প্রধান মন্ত্রী শ্রী নরেন্দ্র মোদীনা ঙসি নই দিল্লীগী বিজ্ঞান ভবনদা জ্ঞান ভারতমগী মতাংদা পাংথোকপা ইন্তর্নেস্নেল কনফরেন্সতা ৱা ঙাংখ্রে। থৌরম অদুদা মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি ঙসি ভিজ্ঞান ভবন অসিনা ভারতকী অরিবা মতমগী অশেংবা পুৱারী অমুক হন্না উবা ফংলি। মহাক্না হায়খি মদুদি নুমিৎ খরনিগী মমাংদা, মহাক্না জ্ঞান ভারতম মিসন লাউথোকখি অমসুং অতেনবা মতমগী মনুংদা, জ্ঞান ভারতম ইন্তর্নেস্নেল কনফরেন্স পাংথোকখি।  মিসন অসিগা মরী লৈনবা পোর্তেল অমসু হৌদোক্লে হায়না শ্রী মোদীনা পাউদমখি। মসি সরকারগী নৎত্রগা একাদেমিক্কী থৌরম অমা নত্তে হায়না পল্লদুনা প্রধান মন্ত্রীনা হায়খি মদুদি জ্ঞান ভারতম মিসন অসি ভারতকী নাৎ, সহিত্য অমসুং কন্সিয়সনেসকী প্রোক্লেমেসন অমা ওইনবা শেম-শারি। মহাক্না মীরোল লিশিং কয়াগী ৱাখল্লোনগী ওইবা কন্তেমপ্লেতিব লিগেসী অদুগী মতাংদা ফোংদোকখি। মহাক্না ভারতকী লৌশিং, চৎনবী অমসুং সাইন্তিফিক হেরিতেজবু ময়েক শেংনা ফোংদোক্লদুনা ভারতকী অচৌবা অখঙ-অহৈশিং, আচার্য়শিং অমসুং স্কোলরশিংগী লৌশিং অমসুং রিসর্চবু শকখঙখি। শ্রী মোদীনা হায়খি মদুদি জ্ঞান ভারতম মিসনগী খুত্থাংদা, মসিগী লেগেসীশিং অসি দিজিতেলাইজ তৌরি। মহাক্না মিসন অসিগীদমক্তা নাগরিক পুম্নমকপু থাগৎপা ফোংদোকখি অমসুং জ্ঞান ভারতম তীম অমসুং কলচর মন্ত্রালয়দা য়াইফ-পাউজেল পীখি।

মেন্যুস্ক্রিপ্ত অমা য়েংবা অসি মতমগী খোঙচৎ অমা য়েংবগা পাংখক ওই হায়না পল্লদুনা, শ্রী মোদীনা হৌজিক্কী মতমগা মমাংগী মতমগা খেন্নবগী মতাংদা পনখি। মহাক্না হায়খি মদুদি ঙসিদি, কীবোর্দকী মতেংদগী, ঐখোয়না মুত্থৎপা অমসুং চুমথোকপগী ওপ্সনগা লোয়ননা পাক-শন্না ইবা ঙম্লে অমসুং প্রিন্তরগী মতেংদগী, পেজ অমগী কোপি লিশিং কয়া পুথোকপা ঙম্লে। চহিচা কয়াগী মমাংগী মালেম অদু ৱাখলনা শাগৎনবা পুক্নিং থৌগৎলদুনা, প্রধান মন্ত্রীনা অকনবা ৱাফম থমখি মদুদি মতম অদুদা মোদর্ন মেতিরিএল রিসোর্সশিং লৈরমদে অমসুং ঐখোয়গী ইপা-ইপুশিংনা ইন্তেলেকচুএল রিসোর্সশিংদা খক্তদা থাজবা থমখি। মহাক্না চিথি অমমম ইবদা য়াম্না চেকশিন্না মীৎয়েং চংবগী মথৌ তাবা অদু পনখি। লাইরিক খুদিংমক পুথোকপদা হোৎনখিবশিং অদু পল্লদুনা শ্রী মোদীনা হায়খি মদুদি মতম অদুদসু ভারতকী মীয়াম্না মালেমগী ওইবা লৌশিংগী মফম অমা ওইরিবা লাইব্রেরীশিং শেমগৎখি। প্রধান মন্ত্রীনা ভারতনা হৌজিক ফাওবদা মালেমগী খ্বাইদগী চাউবা মেন্যুস্ক্রিপ্ত কল্লেক্সন লৈরি হায়না ফোংদোকখি অমসুং মহাক্না হায়খি মদুদি ভারতনা চাউরাক্না মেন্যুস্ক্রিপ্ত করোর অমরোম লৈরি।

পুৱারীগী শাথিরবা ইরোলনুংদা মেন্যুস্ক্রিপ্ত মিলিয়ন কয়া মাংহনখিবা অমসুং মাংখিবা অদু পল্লদুনা, শ্রী মোদীনা হায়খি মদুদি হৌজিক ফাওবা লৈরিবা মেন্যুস্ক্রিপ্তশিং অসি লৌশিং, সাইন্স, লাইরিক পাবা অমসুং তম্বগী মায়কৈদা ঐখোয়গী ইপা-ইপুশিংনা কত্থোকখিবা অদুগী খুদম্নি। ভোজপাত্রা অমসুং পাম মনাশিংদা ইবা লাইরিকশিংগী ফ্রেজিলিতীগী মতাং অমসুং কোপর প্লেৎশিংদা ইবা ৱাহৈশিংদা মেতল কোরোজন থোকপা য়াবগী খুদোংথীবা লৈবগী মতাংদা পল্লদুনা প্রধান মন্ত্রীনা হায়খি মদুদি অৱাবা কয়া লৈরবসু ঐখোয়গী ইপা-ইপুশিংগী ৱাহৈশিংবু ঈশ্বরগী মওংদা ইকাই খুম্নখি অমসুং 'অক্ষর ব্রহ্মা ভব'গী ৱাখল্লোন্দা মখোয়বু সেবা তৌখি। মহাক্না হায়খি মদুদি, মীরোল কয়া অমনা লাইরিকশিং অমসুং মেন্যুস্ক্রিপ্তশিং অসিবু চেকশিন্না ঙাক-শেন্দুনা থম্মি, মসিনা লৌশিংগীদমক চাউরবা ইকাই খুম্নবা উৎলি। শ্রী মোদীনা তুংলমচৎকী মীরোলশিংগীদমক নুংনাংবা অদু ফোংদোক্লদুনা মহাক্না খুন্নাইগীদমক থৌদাং লৌবগী ৱাখল্লোনদা অকনবা ৱাফম থমখি। মহাক্না লৈবাক অসিগীদমক্তা থাজবা থমবগী ৱাখল্লোন অদু ফোংদোকখি। অসিগুম্বা থাজবা অসিগী হেন্না চাউবা খুদম অমা কদায়দা ফংগনি হায়না মহাক্না হায়খি।

প্রধান মন্ত্রীনা হায়খি, "ভারতকী লৌশিংগী চৎনবী অসি ঙসি ফাওবা শিংথানিংঙাই ওইরি মরমদি মসি প্রিজর্বেসন, ইন্নোবেসন, এদিসন অমসুং এদাপ্তেসন হায়রিবা য়ুম্ফম ওইরিবা য়ুম্বী মরি অসিদা শেমগৎপনি। "অহানবা য়ুম্বী, প্রিজর্বেসনগী মতাংদা পল্লদুনা শ্রী মোদীনা হায়খি মদুদি ভারতকী খ্বাইদগী অরিবা লাইরিক ওইরিবা বেদশিং অসি ভারতকী চৎনবীগী য়ুম্ফমনি হায়না লৌনরি। বেদশিং অসি খ্বাইদগী ৱাংবা অমনি হায়না ফোংদোক্লদুনা মহাক্না হায়খি মদুদি মমাংদা বেদশিং অসি ওরেল ত্রেদিসন (শ্রুতি) গী খুত্থাংদা মথংগী মীরোনদা থংথরমখি। চহি লিশিং কয়াদগী বেদশিং অসি মপুং ফানা অশেংবা ওইদুনা অমসুং অশোয়বা লৈতনা ঙাক্না চৎলি হায়না মহাক্না অকনবা ৱাফম থমখি। প্রধান মন্ত্রীনা অনীশুবা য়ুম্বী -ইন্নোবেসনগী মতাংদা পল্লদুনা হায়খি মদুদি ভারতনা আয়ুর্বেদ, ভাস্তু শাস্ত্র, জ্যোতিশ অমসুং মেত্তলর্জীদা লেপ্পা লৈতনা ইন্নোবেসন তৌরি। মহাক্না হায়খি মদুদি চহি খুদিংগী মীরোল অমমনা মমাংগীদগী হেন্না খুমাং চাউশিল্লি অমসুং অরিবা মতমগী লৌশিংবু হেন্না সাইন্তিফিক ওইহল্লি। মহাক্না সুর্য় সিদ্ধান্ত অমসুং বরহমিহির সামহিতাগুম্বা তেক্সতশিংবু লেপ্পা লৈতনা স্কোলর ওইনা কন্ত্রিব্যুসন তৌবা অমসুং অনৌবা লৌশিং হাপচিনবগী খুদমশিং ওইনা পনখি। অহুমশুবা য়ুম্বী - এদিসনগী মতাংদা খন্ন-নৈনদুনা, শ্রী মোদীনা হায়খি মদুদি জেনরেসন খুদিংমক্না অরিবা লৌশিং অদু ঙাক-শেনবতা নত্তনা অনৌবা ৱাখল্লোনশিংসু পুথোক্লি। মহাক্না খুদম অমা পীরদুনা হায়খি মদুদি ওরিজিনেল ভাল্মিকী রামায়নগী মতুংদা অতোপ্পা রামায়ন কয়া অমসু শেমখি। মহাক্না রামচরিতমনাসকুম্বা তেক্সশিং অসি হায়রিবা ত্রেদিসন অসিদগী হৌরকখিবগী মতাংদা পনখি, অমরোমদনা বেদশিং অমসুং উপনিষদশিংদা কমেন্তরিশিং ইখি। মহাক্না হায়খি মদুদি ভারতকী আচার্য়শিংনা দ্বৈত অমসুং অদ্বৈতগুম্বা ৱাহন্থোকশিং পীরি।

