महिला आणि बालविकास मंत्रालय (MWCD), शिक्षण मंत्रालयाच्या शालेय शिक्षण आणि साक्षरता विभागाच्या (DoSE&L) सहकार्याने उद्या (बुधवार, 3 सप्टेंबर, 2025) नवी दिल्लीतील विज्ञान भवन येथे शाळांसह अंगणवाडी केंद्रांच्या सह-स्थानाबाबत मार्गदर्शक तत्त्वे जारी करणार आहे.

या कार्यक्रमाला केंद्रीय महिला आणि बालविकास मंत्री अन्नपूर्णा देवी आणि केंद्रीय शिक्षण मंत्री धर्मेंद्र प्रधान यांच्यासह MWCD, DoSE&L चे वरिष्ठ अधिकारी, राज्ये/केंद्रशासित प्रदेशातील दोन्ही विभागांचे प्रतिनिधी, अंगणवाडी सेविका आणि इतर उपस्थित राहणार आहेत.

विकसित भारताच्या मानवी भांडवलासाठी मजबूत पाया उभारण्याच्या पंतप्रधानांच्या दृष्टिकोनाची अंमलबजावणी करण्याच्या दिशेने हा उपक्रम एक महत्त्वपूर्ण पाऊल ठरेल. ही मार्गदर्शक तत्त्वे अंगणवाड्या आणि शाळांसह एकात्मिक प्रारूपाद्वारे बालपणातील निगा आणि शिक्षण (ECCE) यांच्या महत्त्वावर भर देतात. 2.9 लाखांहून अधिक अंगणवाडी केंद्रे आधीच शाळांसोबत सह-स्थित असल्याने ही मार्गदर्शक तत्त्वे अत्यंत आवश्यक असलेली कार्यात्मक स्पष्टता उपलब्ध करून देतील तसेच राज्ये आणि केंद्रशासित प्रदेशांना हे प्रारूप प्रभावीपणे वाढविण्यास सक्षम करतील.

***

माधुरी पांगे / नंदिनी मथुरे / परशुराम कोर

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai