প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা য়ুরোপিয়ান কাউন্সিলগী প্রসিদেন্ত এন্তোনিও কোষ্টা অমসুং য়ুরোপিয়ান কম্মিসনগী প্রসিদেন্ত উর্সুলা ভোন দের লেয়েনগা পুন্না তেলিফোন্দা ৱারি শানখ্রে
ললোন-ইতিক, তেক্নোলোজি, শেন থাদবা, ইন্নোবেসন, ষ্টেনেবিলিতি, ঙাক-শেন, সেকুরিতি অমসুং সপ্লাই চেন রিসিলিয়েন্সগুম্বা মরুওইবা হিরমশিংদা নাকল অনিগী মরীশিং ফগৎলকপদা লুচিংবশিংনা তরাম্না ওকখ্রে
ইন্দিয়া-ই.য়ু এফ.তি.এ অথুবা মতমদা য়ানবা পুরক্নবা লুচিংবশিংনা অমুক হন্না ফোঙদোকখ্রে
য়ুক্রেন্দা মুক্নরিবশিং ৱারোইশিন পুরক্নবা পায়খৎলিবা থবকশিং লুচিংবশিং খন্নখ্রে
মথংগী ইন্দিয়া-ই.য়ু সম্মিৎ শরুক য়ানবা ভারত্ত লাক্নবা লুচিংবা অনিদা প্রধান মন্ত্রীনা চেপাউ পীখ্রে
Posted On:
04 SEP 2025 6:29PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ুরোপিয়ান কাউন্সিলগী প্রসিদেন্ত এন্তোনিও কোষ্টা অমসুং য়ুরোপিয়ান কম্মিসনগী প্রসিদেন্ত উর্সুলা ভোন দের লেয়েনগা পুন্না তেলিফোন্দা ৱারি শানখ্রে।
মালেমদা খ্বাইদগী চাউবা গনতন্ত্র চৎপা লৈবাকশিং ওইনা, থাজবা, মান্নবা গুনশিং অমসুং তুংলমচৎকী মান্নবা পান্দমশিংদা য়ুম্ফম ওইদুনা ভারত অমসুং ই.য়ু অচেৎপা অমসুং মপাঙ্গল কনবা মরী অমা লৈনরি। অপুনবা ওইনা মালেমগী ৱাথোকশিং কোকহনবা, তংদু-লৈতাবা হেনগৎহনবা অমসুং নাকল অনিমক নুংঙাই য়াইফনবা নিয়মশিংদা য়ুম্ফম ওইবা লৈঙাক ফগৎহন্নবা হোৎনবদা ইন্দিয়া-ই.য়ু ষ্ট্রাতেজিক পার্তনরসিপনা লৌরিবা থৌদাং লুচিংবশিংনা খন্নখি।
ললোন-ইতিক, তেক্নোলোজি, শেন থাদবা, ইন্নোবেসন, ষ্টেনেবিলিতি, ঙাক-শেন, সেকুরিতি অমসুং সপ্লাই চেন রিসিলিয়েন্সগুম্বা মরুওইবা হিরমশিংদা নাকল অনিগী মরীশিং ফগৎলকপদা লুচিংবশিংনা তরাম্না ওকখ্রে অমসুং ইন্দিয়া-ই.য়ু এফ.তি.এ অথুবা মতমদা য়ানবা পুরক্নবা অমসুং আই.এম.ই.ই.সি কোরিদোর থবক ওইনা পায়খৎনবা লুচিংবশিংনা অমুক হন্না ফোঙদোকখ্রে।
ফেব্রুৱারিদা ভারত্ত লাকখিবা ই.য়ু কোলেজ ওফ কম্মিসন্নরশিংগী পুৱারি ওইরবা খোঙচত্ত য়ুম্ফম ওইদুনা, নাকল অনিমক্না খুদোংচাগদবা নুমিৎ অমদা ভারত্ত মথংগী ইন্দিয়া-ই.য়ু সম্মিৎ পাংথোক্নবা লুচিংবশিংনা খন্নখ্রে।
য়ুক্রেন্দা মুক্নরিবশিং ৱারোইশিন পুরক্নবা পায়খৎলিবা থবকশিং য়াওনা নাকল অনিমক্না দরকার ওইবা মালেমগী থৌদোক-ৱাথোকশিংগী মতাংদসু লুচিংশিংনা খন্নখ্রে। উংখৎনবা শান্তি ওইনবা ৱারোইশিন পুরক্নবা অমসুং অথুবা মতমদা শান্তি অমসুং তংদু-লৈতাবা পুরক্নবা ভারতনা শৌগৎপা ভারতনা অমুক হন্না ফোঙদোকখ্রে।
মখা তানা পাউ ফাওনবা হায়না লুচিংশিংনা য়ানখ্রে।
***
(Release ID: 2163863)
Visitor Counter : 2
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam