اعداد و شمار کے قومی دفتر،  اعداد و شمار اور پروگرام کے نفاذ کی وزارت  نے  مذکورہ  پریس نوٹ میں مالی سال 26-2025 ء کی پہلی سہ ماہی (اپریل تا جون) کے لیے مجموعی گھریلو پیداوار ( جی ڈی پی ) کے سہ ماہی تخمینے جاری کئے ہیں ، جس میں اس کے اخراجات کے اجزاء بھی شامل ہیں، جو مستقل (12-2011ء ) اور موجودہ قیمتوں دونوں پر مبنی ہیں۔ مختلف اقتصادی شعبوں کے لیے بنیادی قیمتوں پر مجموعی اضافی قیمت ( جی وی اے  ) کے سہ ماہی تخمینے، سال بہ سال فیصدی تبدیلیوں کے ساتھ اور جی ڈی پی  کے اخراجاتی اجزاء مالی سال 24-2023 ء ، 25-2024 ء  اور 26-2025 ء  کی پہلی سہ ماہی کے لیے مستقل اور موجودہ قیمتیں ، ضمیمہ اے  کے بیانات 1 سے 4 میں دئیے گئے ہیں۔

اہم نکات:

• مالی سال 26-2025 ء  کی پہلی سہ ماہی میں حقیقی جی ڈی پی  کی ترقی کی شرح 7.8 فی صد  رہنے کا تخمینہ ہے، جو مالی سال 25-2024 ء  کی پہلی سہ ماہی میں 6.5 فی صد  کی شرح ترقی  سے زیادہ ہے۔
• نامیاتی (موجودہ قیمتوں پر  ) جی ڈی پی  نے مالی سال 26-2025 ء  کی پہلی سہ ماہی میں 8.8 فی صد  کی شرح نمو درج کی ہے۔
• زرعی اور متعلقہ شعبے  میں حقیقی جی وی اے  کی 3.7 فی صد  شرح نمو  درج کی گئی ، جو پچھلے مالی سال کی پہلی سہ ماہی میں 1.5 فیصد  کی شرح نمو کے مقابلے میں زیادہ ہے۔
• ثانوی شعبوں، خصوصاً مینوفیکچرنگ (7.7 فی صد ) اور تعمیرات (7.6 فی صد ) میں ، اس سہ ماہی میں مستقل قیمتوں پر 7.5 فی صد  سے زیادہ کی شرح نمو درج کی گئی ۔
• کانکنی و معدنیات نکالنا  ( منفی 3.1 فی صد ) اور بجلی، گیس، پانی کی فراہمی اور دیگر بنیادی سہولیات کی خدمات (0.5 فی صد ) میں مالی سال 26-2025 ء  کی پہلی سہ ماہی میں اوسط حقیقی نمو  درج کی گئی ۔
• تیسرے زمرے کی صنعتوں میں  مالی سال 26-2025 ء  کی پہلی سہ ماہی میں مستقل قیمتوں پر 9.3 فی صد  کی قابلِ ذکر شرح نمو درج کی گئی ، جو مالی سال 25-2024ء  کی پہلی سہ ماہی میں 6.8 فی صد کی شرح نمو سے زیادہ ہے۔
• حکومت کےحتمی مصرف سے متعلق  اخراجات ( جی ایف سی ای ) میں بہتری آئی اور مالی سال 26-2025 ء  کی پہلی سہ ماہی میں موجودہ قیمتوں کے اعتبار سے 9.7 فی صد  کی شرح نمو درج کی گئی، جو مالی سال 25-2024 ء  کی پہلی سہ ماہی میں 4.0 فی صد  کی شرح نمو سے زیادہ ہے۔
• نجی حتمی مصرفی اخراجات ( پی ایف سی ای ) میں مالی سال 26-2025 ء  کی پہلی سہ ماہی میں 7.0 فی صد  کی شرح نمو درج کی گئی ، جب کہ پچھلے مالی سال کی اسی مدت میں 8.3 فی صد  کی شرح نمو  درج کی گئی تھی ۔
• مجموعی مستقل سرمایہ کاری ( جی ایف سی ایف ) میں مالی سال 26-2025 ء  کی پہلی سہ ماہی میں مستقل قیمتوں پر 7.8 فی صد  کی شرح نمو درج کی گئی ، جو مالی سال 25-2024 ء  کی پہلی سہ ماہی میں 6.7 فی صد کی شرح نمو سے زیادہ ہے۔

