থৌরম অসিদা য়াওবিরিবা লুচিংপুরেল শ্রীমান শরদ পৱারজী, মহারাস্ত্রগী মীয়াম্না য়াবা  মুখ্যমন্ত্রী শ্রী দেবেন্দ্র ফদনাবীস, অখিল ভারতীয় মরাথী সাহিত্য সম্মেলনগী প্রসিদেন্ত  দা. তারা ভৱাল্করজী, হান্নগী প্রসিদেন্ত দা. রবিন্দ্র শোভনেজী, মীহুৎশিং, মরাথী লোলগী অখং-অহৈশিং অমসুং লৈবিরিবা ইচিল-ইনাও অমসুং ইচল-ইচেশিং।

হৌজিক দা.কতর তারাজীগী ৱা অদু ঙাংবা লোইখ্রে ঐহাক্না সুম থারছাণ হায়না হায়বা মতমদা গুজরাতীদা খুম্মকই, ঐহাকসু গুজরাতী হৈ। দেশাচ্যা আর্থিক রাজধানীচ্যা, রাজ্যাতুত দেশাচ্যা, রাজধানীত আলেল্যা সর্ব মরাথী, সারস্বতান্না মাঝা নমস্কার।

ঙসি দিল্লীগী লমসিদা মরাথী লোলগী চাউথোকচনিংঙাই থৌরম পাংথোক্লি। অখিল ভারতীয় মরাথী সাহিত্য সম্মেলন লোল অমা নত্রগা স্তেত অমত্তংগী ওইনা পাংথোকপা নত্তে। মরাথী সাহিত্যগী সম্মেলন অসিদা নিংতম লালগী লৈনম চেল্লি, মসিদা মহারাস্ত্র অমসুং লৈবাক্কী ইপানাৎ-ইপুনাৎকী তুংনফম্নি। জ্ঞানবা-তুকারামানচ্যা মরাথীলা আজ রাজধানী দিল্লী অতিশয় মনাপাসূন অভিৱাদন।

ইচিল-ইনাও, ইচল-ইচেশিং,

অখিল ভারতীয় মরাথী সাহিত্য সম্মেলন 1878 দা অহানবা হৌদোকখিবদগীনা ভারতকী চহী 147 গী খোংচৎকী সাক্ষী ওইদুনা লাক্লি। মহাক্না হায়খি মদুদি শ্রী মহাদেব গোবীন্দ রানাদে, শ্রী হরি নারায়ন আপ্তে, শ্রী মাধব, শ্রীহরি অনে, শ্রী শিবরাম পরাজ্ঞপে, শ্রী বীর সাৱরকরগুম্লবা লৈবাক অসিগী থোইদোক-হেন্দোক্না মশক নাইরবা মীওইশিংনা সম্মেলন অসিবু প্রিসাইদ তৌবিখ্রে। শ্রী শরদ পৱারনা চাওথোকচনিংঙাই ওইরবা চৎনবী অসিগী শরুক ওইবিনবা হায়বিরকপগীদমক্তা থাগৎচরি অদুগা লৈবাক অমসুং মালেমসিগী মরাথীবু নুংশিজবা মীওই খুদিংমকপুসু নুংঙাইবা ফোংদোকচরি।

আণী আজ তর জাগতিক মাতৃভাষা দিৱস আহে, তুম্হী দিল্লীতীল সাহিত্য সম্মেলনসাথী দিৱস সুদ্ধা অতিশয় চাঙ্গলা নিৱদলা।

মরুপশিং,

ঐহাক্না মরাথীগী মতাংদা খনবা মতমদা ঐহাক মুনী জ্ঞানেশ্বরগী ৱাফমশিং অসি য়াম্না নিংশিংলকপা অসি মশানা তাবনি। 'মাঝা মরাথীচী বোলূ কৌতুকে। পরি অমৃতাতেহি পৈজাসী জিংঙ্কে। হায়বদি মরাথী লোল অসি অমৃতদগী হেন্না থু্ম্মী। মরম অদুনা মরাথী লোল অমসুং মরাথী নাৎ-চৎনবীদা ঐহাক্না নুংশিজবা অসি অদোম্না নিংথিজনা খংবিরে। ঐহাক অদোম খং-হৈরবশিংগুম্না মরাথী অসি য়ৌনা হৈবদি নত্তে অদুবু মরাথী ঙাংনবা হোৎনবা, মরাথীগী অনৌবা ৱাহৈশিং লেপ্পা লৈতনা তম্নবা হোৎনজরি।  মরুপশিং,

