Date-

      ইকাই খুম্নজরবা চীয়রমেন সর,

ভারতনা পুরকখিবা মায় পাকপশিং, ভারতকী মায়কৈদগী মালেমগী মীপুম খুদিংমক্না আশা তৌরিবশিং অমসুং ভারতকী মীপুম খুদিংমক্কী থাজবা হেনগৎহন্দুনা বিক্সিত ভারত (চাউখৎলবা ভারত) অমা শেমগৎনবা ৱারেপ লৌখিবশিংগী মতাংদা ইকাইখুম্নজরবা রাস্ত্রপতিনা শুগাইনা থম্বীখ্রে। মহাক্না লৈবাক অসিগী তুংলমচৎকী মায়কৈসু তাকপীখি। ইকাই খুম্নজরবা রাস্ত্রপতিগী ৱারোল অসি পুক্নিং থৌগৎনিংঙাই ওই অমসুং মতিক চানা শাফুখি, অমসুং মসিনা ঐখোয় পুম্নমক্কী তুংগী থবকশিংদা লমজিং-লমতাক অমা ওইরগনি। ঐহাক্না ইকাই খুম্নজরবা রাস্ত্রপতিবু মহাক্কী ৱারোলগীদমক থাগৎচরি!

ইকাই খুম্নজরবা চীয়রমেন সর,

পার্লিয়ামেন্তকী ইকায় খুম্নরবা মেম্বর ৭০ হেনবনা মখোয়গী মমল য়াম্লবা ৱাখল্লোনশিংগা লোইননা থাগৎপা ফোঙদোকপগী থৌরম অসি মপুং ফাহন্নবা হোৎনবদা মতেং পাংবীখি। লৈঙাক্লিবা অমসুং ওপোজিসন অনিমক্কী মায়কৈদা ৱারী কয়া শানখি। মীপুম খুদিংমক্না রাস্ত্রপতিগী ৱারোলদা মখোয়গী ওইবা মোৎ, মখোয়গী ৱাহন্থোকশিং ফোংদোক্নখি। ইকাই খুম্নজরবা চীয়রমেন সর, মখোয়না 'সবকা সাথ, সবকা বিকাস'গী মতাংদা ৱা ঙাংখি। মসিদা করি অৱাবা লৈবগে হায়বদু ঐনা খঙবা ঙমদ্রে। 'সবকা সাথ, সবকা বিকাস' অসি ঐখোয়গী অপুনবগী থৌদাংনি, অমসুং মসিনা মরম ওইদুনা লৈবাক অসিনা ঐখোয়দা মফম অসিদা ফম্বা ফংনবগী খুদোংচাবা পীরি। অদুম ওইনমক, কংগ্রেসকী ওইনদি, মখোয়না 'সবকা সাথ, সবকা বিকাস'গী ৱাখল্লোন অসি ঙাক্না চৎকনি হায়বগী আশা অসি অচৌবা অশোয়বা অমা ওইগনি হায়না থাজৈ। মসি মখোয়গী ৱাখল্লোনগী ৱাংমদনি, অমসুং মখোয়গী রোদমেপ্তা চুনদে মরমদি মখোয়গী অচৌবা পার্তী অসিনা ইমুং অমখক্তদা মপুং ফানা কৎথোক্তুনা 'সবকা সাথ, সবকা বিকাস' অসি মখোয়গীদমক ওইথোক্তবা ওইহল্লি।

ইকাই খুম্নজরবা চীয়রমেন সর,

কংগ্রেসনা অরানবা, লান্না, ফত্তবা, নেপোতিজম, অমসুং অপেনবা পুম্নমক পুনশিন্নদুনা রাজনীতিগী মোদেল অমা শেমখি। হায়রিবা পোৎলমশিং অসি পূনশিন্নরবদি,  "সবকা সাথত"  লৈবা ঙম্লোই।

ইকাই খুম্নজরবা চীয়রমেন সর,

কংগ্রেসকী মোদেলদা, খ্বাইদগী মরুওইবা ৱাফম অসি "ইমুং মনুংনা অহানবা" হায়বসিনি, অমসুং মরম অসিনা, মখোয়গী পোলিসীশিং, প্রিন্সিপলশিং, ৱা ঙাংবা, অমসুং লমচৎ-শাজৎ পুম্নমক অসি পোৎলম অমখক্তমক ঙাক-শেনবদা মীৎয়েং থম্লি। ২০১৪ গী মতুংদা লৈবাক অসিনা ঐখোয়দা সেবা তৌবগী খুদোংচাবা পীখি, অমসুং লৈবাক অসিগী মীয়ামদা মখোয়না ঐখোয়দা মথং-মথং অহুমশুবা ওইনা লৈবাক অসিগী সেবা তৌজনবগী থৌদাং অসি পীবীবগীদমক ঐহাক্না থাগৎপা ফোংদোকচরি। চাউরবা লৈবাক অমা লৈরবসু, মশক থোকপা গনতন্ত্র অমা লৈরবসু, মশক থোকপা মীদিয়া অমা লৈরবসু, অমসুং ৱাখল্লোন মখল খুদিংমক ফোংদোক্নবগী নীংতম্বা লৈরবসু, লৈবাক অসিনা ঐখোয়বু অমুক্কা হন্না সেবা তৌনবা খনখি। মরমদি লৈবাক অসিগী মীয়াম্না ঐখোয়গী চাউখৎ থৌরাংগী মোদেল অসিবু নৈনখি, খঙখি অমসুং শৌগৎখি। ঐহাক্না ঐখোয়গী মোদেল অসি ৱাহৈ অমখক্তদা পুথোক্লবদি, ঐহাক্না "লৈবাক্না হানা" হায়বসি থমগনি। অসিগুম্বা অফবা ৱাখল্লোন অমসুং থৌনা লৈরবা থৌওং অসিগা লোইননা, ঐখোয়না ঐখোয়গী পোলিসীশিং, প্রোগ্রামশিং, ৱা ঙাংবদা অমসুং লমচৎ-শাজৎতা মসিগী ৱাখল্লোন অসিদা লেপ্পা লৈতনা মীৎয়েং থম্লি। মসিনা ঐখোয়গী লৈবাক অসিগী সেবাগী লমজিং লম্বী ওইহল্লি। অমসুং, ইকাই খুম্নজরবা চীয়রমেন সর, ঐহাক্না চাউথোকচবা অমসুং নুংঙাইবা ফাওই মদুদি চহী তরাগী খুজিং মঙাদগী তরুক ফাওবগী মনুংদা, লৈবাক অসিনা অতোপ্পা মোদেল অমবু নৈননবগী খুদোংচাবা অমত্তা ফংখিদে। অদুবু ২০১৪গী মতুংদা, লৈবাক অসিনা অনৌবা মোদেল অমা উবা ফংখি - অতোপ্পা পাম্বৈ অমা করিনো, করিগীদমক মরুওইবশিং লেপথোক্কদগে, অমসুং লৈঙাক্লোনগী মতাংদা করম্না থবক লৌখৎকদগে। অনৌবা মোদেল অসিনা "এপিস্মেন্ত"গী মহুত্তা "সেতিফেক্সন"দা থাজৈ। মমাংগী মোদেলদা, মরু ওইনা কংগ্রেসকী মতমদা, এপিস্মেন্ত অসি মফম পুম্নমক্তা লৈরম্মি; মসিনা মখোয়গী পোলিতিকেল মেদিসিন ওইরকখি। মখোয়না ইশাগী কান্নবা ফংনবগীদমক পোলিতিকেল, নেস্নেল ইন্তরেস্ত, অমসুং অতোপ্পা পুম্নমকপু লল্লোন-ইতিক্কী খুত্থাংদা শীজিন্নখি। মখোয়গী থৌওংদি লায়রবা কাংলুপশিংদা খরা পীনবা, লেমহৌরিবশিংবু অৱাবা লৈহন্দুনা থম্নবা, অদুগা মীখলগী মতমদা, মখোয়দা চপ মান্নবা ৱাফম অসি থাগৎপা, "মখোয়না ফংলে, নহাকসু ফংলগনি" হায়দুনা। মখোয়না অরানবা ৱাশকশিং পীরদুনা, মীশিংবু মীৎয়েং চংহন্দুনা অমসুং মীখলগী মতমদা ভোত ফংনবগী আশা তৌদুনা মখোয়গী রাজনীতি মখা চত্থরি।

ইকাই খুম্নজরবা চীয়রমেন সর,

ভারত্তা লৈরিবা রিসোর্সশিং অসিবু খ্বাইদগী ফবা মওংদা শীজিন্ননবা ঐখোয়না হোৎনরি। ঐখোয়না লৈবাক অসিদা ফংলিবা মতম অসি কান্নবা মওংদা শীজিন্ননবা পান্দম থম্লি। ঐখোয়না মতম অমত্তা মাংহন্দনা অমসুং মতম খুদিংমক জাতিগী খুমাং চাউশিনবা অমসুং মীয়ামগী য়াইফনবা শীজিন্ননবা হোৎনরি। মরম অসিনা ঐখোয়না "সেচুরেসন"গী খোঙথাং অমা শিজিন্নখি। মসিনা কোলম অদু মপুং ফানা কুপশিনবা ঙম্বা অদুখক্তদা শাংদোকখি, অদুবু থৌরাংশিং অদুগী কান্নবা ফংলবা মীওইশিং অদু মপুং ফানা কান্নবা ফংহনখি। মীওই খরবুনা খুদোংচাবা পীদুনা অতোপ্পা খরবুনা ঙাইদুনা লৈহনবা, নৎত্রগা মীওই খরবু খোইশাওনহন্দুনা মখোয়বু মতম পুম্নমক্তা পুক্নিং নুংঙাইহন্দবা, মখোয়বু অৱাবদা লংশিনবদগী ঐখোয়না লাপথোক্লে। মদুগী মহুত্তা ঐখোয়না "সেচুরেসন এপ্রোচ" শিজিন্নখি, মসিদা মীওই খুদিংমক্না মখোয়গীদমক্তা শেম্লবা থৌরাংশিং অদুগী মপুং ফানা কান্নবা ফংগনি। হৌখিবা চহী তরা অসিদা, ঐখোয়না 'সবকা সাথ, সবকা বিকাস'কী থৌনা অসি থাক খুদিংমক্তা লৈবা পুন্সিদা পুরক্লে। অমসুং ঙসিদি ঐখোয়না লৈবাক অসিদা ওইরক্লিবা অফবা অহোংবশিং অদু উবা ফংলে। মসি ঐখোয়গী লৈঙাকপগী মওং অসিগী মরুওইবা লাইৱা ওইরি। সবকা সাথ, সবকা বিকাস। ঐখোয়গী সরকারনা এস.সি./এস.তি. এক্তপু মপাঙ্গল কনখৎহন্দুনা দলিতশিং অমসুং অদিবাসিশিংগী ইকাই খুম্নবা অমসুং শাফনবগীদমক মপাঙ্গল কনখৎহন্নবা হোৎনরি।

ইকাই খুম্নজরবা চীয়রমেন সর,

ঙসিদি, জাত-বিজাতকী মহু অসি শন্দোক্নবা কন্না হোৎনরি, অদুবু চহী তরাগী খুজিং অহুম্লোমদগী, হাউস অনিমক্কী ও.বি.সি.গী এম.পি.শিং অমসুং পার্তি পুম্নমক্না ও.বি.সি. কম্মিসনবু কন্সতিত্যুস্নল স্তেতস পীনবা হায়দুনা লাক্লি। অদুম ওইনমক, মখোয়গী দিমান্দশিং অদু য়াখিদে, মরমদি মতম অদুদা, মসি মখোয়গী পোলিতিকেল এজেন্দাগা চান্নদে। পুক্নিং চিংশিন্নিংঙাই ওইবা অমসুং "ইমুং মনুংনা হান্না" হায়বা রাজনিতীদা, অসিগুম্বা খোঙথাং অসি মখোয়গী অপাম্বশিংগা চুনরম্লোই, অমসুং মসিনা মখোয়গী পোলিতিকেল ওইবা পান্দমশিং, মরুওইনা মখোয়দা কান্নবা পীবা খন্ন-নৈনবদা মতেং পাংলম্লোই।

ইকাই খুম্নজরবা চীয়রমেন সর,

চহি কুন্থ্রারোম হেন্না ঙাইদুনা লাক্লবা ও.বি.সি. কম্ম্যুনিতীগী আশা অমসুং দিমান্দশিং ঐখোয়না পুন্না মপুং ফাহনখিবা অসি ঐহাক্কী পেঞ্জবা অমনি। ও.বি.সি. কম্মিসনগী কন্সতিত্যুস্নল স্তেতসকী দিমান্দ, মদু হন্না হন্না নাথৈবীবা অমসুং য়াখিদবা অসি ঐখোয়না অকোনবদা লোইশিনখি। অমসুং ঐখোয়না মখোয়গী দিমান্দ অদু মপুং ফাহনবতা নত্তনা, ঐখোয়গীদমক্তদি, মখোয়গী ইকাই খুম্নবা অসিসু য়াম্না মরু ওই। ঐখোয়না লৈবাক অসিগী নাগরিক কোতি ১৪০ বু 'জনতা জনর্দন' ওইনা লৌই অমসুং ঐখোয়না ৱাখল্লোন অসিগা লোয়ননা থবক তৌরি।

ইকাই খুম্নজরবা চীয়রমেন সর,

ঐখোয়গী লৈবাক অসিদা রিজার্বেসনগী ৱাফম লাকপা মতমদা, মদুগী মতাংদা অচুম্বা ৱাফমশিংবু য়াবীবা, পাম্বৈ পুথোকনিংঙাই ওইবা ৱাখল্লোন অমত্তা লৈখিদে। মদুগী মহুত্তা লৈবাক অসিদা খেন্নবা পীনবা, তংদু লৈতাহন্দবা অমসুং তোঙান তোঙানবা কাঙলুপশিংগী মরক্তা নুংশিনহন্দনবা হোৎনখি। মসি নীংতম্বগী মতমদগী হৌনা চৎনদুনা লাক্লি। অহানবা ওইনা ঐখোয়গী সরকারনা 'সবকা সাথ, সবকা বিকাস'গী লাইৱানা পুক্নিং থৌগৎলদুনা জেনরেল কেতেগোরীগী শেন্মিৎলোনগী লমদা শোত্থরবা কাংলুপকীদমক ১০% রিজার্বেসন পীদুনা মোদেল অমা পুথোকখি। মসি তেন্সন অমত্তা থোকহন্দনা, অতোপ্পদগী লৌথোক্তনা পাংথোকখি। মসিগী ৱারেপ অসি লৌখিবা মতমদা, এস.সি. কম্ম্যুনিতী, এস.তি. কম্ম্যুনিতী, অমসুং ও.বি.সি. কম্ম্যুনিতীনা তরাম্না ওকখি। অসিগুম্বা অচৌবা ৱারেপ অসি 'সবকা সাথ, সবকা বিকাস'কী ৱাখল্লোনগা চুনবা মওংদা লৌখিবনা মরম ওইদুনা কনা অমত্তনা নুংঙাইতবা অমত্তা ফাওখিদে। অসুম্না, লৈবাক পুম্বনা শান্তি ওইনা ৱারেপ অদু কোম্না অমসুং হরাওনা লৌখি।

ইকাই খুম্নজরবা চীয়রমেন সর,

ঐখোয়গী লৈবাক অসিদা, দিব্যাং (নাম্ম শোইবা মীওইশিং)শিংগী মফমদা মখোয়না ফংফম থোকপা মীৎয়েং অদু পীরমদে। অদুম ওইনমক, করিগুম্বা 'সবকা সাথ, সবকা বিকাস'গী মন্ত্র অসি ঙাক্লবদি, 'দিভয়াং'গী মীওইশিং অসিসু 'পুম্নমক্কী' কাংলুপকী শরুক অমা ওইরগনি। মদুদগীদি ঐখোয়না দিব্যাংবশিংগীদমক রিজর্বেসনশিং শাংদোকখি, অমসুং মখোয়গীদমক খুদোংচাবশিং ফংহন্নবগীদমক মিসন মোদতা থবক তৌখি। ঐখোয়না দিব্যাংবশিংগী য়াইফনবা স্কিম কয়া অমা পায়খৎলে, অদুবু হেন্না মরু ওইরিবদি, ঐখোয়না স্কিমশিং অসি থবক ওইনা পাংথোকহনবদুনি। মসিদা নত্তনা, ইকাই খুম্নজরবা চীয়রমেন সর, ত্রান্সজেন্দর কম্ম্যুনিতীগী হকশিং ঙাক্নবা ঐখোয়না আইনগী ওইবা অমসুং অচুম্বা খোঙথাংশিং লৌখৎখি। মখোয়গী হকশিং অসি হৌনবী মতুং ইন্না শকখঙবীনবা অমসুং ঙাক-শেনবীনবা ঐখোয়না হোৎনখি। ঐখোয়না 'সবকা সাথ, সবকা বিকাস' অসি খুন্নাইগী অপীকপা কাংলুপশিং অসিগীদমক য়াম্না সেন্সিতিব ওই হায়বা উৎতুনা তাক্লি।

ইকাই খুম্নজরবা চীয়রমেন সর,

ভারতকী চাউখৎপগী খোঙচৎ অসিদা 'নরী শক্তি'গী (নুপীগী শক্তি) না তম্লিবা শরুক অসি কনাগুম্বা অমত্তনা য়ানিংদবা লৈরোই। অদুম ওইনমক, করিগুম্বা মখোয়দা খুদোংচাবা পীবা ঙম্লবা অমসুং মখোয়না ৱারেপ লৌবদা শরুক য়াবা ঙম্লবদি, লৈবাক অসিগী খুমাং চাউশিনবদা খোঙজেল য়াঙখৎহনগনি। মসিবু ৱাখলদা থমদুনা, ঐখোয়না, হাউস অসিনা পুৱারী ওইরবা ৱারেপ অমা লৌখি। লৈবাক অসিগী নাগরিক অমা ওইনা ঐখোয়না মসিগী ৱারেপ অসিদা চাউথোকচবা য়াই। হাউস অসি মসিগী মওং-মতৌ খক্তগীদমক নীংশিংনিংঙাই ওইবা নত্তে, মসিগী অনৌবা হাউস অসিগী অহানবা ৱারেপ অসি 'নারী শক্তি বন্দন আদিনিয়ম' ওইবনা নীংশিংদুনা লৈরগনি। ঐখোয়না অনৌবা হাউস অসিগী হৌরকপদা অতোপ্পা পাম্বৈ কয়া অমা শিজিন্নবা য়াই। মমাংদা তৌখিবা অদুগুম্না ঐখোয়না মসিবু ঐখোয়গী থাগৎপগীদমক শিজিন্নবা য়াই, অদুবু মদুগী মহুত্তা, ঐখোয়না 'মাত্রি শক্তি' (মমা ওইবগী শক্তি) গী ইকাই খুম্নবা উৎতুনা হাউস অসি হৌদোক্নবা খনখি। অমসুং, 'মাত্রি শক্তি'গী য়াইফ-পাউজেলগা লোইননা, হাউস অসিনা থবক হৌখি।

ইকাই খুম্নজরবা চীয়রমেন সর,

ঐখোয়না পুৱারীদা অমুক হন্না য়েংবীরবদি, অমসুং মসি ঐহাক্না হায়মনবা থোক্লোই মদুদি, কংগ্রেসনা বাবাসাহেব অম্বেদকরবু অদুক্কী মতীক নুংশিখিদে। মখোয়বু মহাক্না য়াম্না নুংঙাইতবা ফাওহনখি, অমসুং মরম অমত্তা লৈত্রবসু, কংগ্রেসনা মতম পুম্নমক্তা বাবাসাহেবকী থবক অমসুং ৱারোল খুদিংদা নেগেতিব ওইনা লৌখি। মসিগা মরী লৈনবা দোক্যুমেন্ত পুম্নমক ফংলি। তশেংনমক, থৌরম অনিদা, বাবাসাহেবপু মীখলদা মায়থীবা পীনবা হোৎনখি, অমসুং মহাক্কী অচৌবা থৌদাংশিং অসি লৈজরবসু, মখোয়না মহাকপু ভারত রত্ন ফংবা য়াবা অমা ওইনা ইকায় খুম্নখিদে।

ইকাই খুম্নজরবা চীয়রমেন সর,

বাবাসাহেব অসি ভারত রত্ন ফংবা য়ারবা অমা ওইনা ইকায় খুম্নবীরমদে। ইকাই খুম্নজরবা চীয়রমেন সর, খুন্নাইগী থাক খুদিংমক্কী লৈবাক অসিগী মীয়াম্না মহাক্কী ৱাখল্লোন অমসুং ৱাখল্লোনশিংবু ইকাই খুম্নখি। অমসুং ঙসি, মসিগী মহৈ ওইনা, কংগ্রেসনা য়ানিংদ-য়ানিংদনা "জয় ভীম" হায়নবা হোৎনরি। মখোয়না থবক তৌরকপা মতমদা মখোয়গী থম্মোইদি ইকং থোকই, অমসুং ইকাই খুম্নরবা চীয়রমেন সর, মসিগী কংগ্রেস অসি মচু হোংবদা য়াম্না হৈথোই-শিংথোইবগু উই। মখোয়না মখোয়গী মায়খুম য়াম্না থুনা হোংই, অমসুং মসি ময়েক শেংনা উবা ফংই।

ইকাই খুম্নজরবা চীয়রমেন সর,

করিগুম্বা নহাক্না কংগ্রেসকী মরমদা নৈনরবদি, ঐখোয়গী মরুওইবা মন্ত্র অসি মতম পুম্নমক্তা 'সবকা সাথ, সবকা বিকাস' ওইদুনা লাক্লবসু, মখোয়গী মন্ত্রদি অতোপ্পশিংগী মাইপাকপশিংবু হন্থহন্নবা লেপ্পা লৈতনা হোৎনদুনা লাকপনি। মসিনা মরম ওইদুনা, মখোয়না লৈঙাকশিংবু তংদু লৈতাহন্দে। করিগুম্বা পোলিতিকেল পার্তী অমনা লৈঙাক অমা শেম্বা মতমদা, মখোয়না মদুবু শিংথানবীদবদা মীৎয়েং থম্মি। মসি মখোয়না খনখিবা লম্বীনি - অতোপ্পশিংগী মাইপাকপশিংবু মগুন মাঙহন্নবা অমসুং লোক সভাগী মীখলগী মতুংদা, মখোয়গা লোয়ননা লৈরম্বা মীওইশিংসু মখোয়সু চপ মান্নবা মওংদা লোইরগনি হায়বা খঙলদুনা হৌজিক চেন্নরক্লে। মসি মখোয়গী পোলিসীশিংগী মহৈনি, মসিনা কংগ্রেসপু ঙসি ওইরিবা ফীভম অসিদা পুহল্লকপনি। লৈবাক অসিগী খ্বাইদগী লিরবা পার্টি, নীংতম লান্মীগী শরুক অমা ওইরম্বা পার্টি অসি হৌজিক য়াম্না নুংঙাইতবা ফীভম অমদা লৈরে। মখোয়না অতোপ্পগী লাইনশিং হন্থহন্নবা হোৎনজবদা মখোয়গী পাঙ্গল মাংহনজৈ, অদুবু করিগুম্বা মখোয়না মখোয়গী লাইনশিং শাংদোক্নবা হোৎনরম্লবদি, মখোয়না অসিগুম্বা ফীভম অসিদা লৈরম্লোই। ঐহাক্না পাউতাক অমতং পীজরি: অদোম ইশাগী পনখৈ শাংদোকপদা মীৎয়েং থম্বীয়ু। করিগুম্বা অদোম্না মসি তৌরবদি, লৈবাক অসিনা অদোমবুসু মাংলোমদা চংশিন্নবগী খুদোংচাবা পীগনি।

ইকাই খুম্নজরবা চীয়রমেন সর,

বাবাসাহেবনা এস.সি. অমসুং এস.তি. কম্ম্যুনিতীশিংনা মায়োক্নরিবা মরুওইবা শিংনবশিং অদু য়াম্না কুপ্না অমসুং নীংথিনা খঙখি। মহাক মশামক্না মখোয়গী লান্থেংশিং অসি থেংনখি, অমসুং মরম অদুনা অৱাবা অমসুং চৈনা কয়া মশামক্না থেংনজরকপনা খুন্নাইগী য়াইফনবগীদমক্তা থবক তৌবগী অচেৎপা অপাম্বা অমা লৈখি। বাবাসাহেবনা এস.সি. অমসুং এস.তি. কম্ম্যুনিতীশিংগী শেন্মিৎলোন চাউখৎহন্নবা ময়েক শেংবা রোদমেপ অমা পুথোকখি। মহাক্কী ৱাহৈশিংনা মসিগী অঙকপা ৱাখল্লোন অসিবু উৎলি। বাবাসাহেবনা মরুওইবা ৱাফম অমা হায়রম্মি অমসুং ঐহাক্না মহাক্কী ৱারোলশিং অদু নীংশিংজরি। বাবাসাহেবনা হায়খি: "ভারত অসি লৌউ-শিংউগী লমনি, অদুবু দলিতশিংগী ওইনা, মসি পুন্সি মহিংগী মরুওইবা লম্বী অমা ওইবা য়ারোই।" মসি বাবাসাহেবনা হায়রম্মি। মহাক্না মসিগী মরমশিং অদু মখা তানা শন্দোক্না তাকখি, অহানবা প্রোব্লেমদি মখোয়না শেল লৈতবনা লম লৈবগী খুদোংচাবা লৈজদে। মখোয়দা শেল লৈরবসু, মখোয়না লম লৈবগী খুদোংচাবা লৈতে। বাবাসাহেবনা মসিগী ফিভম অসি কুপ্না নৈনখি, অমসুং ইসু অসিবু কোকহন্নবা মহাক্না সোলুসন অমা পীরম্মি। মহাক্না হায়খি মদুদি লৈবাক অসিদা ইন্দস্ত্রীএলাইজেসন প্রমোৎ তৌদুনা দলিতশিং, ঐখোয়গী অদিবাসিগী ইচিল-ইনাওশিং, অমসুং লাপথোক্লবা কাংলুপশিংনা থেংনরিবা অরোন-অথুপ, মখোয়না হিংবদা অৱাবা মায়োক্নরিবা অসি কোকহন্নবা হোৎনগদবনি। বাবাসাহেব অসি ইন্দস্ত্রিএলাইজেসনগী এদভোকেত অমা ওইখি মরমদি মহাক্না মসি দলিত, অদিবাসি, অমসুং মার্জিনলাইজ ওইরিবা কাংলুপশিংগীদমক স্কিলদা য়ুম্ফম ওইবা থবকশিং অমসুং শেনমিৎলোনগী মশা-মরোমদোম লেপচবগী ওন্ত্রপ্রিন্যুরশিপকী খুদোংচাবশিং ফংহন্নবা পাম্বৈ অমা ওইনা উখি। মহাক্না থাজখি মদুদি ইন্দস্ত্রীলাইজেসন অসিনা মখোয়গী থাক ৱাংখৎনবগী খ্বাইদগী মরুওইবা খুৎলাই ওইগনি। অদুম ওইনমক, নীংতম্লবা মতুং চহি কয়া লৈরবসু কংগ্রেসনা লৈঙাক পায়বগী খুদোংচাবা কয়া ফংলবসু, মখোয়না বাবাসাহেবকী ৱাখল্লোনশিংদা করিগুম্বা অমত্তা পুক্নিং চিংশিনখিদে। মখোয়না মহাক্কী মিৎয়েং অদু তশেংনা য়াখিদে অমসুং বাবাসাহেবনা খল্লম্বগুম্না এস.সি. অমসুং এস.তি. কম্ম্যুনিতীশিংগী শেন্মিৎলোনগী ওইবা লায়রবশিং কোকহন্নবা হোৎনবগী মহুৎতা, কংগ্রেসনা থবকশিং অসিবু হেন্না লুশিলহন্দুনা কম্ম্যুনিতীশিং অসিবু অৱাবা হেন্না মাইয়োক্নহনখি।

ইকাই খুম্নজরবা চীয়রমেন সর,

২০১৪দা, ঐখোয়গী সরকারনা থৌওং অসি হোংদোকখি অমসুং স্কিল দিবেলপমেন্ত, ফাইনান্সিএল ইনক্লুজন অমসুং ইন্দস্ত্রীএল গ্রোথতা অখন্নবা মীৎয়েং থমখি। খুন্নাইগী কাংলুপশিং অসিদা মীৎয়েং চংনবা ঐখোয়না পি.এম. বিশ্বকর্মা য়োজনা হৌদোকখি। মখোয় য়াওদনা খুন্নাইগী মওং-মতৌ অসি ওইথোকপা ঙম্লোই। মখোয়শিং অসি খুঙ্গংশিংদা শন্দোরকপা অপীকপা কাংলুপশিংনি, মখোয়শিং অসি ত্রেদিস্নেল ক্রাফশিং হায়বদি য়োৎ শুবশিং, চফু শাবশিং, শনা শুবশিং, অমসুং অতোপ্পা মান্নবা কাংলুপশিংদা থবক তৌরিবশিংনি। অহানবা ওইনা, লৈবাক অসিনা মখোয়দা ত্রেনিং, তেক্নোলোজিকেল অপগ্রেদেসন, অনৌবা খুৎলাইশিং, দিজাইন তৌবদা মতেং, শেলগী তেংবাং অমসুং কৈথেলশিংদা থাহন্দুনা পুক্নিং চিংশিনখি। হীরমশিং অসিদা মতেং পাংনবা ঐখোয়না অখন্নবা থৌরাং অমা হৌদোক্লে। হায়রিবা অসি খুন্নাইগী মতম শাংনা মীৎয়েং চঙলমদবা কাঙলুপ অমনি, অদুবু মখোয়না খুন্নাই অসিবু শেমগৎপদা মরুওইবা থৌদাং অমা লৌরি। ঐখোয়না বিশ্বকর্মা কম্ম্যুনিতীগী য়াইফ-থৌরাংদা মীৎয়েং থম্লি।

ইকাই খুম্নজরবা চীয়রমেন সর,

অহানবা ওইনা ওন্ত্রপ্রিন্যুরশিপতা চংশিল্লিবা মীওইশিংবু কৌদুনা অমসুং পুক্নিং থৌগৎতুনা ঐখোয়না মুদ্রা য়োজনা হৌদোকখি। খুন্নাইগী অচৌবা কাংলুপ অসিনা কান্নবা ফংনবা, মখোয়গী মঙলানশিং অদু মংফাওনহন্নবা ঐখোয়না গেরেন্তী য়াওদনা লোন পীনবা অচৌবা কেম্পেন অমা পাঙথোকখি, অমসুং মসিগী খোঙথাং অসি য়াম্না মাই পাকপা অমা ওইখি। ঐখোয়না অতোপ্পা স্কিম অমা, স্তেন্দ অপ ইন্দিয়াসু হৌদোক্লে। মসিগী পান্দমদি ঐখোয়গী এস.সি., এস.তি. ঈচিল ঈনাওশিংগী চহি অসিগী বজেত্তা ঐখোয়না স্কিম অসিগীদমক এলোকেসন অদু শরুক অনি হেনগৎহনখি। মুদ্রা য়োজনাগী খুত্থাংদা লায়রবা কাংলুপকী নহারোল মিলিয়ন কয়া অমসুং মশীং থীঙমদ্রবা নুপীশিংনা মখোয়গী ললোন-ইতিক হৌরকপা ঐনা উখ্রে। মখোয়না মখোয় মশাগী থবক ফংহনবতা নত্তনা, মখোয় অয়াম্বনা অতোপ্পা মীওই অমা নৎত্রগা অনিসু থবক ফংহল্লি।

ইকাই খুম্নজরবা চীয়রমেন সর,

মুদ্রা য়োজনাগী খুত্থাংদা ঐখোয়না খুৎশা হৈবা মীওই খুদিংমক, খুন্নাই খুদিংমকপু শক্তি লৈহন্নবা অমসুং বাবাসাহেবনা উখিবা মঙলান অদু মপুং ফাহন্নবা হোৎনরি।

ইকাই খুম্নজরবা চীয়রমেন সর,

কনাগুম্বা অমনা হন্না উবীখিদবশিং নৎত্রগা খন্নবীখিদবশিংবু মোদীনা য়েংশিল্লি। লায়রবশিংগী য়াইফ-থৌরাং অসি ঐখোয়গী খ্বাইদগী মরু ওইবা ৱাফম্নি। চহি অসিগী বজেৎ অসিদা, ঐখোয়না লু-নানবা ইন্দস্ত্রী, খোঙুপ চপ্পলগী ইন্দস্ত্রী অমসুং অতোপ্পা তোঙান তোঙানবা সেক্তরশিংদা ঐখোয়না খুৎ থিংজিনখ্রে। মসিনা লাইরবশিং অমসুং শোত্থরবা কাংলুপশিংদা কান্নবা ফংহনগনি। শান্নপোৎশিংগী খুদম অমা লৌরসি: হায়রিবা খুন্নাইশিং অসিগী মীওইশিং অসি শান্নপোৎ পুথোকপদা শরুক য়ারি, অমসুং ঐখোয়না মদুদা মীৎয়েং থম্লি। লায়রবা ইমুং কয়াদা মতেং মখল কয়া ফংহনখ্রে, অমসুং মসিগী মহৈসু ময়েক শেংলে: চহি কয়াগী মমাংদগী ঐখোয়না শান্নপোৎশিং মহৌশাদগী পুশিল্লক্লি অদুবু ঙসিদি, ঐখোয়না মমাংদগী শরুক অহুম হেন্না শান্নপোৎশিং পুথোক্লি। মসিগী কান্নবা অসি খুন্নাইগী খ্বাইদগী মখাদা লৈবা মীওইশিং, অৱাবা কয়া মায়োক্নরিবা মীওইশিংদা ফংহল্লি।

ইকাই খুম্নজরবা চীয়রমেন সর,

ঐখোয়গী লৈবাক অসিদা ঙা ফাবা মীওই কয়া অমা লৈরি। ঐখোয়গী ঙা ফারিবা কাংলুপকীদমক্তা, ঐখোয়না তোঙানবা মন্ত্রালয় অমা শেমখিবতা নত্তনা লৌমীশিংনা ফংলিবা কিসান ক্রেদিৎ কার্দকী কান্নবা পুম্নমক ঐখোয়গী ঙা ফারিবা ইচিল-ইনাওশিংদসু পীখি। ঐখোয়না মসিগী খুদোংচাবা অসি পীখি, তোঙানবা মন্ত্রালয় অমা লিংখৎখি, অমসুং থৌরাং অসিগীদমক চাউরাক্না লুপা করোর ৪০,০০০ অয়াবা পীখি। ঐখোয়না ফিসরিজ সেক্তরদা মীৎয়েং থম্লি, অমসুং হোৎনরিবশিং অসিগী মহৈ অদু উবা ফংলে: ঐখোয়গী ঙাগী পোত্থোক অসি শরুক অনি হেনগৎলে, অমসুং এক্সপোর্তসু শরুক অনি হেনগৎলে, মসিনা ঐখোয়গী ঙা ফাবা ইচিল-ইনাওশিংদা হকথেংননা কান্নবা ফংহল্লি। মখোয়শিং অসি ঐখোয়গী খুন্নাইগী খ্বাইদগী লাপথোক্লবা মীওই খরনি, অমসুং মখোয়দা অহেনবা মরুওইবা পীদুনা, ঐখোয়না মখোয়গী য়াইফনবগীদমক থবক তৌনবা হোৎনরি।

ইকাই খুম্নজরবা চীয়রমেন সর,

জাত বিজাতকী মহু শন্দোকপা পামজবা মীওইশিং লৈরি। ঐখোয়গী লৈবাক অসিগী ত্রাইবেল কম্ম্যুনিতীগী মরক্তা, তোঙান তোঙানবা থাক্কী ফিভমশিং লৈ। কাংলুপ খরদি মশীং য়ামদে অমসুং লৈবাক অসিগী মফম ২০০-৩০০ রোমদা শন্দোক্না লৈ, মখোয়গী অপুনবা মীশিংদি য়াম্না পীকই। হায়রিবা কাঙলুপশিং অসি য়াম্না খুদোংচাদবা মফমদা লৈ, অমসুং অদোম্না মখোয়গী ফিভমশিং অদু য়েংলুরবদি, মসি থম্মোয় শোক্নিংঙাই ওই। হীরম অসিগী মতাংদা ঐহাক্না ইকাই খুম্নরবা প্রসিদেন্তনা মহাক্না কম্ম্যুনিতী অসি য়াম্না নক্না খঙবনা লমজিং-লমতাক ফংজবদা নুংঙাইবা ফাওই। ত্রাইবেল কম্ম্যুনিতীগী মরক্তা, কাংলুপ খরদি য়াম্না খুদোংচাদবা ফীভমদা লৈরি, অমসুং মখোয়বু য়াইফ-থৌরাংগী প্রোগ্রামশিংগী মনুং চলহন্নবা ঐখোয়না হোৎনরি। মসিগী ৱাখল্লোন অসিগা লোইননা, ঐখোয়না পি.এম. জনমান য়োজনা অসি লুপা করোর ২৪,০০০গী এলোকেসনগা লোইননা হৌদোক্লে। মসিনা মরম ওইদুনা হায়রিবা কম্ম্যুনিতীশিং অসিনা মখোয়না ফংফম থোকপা খুদোংচাবশিং অমসুং য়াইফ-থৌরাং ফংলগনি। মখোয়গী পান্দমদি অহানবদা অতোপ্পা ত্রাইবেল কম্ম্যুনিতীশিংগা মান্নবা থাক্তা লৈহনবা অদুগা তুংদা খুন্নাই পুম্নমক্কী অপুনবা খুমাং চাউশিল্লকপগা মান্নবা থাক্তা লৈহন্নবা শেম-শাবনি। মসি ঐখোয়না পায়খৎলিবা থবক্কী মাইকৈ অদুনি।

ইকাই খুম্নজরবা চীয়রমেন সর,

ঐখোয়না খুন্নাইগী তোঙান তোঙানবা সেক্সনশিংগী খন্ন-নৈনখি, অদুবু ঐখোয়গী লৈবাক অসিদা ঐখোয়গী ঙমখৈদা লৈবা খুঙ্গংশিংগুম্বা, ঙমখৈদা লৈবনা মরম ওইদুনা য়ৌশিনবা ঙমখিদবা মফমশিংসু লৈরি। খুঙ্গংশিং অসি "শোৎথরবা খুঙ্গংশিং" নৎত্রগা "অরোইবা মাইলদা লৈবা খুঙ্গংশিং" ওইনা থাদোকখি। ঐখোয়না অহানবা ওইনা সাইকোলোজিকেলগী অহোংবা অমা পুরকখি। অরাপ্পা মফমশিং অসি তপ্না-তপ্না নকশিলহনগদবনি হায়বা ৱাখল্লোন অসি ঐখোয়না হোংদোকখি। মদুগী মহুত্তা, ঐখোয়না ঙমখৈদা লৈরিবা মীওইশিং, নুমিৎকী অহানবা অমসুং অরোইবা মঙাল ফংলিবা মীওইশিং অসি অহানবা ওইহনগদবনি হায়না ৱারেপ লৌখি, অমসুং ঐখোয়না "অখন্নবা খুঙ্গংশিং"গীদমক অখন্নবা থৌরাংশিং শেমখি, মখোয়বু "অহানবা খুঙ্গংশিং"গী থাক পীখি। ঐখোয়না খুঙ্গংশিং অসি দিবেলপমেন্তকী মায়কৈদা অখন্নবা থৌরাংশিং অমসুং তেংবাংশিং পীদুনা মরুওইবা মফমদা থম্লি। মসিগী অচেৎপা ৱাফম অসি ময়েক শেংহন্নবগীদমক্তা ঐহাক্না ঐহাক্কী মন্ত্রীমন্দলগী মরূপশিংবু অথাপ্পা খুঙ্গংশিং অসিদা, করিগুম্বা মতমদা মাইনস দিগ্রী ১৫ ফাওবগী অৱাংবা তাপমাত্রা লৈবা মফমশিংদা, খুঙ্গংগী মীওইশিংনা থেংনরিবা খুদোংচাদবশিং অদু তশেংনা খঙনবা অমসুং থেংননবা পুং ২৪ চৎথখি। মসিগী মথক্তা, ইন্দিপেন্দেন্স দে অমসুং রিপব্লিক দেগুম্বা থৌরমশিংদা, ঐখোয়না হৌজিক ঙমখৈগী খুঙ্গংশিং অসিগী মকোকশিংবু গেস্ত ওইনা কৌরি। ঐখোয়গী মঙলান অসি 'সবকা সাথ, সবকা বিকাস' ওইবনা রাস্ত্রপতিগী 'এৎ হোম' থৌরমশিংদা মখোয়বু ইকায় খুম্নবা উৎলি। ঐখোয়না মতেং মথৌ তারিবা মীওইশিং থিদুনা লৈরি, অমসুং মখোয়গী মফমদা অথুবা মতমদা য়ৌনবা হোৎনরি।

ইকাই খুম্নজরবা চীয়রমেন সর,

ভাইব্রেন্ত ভিলেজ প্রোগ্রাম অসি লৈবাক অসিগী সেক্যুরিতীগীদমক য়াম্না কান্নবা ওইরি। ঐখোয়না মসিদা অহেনবা মিৎয়েং থম্লি।

ইকাই খুম্নজরবা চীয়রমেন সর,

নীংখা তম্বগী চহি ৭৫শুবা পালন থৌরমদা পীখিবা মহাক্কী ৱারোলদা রাস্ত্রপতিনা ঐখোয়বু সংবিধান শেম্লম্বশিংদগী ইথিল লৌনবা হায়খি। ঙসি, ঐহাক্না য়াম্না নুংঙাইবা ফাওবগা লোইননা হায়জরি মদুদি, ঐখোয়গী সংবিধান শেম্লম্বশিংগী ৱাখল্লোনবু ইকাই খুম্নবা উৎতুনা অমসুং মখোয়দগী ইথিল লৌদুনা, ঐখোয়না মাংলোমদা চংশিল্লি। মীওই খরনা য়ুনিফোর্ম সিভিল কোদ (য়ু.সি.সি.) অসি করিনো হায়না হংলকপা য়াই, অদুবু কন্সতিত্যুএন্ত এসেমব্লীগী দিবেৎশিং অদু নৈনবশিংনা ঐখোয়না মফম অসিদা মসিগী স্পিরিৎ অসি থবক ওইনা পাংথোক্নবা হোৎনরি হায়বসি খঙগনি। মীওই খরনা রাজনিতীগী ওইবা অৱাবা মায়োক্নরকপা য়াই, অদুবু ঐখোয়না ঐখোয়গী সংবিধান শেম্বশিংগী ৱাখল্লোনগী মখাদা হিংলি, অমসুং মদুদগী খক্তনি ঐখোয়না মদুবু মপুং ফাহনবা হোৎনবদা থৌনা অমসুং থৌনা ফংগদৌরিবসি।

ইকাই খুম্নজরবা চীয়রমেন সর,

ঐখোয়না সংবিধান শেম্বীরম্বশিংবু ইকায় খুম্নবা উৎলমগদবনি অমসুং মখোয়গী ৱাহৈ খুদিংমক্তগী ইথিল লৌরমগদবনি। অদুম ওইনমক, নীংতম্লবা মতুংদা, সংবিধান শেম্লম্বশিংগী ৱাখল্লোনবু থুগাইখিবা অসি কংগ্রেসনি, অমসুং মসি ঐহাক্না য়াম্না নুংঙাইতবা অমগা লোইননা হায়জরি। লৈবাক অসিদা মীখলগী মতুং ইন্না খনগৎলবা সরকার অমা লৈত্রিঙৈদা, মীখল ফাওবদা স্তোপগেপ এরেঞ্জমেন্ত অমা লৈরম্মি হায়বসি অদোম্না খল্লমগনি। মদুগী মতুং ইন্না, মকোক থোংবা মীওই অদুনা সংবিধানদা হোংদোক-হোংজিন তৌখি। ইলেক্তেবল ওইবা সরকার অমা লৈরম্লবদি, মসি হেন্না খঙবা ঙম্লমগনি, অদুবু মখোয়না মদুগীদমক্তা ঙাইখিদে। মখোয়না করি তৌবগে? মখোয়না ৱা ঙাংবগী নীংতম্বা থুগাইখি, ন্যুজ পেপরশিং অমসুং প্রেসতা অথিংবা থমখি, অমসুং লৈবাক অসিগী দেমোক্রেসীগী তঙাইফদবা য়ুম্বী অদু থুগাইদুনা "দিমোক্রেৎশিং" ওইবগী তেগকা লোয়ননা মালেম শিনবা থুংনা চৎথখি। মসি সংবিধানগী ৱাখল্লোনবু ইকায় খুম্নদবা অমনি।

ইকাই খুম্নজরবা চীয়রমেন সর,

লৈবাক অসিগী অহানবা সরকার অসি প্রধান মন্ত্রী জৱাহরলাল নেহরুগী মখাদা শেমখি। মহাক্না থবক তৌরিঙৈ মতমদা মুম্বাইদা লেবর স্ত্রাইক অমা পাংথোকখি। মতম অদুদা, মমিং লৈরবা কবি মজ্রু সুলতানপুরিনা 'কমনৱেল্থ কা দাস হে' হায়না মিংথোনবা শৈরেং অমা ইখি। শৈরেং অসিবু শকখিবা খক্তগীদমক্তা নেহরুনা লৈবাক অসিগী শক্নাইরবা কবিশিংগী মরক্তগী অমা জেলদা থাজিনখি। শক্নাইরবা এক্তর বলরাজ সাহনিনা প্রোতেস্তরশিংগী রেলীদা শরুক য়াবগীদমক্তা জেলদা থমখি।

ইকাই খুম্নজরবা চীয়রমেন সর,

লতা মঙ্গেশকরজীগী মচিল মনাও, হ্রিদেনাথ মঙ্গেশকরজীনা বীর সাভারকরগী মরমদা শৈরেং অমা ইদুনা ওল ইন্দিয়া রেদিওদা পুথোক্নবা থৌরাং তৌখি। মসিগীদমক্তা, হ্রিদৈনাথ মঙ্গেশকরজীবু ওল ইন্দিয়া রেদিওদগী মতম পুম্নমক্কী ওইনা অথিংবা থমখি

ইকাই খুম্নজরবা চীয়রমেন সর,

মসিগী মতুংদা, লৈবাক অসিনা ইমর্জেন্সীগী মতমসু উবা ফংখি। সংবিধানবু খুয়া খাদা খোঙনেৎনখি, অমসুং সংবিধানগী ইনোৎ অদু থুগাইখি, পুম্নমক অসি শক্তিগীদমক্তনি। লৈবাক অসিনা মসি খঙই। ইমর্জেন্সীগী মতমদা, শক্নাইরবা ফিল্ম এক্তর দেব আনন্দজীবু  মীয়াম মাংদা ইমর্জেন্সী শৌগৎপীনবা হায়খি। দেব অনন্দজীনা ইমর্জেন্সীদা ময়েক শেংনা য়াখিদে অমসুং মসিগী মাইয়োক্তা লৈখি। মসিনা মরম ওইদুনা দেব আনন্দজীগী ফিল্ম পুম্নমক দুরদর্শনদা থিংজিনখি।

ইকাই খুম্নজরবা চীয়রমেন সর,

সংবিধানগী মতাংদা ৱা ঙাংবা মীওইশিংনা মখোয় মোৎশিং অদু চহি কয়াদগী মখোয়গী ফুরিৎখাওনুংদা থমদুনা লাক্লি অমসুং মসি মখোয়না সংবিধানবু ইকায় খুম্নবা উৎখিদবা অদুগী মহৈনি।

ইকাই খুম্নজরবা চীয়রমেন সর,

কিশোর কুমারজীনা কংগ্রেসকীদমক্তা ঈশৈ শকপীয়ু হায়বা য়াখিদে, অমসুং মদুগীদমক কিশোর কুমারগী ঈশৈ পুম্নমক ওল ইন্দিয়া রেদিওদা থিংখি।

ইকাই খুম্নজরবা চীয়রমেন সর,

ঐহাক্না ইমর্জেন্সীগী মতমশিং অদু কাউথোকপা ঙমদে, অদুগা মদুগী মমিশিং অদু ঙসি ফাওবা লৈরি। দেমোক্রেসী, মীওইবগী ইকাই খুম্নবা, অমসুং অচৌবা ৱা ঙাংবা পাম্বা মীওইশিং অসি... ইমর্জেন্সীগী মতমদা জোর্জ ফর্নান্দেস য়াওনা লৈবাক অসিগী অচৌবা লুচিংবশিংবু ফাদোক পীখি অমসুং য়োৎহিং থাংখি। পার্লিয়ামেন্তকী মেম্বরশিং অমসুং লৈবাক অসিগী মীয়াম্না পাম্নরবা লুচিংবশিংবু খুৎ-শা অমসুং চেনশিংনা ফাজিনখি। সংবিধান হায়বা ৱাহৈ অসি মখোয়গী থম্মোয়দা চংদে।

ইকাই খুম্নজরবা চীয়রমেন সর,

শক্তিগীদমক্তা, নিংথৌগী ইমুং মনুংগী চাউথোকচনীংবগীদমক্তা, লৈবাক অসিদা ইমুং মিলিয়ন কয়া মাংহন তাকহনবীখি, অমসুং লৈবাক অসি ফাদোক শঙ ওন্থোকখি। মতম শাংনা লান্থেংনখি, অমসুং মখোয় মশানা মশাবু মায়থিবা পীবা ঙম্লোই হায়না খল্লবশিংনা মীয়ামগী শক্তিবু য়াখি। মখোয়না নমথদুনা লৈখি, অমসুং মীয়ামগী থৌনাগী মতেংনা, ইমর্জেন্সী অসি লৌথোকখি। মসি ভারতকী মীয়ামগী ঈদা য়াওরিবা দেমোক্রেসীগী মহৈনি। ঐখোয়গী ইকাই খুম্নরবা খার্গেজীনা য়াম্না ফজবা ৱারীশিং শন্দোক্না তাক্লি অমসুং মসিদা নুংঙাইবা ফাওই, অমসুং মিস্তর খার্গেজিনা মসিদা নুংঙাইবা ফাওই। চীয়রমেন, অদোমসু মসিদা নুংঙাইবা ফাওই। ঐহাক্না  মফম অমদা কপ্লেৎ অমা ইখি মদুদা, উৎপদমক পাম্বা অদুনা করি খঙবগে? উৎপদমক পাম্বা অদুনা করি খঙবগে? ঐখোয়না ঈরৈ কয়া লান্থোক্তুনা মৈঙাল অদু চুখ্রে, ঐখোয়না ঈরৈ কয়া লান্থোক্তুনা মৈঙাল অদু চুখ্রে (উৎপদমক পাম্বা অদুনা করি খঙবগে? উৎপদমক পাম্বা অদুনা করি খঙবগে? ঐখোয়না ঈরৈ কয়া লান্থোক্তুনা মৈঙাল অদু চুখ্রে, ঐখোয়না ঈরৈ কয়া লান্থোক্তুনা মৈঙাল অদু চুখ্রে, হায়না হায়রি।