ভারতকী লৌশিং ত্রেদিসনগী মরিশুবা য়ুম্বী ওইরিবা এদাপ্তেসনগী মতাংদা পল্লদুনা প্রধান মন্ত্রীনা হায়খি মদুদি মতমগী মতুং ইন্না ভারতনা সেল্ফ-ইনত্রোস্পেক্সন তৌখি অমসুং তঙাই ফদবা অহোংবশিং পুরকখি। মহাক্না খন্ন-নৈনবা অমসুং শাস্ত্রার্থকী চৎনবী মখা চত্থবদা মরুওইবা পীরি হায়না ফোংদোকখি। মহাক্না হায়খি মদুদি খুন্নাই অসিনা মতমগা চুনদ্রবা ৱাখল্লোনশিংবু থাদোক্তুনা অনৌবা ৱাখল্লোনশিংবু লৌশিনখি। শ্রী মোদীনা হায়খি মদুদি মিদিভেল পেরিয়দকী মতমদা, তোঙান তোঙানবা খুন্নাইগী ফত্তবশিং থোরকপা মতমদা, খুন্নাইগী ৱাখল্লোনবু য়কাইহনখিবা শক্নাইরবা মীওইশিং থোরকখি। মহাক্না হায়খি মদুদি মীওইশিং অসিনা ভারতকী ইন্তলেকচুএল হেরিতেজবু য়োকখৎতুনা অমসুং ঙাক-শেন্দুনা থমখি।

প্রধান মন্ত্রীনা হায়খি, "জাতি ওইবগী অনৌবা ৱাখল্লোনশিংগা মান্নদবা মওংদা, ভারতনা তোঙানবা কলচরেল আইদেন্তিতী, মশাগী ৱাখল্লোন অমসুং মশাগী থম্মোয় অমা লৈরি।" ভারতকী পুৱারী অসি নিংথৌরেলগী মাইপাকপা অমসুং মাইথিবা কয়াগী রেকোর্দ খক্তা নত্তে হায়না মহাক্না ফোংদোকখি। মহাক্না হায়খি মদুদি মতমগী মতুং ইন্না নিংথৌ পানবা লৈবাকশিং অমসুং লমদমশিংগী জিওগ্রাফী অসি হোংলক্লবসু, ভারতনা হিমালয়দগী ইন্দিয়ন ওসিন ফাওবদা অমত্তা ওইদুনা লৈরি। মহাক্না হায়খি মদুদি ভারত অসি আইদিয়া, ৱাখল্লোন অমসুং মগুনশিংনা শেমগৎলবা চেল্লিবা তুরেল অমনি। শ্রী মোদীনা হায়খি, "ভারতকী অরিবা লাইরিকশিংনা সিভিলাইজেস্নেল জর্নী অসিগী লেপ্পা লৈতনা চংশিল্লিবা অদু উৎলি।" মেন্যুস্ক্রিপ্তশিং অসি য়ুনিতী ইন দাইভর্সিতীগী ৱারোলসু ওইরি। মহাক্না হায়খি মদুদি লৈবাক অসিদা লোন 80 রোমদা মেন্যুস্ক্রিপ্স লৈরি। মহাক্না সংস্কৃত, প্রাকৃত, অসামিজ, বেঙ্গালী, কন্নর, কাশ্মিরী, কোঙ্কনি, মৈথিলি, মালায়ালম অমসুং মরাথি অসি ভারতকী লৌশিংগী অচৌবা সমুদ্র অসি ঙাক-শেন্দুনা থম্বা লোন কয়াগী মনুংদা য়াওরি। গিলগিত মেন্যুস্ক্রিপ্তশিংনা কাশ্মীরগী অশেংবা পুৱারীগী ওইবা ৱাখল্লোন পীরি হায়না পল্লদুনা প্রধান মন্ত্রীনা হায়খি মদুদি কৌতিলয়াগী আর্থ্রাস্ত্রগী মেন্যুস্ক্রিপ্ত অসিনা পোলিতিকেল সাইন্স অমসুং ইকোনোমিক্সকী মতাংদা ভারতকী লৌশিং অদু উৎলি। মহাক্না হায়খি মদুদি আচার্য় ভাদ্রবাহুগী কল্পসূত্র মেন্যুস্ক্রিপ্ত অসিনা জেনিজমগী অরিবা লৌশিংবু ঙাক-শেন্দুনা থম্মি অমসুং সরনাথকী মেন্যুস্ক্রিপ্তশিংদা ভগবান বুদ্ধগী পাউতাকশিং য়াওরি। রসামানজরী অমসুং গীতগোবিন্দগুম্বা মেন্যুস্ক্রিপ্তশিংনা তোঙান তোঙানবা মখলগী কত্থোকপা, ফজবা অমসুং সহিত্যগী মশকশিং ঙাক্তুনা থম্মি হায়না মহাক্না মখা তানা ফোংদোকখি।

