ഈ പ്രധാനപ്പെട്ട ബജറ്റ് വെബിനാറിലേക്ക് നിങ്ങൾക്കെല്ലാവർക്കും സ്വാഗതം, ആശംസകൾ. ജനങ്ങൾ, സമ്പദ്‌വ്യവസ്ഥ, നവീകരണം എന്നിവയിൽ നിക്ഷേപിക്കുക - വികസിത ഇന്ത്യയുടെ റോഡ്‌മാപ്പ് നിർവചിക്കുന്ന ഒരു വിഷയമാണിത്. ഈ വർഷത്തെ ബജറ്റിൽ അതിന്റെ സ്വാധീനം വളരെ വലിയ തോതിൽ നിങ്ങൾക്ക് കാണാൻ കഴിയും. അതിനാൽ, ഇന്ത്യയുടെ ഭാവിയിലേക്കുള്ള ഒരു ബ്ലൂപ്രിന്റായി ഈ ബജറ്റ് ഉയർന്നുവന്നിട്ടുണ്ട്. ജനങ്ങൾ, സമ്പദ്‌വ്യവസ്ഥ, നവീകരണം എന്നിവയ്ക്ക് നൽകിയതുപോലെ തന്നെ അടിസ്ഥാന സൗകര്യ വികസനത്തിനും വ്യവസായങ്ങൾക്കും നിക്ഷേപത്തിൽ ഞങ്ങൾ മുൻഗണന നൽകിയിട്ടുണ്ട്. രാജ്യത്തിന്റെ പുരോഗതിയുടെ അടിത്തറയായി ശേഷി വർദ്ധിപ്പിക്കലും കഴിവു വളർത്തലും പ്രവർത്തിക്കുന്നുവെന്ന് നിങ്ങൾക്കെല്ലാവർക്കും അറിയാം. അതിനാൽ, ഇപ്പോൾ വികസനത്തിന്റെ അടുത്ത ഘട്ടത്തിൽ, ഈ മേഖലകളിൽ കൂടുതൽ നിക്ഷേപിക്കണം. ഇതിനായി, എല്ലാ പങ്കാളികളും മുന്നോട്ട് വരേണ്ടതുണ്ട്. കാരണം, രാജ്യത്തിന്റെ സാമ്പത്തിക വിജയത്തിന് ഇത് ആവശ്യമാണ്. അതേസമയം, ഓരോ സ്ഥാപനത്തിന്റെയും വിജയത്തിന് ഇത് അടിസ്ഥാനവുമാണ്.

സുഹൃത്തുക്കളേ,

ജനങ്ങളിൽ നിക്ഷേപം നടത്തുക എന്ന ദർശനം മൂന്ന് തൂണുകളിൽ നിലകൊള്ളുന്നു - വിദ്യാഭ്യാസം, വൈദഗ്ദ്ധ്യം, ആരോഗ്യ സംരക്ഷണം! നിരവധി പതിറ്റാണ്ടുകൾക്ക് ശേഷം ഇന്ത്യയുടെ വിദ്യാഭ്യാസ സമ്പ്രദായം വലിയൊരു പരിവർത്തനത്തിലൂടെ കടന്നുപോകുന്നത് ഇന്ന് നിങ്ങൾ കാണുന്നു. ദേശീയ വിദ്യാഭ്യാസ നയം, ഐഐടികളുടെ വിപുലീകരണം, വിദ്യാഭ്യാസ സമ്പ്രദായത്തിൽ സാങ്കേതികവിദ്യയുടെ സംയോജനം, AI യുടെ പൂർണ്ണ ശേഷിയുടെ ഉപയോഗം, പാഠപുസ്തകങ്ങളുടെ ഡിജിറ്റലൈസേഷൻ, 22 ഇന്ത്യൻ ഭാഷകളിൽ പഠന സാമഗ്രികൾ നൽകുന്നതിനുള്ള പ്രവർത്തനങ്ങൾ തുടങ്ങിയ വലിയ ചുവടുവയ്പ്പുകൾ ദൗത്യമായി നടക്കുന്നു. ഇവ കാരണം, ഇന്ന് ഇന്ത്യയുടെ വിദ്യാഭ്യാസ സമ്പ്രദായം 21-ാം നൂറ്റാണ്ടിലെ ലോകത്തിന്റെ ആവശ്യങ്ങളും മാനദണ്ഡങ്ങളും നിറവേറ്റുന്നു.

സുഹൃത്തുക്കളേ,

2014 മുതൽ 3 കോടിയിലധികം യുവാക്കൾക്ക് സർക്കാർ നൈപുണ്യ പരിശീലനം നൽകിയിട്ടുണ്ട്. 1,000 ഐടിഐ സ്ഥാപനങ്ങളെ നവീകരിക്കാനും 5 മികവിന്റെ കേന്ദ്രങ്ങൾ സൃഷ്ടിക്കാനുമുള്ള പദ്ധതികൾ ഞങ്ങൾ പ്രഖ്യാപിച്ചിട്ടുണ്ട്. യുവാക്കളുടെ പരിശീലനം നമ്മുടെ വ്യവസായത്തിന്റെ ആവശ്യങ്ങൾ നിറവേറ്റുന്ന തരത്തിലായിരിക്കണം എന്നതാണ് ഞങ്ങളുടെ ലക്ഷ്യം. ഇതിൽ, ആഗോള വിദഗ്ധരുടെ സഹായം സ്വീകരിക്കുകയും നമ്മുടെ യുവാക്കൾക്ക് ലോക തലത്തിൽ മത്സരിക്കാൻ കഴിയുമെന്ന് ഉറപ്പാക്കുകയും ചെയ്യുന്നു. ഈ എല്ലാ ശ്രമങ്ങളിലും നമ്മുടെ വ്യവസായത്തിനും അക്കാദമിക മേഖലയ്ക്കും ഏറ്റവും വലിയ പങ്കുണ്ട്. വ്യവസായവും വിദ്യാഭ്യാസ സ്ഥാപനങ്ങളും പരസ്പരം ആവശ്യങ്ങൾ മനസ്സിലാക്കുകയും അവ നിറവേറ്റുകയും വേണം. അതിവേഗം മാറിക്കൊണ്ടിരിക്കുന്ന ലോകവുമായി പൊരുത്തപ്പെടാൻ യുവാക്കൾക്ക് അവസരം ലഭിക്കണം, അവർക്ക് എക്സ്പോഷർ ലഭിക്കണം, പ്രായോഗിക പഠനത്തിനുള്ള ഒരു വേദി ലഭിക്കണം. ഇതിനായി, എല്ലാ പങ്കാളികളും ഒത്തുചേരേണ്ടതുണ്ട്. യുവാക്കൾക്ക് പുതിയ അവസരങ്ങളും പ്രായോഗിക കഴിവുകളും നൽകുന്നതിനായി ഞങ്ങൾ പ്രധാനമന്ത്രി ഇന്റേൺഷിപ്പ് പദ്ധതി ആരംഭിച്ചു. എല്ലാ തലങ്ങളിലും പരമാവധി വ്യവസായങ്ങൾ ഈ പദ്ധതിയിൽ പങ്കെടുക്കുന്നുണ്ടെന്ന് ഉറപ്പാക്കണം.