I - سہ ماہی تخمینے اور شرح نمو

مالی سال 26-2025 ء  کی پہلی سہ ماہی میں حقیقی جی ڈی پی  یا مستقل قیمتوں پر جی ڈی پی  کا تخمینہ 47.89 لاکھ کروڑ روپے ہے، جو مالی سال 25-2024 ء کی پہلی سہ ماہی میں 44.42 لاکھ کروڑ روپے کے مقابلے میں 7.8 فی صد  کی شرح نمو ظاہر کرتا ہے۔ نامیاتی جی ڈی پی  یا موجودہ قیمتوں پر جی ڈی پی  کا تخمینہ مالی سال 26-2025 ء  کی پہلی سہ ماہی میں 86.05 لاکھ کروڑ روپے ہے، جو مالی سال 25-2024 ء  کی پہلی سہ ماہی میں 79.08 لاکھ کروڑ روپے کے مقابلے میں 8.8فی صد کی شرح نمو  ظاہر کرتا ہے۔

مالی سال 26-2025 ء  کی پہلی سہ ماہی میں حقیقی جی وی اے  کا تخمینہ 44.64 لاکھ کروڑ روپے ہے، جو مالی سال 25-2024 ء  کی پہلی سہ ماہی میں 41.47 لاکھ کروڑ روپے کے مقابلے میں 7.6 فی صد  کی شرح نمو ظاہر کرتا ہے۔ موجودہ  جی وی اے  کا تخمینہ مالی سال 26-2025 ء  کی پہلی سہ ماہی میں 78.25 لاکھ کروڑ روپے ہے، جو مالی سال 25-2024 ء  کی پہلی سہ ماہی میں 71.95 لاکھ کروڑ روپے کے مقابلے میں 8.8 فی صد  کی شرح نمو ظاہر کرتا ہے۔

 

شکل 1: مالی سال 23-2022 ء  کی پہلی سہ ماہی سے مالی سال 26-2025 ء  کی پہلی سہ ماہی تک سہ ماہی جی ڈی پی  اور جی وی اے کے تخمینے اور سال بہ سال مستقل قیمتوں پر شرح نمو

 

مالی سال 26-2025 ء  کی پہلی سہ ماہی میں نامیاتی ( موجودہ  ) جی وی اے  کا شعبہ وار ڈھانچہ

 

شکل 2: سہ ماہی جی وی اے  کا شعبہ وار ڈھانچہ اور شرح نمو

مالی سال 26-2025 ء  کی پہلی سہ ماہی میں برائے نام جی وی اے کی شعبہ جاتی بناوٹ

 

 

شکل 3: وسیع شعبوں میں سہ ماہی جی وی اے  کا ڈھانچہ اور شرح نمو

 

[بنیادی شعبہ: زراعت ، مویشی پروری ، جنگلات اور ماہی گیری اور کان کنی اور معدنیات نکالنا

ثانوی شعبہ: مینوفیکچرنگ ، بجلی ، گیس ، پانی کی فراہمی اور دیگر افادیت کی خدمات اور تعمیر

تیسرا  شعبہ: تجارت ، ہوٹل ، نقل و حمل ، مواصلات اور نشریات ، مالیاتی ، رئیل اسٹیٹ اور پیشہ ورانہ خدمات اور عوامی انتظامیہ ، دفاع اور دیگر شعبوں سے متعلق خدمات  ]

II -طریقہ ٔکار اور اعداد و شمار کے اہم وسائل :

جی ڈی پی کے سہ ماہی تخمینے بینچ مارک-اشارے کے طریقہ کار کا استعمال کرتے ہوئے مرتب کیے جاتے ہیں  ۔  پچھلے مالی سال (25-2024 ء  ) کی اسی سہ ماہی کے لئے دستیاب تخمینے متعلقہ اشارے کا استعمال کرتے ہوئے شعبوں کی کارکردگی کی عکاسی کرتے ہیں ۔ مختلف وزارتوں/محکموں/نجی ایجنسیوں سے حاصل کردہ اعداد و شمار ، ان تخمینوں کی تالیف میں اہم معلومات  کے طور پر کام کرتے ہیں ۔