শ্রী মোদীনা হায়খি, "ভারতকী মেন্যুস্ক্রিপ্তশিংদা মীওইবা খুন্নাইগী চাউখৎপগী খোঙচৎ পুম্নমক্কী ফুতপ্রিন্ত য়াওই।" মখোয়দা মেদিসিন অমসুং মেতাফিজিক্স য়াওরি অমসুং কলা, এস্ত্রোনোমী অমসুং আর্কিতেকচরগী লৌশিংসু ঙাক্লি হায়না মহাক্না ফোংদোকখি। প্রধান মন্ত্রীনা হায়খি মদুদি মশিং থীঙমদ্রবা খুদম কয়া পনবা য়াই। মহাক্না হায়খি মদুদি মেথমেতিক্সতগী হৌরগা বাইনারিদা য়ুম্ফম ওইবা কম্প্যুতর সাইন্স ফাওবদা, মোদর্ন সাইন্সকী য়ুম্ফম অসি জিরোগী ৱাখল্লোনদা য়ুম্ফম ওইরি। জিরো পুথোকখিবা অসি ভারত্তনি হায়না ফোংদোক্লদুনা শ্রী মোদীনা হায়খি মদুদি বখশালি মেন্যুস্ক্রিপ্ত অসিদা জিরো অমসুং মেথমেতিকেল ফোর্মুলাগী অরিবা মতমগী শীজিন্নবগী খুদমশিং য়াওরি। মহাক্না হায়খি মদুদি য়াশোমিত্রাগী বোয়র মেন্যুস্ক্রিপ্তনা চহি চা কয়াগী মেদিকেল সাইন্সকী মতাংদা কান্নরবা ৱাখল্লোন পীরি। প্রধান মন্ত্রীনা অকনবা ৱাফম থমখি মদুদি চেরাকা সামহিতা অমসুং সুশ্রুতা সামহিতাগুম্বা তেক্সতশিংগী মেন্যুস্ক্রিপ্তশিংনা ঙসি ফাওবদা আয়ুর্বেদকী লৌশিং অসি ঙাক-শেন্দুনা থম্লি। মহাক্না মখা তাখি মদুদি সুলভা সূত্রনা অরিবা মতমগী জিওমেত্রীকেলগী লৌশিং পীরি, অদুগা কৃশি পরশরাহনা ত্রেদিস্নেল এগ্রিকলচরেলগী লৌশিংগী মতাংদা ইনফোর্মেসন পীরি। মহাক্না মখা তানা হায়খি মদুদি নাত্য শাস্ত্রকুম্বা লাইরিকশিংগী মেন্যুস্ক্রিপ্তশিংনা মীওইবগী ইমোস্নেল দিবেলপমেন্তকী খোঙচৎ অদু খঙবদা মতেং পাংই।

লৈবাক খুদিংমক্না মখোয়গী পুৱারী ওইরবা পোৎলমশিং অসি মালেমদা সিভিলাইজেস্নেল গ্রেতনেসকী খুদমশিং ওইনা উৎলি হায়না পল্লদুনা প্রধান মন্ত্রীনা হায়খি মদুদি লৈবাক খুদিংমক্না মেন্যুস্ক্রিপ্ত অমখক নৎত্রগা আর্তিফেক্ত অমখক্তমকপু নেস্নেল ত্রেজর অমা ওইনা ঙাক-শেন্দুনা থম্মি। মহাক্না ভারতনা নেস্নেল প্রাইদকী ৱাফম অমা ওইরিবা মেন্যুস্ক্রিপ্সকী য়াম্না চাউবা লন অমা লৈ হায়না অকনবা ৱাফম থমখি।