സുഹൃത്തുക്കളേ,

ഈ ബജറ്റിൽ 10,000 അധിക മെഡിക്കൽ സീറ്റുകൾ ഞങ്ങൾ പ്രഖ്യാപിച്ചു. അടുത്ത 5 വർഷത്തിനുള്ളിൽ മെഡിക്കൽ മേഖലയിൽ 75,000 സീറ്റുകൾ കൂട്ടിച്ചേർക്കുക എന്നതാണ് ഞങ്ങളുടെ ലക്ഷ്യം. എല്ലാ പ്രാഥമികാരോഗ്യ കേന്ദ്രങ്ങളിലും ഈ മേഖലകളിലുമായി ടെലി-മെഡിസിൻ സൗകര്യങ്ങൾ വികസിപ്പിച്ചുകൊണ്ടിരിക്കുന്നു. ഡേ-കെയർ കാൻസർ സെന്ററുകളിലൂടെയും ഡിജിറ്റൽ ഹെൽത്ത്കെയർ അടിസ്ഥാന സൗകര്യത്തിലൂടെയും, ഗുണനിലവാരമുള്ള ആരോഗ്യ സംരക്ഷണം അവസാന മൈൽ വരെ എത്തിക്കാൻ ഞങ്ങൾ ആഗ്രഹിക്കുന്നു. ഇത് ജനങ്ങളുടെ ജീവിതത്തിൽ എത്ര വലിയ മാറ്റം കൊണ്ടുവരുമെന്ന് നിങ്ങൾക്ക് ഊഹിക്കാനാകും. ഇത് യുവാക്കൾക്ക് നിരവധി പുതിയ തൊഴിലവസരങ്ങൾ സൃഷ്ടിക്കുകയും ചെയ്യും. ഇവയെല്ലാം നിലത്ത് കൊണ്ടുവരാൻ നിങ്ങൾ തുല്യ വേഗത്തിൽ പ്രവർത്തിക്കണം. അപ്പോൾ മാത്രമേ ബജറ്റ് പ്രഖ്യാപനങ്ങളുടെ നേട്ടങ്ങൾ കൂടുതൽ കൂടുതൽ ആളുകളിലേക്ക് എത്തിക്കാൻ നമുക്ക് കഴിയൂ.

സുഹൃത്തുക്കളേ,

കഴിഞ്ഞ 10 വർഷത്തിനിടയിൽ ഭാവിയിലേക്കുള്ള സമീപനത്തോടെ സമ്പദ്‌വ്യവസ്ഥയിലെ നിക്ഷേപത്തെ ഞങ്ങൾ നോക്കി കണ്ടിട്ടുണ്ട്. നിങ്ങൾക്കറിയാവുന്നതുപോലെ, 2047 ആകുമ്പോഴേക്കും ഇന്ത്യയിലെ നഗര ജനസംഖ്യ 90 കോടിയിലെത്തുമെന്ന് കണക്കാക്കപ്പെടുന്നു. ഇത്രയും വലിയ ജനസംഖ്യയ്ക്ക് ആസൂത്രിതമായ നഗരവൽക്കരണം ആവശ്യമാണ്. ഇതിനായി, 1 ലക്ഷം കോടി രൂപയുടെ ഒരു അർബൻ ചലഞ്ച് ഫണ്ട് സൃഷ്ടിക്കാൻ ഞങ്ങൾ മുൻകൈയെടുത്തിട്ടുണ്ട്. ഇത് ഭരണം, അടിസ്ഥാന സൗകര്യങ്ങൾ, സാമ്പത്തിക സുസ്ഥിരത എന്നിവയിൽ ശ്രദ്ധ കേന്ദ്രീകരിക്കും, കൂടാതെ സ്വകാര്യ നിക്ഷേപവും വർദ്ധിപ്പിക്കും. നമ്മുടെ നഗരങ്ങൾ സുസ്ഥിര നഗര ചലനാത്മകത, ഡിജിറ്റൽ സംയോജനം, കാലാവസ്ഥാ പ്രതിരോധ പദ്ധതി എന്നിവയ്ക്ക് പേരുകേട്ടതായിരിക്കും. നമ്മുടെ സ്വകാര്യ മേഖല, പ്രത്യേകിച്ച് റിയൽ എസ്റ്റേറ്റ്, വ്യവസായം എന്നിവ ആസൂത്രിത നഗരവൽക്കരണത്തിൽ ശ്രദ്ധ കേന്ദ്രീകരിക്കുകയും അത് മുന്നോട്ട് കൊണ്ടുപോകുകയും വേണം. അമൃത് 2.0, ജൽ ജീവൻ മിഷൻ തുടങ്ങിയ കാമ്പെയ്‌നുകൾ മുന്നോട്ട് കൊണ്ടുപോകാൻ എല്ലാവരും ഒരുമിച്ച് പ്രവർത്തിക്കേണ്ടതുണ്ട്.

സുഹൃത്തുക്കളേ,

ഇന്ന്, സമ്പദ്‌വ്യവസ്ഥയിലെ നിക്ഷേപത്തെക്കുറിച്ച് നമ്മൾ സംസാരിക്കുമ്പോൾ, ടൂറിസത്തിന്റെ സാധ്യതകളിൽ നാം പ്രത്യേക ശ്രദ്ധ ചെലുത്തേണ്ടതുണ്ട്. ടൂറിസം മേഖല നമ്മുടെ ജിഡിപിയിലേക്ക് 10% വരെ സംഭാവന ചെയ്യുമെന്ന് പ്രതീക്ഷിക്കുന്നു. കോടിക്കണക്കിന് യുവാക്കൾക്ക് തൊഴിൽ നൽകാനുള്ള കഴിവ് ഈ മേഖലയ്ക്കുണ്ട്. അതിനാൽ, ആഭ്യന്തര, അന്തർദേശീയ ടൂറിസത്തെ പ്രോത്സാഹിപ്പിക്കുന്നതിനായി ഈ ബജറ്റിൽ നിരവധി തീരുമാനങ്ങൾ എടുത്തിട്ടുണ്ട്. ടൂറിസത്തിൽ ശ്രദ്ധ കേന്ദ്രീകരിച്ച് രാജ്യത്തുടനീളമുള്ള 50 സ്ഥലങ്ങൾ വികസിപ്പിക്കും. ഈ സ്ഥലങ്ങളിലെ ഹോട്ടലുകൾക്ക് അടിസ്ഥാന സൗകര്യ പദവി നൽകുന്നത് സു​ഗമമായ ടൂറിസം  വർദ്ധിപ്പിക്കുകയും പ്രാദേശിക തൊഴിലവസരങ്ങൾ വർദ്ധിപ്പിക്കുകയും ചെയ്യും. ഹോം-സ്റ്റേകൾക്കായുള്ള മുദ്ര പദ്ധതിയുടെ വ്യാപ്തിയും വിപുലീകരിച്ചിട്ടുണ്ട്. 'ഇന്ത്യയിൽ സുഖപ്പെടുത്തുക', 'ബുദ്ധന്റെ നാട്' എന്നീ കാമ്പെയ്‌നുകളിലൂടെ ലോകമെമ്പാടുമുള്ള വിനോദസഞ്ചാരികളെ ആകർഷിക്കുന്നു. ഇന്ത്യയെ ആഗോളതലത്തിലുള്ള ടൂറിസവും വെൽനസ് ഹബ്ബും ആക്കാനുള്ള ശ്രമങ്ങൾ നടക്കുന്നു.

സുഹൃത്തുക്കളേ,

ടൂറിസത്തെക്കുറിച്ച് നമ്മൾ സംസാരിക്കുമ്പോൾ, ഹോട്ടൽ വ്യവസായത്തിനും ഗതാഗത മേഖലയ്ക്കും പുറമേ, ടൂറിസത്തിലെ മറ്റ് മേഖലകൾക്കും പുതിയ അവസരങ്ങളുണ്ട്. അതിനാൽ, നമ്മുടെ ആരോഗ്യ മേഖലയിലെ പങ്കാളികൾ ആരോഗ്യ ടൂറിസത്തെ പ്രോത്സാഹിപ്പിക്കുന്നതിൽ നിക്ഷേപം നടത്തണം, ഈ അവസരം പ്രയോജനപ്പെടുത്തണം എന്ന് ഞാൻ പറയും. യോഗയുടെയും വെൽനസ് ടൂറിസത്തിന്റെയും പൂർണ്ണ സാധ്യതകൾ നാം ഉപയോഗിക്കണം. വിദ്യാഭ്യാസ ടൂറിസത്തിലും നമുക്ക് ധാരാളം സാധ്യതകളുണ്ട്. ഈ ദിശയിൽ വിശദമായ ചർച്ചകൾ നടക്കണമെന്നും ശക്തമായ ഒരു റോഡ് മാപ്പോടെ ഈ ദിശയിൽ നാം മുന്നോട്ട് പോകണമെന്നും ഞാൻ ആഗ്രഹിക്കുന്നു.

സുഹൃത്തുക്കളേ,

നവീകരണത്തിൽ നടത്തുന്ന നിക്ഷേപമാണ് രാജ്യത്തിന്റെ ഭാവി നിർണ്ണയിക്കുന്നത്. ഇന്ത്യൻ സമ്പദ്‌വ്യവസ്ഥയ്ക്ക് നിരവധി ലക്ഷം കോടി രൂപയുടെ വളർച്ച നൽകാൻ ആർട്ടിഫിഷ്യൽ ഇന്റലിജൻസിന് കഴിയും. അതിനാൽ, ഈ ദിശയിൽ നമ്മൾ വേഗത്തിൽ നീങ്ങണം. ഈ ബജറ്റിൽ, AI-അധിഷ്ഠിത വിദ്യാഭ്യാസത്തിനും ഗവേഷണത്തിനും 500 കോടി അനുവദിച്ചിട്ടുണ്ട്. AI-യുടെ കഴിവുകൾ വികസിപ്പിക്കുന്നതിനായി ഇന്ത്യ നാഷണൽ ലാർജ് ലാംഗ്വേജ് മോഡൽ സ്ഥാപിക്കും. ഈ ദിശയിൽ, നമ്മുടെ സ്വകാര്യ മേഖലയും ലോകത്തേക്കാൾ ഒരു പടി മുന്നിലായിരിക്കണം. AI-യിൽ സാമ്പത്തിക പരിഹാരങ്ങൾ നൽകാൻ കഴിയുന്ന വിശ്വസനീയവും സുരക്ഷിതവും ജനാധിപത്യപരവുമായ ഒരു രാജ്യത്തിനായി ലോകം കാത്തിരിക്കുകയാണ്. ഈ മേഖലയിൽ ഇപ്പോൾ നിങ്ങൾ എത്രത്തോളം നിക്ഷേപിക്കുന്നുവോ, ഭാവിയിൽ നിങ്ങൾക്ക് അത്രയും നേട്ടം ലഭിക്കും.

സുഹൃത്തുക്കളേ,

ഇപ്പോൾ ഇന്ത്യ ലോകത്തിലെ മൂന്നാമത്തെ വലിയ സ്റ്റാർട്ടപ്പ് ആവാസവ്യവസ്ഥയാണ്. സ്റ്റാർട്ടപ്പുകളെ പ്രോത്സാഹിപ്പിക്കുന്നതിനായി ഈ ബജറ്റിൽ ​ഗവൺമെന്റ് നിരവധി നടപടികൾ സ്വീകരിച്ചിട്ടുണ്ട്. ഗവേഷണവും നവീകരണവും പ്രോത്സാഹിപ്പിക്കുന്നതിനായി 1 ലക്ഷം കോടി രൂപയുടെ കോർപ്പസ് ഫണ്ട് പാസാക്കി. ഇത് ഡീപ് ടെക് ഫണ്ടിനൊപ്പം വളർന്നുവരുന്ന മേഖലകളിലെ നിക്ഷേപം വർദ്ധിപ്പിക്കും. ഐഐടി, ഐഐഎസ്‌സി എന്നിവയിൽ 10,000 ഗവേഷണ ഫെലോഷിപ്പുകൾ അനുവദിച്ചിട്ടുണ്ട്. ഇത് ഗവേഷണത്തെ പ്രോത്സാഹിപ്പിക്കുകയും കഴിവുള്ള യുവാക്കൾക്ക് അവസരങ്ങൾ നൽകുകയും ചെയ്യും. നാഷണൽ ജിയോ-സ്പേഷ്യൽ മിഷനിലൂടെയും നാഷണൽ റിസർച്ച് ഫൗണ്ടേഷനിലൂടെയും നവീകരണം ശക്തി പ്രാപിക്കും. ഗവേഷണ-നവീകരണ മേഖലയിൽ ഇന്ത്യയെ പുതിയ ഉയരങ്ങളിലേക്ക് കൊണ്ടുപോകാൻ നമ്മൾ എല്ലാ തലങ്ങളിലും ഒരുമിച്ച് പ്രവർത്തിക്കേണ്ടതുണ്ട്.

