عزت مآب وزیر اعظم جناب نریندر مودی کے جی ایس ٹی کو حقیقی معنوں میں ‘‘اچھا اور آسان ٹیکس’’  بنانے کے وژن کے مطابق جو معیشت کے ہر شعبے کو مضبوط کرے ، قابل تجدید توانائی کے شعبے کو جی ایس ٹی کونسل کی طرف سے 3 ستمبر 2025 کو منعقدہ اپنی 56 ویں میٹنگ میں منظور شدہ تازہ ترین جی ایس ٹی اصلاحات کے تحت ایک بڑا فروغ  حاصل ہوا ہے۔

قابل تجدید توانائی ویلیو چین میں جی ایس ٹی کی شرحوں کو 12فیصد سےگھٹاکر 5فیصد کرنے کے نتیجے میں صاف توانائی کے منصوبوں کی لاگت میں کمی آئے گی ، جس سے بجلی زیادہ سستی ہوگی اور گھروں ، کسانوں ، صنعتوں اور ڈیویلپرز کو براہ راست فائدہ ہوگا ۔  مثال کے طور پر ، یوٹیلیٹی اسکیل سولر پروجیکٹ کی سرمایہ جاتی لاگت ، جو عام طور پر تقریباً3.5-4 کروڑ روپے فی میگاواٹ ہوتی ہے ، اب اس میں فی میگاواٹ 20-25 لاکھ روپے کی بچت ہوگی ۔  500 میگاواٹ کے شمسی پارک کے پیمانے پر ، اس سے پروجیکٹ کی لاگت میں100 کروڑ روپے سے زیادہ کی کمی واقع ہوگی ، جس سے ٹیرف کی مسابقت میں نمایاں بہتری آئے گی۔

 

کم لاگت اور زیادہ مسابقت

توقع ہے کہ جی ایس ٹی میں کمی سے قابل تجدید ٹیرف میں کمی آئے گی جس سے تقسیم کار کمپنیوں (ڈسکوم) کے لیے بجلی کی خریداری کا مالی بوجھ کم ہوگا ۔  اس سے ملک بھر میں بجلی کی خریداری کے اخراجات میں 2,000-3,000 کروڑ روپے کی سالانہ بچت ہو سکتی ہے ۔بنیادی سطح پر صارفین کو سستی صاف بجلی تک زیادہ رسائی سے فائدہ ہوگا ، جس سے ہندوستان کے بجلی کے شعبے کی طویل مدتی پائیداری کو تقویت ملے گی ۔

 

کنبوں ، کسانوں اور دیہی برادریوں کو فوائد

یہ اصلاح گھروں کے لیے چھت پر نصب شمشی نظام (روف ٹاپ سولر سسٹم )کو زیادہ سستا بنائے گی ۔  ایک عام 3 کلو واٹ روف ٹاپ سسٹم اب تقریباً 9,000-10,500 روپے سستا ہو جائے گا ، جس سے لاکھوں کنبوں  کے لیے شمسی توانائی کو اپنانا آسان ہو جائے گا اور پی ایم سوریا گھر: مفت بجلی یوجنا کے تحت بڑے پیمانے پر استعمال میں تیزی آئے گی ۔

پی ایم-کسم اسکیم کے تحت کسانوں کو بھی کافی فائدہ ہوگا ۔   5 ایچ پی کا شمسی پمپ ، جس کی لاگت تقریباً 2.5 لاکھ روپے ہے ، اب تقریباً 17,500 روپے سستا ہوگا ۔  10 لاکھ شمسی پمپوں کے پیمانے پر ، کسان اجتماعی طور پر 1750 کروڑ روپے کی بچت کرنے کے لیے تیار ہیں ، جس سے آبپاشی زیادہ سستی اور پائیدار ہو جائے گی ۔

دیہی اورسہولیات سے محروم علاقوں کو سستے اور مقامی حل جیسے منی گرڈ ، روزی روٹی کے ذرائع اور شمسی پانی کے پمپوں سے بھی فائدہ ہوگا ۔  کم ادائیگی کی مدت اور بہتر منافع اسکولوں ، صحت مراکز اور چھوٹے کاروباروں کو صاف اور قابل اعتماد توانائی تک رسائی  کی مدد سے بااختیار بنائے گا ۔