سیکٹر کے لحاظ سے تخمینے اشارے کا استعمال کرتے ہوئے مرتب کیے گئے ہیں ، جیسے (i) زرعی سال (اے وائی) 26-2025 ء  کے لیے فصلوں کی پیداوار کے اہداف اور اے وائی 25-2024 ء  کے لیے غذائی اجناس ، تلہن اور دیگر تجارتی فصلوں کی پیداوار کے تیسرے پیشگی تخمینے ، (ii)  اے وائی 25-2024 ء  کے لیے باغبانی کی فصلوں کے رقبے اور پیداوار کے دوسرے پیشگی تخمینے ، (iii) مالی سال 26-2025 ء  کے لیے اہم مویشیوں کی مصنوعات کے موسم گرما کے تخمینے ، (iv) مالی سال 26-2025 ء  کی پہلی سہ ماہی کے لیے مچھلی کی پیداوار کے تخمینے ، (v) مالی سال 26-2025 ء  کی پہلی سہ ماہی کے لیے ،ان کمپنیوں کے دستیاب سہ ماہی مالی نتائج کی بنیاد پر درج کمپنیوں کی مالی کارکردگی ، (vi) کوئلہ ، خام پیٹرولیم ، قدرتی گیس ، سیمنٹ کی پیداوار اور اسٹیل کا استعمال ، (vii) صنعتی پیداوار کا اشاریہ (آئی آئی پی) (viii) ریلوے کے لیے مجموعی ٹن کلومیٹر اور مسافر کلومیٹر ، (ix) ہوائی اڈوں پر ہوائی  سفر کرنے والوں  اور کارگو ٹریفک کا بندوبست کرنا ، (x) بڑی اور چھوٹی سمندری بندرگاہوں پر کارگو ٹریفک کا بندوبست کرنا  ، (xi) تجارتی گاڑیوں کی فروخت ، (xii) بینک ڈپازٹ اور کریڈٹ ، (xiii) لائف اور نان لائف انشورنس کمپنیوں کی پریمیم سے متعلق معلومات ، (xiv) مالی سال 26-2025 ء  کی پہلی سہ ماہی کے لیے جی ایس ٹی این سے دستیاب اشیا اور خدمات کی بیرونی سپلائی ، (xv) مرکزی اور ریاستی حکومتوں کے کھاتے وغیرہ ۔ 26-2025 ء  کی پہلی سہ ماہی کے لئے دستیاب ، (xvi) مالی سال 26-2025 ء  کی پہلی سہ ماہی کے لئے سامان اور خدمات ٹیکس کی وصولی وغیرہ ۔ تخمینہ میں استعمال ہونے والے بڑے اشارے میں ظاہر ہونے والی سال بہ سال نمو کی شرح (فی صد) ضمیمہ بی میں دی گئی ہے ۔

جی ڈی پی کے تخمینے کے لیے کل ٹیکس آمدنی میں غیر جی ایس ٹی  اور جی ایس ٹی  دونوں کی آمدنی شامل ہوتی ہے۔ ٹیکسز آن پروڈکٹس کے موجودہ قیمتوں پر تخمینے کے لیے کنٹرولر جنرل آف اکاؤنٹس ( سی جی اے ) اور کمپٹرولر اینڈ آڈیٹر جنرل آف انڈیا ( سی اے جی ) کی ویب سائٹس سے معلومات حاصل کی گئی ہیں۔ مستقل قیمتوں پر ٹیکسز کے تخمینے کے لیے ٹیکس شدہ سامان اور خدمات کے ماضی کے ڈاٹا کی بنیاد پر تخمینہ  لگایا جاتا ہے۔ مرکزی حکومت کے لیے موجودہ قیمتوں پر مصنوعات پر مجموعی  سبسڈی کے تخمینے کے لیے اہم سبسڈی کی معلومات استعمال کی گئی ہیں، جیسے: مالی سال 26-2025 ء  کی پہلی سہ ماہی تک خوراک، یوریا، پٹرولیم اور  تغذیاتی بنیاد پر سبسڈی ۔ ریاستوں کے لیے موجودہ قیمتوں پر مجموعی مصنوعات پر سبسڈی کے تخمینے کے لیے ریاستوں کی طرف سے سبسڈی پر کیے گئے کل اخراجات کی معلومات استعمال کی گئی ہیں۔حکومت کے حتمی مصرفی اخراجات ( جی ایف سی ای ) کے تخمینے کے لیے مرکز اور ریاستوں کے محصولاتی اخراجات، سود کی ادائیگیاں، سبسڈیز وغیرہ کی معلومات استعمال کی گئی ہیں۔

اعداد و شمار کی بہتر کوریج اور ماخذ ایجنسیوں کی طرف سے ان پٹ ڈاٹا میں کی گئی ترمیمات مستقبل میں ان تخمینوں میں نظر ثانی کا سبب بن سکتی ہیں۔ لہٰذا صارفین کو اعداد و شمار کی تشریح کرتے وقت ان عوامل کو مدنظر رکھنا چاہیے۔ مالی سال 26-2025 ء  کی دوسری سہ ماہی (جولائی تا ستمبر) کے لیے سہ ماہی جی ڈی پی کے اگلے تخمینے کی اشاعت 28 نومبر  ، 2025 ءکو کی جائے گی۔

ضمیمہ  اے

 

ضمیمہ  بی

اشارہ جاتی بنیاد پر سال بہ سال شرح نمو ( فی صد )

 

Click here to see PDF

.................. . ............................................. . ......................

( ش ح ۔ ا ع خ ۔ ع ا )

U. No. 5439

(Release ID: 2161962) Visitor Counter : 18