സുഹൃത്തുക്കളേ,

ഗ്യാൻ ഭാരതം മിഷൻ, ഈ വാക്കിൽ നിങ്ങൾ എല്ലാവരും മുന്നോട്ട് വരുമെന്ന് ഞാൻ പ്രതീക്ഷിക്കുന്നു, ഗ്യാൻ ഭാരതം മിഷനിലൂടെ ഇന്ത്യയുടെ സമ്പന്നമായ കൈയെഴുത്തുപ്രതി പൈതൃകം സംരക്ഷിക്കുമെന്ന പ്രഖ്യാപനം വളരെ പ്രധാനമാണ്. ഈ ദൗത്യത്തിലൂടെ ഒരു കോടിയിലധികം കൈയെഴുത്തുപ്രതികൾ ഡിജിറ്റൽ രൂപത്തിലേക്ക് മാറ്റപ്പെടും. അതിനുശേഷം ലോകമെമ്പാടുമുള്ള പണ്ഡിതർക്കും ഗവേഷകർക്കും ഇന്ത്യയുടെ ചരിത്രപരവും പരമ്പരാഗതവുമായ അറിവും ജ്ഞാനവും അറിയാൻ കഴിയുന്ന തരത്തിൽ ഒരു ദേശീയ ഡിജിറ്റൽ ശേഖരം സൃഷ്ടിക്കപ്പെടും. ഇന്ത്യയുടെ സസ്യ ജനിതക വിഭവങ്ങൾ സംരക്ഷിക്കുന്നതിനായി ​ഗവൺമെന്റ് ഒരു ദേശീയ ജീൻ ബാങ്ക് സ്ഥാപിക്കുകയാണ്. വരും തലമുറകൾക്ക് ജനിതക വിഭവങ്ങളും ഭക്ഷ്യസുരക്ഷയും ഉറപ്പാക്കുക എന്നതാണ് ഞങ്ങളുടെ ഈ സംരംഭത്തിന്റെ ലക്ഷ്യം. അത്തരം ശ്രമങ്ങളുടെ വ്യാപ്തി നാം വികസിപ്പിക്കേണ്ടതുണ്ട്. നമ്മുടെ വ്യത്യസ്ത സ്ഥാപനങ്ങളും മേഖലകളും ഈ ശ്രമങ്ങളിൽ പങ്കാളികളാകണം.