 

گھریلو مینوفیکچرنگ اور خود کفالت کو فروغ

کم جی ایس ٹی میک ان انڈیا اور آتم نربھر بھارت اقدامات کی حمایت کرتے ہوئے ماڈیول اور اجزاء کی لاگت کو 3-4فیصد تک کم کرکےہندوستان میں تیار کیے گئے قابل تجدید توانائی کے آلات کی مسابقت  میں اضافہ ہوگا ۔  ہندوستان کے 2030 تک 100 گیگا واٹ شمسی مینوفیکچرنگ صلاحیت کے ہدف کے ساتھ ، اس اصلاح سے گھریلو مینوفیکچرنگ مراکز میں نئی سرمایہ کاری کی حوصلہ افزائی ہوگی ۔  اس بات کو مدنظر رکھتے ہوئے کہ مینوفیکچرنگ کا ہر جی ڈبلیو تقریباً 5000 ملازمتیں پیدا کرتا ہے ، یہ اصلاح اگلی دہائی میں 5-7 لاکھ براہ راست اور بالواسطہ ملازمتوں کے مواقع فراہم کرسکتی ہے ، جس سے ہندوستان کے صاف توانائی صنعتی ماحولیاتی نظام کو تقویت ملے گی ۔

 

ہندوستان کی توانائی کی منتقلی کی رفتار کوتیز کرنا

جی ایس ٹی میں کٹوتی سے نہ صرف توانائی کی مساوی لاگت میں کمی آئے گی بلکہ سرمایہ کاروں کا اعتماد بھی بڑھے گا ، جس سے بجلی کی خریداری کے معاہدوں پر تیزی سے دستخط کرنے اور پروجیکٹ کو تیزی سے شروع کرنے میں مدد ملے گی ۔  یہ دیکھتے ہوئے کہ ہندوستان 2030 تک تقریباً 300 جی ڈبلیو قابل تجدید توانائی کی صلاحیت کا اضافہ کرنے کا ارادہ رکھتا ہے ، یہاں تک کہ لاگت میں معمولی 2-3فیصد کمی بھی سرمایہ کاری کی صلاحیت میں 1-1.5 لاکھ کروڑ روپے کی بچت ہوسکتی ہے۔  شمسی توانائی کا ہر جی ڈبلیو سالانہ تقریباً 1.3 ملین ٹن کاربن ڈائی آکسائیڈ کی بچت کرتا ہے ۔ اس لیے جی ایس ٹی کو معقول بنانے کے ذریعے تیز تر تعیناتی سے 2030 تک ہر سال اضافی 50-70 ملین ٹن کاربن ڈائی آکسائیڈ کے اخراج سے بچا جا سکتا ہے ۔

قابل تجدید توانائی کو مزید سستی اور قابل رسائی بنا کر ، یہ اصلاح پیرس معاہدے کے تحت ہندوستان کے بین الاقوامی عزائم  کے مطابق ہے جبکہ 2030 تک ملک کی 500 گیگاواٹ غیرفوسل ایندھن کی صلاحیت کے ہدف کو آگے بڑھا رہی ہے ۔  یہ آب و ہوا کی تبدیلی کے خلاف عالمی جنگ میں ہندوستان کو ایک رہنما کے طور پر مضبوطی عطا کرتا ہے۔

جی ایس ٹی کی نظر ثانی شدہ شرحیں 22 ستمبر 2025 سے لاگو ہوں گی ۔  یہ تاریخی فیصلہ لاکھوں صارفین ، کسانوں ، ڈویلپرز اور مینوفیکچررز کو براہ راست فائدہ پہنچائے گا ، جبکہ سبز ترقی اور توانائی کی خود کفالت کے جڑواں اہداف میں اپنا تعاون دے گا ۔  یہ اس بات کو یقینی بنانے کے لیے حکومت کے عزم کی نشاندہی کرتا ہے کہ صاف ستھری ، سستی اور پائیدار توانائی وکست بھارت کی طرف ہندوستان کے سفر کی بنیاد بنے ۔

 

********

ش ح۔ش ب۔ج ا

U-6130

(Release ID: 2167522) Visitor Counter : 2