মসিগী মরাথী সম্মেলন মরুওইবা তাজ্ঞাদা পাংথোক্লিবা অসি ছত্রপতী শিবাজী মহারাজ নিংথৌ হাপখিবগী চহী 350 শুবদা, পুন্যশ্লোক অহিল্যাবাই হোল্করগী চহী 300 অমসুং বাবাসাহেব অম্বেদকরনা কন্না হোৎনবিরম্বদগী শেমখিবা সংবিধানগী চহী 75 শুবা পাংথোক্নরি।

মরুপশিং,

ঙসি ঐহাক্না চাওথোকচগনি মদুদি মহারাস্ত্রগী লম অসিদা মরাথী লোল ঙাংবা অথোইবা নুপা অমনা চহী 100 গী মমাংদা রাস্ত্রীয় স্বয়ম সেবক সংঘগী মরু হুনখি। ঙসি চাওরবা উপালগুম্না চহী চামা শুবগী থৌরম পাংথোক্লি। বেদদগী বিবেকানন্দফাওবা ভারতকী অথোইবা অমসুং ইপানাৎ-ইপুনাৎকী চৎনবী অসি অনৌবা মীরোলদা য়ৌহন্নবগী হৌনবী লোনচৎ অদু রাস্ত্রীয় স্বয়ম সেবক্না হৌখিবা চহী 100 দগী তৌদুনা লাক্লি। ঐহাক্কুম্না মীওই লাখ কয়া অমা আর.এস.এস. না লৈবাক অসিগীদমক্তা হিংননবা ইনোৎ হাপ্পিরি। অমসুং আর.এস.এস. কী থোংদগী ঐহাক্না মরাথী লোল অমসুং ইপানাৎ-ইপুনাৎকা শম্ননবগী খুদোংচাবা অদু ফংজখি। হৌখিবা থা খরগী মমাংদা মরাথী অসি ক্লাসিকেল লোলগী থাক্তা চনখ্রে। ভারত অমসুং মালেমপুম্বগী  মরাথী লোল ঙাংবা মীওই করোর 12 দগী হেন্না লৈ। মসিগী থাক অসিদা চন্নবা চহী কয়া কয়াদগী ঙাইনরকখিবনি মসিগী থবক অসি তৌজবা ফংজবা অসি ঐহাক্কী লাইবক ফবনি হায়না খনজৈ।

ইকাইখুম্ননিংঙাই ওইরবা অখং-অহৈশিং,

অদোম্না খংবিরে লোল অসি শুপ্নতগী ৱারী-ৱাতাই ফাওনবগী পাম্বৈখক্তা নত্তে মসিনা ঐখোয়গী ইপাৎ-ইপুংনাৎপু পুদুনা চৎপা অমসুনি। মসি অচুম্বনি মদুদি লোলশিং অসি খুন্নাইদগী থোকচরক্লবসু খুন্নাই অসি শেম্বদা মরুওইবা থৌদাংসু লৌই। ঐখোয়গী মরাথীনা মহারাস্ত্র অমসুং লম অসিগী মীওই কয়াগী ৱাখল্লোনশিং অসি ফোংদোক্তুনা ঐখোয়গী নাৎ-চৎনবী শেম্মী। মরম অসিনা সমর্থ রামদাসজীনা হায়বিরম্মী- মরাথা তিতুকা মেলৱাৱা মহারাস্ত্র ধর্ম ৱারৱাৱা আহে তিতেক জতন করাৱে জিকরে তিকরে। মরাথী অসি মপুং ফাবা লোল অমনি।  মরম অসিনা, মসিদা থৌনা ফবগী মতৌ, ফজবা-নিংথিবা, খাংবা কনবা, মান্নবা, মরুপকুম নুংশি-চান্নবগী, স্পিরিচুএল ওইবা অমসুংঅনৌবা মওংগী ওই। মরাথীদা ভক্তি, শক্তি অমসুং মতিক-ময়াই শুনা য়াওই। অদোম য়েংবীয়ু ভারত্তা স্পিরিচুএল ওইরবা ইনর্জীগী মথৌ তারকপদা  মহারাস্ত্রগী অথোইবা মুনীশিংনা ঋষিশিংগী জ্ঞান অদুবু  মরাথীদা ফংহনখি।  মরাথীগী ভক্তিগী ইহৌগী থোংদগী মুনি জ্ঞানেশ্বর, মুনি তুকারাম, মুনি রামদাস, মুনি নামদেব, মুনি তুকরোজী মহারাজ, গাদৱে বাবা, গোরা কুমহার অমসুং বহীনাবাইনা খুন্নাইদা অনৌবা লম্বী তাকপিখি। অনৌবা মতমসিদা শ্রী গজানন্দ দিগম্বর মদগুলকর অমসুং শ্রী সুধীর ফরকেগী ইশৈনা রামায়ন্না পীরিবা অদুসু খংই।