സുഹൃത്തുക്കളേ,

ഫെബ്രുവരിയിൽ തന്നെ, ഇന്ത്യൻ സമ്പദ്‌വ്യവസ്ഥയെക്കുറിച്ച് നമുക്കെല്ലാവർക്കും ഐ‌എം‌എഫിന്റെ മികച്ച നിരീക്ഷണങ്ങളുണ്ട്. ഈ റിപ്പോർട്ട് അനുസരിച്ച്, 2015 നും 2025 നും ഇടയിൽ... 2015 നും 2025 നും ഇടയിൽ, ഈ 10 വർഷത്തിനുള്ളിൽ, ഇന്ത്യൻ സമ്പദ്‌വ്യവസ്ഥ അറുപത്തിയാറ് ശതമാനം, അതായത് 66 ശതമാനം വളർച്ച രേഖപ്പെടുത്തി. ഇന്ത്യ ഇപ്പോൾ 3.8 ട്രില്യൺ ഡോളർ സമ്പദ്‌വ്യവസ്ഥയായി മാറിയിരിക്കുന്നു. ഈ വളർച്ച നിരവധി വലിയ സമ്പദ്‌വ്യവസ്ഥകളേക്കാൾ കൂടുതലാണ്. ഇന്ത്യ 5 ട്രില്യൺ ഡോളർ സമ്പദ്‌വ്യവസ്ഥയായി മാറുന്ന ദിവസം വിദൂരമല്ല. ശരിയായ നിക്ഷേപങ്ങൾ നടത്തി ശരിയായ ദിശയിൽ മുന്നോട്ട് പോകുകയും ഈ രീതിയിൽ നമ്മുടെ സമ്പദ്‌വ്യവസ്ഥ വികസിപ്പിക്കുകയും വേണം. ബജറ്റ് പ്രഖ്യാപനങ്ങൾ നടപ്പിലാക്കുന്നതും ഇതിൽ വലിയ പങ്കുവഹിക്കുന്നു, നിങ്ങൾക്കെല്ലാവർക്കും ഒരു പ്രധാന പങ്കുണ്ട്.

നിങ്ങൾക്കെല്ലാവർക്കും എന്റെ ആശംസകൾ. കഴിഞ്ഞ കുറച്ച് വർഷങ്ങളായി ബജറ്റ് പ്രഖ്യാപിക്കുന്നതിലൂടെ, നിങ്ങൾ നിങ്ങളുടെ പങ്ക് നിർവഹിക്കുക, ഞങ്ങൾ ഞങ്ങളുടെ പങ്ക് നിർവഹിക്കുക എന്ന പാരമ്പര്യം ഞങ്ങൾ ലംഘിച്ചുവെന്ന് എനിക്ക് ഉറപ്പുണ്ട്. ബജറ്റ് തയ്യാറാക്കുന്നതിനുമുമ്പ് ഞങ്ങൾ നിങ്ങളോടൊപ്പം ഇരിക്കുന്നു, ബജറ്റ് തയ്യാറാക്കിയതിനുശേഷവും, പ്രഖ്യാപിച്ചതിനുശേഷവും, വരുന്ന കാര്യങ്ങൾ നടപ്പിലാക്കാൻ ഞങ്ങൾ നിങ്ങളോടൊപ്പം ഇരിക്കുന്നു. ഒരുപക്ഷേ പൊതുജനപങ്കാളിത്തത്തിന്റെ ഈ മാതൃക വളരെ അപൂർവമായിരിക്കാം. ഈ മസ്തിഷ്കപ്രക്ഷോഭ പരിപാടി എല്ലാ വർഷവും ശക്തി പ്രാപിക്കുന്നതിലും, ആളുകൾ ആവേശത്തോടെ പങ്കുചേരുന്നതിലും, ബജറ്റിന് മുമ്പ് നമ്മൾ സംസാരിക്കുന്ന കാര്യങ്ങൾ ബജറ്റിന് ശേഷം നടപ്പിലാക്കുന്ന ഉപയോഗപ്രദമാകുന്ന കാര്യങ്ങളേക്കാൾ പ്രധാനമാണെന്ന് എല്ലാവരും കരുതുന്നതിൽ ഞാൻ സന്തോഷിക്കുന്നു. ഈ കൂട്ടായ മാനസികമായ ചിന്തകൾ നമ്മുടെ സ്വപ്നങ്ങൾ - 140 കോടി നാട്ടുകാരുടെ സ്വപ്നങ്ങൾ- സാക്ഷാത്ക്കരിക്കുന്നതിൽ  വലിയ പങ്കു വഹിക്കുമെന്ന് എനിക്ക് ഉറപ്പുണ്ട്. നിങ്ങൾക്കെല്ലാവർക്കും എന്റെ ആശംസകൾ.

നന്ദി.

***

SK