প্রধান মন্ত্রীনা কুয়েততা চৎখিবগী মহাক্কী মশাগী ওইবা এক্সপরিয়েন্স অমা শন্দোক্না হায়খি। মফম অদুদা মহাক্না ভারতকী অরিবা সমুদ্রগী ললোন-ইতিক্কী লম্বীগী মতাংদা শন্দোক্না তাক্লিবা পুৱারী ওইরবা দোক্যুমেন্তশিংগী কলেক্সন য়াম্না লৈবা নুপা অমগা উনখি। চহি চা কয়াগী মমাংদা ভারতনা মতৌ করম্না সমুদ্রদা য়ুম্ফম ওইবা ললোন-ইতিক তৌরম্মি হায়বদু উৎলিবা পোৎলমশিং অদু উৎলদুনা মহাক্কা য়াম্না চাউথোকচবা ফোংদোকখি। প্রধান মন্ত্রীনা হায়খি মদুদি অসিগুম্বা কলেক্সনশিং অসিনা ভারতকী মালেমগী ওইবা থৌদাং অমসুং ঙমখৈ লান্না ইকায় খুম্নবা অদু উৎলি। মহাক্না চাইথোক্তুনা লৈরিবা পোৎলমশিং অসি ঙাক-শেন্দুনা থম্নবা অমসুং হেন্না পাক-চাউবা জাতিগী ওইবা খোঙথাং অসিদা পুনশিনবগী তঙাইফদবা অদুদা অকনবা ৱাফম থমখি। মহাক্না হায়খি মদুদি হায়রিবা রেকোর্দশিং অসি - মখোয় অসি মফম অমা হেক্তদা ফংলবসু - দোক্যুমেন্ত তৌগদবনি, দিজিতেলাইজ তৌগদবনি, অমসুং ভারতকী সিভিলাইজেস্নেল হেরিতেজকী শরুক অমা ওইনা থৌগৎকদবনি।

“ভারতনা মালেমগী থাজবা ফংলে। ঙসিদি, লৈবাকশিংনা ভারতপু কলচরেল হেরিতেজ ঙাকশেনবা অমসুং ইকাই খুম্নবা মফম অমা ওইনা উরি," হায়না শ্রী মোদীনা ফোংদোকখি। মহাক্না হায়খি মদুদি মমাংদা, হুরানখিবা ভারতকী মুর্তী খরা খক্তমক হল্লকখি। অদুবু হৌজিক্তি, অরিবা মতমগী মুর্তী চাম্মরোমদি ময়ুমদা হল্লক্লি। মহাক্না অকনবা ৱাফম থমখি মদুদি হায়রিবা হল্লকপগী থৌওংশিং অসি সেন্তিমেন্ত নৎত্রগা সিম্পেথিদগী লাকপা নত্তে, অদুবু ভারতনা মখোয়গী কলচরেল ভেল্যু অসি মগুন লৈনা ঙাক-শেনগনি অমসুং হেনগৎহল্লগনি হায়বা থাজবদগী লাকপনি। মালেমগী মীৎয়েংদা ভারত অসি হেরিতেজকী থাজবা য়াবা কাস্তদিয়র অমা ওইরে হায়না প্রধান মন্ত্রীনা অমুক হন্না ফোংদোকখি। মহাক্না মোঙ্গোলিয়াদা চৎলুবগী মহাক্কী মশাগী ওইবা এক্সপরিয়েন্স অমা শন্দোক্না তাকখি, মফম অদুদা মহাক্না বুদ্ধিস্ত লম্বোইবশিংগা ৱারী শানখি অমসুং মখোয়গী মেন্যুস্ক্রিপ্ত কলেক্সন য়েংখি। মহাক্না হায়খি মদুদি মহাক্না মেন্যুস্ক্রিপ্তশিং অদুদা থবক তৌবগী অয়াবা লৌখি, মদু ভারত্তা পুরকখি, দিজিতেলাইজ তৌখি, অমসুং ইকায় খুম্নবা উৎতুনা পীথোকখি। মহাক্না হায়খি মদুদি হায়রিবা মেন্যুস্ক্রিপ্তশিং অসি হৌজিক্তি মোঙ্গোলিয়াগী মমল য়াম্লবা হেরিতেজ অমা ওইরে।