মরুপশিং,

মীনাই নাইথাংগী শাংলবা চহী কয়াগী অমম্বা মতমদুদা   মরাথী লোল অসিনা লান্দাশিল্লকখিবশিং অদুগী নান্থোক্তুনা মায় পাকপগী খোল্লাও লাওখি। য়েক্নবশিংবু ইচং থৌনা মায়য়োং য়াখিবা ছত্রপতি শিবাজী মহারাজ, সমভাজী মহারাজ অমসুং বাজীরাও পেশৱাগুম্লবা অথৌবশিংনা য়েক্নবশিংবু মায়থিবা পীখি। নিংতম লালহৌদা বাসুদেব বলৱন্ত ফরকে, লোকমান্য তিলক অমসুং বীর সাৱরকরগুম্লবা লান্মীশিংনা অংগ্রেজীশিংগী ৱাখল চায়খাইগীখি মখোয়গী থৌদাংনা মরাথী লোল অমসুং মরাথী সাহিত্যদা চাওরবা থৌদাং লৌরম্মী। কেসরী অমসুং মরাথাগুম্বা পাওচে, করি গোবিন্দরাজগী মতিং লৈরবা শৈরেংশিং অমসুং রাম গনেশ গদকরীগী দ্রামাশিংনা লৈবাক নিংবগী ইথীল অদু পোকহনখি। লোকমান্য তিলকনা গীতা রহস্যসু মরাথীদা ইবিখিরম্মী অদুগা লৈবাকপুম্বদা অনৌবা থৌনা-পাঙ্গল হাপ্পীরমখি।  

মরুপশিং,

মরাথী লোল অমসুং সাহিত্যনা খুন্নাইনা তুহৎপীরবা অমসুং শোত্থরবা মীওই কাংলুপশিংগীদমক্তা খুন্নাইগী ওইনা নিংতম্বগী থোং লাওনা হাংবগী অথোইবা থবক তৌখি।  জ্যোতিবা ফুলে, সাবিত্রীবাই ফুলে, মহামুনী কর্বে অমসুং বাবাসাহেব অম্বেদকরগুম্লবা খুন্নাই শেমদোক্লোইগুম্বা মরাথীদা অনৌবা য়ুগকী ৱাখল্লোন অসিবু চিংশিল্লমখি। মরাথী লোলনা লৈবাক অসিদা মপুং ফানা চোল্লবা দলিত সাহিত্য পীবিরি। অনৌবা মতমগী ৱাখল্লোনগী মরম্না মরাথী সাহিত্যদা সাইন্সকী ৱারীশিংসু ইরি। হৌখিবা মতমদসু আয়ুরবেদিক, সাইন্স অমসুং লোজিক্তা মহারাস্ত্রগী মীওইশিংনা ময়ামদগী তোঙানবা থৌদাং লৌই। নাৎ-চৎনবীনা মতম পুম্বদা অনৌবা ৱাখল্লোন অমসুং তেলেন্তশিং থোরকহন্দুনা মহরাস্ত্র অসি চাওখৎহল্লি। মুম্বই অসি শুপ্নতগী মহারাস্ত্রখক্তগী নত্তে, মসি লৈবাক অসিগী শেল-থুমগী ওইবা কোনুং ওইদুনা চাওখৎলক্লি।

অদুগা ইচিল-ইনাও, ইচল-ইচশিং

মুম্বইগী মতাংদা হায়বদা ফিল্মশিংগী মতাংদা হায়দবা তারগদি সাহিত্যগী ৱাফম অসি মপুং ফারোই। মহারাস্ত্র অমসুং মুম্বইসিনা মরাথী ফিল্মশিং অমসুং হিন্দী সিনেমা অনিমক অৱাংবা থাক্তা পুখৎলি। হৌজিক্কান অসি ফিল্ম 'ছাৱা' অসি মীয়াম্না য়ৌনা পাম্নরি। মসিনা শিবাজী সাৱন্তগী মরাথী উপন্যাসকী থোংদা সমভাজী মহারাজগী থৌনা ফবা উৎলি।

মরুপশিং,

কবি কেশবসুতকী ৱারেং- “জুনে জাউ দয়া, মরালাগনি জালুনি কিৱা, পুরুনি তাকাসদত ন এক্যা থায়ী থাকা হায়বদি  ঐখোয় অরিবা ৱাখন্দা শুম লুপ্তুনা লৈবা য়াদে অমদি মীওইবগী সভ্যতা, ৱাখল্লোন অমসুং লোল অসি লেপ্তনা চাওখৎলকই। ভারত অসি মালেমদা খ্বাইদগী চাওবা মমাংঙৈগী অহিংবা সভ্যতাশিংগী মরক্তা অমনি মরমদি মসি লেপ্তনা চাওখৎলি, অনৌবা ৱাখল্লোনশিংগা শম্নৈ অমসুং অহোংবশিংবু তরাম্না ওকই। ভারতকী পাক-শন্না চাউরবা খেৎনবা লোলশিং চাওখৎলক্লিবা অসিনা মসিগী খুদম্নি অমসুং অপুনবা পাঙ্গলগী হৌরকফমসুনি মরমদি লোল অসি ইমাগা চাংদম্নরদুনা লোল অসিসু ইমাগুম্না অচান-মীরাই নাইদনা মচাশিংদা অনৌবা অমসুং পাক চাওরবা লৌশিং-গ্যান কয়া অমা পীবিরি। লোল অসিনা ৱাখল্লোল অমসুং চাওখৎপা খুদিংমক মশানা কোনশিল্লি। অদোম পুম্নমক্না খংবি, মরাথী অসি সংস্কৃত্তগী থোরকখিবনি  অমসুং মসিদা প্রাকৃতকী মমিসু য়াম্না তাই।  মহাক্না অথোইবা ৱাখল্লোন পুথোকপশিং অমসুং অইবশিংনা মসিনা হেন্না পাকথোক-চাওথোকহল্লিবনি। হৌজিক ঐহাক্না লোকমান্য তিলক্কী গীতা রহস্যগী মতাংদা পনজখি। গীতা রহস্য হায়বসি সংস্কৃত গীতাবু শন্দোক্না তাকপনি। তিলকজীনা অশেংবা গীতাগী ৱাখল্লোনশিং অদু লৌই অমসুং মরাথীদা মসি হেন্না লায়থোক্না হায়রি।  জ্ঞানেশ্বরী গীতাদসু সংস্কৃত্তা মরাথীদা নোতশিং ই।  ঙসি মদুগী জ্ঞানেশ্বরী অদু লৈবাকপুম্বগী অখং-অহৈশিং অমসুং মুনীশিংনা গীতা খংনবা পাম্বৈ অমা ওইরে। মরাথীনা অতোপ্পা ভারতকী লোলশিংদগী সাহিত্য লৌই অদুগা মদুগী মহুত্তা লোলশিং অদুবু চাওখৎহল্লি। খুদম ওইনা ভার্গবরাম বিত্থল বরেরকরগুম্বা মরাথী সাহিত্যগী মীওইশিংনা ‘'আনন্দমথ' কুম্বা থবকশিং অসি মরাথীদা অর্থ হন্দোক্লি বিন্দা করন্দীকর, মহাক্কী ৱারেংশিং অসি লোল কয়াদা লৈরে। মহাক্না পন্না ধায়, দুর্গাবতী অমসুং রানী পদ্মিনীগী পুন্সিদা য়ুম্ফম ওইদুনা ইরমখি। হায়বদি ভারতীকী লোলশিংগী মরক্তা করিগুম্বা য়ান্নদবা অমত্তা লৈতে।  মখোয়শিং অসি মতম পুম্নমক্তা অমগা অমগা য়াননা অমগা অমগা চাওখৎমিন্নৈ।

