ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ସୁରକ୍ଷା କ୍ୟାବିନେଟ ବୈଠକ, ନେପାଳ ସମ୍ପର୍କ ଚର୍ଚ୍ଚାରେ
Posted On:
09 SEP 2025 10:28PM by PIB Bhubaneshwar
ହିମାଚଳ ପ୍ରଦେଶ ଓ ପଞ୍ଜାବର ସରକାରୀ ଗସ୍ତରୁ ଫେରି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ, ଆଜି ସୁରକ୍ଷା ସମ୍ପର୍କିତ କ୍ୟାବିନେଟ କମିଟି ବୈଠକରେ ଅଧ୍ୟକ୍ଷତା କରିଥିଲେ । ବୈଠକରେ ନେପାଳ ପରିସ୍ଥିତି ଉପରେ ଆଲୋଚନା ହୋଇଥିଲା । ନେପାଳରେ ହୋଇଥିବା ହିଂସାରେ ଅନେକ ଯୁବକଙ୍କ ଜୀବନ ଯାଇଥିବାରୁ ପ୍ରଧାନମନ୍ତ୍ରୀ ଗଭୀର ଦୁଃଖ ପ୍ରକାଶ କରିଥିଲେ । ନେପାଳର ସମସ୍ତ ନାଗରିକଙ୍କୁ ସେ ଶାନ୍ତି ଓ ଏକତା ବଜାୟ ରଖିବାକୁ ନିବେଦନ କରିଥିଲେ ।
ଏକ୍ସର ଏକ ଭିନ୍ନ ପୋଷ୍ଟରେ ଶ୍ରୀ ମୋଦୀ କହିଛନ୍ତି;
“ଆଜି ହିମାଚଳ ପ୍ରଦେଶ ଓ ପଞ୍ଜାବରୁ ଫେରି ସୁରକ୍ଷା ସମ୍ପର୍କିତ କ୍ୟାବିନେଟ କମିଟି ବୈଠକରେ, ନେପାଳ ପରିସ୍ଥିତି ଉପରେ ବିସ୍ତୃତ ଭାବେ ଆଲୋଚନା କଲି । ନେପାଳରେ ହୋଇଥିବା ହିଂସା ହୃଦୟବିଦାରକ । ଅନେକ ଯୁବକ ପ୍ରାଣ ହରାଇବା ଗଭୀର ଦୁଃଖର ବିଷୟ । ଆମ ପାଇଁ ନେପାଳର ସ୍ଥିରତା, ଶାନ୍ତି ଏବଂ ସମୃଦ୍ଧି ସର୍ବାଦୌ ଗୁରୁତ୍ୱପୂର୍ଣ୍ଣ । ଆନ୍ତରିକତାର ସହ ମୁଁ ଅନୁରୋଧ କରୁଛି ନେପାଳର ମୋ ଭାଇ ଓ ଭଉଣୀ ମାନେ ଶାନ୍ତି ରକ୍ଷା କରନ୍ତୁ ।”
SR
(Release ID: 2165152)
Visitor Counter : 6
Read this release in:
English
,
Urdu
,
Marathi
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam