঐহাক্না থাজবা থম্লি মদুদি অপুনবা ৱাখল্লোনগী থৌরম অসিনা ঐখোয়গী মঙলানশিং, লৈবাক অসিগী মীওই করোর ১৪০গী মঙলানশিং মপুং ফাহন্নবদা অচৌবা থৌদাং অমা লৌগনি। ময়াম পুম্নমকপু ঐহাক্না য়াইফ-পাউজেল পীজরি।

থাগৎচরি।

দিসক্লেমর: মসি প্রধান মন্ত্রীনা পীখিবা ৱারোলগী চাউরাকপা হন্দোকপনি। অশেংবা ৱারোলদি হিন্দীদা পীখি।

***