ইকাই খুম্নজরবা চীয়রমেন সর,

ঐহাক্না ঐখোয়গী ইকাই খুম্নরবা খার্গেজীবু য়াম্না ইকাই খুম্নৈ। মহাক সেনিয়র লুচিংবা অমনি অমসুং ঐহাক্না মহাকপু মতম পুম্নমক্তা ইকাই খুম্নগনি। মীয়ামগী পুন্সিদা অসিগুম্বা মতম শাংনা থবক তৌরকপা অসি অচৌবা থৌনা অমনি। লৈবাক অসিদা, শরাদ পৱার ওইগেরা নত্রগা খার্গেজী ওইগেরা, নত্রগা মফম অসিদা লৈরিবা ঐখোয়গী দেবগৌরাজী ওইগেরা, মখোয় খুদিংমক্না মখোয়গী পুন্সিদা অখন্নবা থবক কয়া পাংথোকখ্রে। খার্গেজি, অদোম্না অসিগুম্বা ৱাফমশিং অসি অদোমগী য়ুমদা তাগনি, ঐহাক্না অদোমদা হায়গনি। মতম অদুদা, ঐনা খার্গেজীবু শৈরেংশিং ইবা উখি, অদুবু মহাক্না শরুক য়ামিন্নখিবা ৱাফমশিং অদু, অমসুং অদোম্না মসি চুম্না লৌখি, অদোম্না হায়রকপা মতমদা, "মসিগী শৈরেং অসি কদাইদগীনি হায়বদু ঐঙোন্দা হায়বিয়ু", মহাক্না খঙখি, মিস্তর খার্গেজী। চীয়রমেন. মহাক্না শৈরেংশিং অদু করম্বা মতমদা ইখিবগে হায়বদু খঙলম্মি। কংগ্রেসকী মনুংদা, ফীভম অসি য়াম্না অৱাবা ওই, অদুবু ফীভমশিং অসি মখোয়না ৱা ঙাঙবা ঙম্লোই, মরম অদুনা মহাক্না মসি অফবা প্লেতফোর্ম অমনি হায়না খল্লি অমসুং মসি মফম অসিদা ফোংদোক্নবা ৱারেপ লৌখি। অমসুং মসিনা মরম ওইদুনা, নীরাজকী শৈরেংশিংগী খুত্থাংদা মহাক্না মফমসিদা ফীভম অসি উৎখি।

ইকাই খুম্নজরবা চীয়রমেন সর,

ঐহাক্না ঙসি খার্গেজীগা লোয়ননা কবি নীরেজজীগী ৱাহৈ পরেং খরা শন্দোক্না তাকপীবা পাম্মি। মসি নিরেজজীনা কংগ্রেস সরকারগী মতমদা ইরম্বা ৱাহৈশিংনি। মহাক্না হায়খি, হৌজিক্তি অমম্বনা থল্লে, নুমিৎ থোরকপা মতম য়ৌরে, করিগুম্বা মওং অমহেক্তদা কুম অসি হোংবা মথৌ তারে। (হৌজিক্তি অমম্বনা থল্লে, নুমিৎ থোরকপা মতম য়ৌরে, করিগুম্বা মওং অমহেক্তদা কুম অসি হোংবা মথৌ তারে) নীরজজীনা শৈরেং অসি কংগ্রেসকী মতমদা ইখি। ইং ১৯৭০দা, মফম খুদিংমক্তা কংগ্রেসনা লাকশিনবা মতমদা, নীরজজীগী অতোপ্পা শৈরেং খোমজিনবা অমা 'ফির দীপ জলেগা' হায়না মিংথোনবা অমা ফোঙখি। হরী ওমজীনা মসি খঙই। মতম অদুদা মহাক্কী কলেক্সন অসি য়াম্না মমিং চৎখি। 'ফির দিপ জেলগা'দা মহাক্না য়াম্না মরুওইবা ৱাফম অমা হায়খি, 'ঐহাক্কী লৈবাক্না ৱাগদবা নত্তে, ঐহাকী লৈবাক্তি মমগদবা নত্তে, মঙাল লাকখিগনি, অমম্বা মাঙখিগনি' (ঐহাক্কী লৈবাক্না ৱাগদবা নত্তে, ঐহাকী লৈবাক্তি মমগদবা নত্তে, মঙাল লাকখিগনি, অমম্বা মাঙখিগনি)। ঐখোয়গী ইথিল, অতল বিহারী বাজপেয়ীজীনা চহি ৪০গী মমাংদা হায়রম্মি, নুমিৎ থোক্লকখিগনি, অমম্বা মাঙখিগনি, থম্বালসু শাৎলগনি। নীরাজ জীনা হায়খিবদা, কংগ্রেসকী মতমদা, নুমিৎনা মখোয়গীদমক মঙাল পীখি, অদুবু লৈবাক অসি দিকেদ কয়াগী মমাংদগী অমম্বা মরক্তা লৈখি।

ইকাই খুম্নজরবা চীয়রমেন সর,

লাইরবশিংবু শক্তি পীনবগীদমক, ঐখোয়গী সরকারগী মতমদা পাংথোকখিবা থবকশিং অসি মমাংদা অমুক্তা তৌখিদ্রি। ঐখোয়না ঐখোয়গী পোলিসীশিং অসি লায়রবশিংদা শক্তি পীনবা অমসুং মখোয়বু লায়রবা অসিদগী কোকহন্নবা পান্দমগা লোয়ননা শেম্লি। ঐহাক্না ঐহাক্কী লৈবাক অসিগী লাইরবশিংগী তৌবা ঙম্বদা থাজবা থম্লি। খুদোংচাবা অমা পীরবদি, মখোয়না খুদোংচাদবা অমহেক্তবু মায়োক্নগনি। অমসুং লায়রবশিংনা মসিসু প্রমান তৌখ্রে। সরকারগী স্কিমশিংদগী কান্নবা ফংদুনা অমসুং খুদোংচাবশিং লৌদুনা, মীওই কোতি ২৫না লাইরবদগী লাপথোকপা ঙমখ্রে। মীওই করোর ২৫বু লাইরবদগী কোকহনখিবা অসি ঐখোয়গীদমক চাউথোকচনীংঙাই ওই, মরমদি ঐখোয়না মরুওইবা থবক অমা পাংথোক্লে। লায়রবা ওইবদগী কনবা ঙম্লবা মীওইশিংনা থবক কন্না তৌদুনা, সরকারবু থাজবা থমদুনা অমসুং স্কিমশিংবু য়ুম্ফম ওইনা শীজিন্নদুনা কনবা ঙমখ্রে। ঙসিদি, মখোয়গী মরক্তগী অয়াম্বনা ঐখোয়গী লৈবাক অসিদা লায়রবা ওইরম্বদগী নিও মিদল ক্লাস ওইরক্লি।

ইকাই খুম্নজরবা চীয়রমেন সর,

ঐহাক্কী সরকারনা নিও মিদল ক্লাস অমসুং মিদল ক্লাসকা লোইননা অচেৎপা মওংদা লেপ্লি, অমসুং ঐখোয়না অচৌবা থৌদাং লৌদুনা লেপ্লি। ঐখোয়গী নিও মিদল ক্লাস অমসুং মিদল ক্লাসকী এস্পিরেসনশিং অসি ঙসি লৈবাক অসিগী দ্রাইভিং ফোর্সনি, লৈবাক অসিগী অনৌবা ইনর্জীনি, অমসুং লৈবাক অসিগী প্রোগ্রেসকী খ্বাইদগী চাউবা য়ুম্ফমনি। ঐখোয়না মিদ্দল ক্লাস অমসুং নিও মিদ্দল ক্লাসকী তৌবা ঙম্বশিং হেনগৎহনবা পাম্মি। হায়রিবা বজেৎ অসিদা, ঐখোয়না মিদল ক্লাসকীদমক্তা তেক্সকী শিংনবসি মরুওইবা শরুক অমা ওইহনখ্রে। ২০১৩দা, লুপা লাখ ২গী ইনকম ফাওবদা তেক্স ফংগদবা লৈরম্মি। ঙসি ঐখোয়না তেক্স এক্সজেম্পসন লুপা লাখ ১২ ফাওবা শাংদোক্লে। চহি ৭০গী মথক্তা লৈবা মীওই অমা ওইরবসু, কম্ম্যুনিতী নত্ত্রগা বেকগ্রাউন্দ অমহেক্তদগী ওইরবসু, মখোয়না হৌজিক আয়ুশ্মান স্কিমগী কান্নবা ফংলি। অমসুং মসিগী খ্বাইদগী চাউবা কান্নবা ফংলিবশিং অসি মিদ্দল ক্লাসকী অহল ওইরবা মীওইশিংনি।

ইকাই খুম্নজরবা চীয়রমেন সর,

ঐখোয়না লৈবাক অসিদা য়ুম কোতি মরি শাখ্রে অমসুং ঐখোয়গী নাগরিকশিংদা য়ুমশিং ফংহনখ্রে। মসিগী মনুংদা, য়ুম কোতি অমা হেন্না শহরশিংদা শাখ্রে। য়ুম লৈবশিংনা য়াম্না চাউনা হুরান চিন্থি থেংনরম্মি, অমসুং মখোয়গী সেক্যুরিতী ফংহনবা হায়বসি তঙাইফদবা অমনি। মীচম প্রজাশিংগী ময়ুমগী মঙলানগী মায়কৈদা লৈরিবা খুদোংচাদবশিং কোকহন্নবা মরুওইবা খুৎলাই অমা ওইরিবা রেরা লো অসি ঐখোয়না হাউস অসিদা পাস তৌখি। মতম অসিদা, স্বামিহ থৌরাংসু বজেৎ অসিদা হৌদোকখ্রে, মসিনা মতম শাংদোক্লবা হাউজিং প্রোজেক্তশিংদা মীৎয়েং থম্লি, মসিদা মিদ্দল ক্লাসকী শেল থাদবা লেপখ্রে, অমসুং মখোয়গী কান্নবা ফংদ্রি। প্রোজেক্তশিং অসি মপুং ফাহন্নবা অমসুং মিদল ক্লাসকী মঙলানশিং মপুং ফাহন্নবা ঐখোয়না বজেৎ অসিদা লুপা করোর ১৫,০০০গী এলোকেসন তৌখ্রে।

ইকাই খুম্নজরবা চীয়রমেন সর,

মালেমনা ঙসি উরিবা অমসুং অচৌবা শাফু অমা পীরক্লিবা স্তার্ত-অপ রিভোলুসন অসি মিদল ক্লাসকী নহা ওইরিবা ইন্ত্রপ্রিনরশিংনা মরুওইনা পুখৎলি। ঙসিদি, মালেম পুম্বনা ভারতকীদমক্তা পুক্নিং চিংশিল্লি, মরু ওইনা জি.২০ সম্মিৎকী মনুংদা লৈবাক অসিগী মফম ৫০-৬০দা পাংথোকখিবা মীফমশিংগী মতুংদা মতম অমদা ভারত অসি দিল্লী, মুম্বাই, বেঙ্গালুরু খক্তদা য়ুম্ফম ওই হায়না খনবা মীওইশিংনা হৌজিক ভারতকী পাক চাউবা অদু খঙলে। ঙসি ভারতকী তুরিজমগী মায়কৈদা মালেমগী অপেনবা হেনগৎলক্লি। অমসুং তুরিজম চাউখৎলকপা মতমদা, মসিনা ললোন-ইতিক্কী খুদোংচাবা কয়া অমা পীরি, মসিনা ঐখোয়গী মিদল ক্লাসতা চাউনা কান্নবা ফংহল্লগনি, মখোয়দা ইনকমগী অনৌবা সোর্সশিং ফংহল্লগনি।

ইকাই খুম্নজরবা চীয়রমেন সর,

ঙসিদি, ঐখোয়গী মিদল ক্লাস অসি মশানা মশাবু থাজবগা লোয়ননা মপুং ফাহল্লে, অমসুং মসি মমাংদা অমুক্তা ওইখিদ্রি। মসিনা লৈবাক অসিগীদমক্তা অচৌবা শক্তি অমা শেম্মি, অমসুং ভারতকী মিদল ক্লাসনা হৌজিক্তি 'ভিকসিত ভারত' (চাউখৎলবা  ভারত) অমগী ৱারেপ অদু মংফাওনহন্নবা শেম-শারি হায়না ঐহাক্না থাজবা থম্লি। মখোয় অসি ঐখোয়গী পান্দম অসিগী মায়কৈদা ঐখোয়গা লোয়ননা চৎলি।

ইকাই খুম্নজরবা চীয়রমেন সর,

লৈবাক অসিগী নহারোলশিংনা 'বিক্সিত ভারত' অমা শেমগৎপদা খ্বাইদগী চাউবা থৌদাং লৌগনি। ঐখোয়না দেমোগ্রাফিক দিবিদেন্দদা মীৎয়েং থম্লি, অমসুং হৌজিক স্কুল অমসুং কোলেজশিংদা লৈরিবা মহৈরোইশিং অসি 'বিকসিত ভারত'কী খ্বাইদগী চাউবা কান্নবা ফংলবশিংনি। মখোয়না চহি য়ামশিল্লকপগা লোয়ননা, লৈবাক অসিগী চাউখৎপগী খোঙচৎ অসি মখোয়গা লোইননা মাংলোমদা চংশিল্লগনি। ঐখোয়গী স্কুলশিং অমসুং কোলেজশিংদা লৈরিবা নহারোলশিংনা মসিগী প্রোগ্রেস অসিগী য়ুম্ফম ওইরি। হৌখিবা চহি ১০ অসিদা, ঐখোয়না মসিগী য়ুম্ফম অসিবু মপাঙ্গল কনখৎহন্নবগীদমক্তা ৱাখল তানা খনবা থৌরাং অমগী মখাদা থবক তৌরি। চহী তরাগী খুজিং কয়াগী মতুংদা অহানবা ওইনা, ঐখোয়না অনৌবা নেস্নেল এজুকেসন পোলিসী অমা হৌদোক্লে। মরমদি, ২১শুবা চহিচাগী এজুকেসন সিস্তেম করম্বা মওং ওইগদগে হায়বগী মতাংদা করিগুম্বা অকক্নবা ৱাখল্লোন অমত্তা লৈরমদে। ঐখোয়না চহী তরাগী মতুংদা অনৌবা নেস্নেল এজুকেসন পোলিসী হৌদোক্লে। মসিগী পোলিসী অসিগী মখাদা ইনিসিয়েতিব কয়া অমা লৈরি, মদুগী মনুংদা অমদি পি.এম.ঐচ.আর.আই. স্কুলশিংনি। হৌজিক ফাওবদা পি.এম.এস.ঐচ.আর.আই. স্কুল ১০,০০০দগী ১২,০০০ ফাওবা লিংখৎখ্রে অমসুং তুংলমচৎতা হেন্না লিংখৎনবা ঐখোয়না হোৎনরি।

ইকাই খুম্নজরবা চীয়রমেন সর,

ঐখোয়না লৌখিবা মরুওইবা ৱারেপ অমা হায়রগদি এজুকেসন পোলিসীদা অহোংবা পুরকপনি। ঐখোয়না ইমালোলদা এজুকেসন অমসুং একজামিনেসনদা মরুওইবা পীখি। লৈবাক অসিনা নীংতম্বা ফংলবা মতমদা, ঐখোয়গী খুন্নাইগী মফম খরদা কোলোনিএলগী ৱাখল্লোনগী অশি-অনা কয়া লৈরম্মি, অমসুং মদুগী মনুংদা ঐখোয়গী লোলসু অমনি। ঐখোয়গী মমাগী লোল অসি শাথীনা ৱায়েল-থৌরাংগী মায়োক্তা লৈখি, অমসুং লাইরবশিং, দলিতশিং, ত্রাইবেলশিং, অমসুং লাপথোক্লবা কাংলুপশিংগী অঙাংশিংনা লোল অসি ঙাঙবা ঙমদবনা মরম ওইদুনা অয়াম্বা মতমদা খুদোংচাদবা মায়োক্নখি। মসি মখোয়গীদমক্তা অচুম্বা ৱায়েল-পথাপ নত্তে। 'সবকা সাথ, সবকা বিকাস'গী মন্ত্র অসিনা ঐহাকপু নুংশি-চান্ননা চেনবা ঙমহল্লমদে, অমসুং মসিনা মরম ওইদুনা ঐহাক্না লৈবাক অসিদা মমাগী লোলদা এজুকেসনগী মরুওইবা অদু পনখি। ঐনা অঙাংশিংবু মখোয়গী মমা-মপাগী লোলদা দোক্তর অমসুং ইঞ্জিনীয়র ওইহনবা পাম্মি। ইংলিশ তম্নবগী খুদোংচাবা লৈতবশিংগীদমক্তদি, ঐখোয়না মখোয়গী তৌবা ঙম্বশিং অদু হন্থহনবা ঙম্লোই। ঐখোয়না অচৌবা অহোংবা অমা পুরক্লে, অমসুং মসিগীদমক্তা, ঙসিদি, লাইরবশিং নৎত্রগা উরুবা মমাশিংগী মচাশিং ফাওবা দাক্তর অমসুং ইঞ্জিনীয়র ওইরকপগী মঙলান উবা ফংলে। ত্রাইবেল নহারোলশিংগীদমক্তা, ঐখোয়না একলব্য মোদেল স্কুলশিং পাকথোক চাউথোকহল্লে। চহি ১০গী মমাংদা, এক্লভিয়া স্কুল ১৫০ রোম লৈরম্মি। ঙসিদি, ঐখোয়না ৪৭০ লৈরে, অমসুং হৌজিক ঐখোয়না য়ামদ্রবদা অহেনবা এক্লভিয়া স্কুল ২০০ হাংদোক্নবা থৌরাং তৌদুনা মাংলোমদা চংশিল্লি।

ইকাই খুম্নজরবা চীয়রমেন সর,

ঐখোয়না মিলিতরী স্কুলশিংদা মশক থোকপা রিফোর্মশিংসু পুরকখ্রে, অমসুং ঐখোয়না নুপীমচাশিংগীদমক্তা স্কুলশিং অসিগী থোঙ হাংদোক্লে। মিলিতরী স্কুল অমদা মহৈরোই ওইরম্বা মীওই অমা ওইনা, মমাংদা, মচানুপীশিংগীদমক্তা থোঙনাওশিং অদু থিংজিল্লম্মি হায়বা অদোম্না খঙই। মখোয়না অদোমগুম্বা মীওইশিং পুথোকপদগী মিলিতরী স্কুলশিংগী মরুওইবা অমসুং পোতেন্সিএল অদুসু অদোম্না খঙলে। হৌজিক, ঐখোয়গী লৈবাক অসিগী ইচানুপীশিংদসু হায়রিবা খুদোংচাবা অসি ফংলগনি। ঐখোয়না মখোয়গীদমক মিলিতরী স্কুলশিংগী থোং হাংদোক্লে। ঙসিদি, ঐখোয়গী ইচা-ইশু নুপীমচা চা কয়া লৈবাক নুংশিবগী ৱাখল্লোননা থল্লবা মফম অমদা মহৈ তম্বা ফংলি অমসুং মখোয়গী মরক্তা লৈবাক্কীদমক হিংবগী ৱাখল্লোন অসি মহৌশানা হেনগৎলক্লি।

ইকাই খুম্নজরবা চীয়রমেন সর,

এন.সি.সি. (নেস্নেল কেদেত কোর্পস) না নহাশিংবু শেমগৎপদা অচৌবা থৌদাং অমা লৌরি। এন.সি.সি.গা মরী লৈনরিবা ঐখোয় খক্তনা খঙই মদুদি চহি অমসুং পুন্সিগী তাঙ্কক অদুদা, মসিনা পর্সোনেল দিবেলপমেন্ত, অপুনবা চাউখৎপা অমসুং এক্সপোজরগীদমক সনাগী খুদোংচাবা অমা পীরি। হৌখিবা চহি খরা অসিদা, এন.সি.সি.দা মমাংদা অমুক্তা ওইখিদ্রিবা মওংদা পাকথোক চাউথোকপা অমা লৈখ্রে। ঐখোয়না মসিবু পাঙথোকখি। ২০১৪গী মমাংদা এন.সি.সি. কেদেৎশিংগী মশিং অসি চাউরাক্না লাখ ১৪ ওইরম্মি, অদুবু ঙসিদি মশিং অসি লাখ ২০ হেনখ্রে।

ইকাই খুম্নজরবা চীয়রমেন সর,

লৈবাক অসিগী নহারোলশিংগী মরক্তা অনৌবা খরা তৌনবা অমসুং মহৌশানা তৌনরিবা থবকশিংদগী লাপথোক্নবা পুক্নিং থৌগৎপা, থৌনা অমসুং অপাম্বা অদু ময়েক শেংনা উরি। ঐহাক্না স্বচ্ছ ভারত অভিয়ান হৌদোকখিবা মতমদা, ঙসিসু তোঙান তোঙানবা শহরশিংদা লৈরিবা নহারোল কাঙলুপ কয়ানা মশা মশাগী ওইবা মওংদা স্বচ্ছতাগী খোংজং অসি নীংথিনা অমসুং মশা মশাগী ওইবা মওংদা চংশিল্লি হায়বা ঐহাক্না উখি। খরনা লায়রবা খুঙ্গংশিংদা থবক তৌদুনা মহৈ-মশিং তম্বদা মতেং পাংলি, অদুগা অতোপ্পশিংনা তোঙান তোঙানবা থবকশিংদা শরুক য়ারি। অসিগুম্বা হোৎনরিবশিং অসি য়েংলদুনা ঐখোয়না খঙলে মদুদি লৈবাক অসিগী নহারোলশিংদা খুদোংচাবা অমা পীগদবনি। ওর্গানাইজ তৌরবা হোৎনবা অমা লৈগদবনি, অমসুং মসিগীদমক ঐখোয়না মাইভারত মুভমেন্ত হৌদোক্লে। মাই য়ুথ ভারত, মাই ভারত! ঙসিদি, নহা কোতি ১.৫ হেনবনা মসিদা রেজিস্তর তৌখ্রে, হৌজিক ওইরিবা নেস্নেল ইসুশিংদা খন্ন-নৈনবা, খন্ন-নৈনবা, এৱারনেস হেঙ্গৎহনবা অমসুং এক্তিব ওইনা শরুক য়াবা। মখোয়না হৌজিক্তি চামচানা চানবা মথৌ তাদ্রে। মখোয়না মশাগী ইনিসিয়েতিব অমসুং তৌবা ঙম্বগী মতুং ইন্না মাংলোমদা চংশিল্লি, অচৌবা থবক কয়া পাংথোক্লি।

ইকাই খুম্নজরবা চীয়রমেন সর,

শান্ন-খোৎনবনা শান্ন-খোৎনবগী থৌনা পোকহল্লি, অমসুং শান্ন-খোৎনবনা পাক-শন্না শন্দোকপা লৈবাক অমদা, মসিগী ৱাখল্লোন অসি মহৌশানা চাউখৎলি। শান্ন-খোৎনবগী হৈশিংবশিংবু মপাঙ্গল কনখৎহন্নবা, ঐখোয়না তোঙান-তোঙানবা মাইকৈশিংদা থবক পায়খৎপা হৌরে। ঐখোয়গী লৈবাক অসিগী নহাশিংনা মঙাল ফংবা ঙম্নবগীদমক ইনফ্রাস্ত্রকচর অমসুং শেলগী মতেংগা মরী লৈননা ঐখোয়না মমাংদা অমুক্তা ওইখিদ্রিবা মতেং পীরি। টার্গেৎ ওলিম্পিক পোদিয়ম স্কিম (তোপস) অমসুং খেলো ইন্দিয়া কেম্পেননা ঐখোয়গী স্পোর্তস ইকোসিস্তেম অসি মপুং ফানা ওন্থোকপা ঙম্মি, অমসুং ঐখোয়না মসিগী ইম্পেক্ত অদু হান্ননা উবা ফংলি। হৌখিবা দিকেদ অমদা, ইন্তর্নেস্নেল স্পোর্তসকী থৌরম খুদিংদা ভারতনা মপাঙ্গল উৎতুনা মশক তাক্লি অমসুং লৈবাক অসিগী নহারোলশিংনা মখোয়গী তৌবা ঙম্বশিং অদু উৎলি। ঐখোয়গী ইচানুপীশিংনসু, চপ মান্নবা শক্তিগা লোয়ননা, মালেমদা ভারতকী থৌনা অদু উৎলি।