মরুপশিং,

লোলগী মিংদা খেৎনবা থম্নবা হোৎনরকপশিংদা ঐখোয়গী লোলশিংগী মমাংঙৈদগী লৈরকপা নিংথিরবা ইপানাৎ-ইপুনাৎনা মদুগী অচুম্বা পাওখুম পী। মসিগী চমম্নবা অসি লৈহন্দনা লোলশিং অসিবু চাওখৎহনবা, মসিবু কোনশিনবা, মসি ঐখোয়গী অপুনবা থৌদাংনি। মরম অসিনা ঙসি ঐখোয়না লৈবাক অসিগী লোল খুদিংমকপু mainstream languageগী মওংদা উনরি।  ঐখোয়না মরাথী য়াওনা মরুওইবা লোলশিংদা এজুকেসনবু চাওখৎহল্লি। হৌজিক মহারাস্ত্রগী নহাশিং অসি মরাথীদা হায়র এজুকেসন, ইজ্ঞীনিয়রিং অমসুং মেদিকেল তম্বা য়ারগনি। ইংলিশ নিংথিনা খংদবনা তেলেন্তশিং মশক খংবিদবগী ৱাখল্লোন অদু ঐখোয়না হোংহনখ্রে।   

মরুপশিং,

ঐখোয় খুদিংমক্না হায়রি মদুদি সাহিত্য অসি খুন্নাইগী মিংশেল ওইবগা লোয়ন-লোয়ননা লমজিং-লমতাকপা অমসুনি মরম অসিনা সাহিত্য সম্মেলনগুম্বা থৌরমশিং, সাহিত্যগা মরি লৈনবা ওর্গানাইজেসনশিংগী লৈবাক অসিদা মরুওইবা থৌদাং য়াম্না লৌরি।  অখিল ভারতীয় মরাথী সাহিত্য মহামন্দল গোবিন্দ রানাদে, হরিনারায়ন আপ্তে, আচার্য অত্রে অমসুং বীর সাৱরকরগুম্লবা অথোইবা মীওইশিংনা শেম্বা ফীলোজোফীশিং মমাংলোমদা চিংশিনগনি হায়বা থাজৈ।  2027 দা সাহিত্য সম্মেলন তৌরকপগী চৎনবী অসি চহী 150 মপুং ফারগনি।  অদুগা 100 শুবা সম্মেলন পাংথোক্কনি। হৌজিক্তগী হৌনা থৌরাং তৌবা হৌবা ঐহাক্না পামজৈ। নহা কয়া অমা সোসিএল মেদিয়াগী মরাথী সাহিত্যগী থবক তৌরি। অদোম্না মখোয়বু প্লেৎফোর্ম পীবিবা য়াই, মখোয়গী তেলেন্ত অদু মশক খংহনবা য়াই। য়ারিমখৈ মী অয়াম্বনা মরাথী তম্বিয়ু। মসিগীদমক্তা অদোম্না ওনলাইন platformশিং, ভাষীনিগুম্বা initiativesশিং শৌগৎপীয়ু। মরাথী লোল অমসুং সাহিত্যগী ওইবা নহাশিংগী মরক্তা চাংদম্নবশিংসু তৌবা য়াই।  ঐহাক্না থাজৈ মদুদি অদোমগী হোৎনবা অমসুং মরাথী সাহিত্যগী ইথীলশিংনা “বিকশিৎ ভারত”(চাউখৎপা  ভারত) ওইহন্নবগীদমক্তা ইরৈচা করোর 140 দা অনৌবা ইনর্জী, অনৌবা এৱেৱরনেস, অনৌবা ইথীল পীগদৌরিবনি। অদোম পুম্নমক্না মহাদেব গোবিন্দ রানাদে, হরিনারায়ন আপ্তে, মাধব শ্রীহরি অনে অমসুং শিবরাম পরাজ্ঞপেগুম্বা অথোইবা মীওইশিংগী অথোইবা নাৎ-চৎনবিবু মখা তাহনবিয়ু, মসি হায়জবগা লোয়ননা অদোম ময়াম্বু অমুক হন্না থাগৎচরি!

***