ঙসি প্রধান মন্ত্রী শ্রী নরেন্দ্র মোদী ন্যু দিল্লিদা ইকোনোমিক তাইমস ৱার্ল্দ লিদরস ফোরমদা ৱা ঙাংখ্রে। থৌরম অদুদা প্রধান মন্ত্রীনা ৱার্ল্দ লিদরস ফোরম শরুক য়াখিবা শক্নাইরবা অতিথিশিং তরাম্না ওকখি। ফোরম অসি পাংথোকপগী মতম “য়াম্না চপ চারে” হায়না পল্লদুনা, মতম চানা থবক অসি পাংথোকপগীদমক শীল্লি-লাংলিবশিং প্রধান মন্ত্রীনা থাগৎপা ফোঙদোকখি। মহাক্না হায়খি হৌখিবা চয়োলদা, মহাক্না লাল কিলাদগী তুংদা লাক্কদবা অনৌবা অওনবশিংগী মতাংদা ৱা ঙাংখ্রে অমসুং ফোরম অসিনা মদুগী ৱাখল্লোন অদু হেন্না মপাঙ্গল হাপ্নবা থবক পায়খৎলে।

প্রধান মন্ত্রীনা হায়খি মালেমগী ওইরক্লিবা ফিবমশিং অমসুং জিও-ইকোনোমিক্সকী মতাংদা য়াম্না কুপ্না খন্ন-নৈনবা পাংথোক্নরে। মালেমগী ওইনা খন্নরকপা মতমদা, কনাগুম্বা অমনা ভারতকী শেন-থুমগী মপাঙ্গল অসি খঙলে। ভারত খ্বাইদগী য়াংনা চাউখৎলক্লিবা ইকোনোমিনি অমসুং অথুবা মতমদা মালেমদা অহুমশুবা খ্বাইদগী চাউবা ওইরগনি। মালেমগী চাউখৎলকপদা ভারতনা মতেং পাংলিবা অসি তুংদা চাদা ২০ য়ৌরগনি। হৌখিবা চহি ১০ দা ভারত চাউখৎলকপা ঙম্লে অমসুং মেক্রো-ইকোনোমিক্ত তংদু-লৈতাবা পুরক্নবা শেন-থুমগী খুদোংচাদবা কয়া মায়োক্নবা ঙমখি। কোবিদ-১৯ লাইৎকী অৱাবা কয়া মায়োক্নরবসু ভারতকী ফিসিকেল দিফিসিত চাদা ৪.৪ দা হন্থহন্নবা পানখি। ভারতকী কম্পেনিশিংনা কেপিতেল মার্কেতশিংদগী ফন্দশিং য়াম্না খোমগৎখি, ভারতকী বেঙ্কশিং হান্নদগী হেন্না ফগৎলকখি অমসুং পোৎকী মমল হেনগৎলকপা য়াম্না নেমখি অমসুং শেন্দোয়গী চাংসু য়াম্না নেমখি। হৌজিক ভারতকী করেন্ত দিফিসিত লাকশিল্লি অমসুং ফোরেক্স রিজার্বশিং ফিবম য়াম্না ফরি। থা খুদিংগী লৈবাক অসিগী ইনভেষ্টর লাখ কয়ানা সিষ্টেমেতিক ইনভেষ্টমেন্তস প্লানস (এস আই পি) গী খুৎথাংদা মার্কেত্ত লুপা করোর লিশিং কয়া থাদরি।