ইকাই খুম্নজরবা চীয়রমেন সর,

চাউখৎলক্লিবা লৈবাক অমদগী চাউখৎলবা লৈবাক অমা ওইরকপগী খোঙচৎ অসিদা য়াইফ-থৌরাং অমসুং মীয়ামগী য়াইফ-থৌরাংগী থবকশিং য়াম্না মরুওই। মসিদা ইনফ্রাস্ত্রকচরনা মরুওইবা থৌদাং অমা লৌরি। ইনফ্রাস্ত্রকচর অসি অচৌবা পাঙ্গল অমনি অমসুং চাউখৎলক্লিবা লৈবাক অমদগী চাউখৎলবা লৈবাক অমা ওইবগী খোঙচৎ অসি ইনফ্রাস্ত্রকচরগী খুত্থাংদা চৎলি। ঐখোয়না ইনফ্রাস্ত্রকচরগী মরুওইবা অদু খঙলে অমসুং ঐখোয়না মসিদা মরুওইবা পীখি। ঙসিদি, ঐখোয়না ইনফ্রাস্ত্রকচরগী মতাংদা ৱা ঙাংলি, মসি মতম চানা লোইশিনবা হায়বসি তঙাইফদে। করিগুম্বা মসি লেপ্পা তারবদি, ঐখোয়না মসিগী মথৌ তাবা অদু থৌরাং তৌরবসু, খল্লবসু অমসুং খঙলবসু, মসিনা লৈবাক অসিদা কান্নবা পীদে, অমসুং মসিনা তেক্স থীরিবশিংগী শেল মাংহল্লি। লৈবাক অসিনা মসিগী কান্নবা অসিদগী ককথৎলি। চহি কয়া লেপ্পা অসিনা ৱাহৈদা ফোংদোকপা ঙমদবা অচৌবা মাংজৌননা থোকহল্লি। কংগ্রেসকী মতমদা, মতম শাংদোকপা অমসুং অথিংবা থম্বসি চৎনবী অমা ওইখি। মসি মখোয়গী পোলিসীগী শরুক অমা ওইরকখি - করি প্রোজেক্তশিং অয়াবা পীগদগে অমসুং করিশিং থিংগদগে হায়বা ৱারেপ লৌখি, অমসুং পুম্নমক অসি পোলিতিকেল স্কেল অমদা য়েংখি। 'সবকা সাথ, সবকা বিকাস'গী মন্ত্র অসি চৎনখিদে। লৈবাক অসিবু কংগ্রেসকী চৎনবী অসিদগী লৌথোক্নবা ঐখোয়না প্রগতি কৌবা সিস্তেম অমা হৌদোক্লে, অমসুং ঐহাক্না মশাগী ওইনা মসিগী প্লেৎফোর্ম অসিগী খুত্থাংদা ইনফ্রাস্ত্রকচর প্রোজেক্তশিং য়েংশিল্লি। ঐহাক্না কুপ্না য়েংশিনবা চাং নাইনা পাংথোকই। ঐহাক্না প্রোজেক্তশিং অসি ত্রেক তৌবদা থৌদাং য়াংই, করিগুম্বা মতমদা দ্রোনশিং শিজিন্নদুনা ভিদিও রেকোর্দিং অমসুং থৌদাং লৌরিবা মফমশিংগা হকথেংননা ৱারী শানৈ। রাজ্য অমসুং কেন্দ্র সরকারগী মরক্তা কোওর্দিনেসন লৈতবা, দিপার্তমেন্ত অমগা অমগা কোওর্দিনেসন তৌদবনা মরম ওইদুনা লুপা করোর লাখ ১৯গী প্রোজেক্ত কয়া চহি কয়া লেপখি। ঐনা হীরমশিং অসি খন্ন-নৈনৈ। ওক্সফোর্দ য়ুনিভর্সিতীনা ঐখোয়গী প্রগতি ইনিসিয়েতিব অসি নৈনখি অমসুং য়াম্না পোজিতিব ওইবা রিপোর্ত অমা পীখি। অতোপ্পা চাউখৎলক্লিবা লৈবাকশিংনসু প্রগতিদগী তম্লদুনা ইনফ্রাস্ত্রকচর দিবেলপমেন্তকী লমদা অহোংবা পুরকপা য়াই হায়না মখোয়না ফোংদোকখি। অসিগুম্বা ৱাফম অসি চাউখৎলক্লিবা লৈবাক পুম্নমক্তা পীখি। অসিগুম্বা অথীংবা লৈবনা মরম ওইদুনা লৈবাক অসিনা মতৌ করম্না অৱাবা কয়া মায়োক্নবগে হায়বদু উৎনবগীদমক্তা ঐহাক্না ফেক্টশিংগা লোয়ননা খুদম খরা পীবা পাম্মি। ঐনা হায়নীংবদি মীওই অমখক্তনা মসি খঙনা থোকহনখি হায়বনি, অদুবু চৎনবী অমা শেমগৎলকখি, অমসুং মসিগী শাফু অসি পাক শন্না শন্দোকখি। হৌজিক, উত্তর প্রদেশতা য়েংবীয়ু, ঐখোয়না লৌউ-শিংউ অমসুং লৌমীশিংগী মতাংদা য়াম্না ফবা ৱা ঙাংলি, মসি য়াম্না ফৈ। মীওইশিংবু পুক্নিং থৌগৎপদা করি অশোয়বা লৈবগে? শেল থাদবা অমত্তা লৈতে, মালেম অসিবু খুমাং চাউশিলহন্দুনা লৈরি, অদুবু তশেংনা থবক অমত্তা পায়খৎলত্তে । উত্তর প্রদেশকী লৌউ-শিংউগীদমক সরয়ু কেনেল প্রোজেক্তকী থৌরাং অমা লৈরম্মি। সরয়ু কেনেল প্রোজেক্ত অসি ইং ১৯৭২দা অয়াবা পীখি, খল্লু! মসি ইং ১৯৭দা অয়াবা পীখি। মসি চহী তরাগী খুজিং মঙাগী ওইনা লেপখি। ইং ১৯৭২দা শেমখিবা থৌরাং অদু, থৌরাং অদু শেমখি, অমসুং মসি পেপরদা অয়াবা পীখি, অদুবু মসি ঐখোয়না ২০২১দা লাকপগা লোইননা লোইশিনখি।

ইকাই খুম্নজরবা চীয়রমেন সর,

জম্মু অমসুং কাশ্মীরদা উধমপুর-শ্রীনগর-বারামুলা রেল লাইন অসি ১৯৯৪ দা অয়াবা পীখি। অদুম ওইনমক, রেল লাইন অসি চহি কয়া লোইশিনখিদে। চহী কুন্থ্রারোমগী মতুংদা ঐখোয়না ২০২৫দা লোইশিনখি।

ইকাই খুম্নজরবা চীয়রমেন সর,

ওরিশাগী হরিদাসপুর-পরাদীপ রেল লাইন অসি ১৯৯৬ তা অয়াবা পীখি। মসিসু চহি কয়া লেপখি, অমসুং ঐখোয়গী মতমগী মনুংদা ২০১৯দা লোইশিনখি।

ইকাই খুম্নজরবা চীয়রমেন সর,

অসমদা লৈবা বোগিবিল ব্রিজ অসি ১৯৯৮ তা অয়াবা পীখি। মসি ঐখোয়গী সরকারনা ২০১৮দা লোইশিনখি। মতম শাংদোকপা, থিন্থবা অমসুং লান্না তাকপী-তম্বীবগী চৎনবী অসিনা লৈবাক অসিদা মতৌ করম্না চাউনা মাং-তাকহনবগে হায়বগী খুদম কয়া ঐহাক্না অদোমদা পীবা য়াই। কংগ্রেসনা মখোয়গী মতমগী মনুংদা লৈবাক অসিনা ফংফম থোকপা খোংজেল য়াংনা চংশিল্লক্তবনা মরম ওইদুনা কয়া য়াম্না অশোই-অঙাম থোকহনবগে হায়বদু অদোম্না খনবা য়াই। ইনফ্রাস্ত্রকচর প্রোজেক্তশিংদা, মওং চুম্না থৌরাং তৌবা অমসুং মতম চানা পাংথোকপা অসি য়াম্না মরু ওই। মসিগীদমক্তা পি.এম. গতী শক্তি নেস্নেল মাস্তর প্লান শেমখি। দিজিতেলগী লমদা পুক্নিং চিংশিনবশিংগীদমক্তা পি.এম. গতি শক্তি খঙবা অসি য়াম্না মরু ওই। ঐহাক্না রাজ্যশিংদা মসিসু শিজিন্ননবা হায়রি। পি.এম. গতি শক্তি প্লেৎফোর্ম অসিদা ঐখোয়গী লৈবাক অসিগী তোঙান তোঙানবা সেক্তরশিংগা মরী লৈনবা দেতা লেয়র ১৬০০ লৈরি। মসিনা ৱারেপ লৌবদা খোঙজেল য়াংখৎহল্লি অমসুং মসিবু লায়থোকহল্লি। মসিবু থুনা থবক ওইনা পাংথোকপা ঙম্মী, অমসুং ঙসিদি, গতি শক্তি প্লেতফোর্ম অসি ইনফ্রাস্ত্রকচর দিবেলপমেন্ত খোঙজেল য়াংখৎহনবদা য়ুম্ফম ওইবা খুৎলাই অমা ওইরে।

ইকাই খুম্নজরবা চীয়রমেন সর,

ঙসিগী নহাশিংনা মখোয়গী মমা-মপাশিংনা করিগীদমক অৱা-অনা কয়া মায়োক্নবগে হায়বদু খঙবা অসি য়াম্না মরু ওই। লৈবাক অসি করিগীদমক অসিগুম্বা ফীভম অসিদা লাকখিবনো? মখোয়না মসি খঙমিন্নবা মথৌ তাই। করিগুম্বা ঐখোয়না হৌখিবা চহি তরা অসিদা দিজিতেল ইন্দিয়াগী মতাংদা খোঙথাং লৌখৎলমদ্রবদি, ঙসি ঐখোয়না ফংলিবা খুদোংচাবশিং অসি ফংনবগীদমক ঐখোয়না চহি কয়া ঙাইরমগনি। ঐখোয়গী থৌনা লৈরবা ৱারেপ লৌবা অমসুং থবক পায়খৎপগী মহৈদি ঙসিদি ঐখোয়না মতমগী মতুং ইন্না খোংজেল য়াংনা চংশিল্লি, অমসুং করিগুম্বা মতমদা মতমগী মাংওইননা চংশিল্লি। ঙসিদি, 5G তেক্নোলোজী অসি ঐখোয়গী লৈবাক অসিদা মালেমদা খ্বাইদগী য়াংনা শন্দোরক্লি।

ইকাই খুম্নজরবা চীয়রমেন সর,

ঐহাক্না মমাংগী মতমগী এক্সপরিয়েন্সশিংদগী ঙাংলি। কম্প্যুতর, মোবাইল ফোন, এ.তি.এম. নৎত্রগা অতোপ্পা তেক্নোলোজীশিং ওইরো, মখোয় অসি ঐখোয়দগী মমাংঙৈ লৈবাক কয়াদা য়ৌরকখি, অদুবু ভারত্তা য়ৌরকপদা চহী তরাগী খুজিং কয়া চংখি। ঐহাক্না হকশেল, লায়নাশিং, নৎত্রগা ভেক্সিনেসনগী মরমদা হায়রকপা মতমদা, পোলস অমসুং বি.সি.জি. ভেক্সিনগুম্বা অসি ঐখোয়না কোলোনিএল রুলগী মখাদা লৈরিঙৈ মতমদা মালেমদা কাপ্লম্মি। লৈবাক খরনা মখোয়শিং অসি হান্ননা চৎনহল্লম্মি, অদুবু ভারত্তা চহী তরাগী খুজিং কয়াগী মতুংদা লাকখি। ঐখোয়না পোলিওগী ভেক্সিন ফংনবগীদমক চহী তরাগী খুজিং কয়া ঙাইদুনা লৈখি, অদুগা মালেমনা মাংলোমদা চংশিল্লম্মি, অমসুং ঐখোয় মাংলোমদা চংশিল্লম্মি। মরমদি কংগ্রেসনা লৈবাক অসিগী সিস্তেমদা মপাঙ্গল কনখৎহনখিবনি। মখোয়না লৌশিং পুম্নমক অসি লৈঙাক অসিদা লৈ হায়না থাজরম্মি, অমসুং মখোয় খক্তনা পুম্নমক অসি য়েংশিনবা ঙমগনি হায়না মখোয়না খল্লম্মি। মসিনা লাইসেন্স পর্মিত রাজ থোকহনখি। ঐহাক্না লৈবাক অসিগী নহারোলশিংদা হায়জনীংবদি লাইসেন্স অমসুং পার্মিত রাজ অসি করম্না অৱাবা ওইহনবগে। মসিনা লৈবাক অসি চাউখৎপা ঙমহন্দ্রে। লাইসেন্স পার্মিৎ রাজ অসি কংগ্রেসকী মশক ওইরকখি।

ইকাই খুম্নজরবা চীয়রমেন সর,

কম্প্যুতরগী অঙনবা মতমদা, করিগুম্বা কনাগুম্বা অমনা কম্প্যুতর অমা ইমপোর্ত তৌবা পাম্লবদি, মখোয়না মসি তৌনবগীদমক লাইসেন্স অমা লৌবা মথৌ তাই। কম্প্যুতর পুরক্নবা লাইসেন্স অমা লৌবদা চহী কয়া চঙগনি।

ইকাই খুম্নজরবা চীয়রমেন সর,

মতম অমদা য়ুম অমা শাবদা সিমেন্ত মথৌ তারম্মি, অদুবু সিমেন্ত ফংনবগীদমক্তসু অয়াবা লৌবা মথৌ তাই। মদুখক্তমক নত্তে, চীয়রমেন সর, করিগুম্বা কনাগুম্বা অমনা লুহোংবা নৎত্রগা কুমহৈ অমা পাংথোক্নবগীদমক্তা চিনিগী মথৌ তারবদি, চিনিগীদমকসু লাইসেন্স অমা মথৌ তাই! লৈবাক অসিগী নহাশিংনা মসি খঙগদবনি। ঐনা নীংতম ভারতকী মতাংদা ঙাংলি, বৃতিশকী মতমগী নত্তে, অদুবু কংগ্রেসকী মতমগীনি। মতম অদুদা, মশানা মশাবু য়াম্না হৈ-শিংলবা মীশক অমা ওইনা লৌনরিবা কংগ্রেসকী হান্নগী শেল-থুম মন্ত্রীনা লাইসেন্স পার্মিৎ য়াওদনা থবক অমত্তা পাংথোকপা ঙম্লোই হায়না য়াখি। থবক পুম্নমক অসি লাইসেন্স পের্মিৎ সিস্তেমগী খুত্থাংদা পাংথোকই, অমসুং মহাক্না হায়খি মদুদি লাইসেন্স পের্মিৎ অসি লুচিংবা য়াওদনা ফংহনবা ঙম্লোই। ঐহাক্না মফমসিদা কংগ্রেসকী শেল-থুম মন্ত্রীগী ৱাহৈ-ৱাতা অসি পল্লি। মহাক্না হায়খি, "করিগুম্বা অমত্তা লুচিংবা য়াওদনা থোক্তে।" অদুগা মতমদুদা, লুচিংবা অমা হায়বসিদা, মদুগীদমক দায়ত্ব লৈরিবসি কনানো, মদুগী মতুংদা কনানো হায়বদু কনাগুম্বনা শোয়দনা খঙবা ঙমগনি। শেল অদু কদায়দা লৈখি? লৈবাক অসিগী নহারোলশিংনা মসি য়াম্না ফজনা খঙবা ঙম্মি। হাউস অসিদা কংগ্রেসকী ইকাই খুম্নরবা মেম্বর অমা লৈরি, মহাক্কী মপাবু মশাগী শেল লৈরম্মি, মশাগী শেল লৈরম্মি, অমসুং মহাক্না কার অমা লোনবা পাম্মি। অদুম ওইনমক, মহাক্না কার অদু য়োনবা ঙম্নবগীদমক কংগ্রেসকী লৈঙাক্কী মতমদা চহি ১৫ ঙাইখি।

