नवी दिल्‍ली, 4 सप्‍टेंबर 2025

शिक्षक दिनाच्या पूर्वसंध्येला, राष्ट्रपती द्रौपदी मुर्मू यांनी देशभरातील सर्व शिक्षकांना शुभेच्छा दिल्या आहेत.

या संदेशात राष्ट्रपती म्हणाल्या, “शिक्षक दिनानिमित्त मी आपल्या देशातील सर्व शिक्षकांना शुभेच्छा देते. या दिवशी संपूर्ण देशासाठी प्रेरणेचा महान स्त्रोत असलेले थोर शिक्षणतज्ञ, तत्वज्ञ आणि माजी राष्ट्रपती डॉ.सर्वपल्ली राधाकृष्णन यांची जयंती असते. या निमित्ताने मी त्यांना विनम्र आदरांजली वाहते.

शिक्षक हे आपल्या समाजासाठी पथदर्शक प्रकाश आणि आपल्या देशाचे भविष्य घडवणारे शिल्पकार आहेत. त्यांच्याजवळ असलेले शहाणपण, ज्ञान आणि मूल्यांच्या माध्यमातून ते विद्यार्थ्यांच्या पिढ्या घडवतात तसेच त्यांना उत्कृष्टता आणि नवनिर्मितीचा ध्यास घेण्यासाठी प्रेरित करतात. विकसित राष्ट्र होण्याचे ध्येय गाठण्यासाठी भारताची वाटचाल सुरु असताना, जबाबदार, ज्ञानी आणि कुशल नागरिक तयार करण्यात शिक्षकांची भूमिका अधिकच महत्त्वाची ठरते. राष्ट्रीय शिक्षण धोरण 2020 मधून शिक्षकांना अधिक सक्षम करण्याप्रती तसेच आपली शिक्षण व्यवस्था अधिक बळकट करण्याप्रती आपली कटिबद्धता दिसून येते.  

शिक्षकांचा सन्मान करणारे आणि विद्यार्थ्यांमध्ये सर्जनशीलता, करुणा तसेच नवनिर्मितीची जोपासना करणारे अनुकूल वातावरण निर्माण करण्यासाठी आपण सर्वांनी प्रयत्न करायला हवे.

मी पुन्हा एकदा संपूर्ण शिक्षक समुदायाला शुभेच्छा देते आणि भारताला नव्या  उंचीवर घेऊन जातील अशा विद्यार्थ्यांच्या ज्ञानी समुदायाची उभारणी करण्याच्या त्यांच्या प्रयत्नांमध्ये त्यांना यश लाभो अशी सदिच्छा व्यक्त करते.”

राष्ट्रपतींचा संपूर्ण संदेश पाहण्यासाठी कृपया येथे क्लिक करा

* * *

निलिमा चितळे/संजना चिटणीस/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai