કૃષિ અને ખેડૂત કલ્યાણ મંત્રાલય 15-16 સપ્ટેમ્બર 2025ના રોજ ભારત રત્ન સી. સુબ્રમણ્યમ ઓડિટોરિયમ, પુસા, નવી દિલ્હી ખાતે રાષ્ટ્રીય કૃષિ પરિષદ - રવિ અભિયાન 2025નું આયોજન કરી રહ્યું છે. આ બે દિવસીય રાષ્ટ્રીય પરિષદ દેશભરના કૃષિ નિષ્ણાતો, વૈજ્ઞાનિકો, નીતિ નિર્માતાઓ અને રાજ્ય સરકારોના વરિષ્ઠ પ્રતિનિધિઓ માટે એક સામાન્ય પ્લેટફોર્મ પૂરું પાડશે, જ્યાં રવિ 2025-26 વાવણી સીઝન સંબંધિત તૈયારીઓ, ઉત્પાદન લક્ષ્યો અને વ્યૂહરચનાઓની ઊંડાણપૂર્વક ચર્ચા કરવામાં આવશે.

કૃષિ અને ખેડૂત કલ્યાણ મંત્રી શ્રી શિવરાજ સિંહ ચૌહાણ આ પરિષદની અધ્યક્ષતા કરશે. આ પ્રસંગે, વિવિધ રાજ્યોના કૃષિ મંત્રીઓ, સચિવ (કૃષિ અને ખેડૂત કલ્યાણ), સચિવ (DARE) અને ડિરેક્ટર જનરલ (ICAR) તેમજ અન્ય મંત્રાલયો અને વિભાગો અને રાજ્યોના વરિષ્ઠ અધિકારીઓ પણ આ પરિષદમાં ભાગ લેશે.

કૃષિ મંત્રી શ્રી ચૌહાણની સૂચનાથી પ્રથમ વખત, બે દિવસ માટે રવિ પરિષદનું આયોજન કરવામાં આવી રહ્યું છે જેમાં કૃષિ સંબંધિત પડકારો અને રવિ ઋતુના પાકોથી ખેડૂતોને લાભ થાય તે માટે વિવિધ વિષયો પર ચર્ચા કરવામાં આવશે. પ્રથમ દિવસે, કેન્દ્ર અને રાજ્ય સ્તરના અધિકારીઓ વચ્ચે મહત્વપૂર્ણ વિષયો પર ચર્ચા કરવામાં આવશે, ત્યારબાદ 16 સપ્ટેમ્બરના રોજ, તમામ રાજ્યોના કૃષિ મંત્રીઓ અને કેન્દ્રીય કૃષિ મંત્રી અને રાજ્ય મંત્રી વિગતવાર ચર્ચા કરશે, જેમાં ખેડૂતો સુધી નવીનતમ ટેકનોલોજી અને બિયારણ અસરકારક રીતે કેવી રીતે પહોંચાડી શકાય તે માટે ઊંડાણપૂર્વક વિચારણા અને સમીક્ષા કરવામાં આવશે. તમામ રાજ્યોના વરિષ્ઠ અધિકારીઓ તેમની ટીમ સાથે તેમાં ભાગ લેશે, પ્રથમ વખત કૃષિ વિજ્ઞાન કેન્દ્રના વૈજ્ઞાનિકોને પણ આમંત્રણ આપવામાં આવ્યું છે જેઓ પ્રાદેશિક અનુભવો અને પડકારો શેર કરશે અને આગળની રણનીતિ નક્કી કરશે.

આ પરિષદમાં વિવિધ રાજ્યોની સફળતાઓ અને શ્રેષ્ઠ પ્રથાઓ શેર કરવામાં આવશે જેથી તેનો અમલ અન્ય રાજ્યોમાં પણ થઈ શકે. આ સાથે, નિષ્ણાતો હવામાન આગાહી, ખાતર વ્યવસ્થાપન, કૃષિ સંશોધન અને તકનીકી હસ્તક્ષેપ સંબંધિત વિષયો પર પણ પોતાના મંતવ્યો રજૂ કરશે.

આ પરિષદ માત્ર રવી 2025-26 સીઝન માટે કાર્ય યોજના અને ઉત્પાદન વ્યૂહરચનાને દિશા આપશે નહીં, પરંતુ તે ખેડૂતોની આવક વધારવા, ટકાઉ કૃષિ પ્રણાલી અને રાષ્ટ્રીય ખાદ્ય સુરક્ષા સુનિશ્ચિત કરવા તરફ એક મહત્વપૂર્ણ પગલું પણ સાબિત થશે.

SM/DK/GP/JD