ইকাই খুম্নজরবা চীয়রমেন সর,

ঐখোয়না পুম্নমক্না খঙই মদুদি স্কুতর অমা লৈবা পাম্লবদি, নহাক্না মদু বুক তৌগদবনি অমসুং মদুগীদমক্তা শেল পীগদবনি, অমসুং স্কুতর অমা লৈনবা চহি ৮-১০ চংগনি। করিগুম্বা মতমদা, স্কুতর অদু য়োনবা পাম্লবদি লৈঙাক্তগী অয়াবা লৌগদবনি। অসুম্না লৈবাক অসি মখোয়না চলাইখি। মসি খক্তা নত্তনা, কুপোনশিংগা লোয়ননা গ্যাস সিলিন্দরশিং এম.পি.শিংদা পীখি, অমসুং এম.পি.শিংদা কুপোনশিং পীখি মদুদা অদোমগী মফম অদুগী মীওই ২৫দা গ্যাস কনেক্সন পীবা য়াগনি হায়রি। মীওইশিংনা গ্যাস সিলিন্দরগীদমক মথং-মথং লেপতুনা লৈরম্মি। তেলিফোন কনেক্সন অমা ফংহনবা অসিসু মতম শাংনা চঙবা অমসুং চোকথবা থৌওং অমনি। লৈবাক অসিগী নহারোলশিংনা খঙবা মথৌ তাই মদুদি ঙসি চাউনা ৱা ঙাংলিবা মীওইশিং অসিনা লৈবাক অসিদা তশেংনা করি তৌরিবগে? মখোয়না মসি খঙগদবনি।

ইকাই খুম্নজরবা চীয়রমেন সর,

হায়রিবা অথিংবাশিং অমসুং লাইসেন্স রাজগী পোলিসীশিংনা ভারতপু মালেমগী খ্বাইদগী তপথবা শেন্মিৎলোনগী গ্রোথ রেৎতা পুরকখি। অদুম ওইনমক, মালেম অসিদা অসিগুম্বা তপ্না-তপ্না হেনগৎলকপা অমসুং মায়থিবা অসি করম্না কৌনবগে হায়বদু অদোম্না খঙব্রা? মসিবু "হিন্দু রেত ওফ গ্রোথ" হায়না খঙনরকখি। মসি খুন্নাইদা শিংনবা অমনি, লৈঙাক পায়রিবা মীওইশিংগী মাইপাকপা অমনি, থবক তৌবা ঙম্বগী মতিক লৈতবা, খঙদবা, অমসুং নোংম-নোংমগী ফত্তবা থবক তৌরিবা মীওইশিংগী মাইপাকপা অমনি। অমসুং অচৌবা খুন্নাই অমবু 'হিন্দু গ্রোথ রেৎ' হায়বা ৱাহৈ অসিনা ইকাইবা পীখি।

ইকাই খুম্নজরবা চীয়রমেন সর,

শেন্মিৎলোনগী ফত্তবা মেনেজমেন্ত অমসুং নিংথৌগী ইমুংগী ফত্তবা পোলিসীশিংনা মরম ওইদুনা, মালেম শীনবা থুংনা খুন্নাই অমবু মরাল শিহনখি অমসুং ইকাই খুম্নবা লৈখা তাহনখি। অদুম ওইনমক, ঐখোয়না পুৱারীদা য়েংবদা, ভারতকী মীয়ামগী থৌওং অমসুং পোলিসীশিং অসি লাইসেন্স রাজ নৎত্রগা পার্মিৎশিংদা য়ুম্ফম ওইখিদে। ভারত মচাশিংনা মতম পুম্নমক্তা ওপননেসতা থাজবা থম্লি, অমসুং চহি লিশিং কয়াগী মমাংদগী, ঐখোয়না মালেমদা অহানবা ওইনা ফ্রী ত্রেদ চৎপা, মদুদা কন্না হোৎনখিবা কম্যুনিতীশিংগী মনুংদা অমা ওইরি।

চহি চা কয়াগী মমাংদা, ভারতকী ললোন-ইতিক তৌবা মীওইশিংনা অথিংবা নৎত্রগা অথিংবা লৈতনা ললোন-ইতিক তৌনবা অরাপ্পা লৈবাকশিংদা চৎলম্মি। মসি ঐখোয়গী মহৌশাগী চৎনবীনি, মসি ঐখোয়না হৌজিক মাংহনখ্রে। ঙসিদি, মালেম পুম্বনা ভারতকী শেন্মিৎলোনগী ওইথোকপা য়াবশিং খঙলকপগা লোয়ননা ঐখোয়বু য়াম্না থুনা খুমাং চাউশিল্লিবা লৈবাক অমা ওইনা উরি। ঙসিদি, মালেম্না ভারতকী গ্রোথ রেৎ য়েংলি, অমসুং ভারত মচা খুদিংমক্না ঐখোয়না ঐখোয়গী শেন্মিৎলোন পাকথোক চাউথোকহনবদা চাউথোকচরি।

ইকাই খুম্নজরবা চীয়রমেন সর,

লৈবাক অসিনা হৌজিক নুংঙাইবা ফোংদোকচরি অমসুং কংগ্রেস পার্তীগী খুদোংথীবদগী লাপথোক্তুনা অনৌবা অৱাংবা থাক্তা চঙশিল্লি। কংগ্রেসকী লাইসেন্স রাজ অমসুং মসিগী অশোই-অঙাম থোকপা পোলিসীশিংদগী হেন্দোক্তুনা, ঐখোয়না মেক ইন ইন্দিয়াবু প্রমোৎ তৌরি। ভারত্তা মেনুফেকচরিং হেনগৎহন্নবা ঐখোয়না পি.এল.আই. (প্রদক্সন লিঙ্ক ইন্সেন্তিব) স্কিম হৌদোকখি অমসুং এফ.দি.আই. (ফোরেন দাইরেক্ত ইনভেস্তমেন্ত) গা মরী লৈনবা রিফোর্মশিং পায়খৎখি। ঙসি ভারত অসি মালেমগী অনিশুবা খ্বাইদগী চাউবা মোবাইল পুথোকপা লৈবাক ওইরে। মমাংদা, ঐখোয়না ঐখোয়গী ফোন অয়াম্বা ইম্পোর্ত তৌরম্মি, অদুবু হৌজিক্তি, ঐখোয়না ঐখোয় মশাবু মোবাইল এক্সপোর্তর অমা ওইনা লিংখৎলে।

ইকাই খুম্নজরবা চীয়রমেন সর,

ঙসিদি ভারতকী মশক অসি দিফেন্স মেন্যুফেকচরিংগা মান্নবা ওইরে। হৌখিবা চহি ১০ অসিদা ঐখোয়গী দিফেন্স প্রদক্ত এক্সপোর্ত অসি শরুক ১০ হেনগৎলে। চহি ১০দা শরুক ১০ হেনগৎখ্রে।

ইকাই খুম্নজরবা চীয়রমেন সর,

ভারত্তা সোলর মোদ্যুল মেনুফেকচরিংসু শরুক ১০ হেনগৎখ্রে। ঙসিদি ঐখোয়গী লৈবাক অসি মালেমগী অনিশুবা খ্বাইদগী চাউবা স্তীল পুথোকপা লৈবাক ওইরে। হৌখিবা চহি ১০ অসিদা ঐখোয়গী মেছিনরী অমসুং ইলেক্ত্রোনিক্স এক্সপোর্ত অসি য়াম্না থুনা হেনগৎলক্লি। হৌখিবা চহি তরা অসিদা ভারতকী শান্নপোৎ পুথোক পুশিন তৌবগী চাং অসি শরুক অহুম হেনগৎখ্রে। হায়রিবা চহি 10 অসিদা, এগ্রোকেমিকেল এক্সপোর্তসু হেনগৎলক্লি। কোরোনা লাইচৎ মনুংদা, ঐখোয়না লৈবাক ১৫০ হেনবদা ভেক্সিন অমসুং হিদাক-লাংথকশিং সপ্লাই তৌখি। ঐখোয়গী আয়ুর্বেদিক অমসুং হর্বল প্রদক্তশিংগী এক্সপোর্তসু য়াম্না থুনা হেনগৎলক্লি অমসুং মখা তানা হেনগৎলক্লি।

ইকাই খুম্নজরবা চীয়রমেন সর,

করিগুম্বা কংগ্রেসনা খাদিগীদমক মরু ওইবা থবক খরা তৌরম্বা তারবদি, ঐহাক্না খল্লমগনি মদুদি মখোয়না নীংতম লানগী ইথিল খরা মাংলোমদা পুখৎলি, অদুবু মখোয়না মসিসু তৌখিদে। খাদি অমসুং ভিলেজ ইন্দস্ত্রীজকী তর্নওভরনা অহানবা ওইনা লুপা কোতি লাখ ১.৫ হেনখ্রে। হৌখিবা চহি 10 অসিদা, মসিগী পোত্থোক অসি শরুক মরি হেনগৎলে। মসিগী মেনুফেকচরিং পুম্নমক্কী মরুওইবা কান্নবা অসি ঐখোয়গী এম.এস.এম.ই. সেক্তরদা ফংহনখ্রে, মসিনা লৈবাক অসিদা থবক ফংহন্নবগী খুদোংচাবা কয়া অমা লৈহনখ্রে।

ইকাই খুম্নজরবা চীয়রমেন সর,

ঐখোয় পুম্নমক মীয়ামগী মীহুৎশিংনি। ঐখোয়না মীয়ামগী সেবা তৌই। মীয়ামগী মীহুৎ অমদদি, লৈবাক অমসুং খুন্নাইগী মিসন অসিনা পুম্নমক্নি, অমসুং সেবাগী অচেৎপা ফিরেপ অমগা লোইননা থবক তৌবা হায়বসি মীয়ামগী মীহুৎ খুদিংমক্কী থৌদাংনি।

ইকাই খুম্নজরবা চীয়রমেন সর,

লৈবাক পুম্বনা আশা তৌরি মদুদি ঐখোয়না 'ভিক্সিৎ ভারত' অমা ফংনবা হোৎনবদা থৌনা লৈবা তাই। মসি ঐখোয়গী অপুনবা থৌদাংনি। মসি লৈবাক অসিগী ৱারেপনি, সরকার নৎত্রগা মীওই অমগী নত্তে, ভারতকী নাগরিক কোতি ১৪০গী ৱারেপনি। অমসুং মিস্তর চীয়রমেন সর, ঐহাক্কী ৱাহৈশিং অসি ইবিয়ু, "ভিক্সিৎ ভারত"কী ৱারেপ অসিদগী মশা মশাবু লাপ্না থম্লিবা মীওইশিং অসি লৈবাক অসিনা লাপ্না থম্লগনি। মীপুম খুদিংমক্না শরুক য়াগদবনি। অদোম্না তোখাইনা লৈরোই মরমদি ভারতকী মিদল ক্লাস অমসুং নহারোলশিংনা মখোয়গী শক্তি পুম্নমক্কা লোয়ননা লৈবাক অসিবু মাংলোমদা পুখৎনবা মপুং ফানা থৌরাং তৌরি।

ইকাই খুম্নজরবা চীয়রমেন সর,

লৈবাক অসিনা চাউখৎপগী লম্বীদা চংশিল্লক্লি অমসুং চাউখৎপগী অনৌবা অৱাংবা থাক অমা ফংলক্লি। ঐখোয়গী থৌদাং অসি য়াম্না মরু ওইরক্লি। গবর্নমেন্তশিংদা ওপোজিসন হায়বসি দেমোক্রেসীগী মহৌশানি। পোলিসীশিংগী ক্রিতিক অসিসু দেমোক্রেসীগী থৌদাং অমনি। অদুম ওইনমক, কা হেন্না মায়োক্নবশিং, কা হেন্না পেসিমিজম অমসুং অতোপ্পশিংগী লম্বী হন্থহন্নবা হোৎনবা অদুগা ঐখোয়গী লম্বী শাংদোক্নবা হোৎনবা অসিনা 'ভিক্সিত ভারত'কী লম্বীদা খুরৌ ওইহনবা য়াই। ঐখোয়না অসিগুম্বা মওংশিং অসিদগী লাপথোকপা তাই অমসুং লেপ্পা লৈতনা মশা-মশানা মীকুপ নাহুম শিংবা তাই। ঐহাক্না থাজবা থম্লি মদুদি ঙসিগী খন্ন-নৈনবগী খ্বাইদগী ফবা ৱাখল্লোনশিং অসিনা ঐখোয়বু মাংলোমদা পুখৎকনি, অমসুং ঐখোয়গী ৱাখল্লোন অসি মখা তানা চত্থগনি। ঐখোয়না রাস্ত্রপতিগী ৱারোলদগী ইনর্জী লৌদুনা লৈহৌরগনি। ঐহাক্না অমুক্কা হন্না রাস্ত্রপতি অমসুং পার্লিয়ামেন্তকী ইকায় খুম্নরবা মেম্বর পুম্নমক্তা ঐহাক্কী থাগৎপা ফোংদোকচরি।

হন্না হন্না থাগৎচরি!

দিসক্লেমর: মসি প্রধান মন্ত্রীনা ফোঙদোকখিবা ৱারোলগী চাউরাকপা হন্দোকপনি। অশেংবা ৱারোলদি হিন্দীদা পীখি।

***