ভারতনা হৌজিক মাগী হেরিতেজ অসি মালেমদা চাউথোকচবা পোকহন্নবা শেম-শারি হায়না ফোংদোক্লদুনা শ্রী মোদীনা হায়খি মদুদি জ্ঞান ভারতম মিসন অসি মসিগী অচৌবা খোঙথাং অসিগী মরুওইবা শরুক অমনি। লৈবাক শীনবা থুংনা লৈরিবা ইন্সতিত্যুসন কয়ানা মীয়ামগী শরুক য়াবগী ৱাখল্লোনগা লোয়ননা সরকারগা লোয়ননা থবক তৌমিন্নরি হায়না প্রধান মন্ত্রীনা ফোংদোকখি। মহাক্না কাশী নগরী প্রচারিনী সভা, কপলকাতাগী এসিয়াতিক সোসাইতী, উদয়পুরগী ‘ধারোহর’, গুজরাতকী কোবাদা লৈবা আচার্য় শ্রী কৈলাশসুরি জ্ঞানমন্দির, হরিদ্বারদা লৈবা পতঞ্জলি, পুনেদা লৈবা ভাণ্ডারকর ওরিয়েন্তেল রিসর্চ ইন্সতিত্যুৎ অমসুং থানজাভুরদা লৈবা সরস্বতী মহল লাইব্রেরীগী মিং পনখি। অসিগুম্বা ইন্সতিত্যুসন চাম্মগী মতেংগা লোয়ননা হৌজিক ফাওবদা মেন্যুস্ক্রিপ্ত লাখ 10 হেন্না দিজিতেলাইজ তৌখ্রে হায়না মহাক্না হায়খি। শ্রী মোদীনা নাগরিক কয়ানা মখোয়গী ইমুংগী হেরিতেজ অসি লৈবাক অসিগীদমক্তা ফংহন্নবা হোৎনরি হায়না খঙখি। মহাক্না ইন্সতিত্যুসনশিং অমসুং অসিগুম্বা নাগরিক খুদিংদা থাগৎপা ফোংদোকখি।

প্রধান মন্ত্রীনা হায়খি মদুদি ভারতনা মহাক্কী লৌশিং অসি শেলগী শক্তিগী মতুং ইন্না কৈদৌঙৈদসু চাংদম্নখিদে। ভারতকী অরিবা মতমগী লৌশিং লৈবা মীওইশিংনা লৌশিং অসি খ্বাইদগী চাউবা খুদোংচাবা অমনি হায়না পল্লদুনা মহাক্না হায়খি মদুদি অরিবা মতমদা ভারতকী মীয়াম্না পুকচেল চাউবগা লোয়ননা মেন্যুস্ক্রিপ্তশিং দান তৌনরম্মি। শ্রী মোদীনা হায়খি মদুদি চাইনিজ ত্রেভেলর হিয়ুএন সাংনা ভারত্তা লাকপা মতমদা মহাক্না মেন্যুস্ক্রিপ্ত 600 হেন্না পুদুনা চৎখি। মহাক্না মখা তাখি মদুদি ভারতকী মেন্যুস্ক্রিপ্ত কয়া অমা চাইনাগী খুত্থাংদা জপানদা য়ৌখি। 7শুবা চহি চাদা, মেন্যুস্ক্রিপ্তচরশিং অসি নেস্নেল কেপিতেল ওইনা জপানগী হোরিয়ু-জি মোনাস্তরীদা ঙাক-শেনখি হায়না পল্লদুনা প্রধান মন্ত্রীনা হায়খি মদুদি ঙসিসু মালেমগী লৈবাক কয়াদা ভারতকী অরিবা মেন্যুস্ক্রিপ্তচরশিং অসি লৈরি। জ্ঞান ভারতম মিসনগী মখাদা, ভারতনা মীওইবা খুন্নাইগী শিয়র তৌরবা হেরিতেজ অসিবু পুনশিন্নবা হোৎনগনি হায়না মহাক্না মখা তানা ফোংদোকখি।

G-20গী কলচরেল দাইলোগকী মনুংদা ভারতনা মসিগী খোঙথাং অসি হৌদোকখিবগী ৱাফম পল্লদুনা প্রধান মন্ত্রীনা হায়খি মদুদি ভারতকা চহি চা কয়াগী কলচরেল লিঙ্ক লৈবা লৈবাকশিংনা মসিগী কেম্পেন অসিদা এক্তিব ওইনা শরুক য়ারি। মহাক্না হায়খি মদুদি মোঙ্গোলিয়ন কাঞ্জুরগী অমুক হন্না ফোঙবা ভোল্যুমশিং অদু মোঙ্গোলিয়াগী এম্বেসেদরদা খুদোল ওইনা পীখি। মহাক্না মখা তাখি মদুদি 2022দা ভোল্যুম 108 অসি মোঙ্গোলিয়া অমসুং রসিয়াগী মোনাস্তরীশিংদা য়েন্থোকখি।  শ্রী মোদীনা হায়খি মদুদি ভারতনা থাইলেন্দ অমসুং ভিয়েতনামগী য়ুনিভর্সিতীশিংগা লোয়ননা MoUশিং খুৎয়েক পীনখ্রে। মহাক্না হায়খি মদুদি লৈবাকশিং অসিগী স্কোলরশিংবু অরিবা মেন্যুস্ক্রিপ্তশিং দিজিতেলাইজ তৌনবা ত্রেনিং পীরি। হোৎনরিবশিং অসিগী মহৈ ওইনা, পালী, লান্না অমসুং চাম লোনশিংদা মেন্যুস্ক্রিপ্ত কয়া দিজিতেলাইজ তৌখ্রে হায়না পল্লদুনা শ্রী মোদীনা হায়খি মদুদি জ্ঞান ভারতম মিসনগী খুত্থাংদা, ভারতনা মসিগী খোঙথাংশিং অসি মখা তানা পাকথোক চাউথোকহল্লগনি।

জ্ঞান ভারতম মিসন অসিনা অচৌবা শিংনবশিং কোকহনগনি হায়না পল্লদুনা প্রধান মন্ত্রীনা হায়খি মদুদি চহি চা কয়াদগী শীজিন্নরক্লবা ভারতকী ত্রেদিস্নেল নোলেজ সিস্তেমশিংগী মচাক কয়া অমা কোপী তৌদুনা অতোপ্পা মীওইশিংনা পেতেন্ত তৌরি। অসিগুম্বা মখলগী পাইরেসী থিংবগী তঙাইফদবা অদু মহাক্না ফোংদোকখি। দিজিতেল মেন্যুস্ক্রিপ্তশিংনা অসিগুম্বা লান্না শীজিন্নবশিং অসি থেংননবা হোৎনরিবা অসি খুমাং চাউশিলহল্লগনি অমসুং ইন্তেলেকচুএল পাইরেসী লাকশিনবদা মতেং ওইরগনি হায়না মহাক্না মখা তাখি। শ্রী মোদীনা হায়খি মদুদি মালেম অসিনা হীরম কয়াদা অশেংবা অমসুং ওরিজিনেল সোর্সশিং ফংলগনি।

জ্ঞান ভারতম মিসনগী অতোপ্পা মরুওইবা মায়কৈ অমসুং রিসর্চ অমসুং ইন্নোবেসনগী অনৌবা লমশিং হাংদোকপদা মসিগী থৌদাং অদু পল্লদুনা শ্রী মোদীনা হায়খি মদুদি মালেমগী কলচরেল অমসুং ক্রিয়েতিব ইন্দস্ত্রী অসি চাউরাক্না দোল্লর ত্রিলিয়ন 2.5 ওইরি। মহাক্না অকনবা ৱাফম থমখি মদুদি দিজিতেলাইজ তৌরবা মেন্যুস্ক্রিপ্তশিং অসিনা ইন্দস্ত্রী অসিগী ভেল্যু চেনশিংদা মতেং পাংগনি। প্রধান মন্ত্রীনা হায়খি মদুদি হায়রিবা মেন্যুস্ক্রিপ্তচর করোর কয়া অসি অমসুং মখোয়দা য়াওরিবা অরিবা মতমগী লৌশিং অসি অচৌবা দেতা বেঙ্ক অমা ওইনা মথৌ তৌগনি। মসিনা দেতা-দ্রিভেন ইন্নোবেসনদা অনৌবা থৌনা অমা পীরগনি হায়না মহাক্না ফোংদোকখি। তেক্নোলোজীগী লমদা নহারোলশিংগীদমক অনৌবা খুদোংচাবা কয়া ফংলগনি হায়না পল্লদুনা শ্রী মোদীনা হায়খি মদুদি মেন্যুস্ক্রিপ্ত দিজিতেলাইজেসনগী খোঙজেল য়াংশিল্লকপগা লোয়ননা একাদমিক রিসর্চকীদমক অনৌবা খুদোংচাবশিংসু ফংলগনি।

দিজিতেলাইজ তৌরবা মেন্যুস্ক্রিপ্তচরশিং অসি ইফেক্তিব ওইনা নৈননবগীদমক, আর্তিফিসিএল ইন্তেলিজেন্সকুম্বা এদভান্স তেক্নোলোজীশিং শীজিন্নবা হেনগৎহনগদবনি হায়না পল্লদুনা প্রধান মন্ত্রীনা হায়খি মদুদি AIগী মতেংদগী অরিবা মেন্যুস্ক্রিপ্তচরশিং অসি হেন্না কুপ্না খঙবা ঙমগনি অমসুং হেন্না মপুং ফানা নৈনবা ঙমগনি। মহাক্না হায়খি মদুদি AIনা মেন্যুস্ক্রিপ্তচরশিং অসিদা য়াওরিবা লৌশিং অদু অশেংবা অমসুং কান্নবা মওংদা মালেমদা পুথোকপদা মতেং পাংগনি।