প্রধান মন্ত্রীনা হায়খি শেন্মিৎলোন অমগী মরুওইবশিং মপাঙ্গল কনবা মতমদা, মসিগী য়ুম্ফম চেৎপা মতমদা, হিরম খুদিংমক্ত মসিগী কান্নবশিং উবা ফংলে। ৱাফম অসি মহাক্না ওগষ্ট ১৫ দা মহাক্না ৱা ঙাংবদা কুপ্না খন্নখ্রে অমসুং ৱাফমশিং অদু মহাক্না হঞ্জিল্লরোই। নিংতম্বা নুমিৎকী মমাঙ অমসুং মতুংগী ওইরক্লিবা ফিবমশিং অদুনা ভারতকী চাউখৎপগী ৱারি মশক তাক্লে। জুন ২০২৫ থা খক্তদা ই.পি.এফ.ও দেতাবেজদা ফোর্মেল জোব লাখ ২২ হাপচিনা খ্বাইদগী নৌবা দেতানা উৎলে। মসি থা অমদা খ্বাইদগী য়াম্না হাপচিনবনি। ২০১৭ দগী ভারতকী রিতেল ইনফ্লেসন অসি খ্বাইদগী নেম্লে। ভারতকী ফোরন একচেঞ্জ রিজার্বশিং খ্বাইদগী ৱাংনা লৈরে। ২০১৪ দা, ভারতকী সোলার পি.ভি মোদুল শাবা ঙম্বা অসি চাউরাক্নবা গিগৱাত ২.৫ ওইখি অমসুং খ্বাইদগী নৌবা মশিংদা মসি হৌজিক গিগাৱাত ১০০ য়ৌরে। দিল্লি এয়রপোর্ত মালেমগী মমিং লৈরবা এয়রপোর্তশিংগী মনুংদা হন্দ্রেৎ-মিল্লিয়ন-প্লস ক্লবতা য়াওরে অমসুং মসিগী চহি অমদা চৎথোক-চৎশিন য়াবা পেসেঞ্জর মশিং মিল্লিয়ন ১০০ হেল্লে অমসুং এয়রপোর্ত অসি অখন্নবা কাংলুপ অসিদা য়াওবা মালেমগী এয়রপোর্ত তরুক্কী মনুং চল্লে। হন্দক এস এন্দ পি গ্লোবেল রেতিংসতা ভারতকী ক্রেদিদ রেতিং হাইগৎলে। রেতিং হাইগৎলকপা অসি চহি ২০ গী মতুংদা থোকপনি। ভারত, মসিগী অৱাবা মায়োক্নবা ঙম্ব অমসুং মপাঙ্গলগা লোয়ননা, মালেমগী থাজবগী মৈরা অমা ওইরে।

করিগুম্বা খুদোংচাবশিং লৌহৌদ্রবদি, নান্থোকখিনি হায়বা ফোঙদোক্নবা, য়াম্না তোইনা শীজিন্নবা ৱাহৈ “বস নান্থোকখিবা” অদু পল্লদুনা, প্রধান মন্ত্রীনা হায়খি তেক্নোলোজি অমসুং উদ্যোগকী হিরমশিংদা খুদোংচাবশিংগী অসিগুম্বা বস কয়া ভারত্ত মমাঙগী সরকারশিংনা নান্থোকহনখ্রে। কনাগুম্বা চৈনবগীদমক মহাক মফম অসিদা লাকপা নত্তে। অদুবু গনতন্ত্র চৎপা লৈবাক অমদা, চাংদম্নদুনা নৈনবনা ফিবমশিং ময়েক শেংনা খঙহনবদা মতেং পাংই।

প্রধান মন্ত্রীনা হায়খি মমাঙগী সরকারশিংনা লৈবাক অসি ভোৎ-বেঙ্কগী রাজনিতিদা কাং-খোং চাইহনখি অমসুং মীখলশিংদগী হেন্না পান্দম লৈখিদে। অৱাংবা থাক্কী তেক্নোলোজি শেমগৎপা হায়বসি চাউখৎলবা লৈবাকশিং খক্তগী থবকনি অমসুং লৈবাক অসিনা দরকার ওইরকপদা মদু ভারতনা মপান লৈবাকশিংদগী লৌগদবনি হায়না মতম অদুগী সরকারশিংনা খনখি। ৱাখল্লোন অসিনা মরম ওইদুনা চহি কয়া ভারত লৈবাক কয়াগী মনিংদা লৈখি, মরুওইবা খুদোংচাবা কয়াগী বসশিং নান্থোকখি। মালেমগী ওইনা ইন্তরনেতকী যুগ হৌরকপা মতমদা, মতম অদুদা ভারত ৱারেপ লৌবা ঙমখিদে। ২জি মতমদা, ভারতনা বস নান্থোকখি। ২জি, ৩জি অমসুং ৪জি তেক্নোলোজিশিংগীদমক ভারতনা মপান লৈবাকশিংগী মখা পোনখি। অসিগুম্বা ফিবম অমদা কয়া য়াম্না কুইনা লৈগনি। ২০১৪ গী মতুংদা ভারতনা মসিগী থবক পায়খৎপগী মওং হোংদোকখি অমসুং বস অমতা নান্থোকহন্দনবা ৱারেপ লৌখি, দ্রাইভরগী সিত্ত ফমখি অমসুং মাঙলোমদা চৎখৎখি। ভারতনা লৈবাক অসিগী ৫জি ষ্টেক লৈবাক অসিদা শেমগৎচরে। ভারতনা মেন-ই-ইন্দিয়া ৫জি শেমগৎপা খক নত্তনা মসি য়াম্না য়াংনা লৈবাক শীনবা থুংনা ফংহল্লে। হৌজিক ভারতনা মেদ-ইন-ইন্দিয়া ৬জি তেক্নোলোজিগী য়াংনা থবক পায়খৎলি।

প্রধান মন্ত্রীনা হায়খি চহি ৫০-৬০ গী মমাঙদা ভারত সেমিকন্দক্তর শাবা হৌবা য়ারবনি। ভারতনা মদুগী বস অদু নান্থোকখি অমসুং মখা তানা চহি কয়া বস নান্থোকহনখি। ফিবম অসি হৌজিক য়াম্না হোংলে অমসুং ভারত্ত সেমিকন্দক্তরগা মরী লৈনবা ফেক্তরিশিং লিংখৎপা হৌরে। চহি অসি লোইশিল্লকপদা, কৈথেলদা অহানবা মেদ-ইন-ইন্দিয়া চিপ ফংবা হৌরগনি।

নেসনেল স্পেস দেগী থৌরমদা মীয়ামদা য়াইফ পাউজেল পীরদুনা অমসুং ভারতকী স্পেস সেক্তরগী চাউখৎলক্লিবশিং পল্লদুনা, প্রধান মন্ত্রীনা হায়খি ২০১৪ গী মমাংদা, ভারতকী স্পেস মিসনশিং মশিং অমসুং থবকশিংদা অকক্নবা ওইখি। ২১শুবা চহিচাদা, অচৌবা লৈবাক খুদিংমক্না স্পেসকী খুদোংচাবশিং থিদোকপা মতমদা, ভারতনা মনিংদা লৈহৌবা য়াদে। স্পেস সেক্তরদা অওনবশিং পুরক্লে অমসুং সেক্তর অসি লনাই কাংবু শরুক য়াবা য়াহল্লে। ১৯৭৯ দগী ২০১৪ ফাওবদা, চহি ৩৫ দা ভারতনা মিসন ৪২ খক পাংথোকখি। হৌখিবা চহি ১১ দা ভারতনা মিসন ৬০ পাংথোকখ্রে। তুংগী মিসন কয়া লেংদুনা লৈরি। চহি অসিদা ভারতনা স্পেস দোক্কিং পাংথোকপা ঙম্লে অমসুং মসি তুংগী মিসনশিংগী অচৌবা মাইপাকপা অমনি। গগানয়ান মিসনগী মখাদা লৈবাক অসিগী এষ্ট্রোনোতশিং স্পেসতা থানবা ভারতনা থৌরাং তৌরি। থবক অসিদা গ্রুপ কেপ্তেন সুভান্সু সুক্লানা থেংনরকপশিং য়াম্না কান্নগনি। স্পেস সেক্তরদা অনৌবা থৌনা পীনবা, অপনবা খুদিংমক লৌথোকপা তঙাইফদে। অহানবা ওইনা, স্পেসকী লমদা লনাই শরুক য়ানবা নাখৈ শেংবা নিয়মশিং শেম্লে। অহানবা ওইনা স্পেস সেক্তরদা মপান লৈবাক্কী শেন থাদরকপা য়াহনবগা লোয়ননা অহানবা ওইনা অরোন-অথুপ লৈতনা স্পেকত্রম এল্লোকেসন পাংথোক্লে। স্পেস ষ্টার্দঅপশিংদা কৎথোক্লবা লুপা করোর ১,০০০ গী ভেঞ্চর কেপিতেল ফন্দ অমা চহি অসিগী বজেত্ত য়াওরে।

প্রধান মন্ত্রীনা হায়খি হৌজিক ভারতকী স্পেস সেক্তরদা অওনবশিং পুরকপগী মাইপাকপা উবা ফংলে। ২০১৪ দা, ভারতকী স্পেস ষ্টার্দঅপ অমা খক্ত লৈরমখি, ঙসিদি ৩০০ হেন্না লৈরে। ওর্বিত্ত ভারত মশাগী স্পেস ষ্টেসন লৈগদবা নুমিৎ অসি য়াম্না লাপত্রে। তপ্না অহোংবা পুরকপা নত্তনা, খোঙকাপ লাউনা থাংনবা পান্দম অমগা লোয়ননা ঐখোয় মাঙলোমদা চঙশিল্লি। ঐখোয়গী ওইনা, অওনবশিং অসি তঙাইফদবা নত্ত্রগা অৱাবা মায়োক্নবদগী পুরকপা নত্তে, কৎথোকপা অমসুং অচুম্বগী মচাক অমনি। উদ্যোগ সেক্তরশিং য়াম্না কুপ্না নৈন্নবা অচুম্বা থৌরাং অমা সরকারনা পায়খৎলে। হায়রিবা সেক্তরশিং অসিদা অওনবশিং মথং মথং পায়খৎলে।

হন্দক লোইশিনখ্রবা সংসদকী নোংজু মীফমদা অওনবশিং মখা চৎথরকপগী মমি তাখিবা অদু পল্লদুনা, প্রধান মন্ত্রীনা হায়খি ওপোজিসন্না অপনবা কয়া পীরবসু, অওনবশিং খুমাঙচাউশিন্নবা সরকারনা লেংদনা থবক পায়খৎখি। জন বিশ্বাস ২.০ অসি থাজবা অমসুং মীয়ামগী য়াইফনবা লৈবাক ঙাকপদা য়ুম্ফম ওইবা অচৌবা অওনবা অমনি। অহানবা জন বিশ্বাসগী মখাদা, মাইনর ওফেন্স ২০০ রোম ক্রিমিনেল ওইহন্দ্রে। অনিশুবা ইদিসন্দা, হৌজিক মাইনর ওফেন্স ৩০০ রোম ক্রিমিনেল ওইহন্দ্রে। চহি ৬০ হেন্না হোংদনা লাক্লবা ইনকম তেক্স লো, সেসন অসিদা অওনবা পুরক্লে, আইন অসি হৌজিক ফজনা লাইথোকহল্লে। হান্নদি, আইনগী লোল অসি উকিলশিং নত্ত্রগা চার্তর একাউন্তেন্তশিং খক্তনা খঙলম্মী। হৌজিক, তেক্স থিরিবা মীয়াম্না খঙবা ঙম্বা লোল অমদা ইনকম তেক্স বিল শেম্লে। মীয়ামগী য়াইফনবা সরকারনা থবক পায়খৎপা অদু থবক অসিদা মমি তারে। হন্দক্কী নোংজু মীফমদা, মাইনিংগা মরী লৈনবা আইনশিং ফজনা শেমদোক্লে। লোয়লম লৈঙাক মতমগী সিপ্পিং অমসুং হিথাংফমশিংগী আইনশিংসু শেমদোক্লে। হায়রিবা অওনবশিং অসিনা ভারতকী ব্লু ইকোনোমি অমসুং হিথাংফম্না লমজিংবা চাউখৎপা মপাঙ্গল কনখৎহনগনি। শান্নবগী হিরমদসু অওনবা কয়া পুরক্লে। মালেমগী অচৌবা থৌরমশিং য়ুম্বু ওইনবা ভারতনা থৌরাং তৌরে অমসুং অপুনবা শান্নবগী শেন্মিৎলোন অমা শেমগৎলে। পান্দম অসি ফংনবা সরকারনা অনৌবা নেসনেল স্পোর্তস পোলিসি-খেলো ভারত নিতি পুথোক্লে।

প্রধান মন্ত্রীনা হায়খি হান্না ফংখ্রবা মাইপাকপশিং অদুদা পেন্থোক্তুনা লৈবা হায়বসি ঐগী মওং নত্তে। পেন্থোক্তুনা লৈতবা অসিনা ঐখোয়গী অওনবশিং লমজিংবনি। অওনবশিং পুরক্নবা থৌওং অসি পায়খৎলে অমসুং মাঙলোমদা চঙশিন্নবা সরকারনা ৱারেপ লৌরে। পান্দম অসি ফংনবা তোঙান তোঙানবা মাইকৈদা থবক পায়খৎলে। দরকার ওইদবা আইনশিং মুৎথৎনবা, নিয়মশিং অমসুং থবকশিং লাইহন্নবা মরুওইবা থবকশিং পায়খৎলে। থবকশিং অমসুং অয়াবা পীবশিং দিজিতেল ওইনা পাংথোক্লে অমসুং প্রোবিজন কয়া ক্রিমিনেল ওইহন্দ্রে। জি.এস.তিদা অচৌবা অওনবা অমা পুরক্লে, হন্দক্কী দিৱালিদা লোইশিল্লগনি, জি.এস.তি লাইহল্লগনি অমসুং মমলশিং হন্থরগনি। তুংগী মীরোলশিংগী অওনবশিং অসিনা ভারত শীনবা থুংনা মেনুফেকচরিং হেনগৎলগনি। কৈথেলদা পোৎ শীৎপা হেনগৎলগনি অমসুং উদ্যোগশিং অনৌবা থৌনা ফংলগনি। অনৌবা থবক ফংনবগী খুদোংচাবশিং পীরগনি অমসুং থবকশিং অসিগী মহৈ ওইনা হিংবদা লাইবা অমসুং ললোন-ইতিক পাংথোকপদা লাইবা হেনগৎলগনি।

২০৪৭ দা বিকসিত ভারত অমা ওইনবা ভারতনা থবক মপুংফানা পায়খৎলিবা অদু পল্লদুনা, প্রধান মন্ত্রীনা হায়খি অত্মনির্ভর ভারত অমগী য়ুম্ফমদা বিকসিত ভারত অমা লৈরি। মরুওইবা মচাক অহুম: খোঙজেল, পাক-চাউবা অমসুং কোনশিল্লিবা থবক্না অত্মনির্ভর ভারত মশক তাক্কনি। মালেমগী লাইচৎ মনুংদা, ভারতনা খোঙজেল, পাক-চাউবা অমসুং কোনশিল্লিবা থবক উৎখি। তঙাইফদবা পোৎলমশিং খঙহৌদনা দরকার ওইরকপা মতমদা, মালেমগী সপ্লাই চেনশিং চপ লেপখিবা মতমদা, তঙাইফদবা পোৎলমশিং লৈবাক অসিদা শানবা ভারতনা অকনবা থবকশিং পায়খৎখি। ভারতনা য়াম্না য়াংনা মশিং য়াম্লবা তেষ্টিং কিতশিং অমসুং ভেন্তিলেতরশিং শাখি অমসুং লৈবাক শীনবা থুংবগী হোস্পিতালশিংদা ওক্সিজেন প্লান্তশিং থমখি-ভারতকী খোঙজেল উৎখি। লৈবাক অসিগী মফম শীনবা থুংনা লেম্না ভারতনা শাবা ভেক্সিন করোর ২২০ হেন্না কাপখি-ভারতকী পাক-চাউবা উৎলে। মীওই মিল্লিয়ন কয়া য়াংনা তিকা থানবা, ভারতনা কোৱিন প্লেতফোর্ম পুথোকখি, মসিদা ভারতনা কোনশিল্লিবা থবকশিংগী মমি তারে। কোৱিন অসি ভারতনা অপীবা মতমগী মনুংদা লৈবাক অসিগী তিকা থাবগী থবক পাংথোকপা ঙম্বা মালেমগী অঙকপা থবক অমনি। ইনর্জি সেক্তরদা ভারতকী খোঙজেল, পাক-চাউবা অমসুং কোনশিল্লিবা থবক মালেম্না উরে। ২০৩০ ফাওবদা লৈবাক অসিনা পুথোকপা অপুনবা পৱারগী চাদা ৫০ নন-ফোসিল ফ্যুএলশিংদগী পুথোক্নবা ভারতনা পান্দম অমা থমখি। মসিগী পান্দম অসি থানখিবা মতমদগী চহি ৫ ঙনখৎনা ২০২৫ দা ফংবা ঙম্লে।

প্রধান মন্ত্রীনা হায়খি মমাংদা, লনাই য়াইফনবা খন্দুনা থৌশিলশিং মপান্দগী পুশিল্লকপদা অকনবা মীৎয়েং চঙখি। ঙসি অত্মনির্ভর ভারত অমনা মপান্দা থাদোকপদা অনৌবা রেকোর্দশিং থম্লে। হৌখিবা চহিদা, ভারতনা লুপা করোর লাখ ৪ গী লৌউ-শিংউগী পোৎথোকশিং মপান্দা থাদোকখি। হৌখিবা চহিদা মালেমগী ওইনা ভেক্সিন দোজ করোর ৮০০ পুথোকপদা, ভারত্ত দোজ করোর ৪০০ পুথোকখি। নিংতম্বা ফংলবা চহি ৬৫ গী মতুংদা, ঙসি ভারতনা ইলেক্ত্রোনিক্সকী পোৎলমশিং মপান্দা থাদোকপা লুপা করোর ৩৫,০০০ রোম য়ৌরে, মশিং অসি চাউরাক্না লুপা করোর লাখ ৩.২৫ দা হেনগৎলে। ২০১৪ ফাওবদা, ভারতকী ওতোমোবাইল মপান্দা থাদোকপা চহিদা চাউরাক্না লুপা করোর ৫০,০০০ ওইখি। ঙসিদি ভারতনা চহি অমদা লুপা করোর লাখ ১.২ গী ওতোমোবাইল মপান্দা থাদোকপা ঙম্লে। হৌজিক ভারতনা মেত্রো কোচশিং, রেল কোচশিং অমসুং রেল লোকোমোতিপশিং মপান্দা থাদোক্লে। লৈবাক ১০০ দা ইলেক্ত্রিক গারিশিং থাদোক্নবা ভারতনা পান্দম থম্লি। মসিগী মাইপাকপা অসিগা মরী লৈনবা অচৌবা থৌরম অমা ওগষ্ট ২৬ দা পাংথোক্কদৌরি। লৈবাক অমা চাউখৎপদা থিজিনবা অসি মরুওইবা য়ুম্বী অমনি হায়না ফোঙদোক্লদুনা, প্রধান মন্ত্রীনা হায়খি মপান্দগী পুশিল্লকপা থিজিনবগী থবকশিংনা হিংনবা মতেং পাংবা য়াই, মসিনা ভারতকী অনিংবশিং থুংহনবা ঙম্লোই। থিজিনবগী লমদা য়াংনা থবক পায়খৎপা অমসুং অকনবা মীৎয়েং চঙবা দরকার ওইরে। থিজিনবগী থবক পুক্নিং থৌগৎনবা সরকারনা য়াংনা থবক পায়খৎলে অমসুং দরকার ওইবা থৌশিলশিং অমসুং প্লেতফোর্মশিং মখা তানা শেমগৎলি। ২০১৪ গা চাংদম্নবদা রিছার্স অমসুং দিবলপমেন্তগী চাদিং শরুক অনি হেনগৎলে অমসুং ২০১৪ দগী পেতেন্তশিং ফাইল তৌবা শরুক ১৭ হেনগৎলে।