লৈবাক অসিগী নহারোল পুম্নমকপু জ্ঞান ভারতম মিসনদা মাংলোমদা চংশিন্নবা আপিল তৌদুনা, শ্রী মোদীনা তেক্নোলোজীগী খুত্থাংদা মমাংঙৈগী মতমগী মতাংদা থিজিন হুমজিনবগী মরুওইবা অদু পনখি। মহাক্না হায়খি মদুদি মীওইবা খুন্নাইনা ইভিদেন্সতা য়ুম্ফম ওইবা পেরামিতরশিংদা মসিগী লৌশিং অসি য়ৌহনবদা হোৎনগদবনি। প্রধান মন্ত্রীনা লৈবাক শিনবা থুংনা লৈরিবা য়ুনিভর্সিতীশিং অমসুং ইন্সতিত্যুৎশিংদা মসিগী মাইকৈ অসিদা অনৌবা খোঙথাংশিং লৌখৎনবা তকশিনখি। লৈবাক শিনবা থুংনা স্বদেশীগী স্পিরিত অমসুং আত্মনির্ভর ভারতকী ৱারেপকা লোয়ননা মাংলোমদা চংশিল্লি হায়না পল্লদুনা শ্রী মোদীনা মিসন অসি লৈবাক অসিগী স্পিরিত অসিগী এক্সতেন্সন অমনি হায়না ফোংদোকখি। মহাক্না হায়খি মদুদি ভারতনা মসিগী হেরিতেজ অসি মসিগী শক্তিগী খুদম অমা ওইহনগদবনি। জ্ঞান ভারতম মিসন অসিনা তুংলমচৎকীদমক অনৌবা চেপ্তর অমগী হৌরকফম ওইগনি হায়না থাজবা থম্লদুনা প্রধান মন্ত্রীনা ৱারোল পীবা লোইশিনখি।

থৌরম অদুদা কেন্দ্রগী মন্ত্রীশিং শ্রী গজেন্দ্র সিংহ শেখাৱত, শ্রী রাও ইন্দ্রজিৎ সিংহ অমসুং অতৈ মকোক থোংবা মীওইশিংসু শরুক য়াখি।

বেকগ্রাউন্দ

ইন্তর্নেস্নেল কনফরেন্স ওন জ্ঞান ভারতম অসি সেপ্তেম্বর 11দগী 13 ফাওবা "মেন্যুস্ক্রিপ্ত হেরিতেজকী খুত্থাংদা ভারতকী নোলেজ লেগেসী রিক্লেম তৌবা" হায়বা থিমগী মখাদা পাংথোক্লি। কনফরেন্স অসিনা শক্নাইরবা স্কোলরশিং, কঞ্জার্বেসনিস্তশিং, তেক্নোলোজিস্তশিং অমসুং পোলিসী এক্সপর্তশিংবু পুনশিনগনি। মখোয়না ভারতকী লম্বা লৈত্রবা মেন্যুস্ক্রিপ্তকী লন অসিবু নৌহৌননা পুথোক্নবা অমসুং গ্লোবেল নোলেজ দাইলোগকী ময়াইদা থম্নবগী মতাংদা খন্ন-নৈনগনি। মেন্যুস্ক্রিপ্ত কঞ্জার্বেসন, দিজিতাইজেসন তেক্নোলোজীশিং, মেতা-দেতা স্তেন্দর্দশিং, লিগেল ফ্রেমৱার্কশিং, কলচরেল দিপ্লোমেসী, অমসুং অরিবা স্ক্রিপশিং অসি খঙদোকপা অসিনচিংবা মরুওইবা হিরমশিংদা অতাংবা মেন্যুস্ক্রিপ্তশিং অমসুং স্কোলরগী ওইবা প্রেজেন্তেসনশিং উৎলিবা একজিবিসন অমসু য়াওগনি।

Addressing the International Conference on #GyanBharatam in Delhi. The initiative focuses on preserving, digitising and popularising India's manuscript heritage. https://t.co/NOoPBkEZRg

— Narendra Modi (@narendramodi) September 12, 2025

#GyanBharatam Mission is set to become the voice of India's culture, literature and consciousness. pic.twitter.com/zanqx4stxs

— PMO India (@PMOIndia) September 12, 2025

Today, India has the world's largest collection of about one crore manuscripts. pic.twitter.com/vnSXJAa2Kc

— PMO India (@PMOIndia) September 12, 2025

Throughout history, crores of manuscripts were destroyed, but the ones that remain show how devoted our ancestors were to knowledge, science and learning. pic.twitter.com/pQQ0JnlRv5

— PMO India (@PMOIndia) September 12, 2025

India's knowledge tradition is built on four pillars... pic.twitter.com/10gpfDBOrA

— PMO India (@PMOIndia) September 12, 2025

India's history is not just about the rise and fall of dynasties. pic.twitter.com/792omip0Tq

— PMO India (@PMOIndia) September 12, 2025

India is itself a living stream, shaped by its ideas, ideals and values. pic.twitter.com/WKUev33svO

— PMO India (@PMOIndia) September 12, 2025

India's manuscripts contain footprints of the development journey of the entire humanity. pic.twitter.com/zAat3MzdQn

— PMO India (@PMOIndia) September 12, 2025

***