প্রধান মন্ত্রীনা হায়খি অৱাংবা থাক্কী মহৈলোয়শঙ ৬,০০০ রোমদা রিছার্স অমসুং দিবলপমেন্ত সেলশিং লিংখৎলে। মহৈরোয়শিং মালেম থাক্কী চেফোঙশিং ফংনবা ‘ৱান নেসন, ৱান সবস্ক্রিপসন’ লাইথোকহল্লে। লুপা করোর ৫০ম০০০ গী বজেত অমগা লোয়ননা নেসনেল রিছার্স ফাউন্দেসন অমা লিংখৎলে অমসুং লুপা করোর লাখ ১ গী রিছার্স অমসুং দিবলপমেন্ত এন্দ ইন্নোবেসন স্কিম অমসু অয়াবা পীরে। মসিগী পান্দমদি লনাই কাংবুগী অনৌবা রিছার্সতা মতেং পাংবা অমসুং মরুওইনা নৌনা থোক্লকপা অমসুং মরুওইবা সেক্তরশিং শৌগৎপনি। হৌজিক্কী মতম অসিদা উদ্যোগ অমসুং লনাই কাংবু থৱায় য়াওনা শরুক য়াবা দরকার ওইরে। ক্লিন ইনর্জি, ক্বান্তম তেক্নোলোজি, বেত্তরি ষ্টোরেজ, এদভান্স মেতরিয়েলশিং অমসুং বাইওতেক্নোলোজিগুম্বা হিরমশিংদা থিজিনবা অমসুং শেন থাদবা হেনগৎহনবা দরকার ওইরে। অসিগুম্বা থবকশিংনা বিকসিত ভারত অমগী মঙলান্দা অনৌবা থৌনা পীগনি।

লোইশিল্লকপদা, প্রধান মন্ত্রীনা হায়খি রিফোর্ম, পরফোর্ম অমসুং ত্রান্সফোর্মগী লাইৱানা লমজিংদুনা, তপ্ন চাউখৎপগী খুবাম নুঙদগী নান্থোক্তুনা মালেমগী মতেং পাংবা ঙম্বগী ফিবম অমদা লৈরে। ভারত লেংদবা ঈশিংদা নুঙশিং লংবী শান্নদুনা নুংঙাইথোক্তুনা লৈবা লৈবাক অমা নত্তে, অকনবা ঈচেলশিংগী ইরৈ থৈদোকপা ঙম্বা লৈবাক অমনি। মতমগী ঈচেল ফাওবা থৈদোকপা ঙম্বগী ভারতকী মপাঙ্গল লৈরি।

Speaking at The Economic Times World Leaders Forum. @EconomicTimes https://t.co/g7cebMoUSA

— Narendra Modi (@narendramodi) August 23, 2025

India is the world's fastest-growing major economy and is soon set to become the third-largest globally. pic.twitter.com/vKcu48Xd1e

— PMO India (@PMOIndia) August 23, 2025

India, with its resilience and strength, stands as a beacon of hope for the world. pic.twitter.com/FOWLs7ODkk

— PMO India (@PMOIndia) August 23, 2025

Infusing new energy into India's space sector. pic.twitter.com/PgWNxbnoxi

— PMO India (@PMOIndia) August 23, 2025

We are moving ahead with the goal of a quantum jump, not just incremental change. pic.twitter.com/8qjKz5KKnD

— PMO India (@PMOIndia) August 23, 2025

For us, reforms are neither a compulsion nor crisis-driven, but a matter of commitment and conviction. pic.twitter.com/J7BOsB1UUs

— PMO India (@PMOIndia) August 23, 2025

It is not in my nature to be satisfied with what has already been achieved. The same approach guides our reforms: PM @narendramodi pic.twitter.com/ve26wDwXHr

— PMO India (@PMOIndia) August 23, 2025

A major reform is underway in GST, set to be completed by this Diwali, making GST simpler and bringing down prices. pic.twitter.com/kg1hEhtXyL

— PMO India (@PMOIndia) August 23, 2025

A Viksit Bharat rests on the foundation of an Aatmanirbhar Bharat. pic.twitter.com/nquCp1GU2U

— PMO India (@PMOIndia) August 23, 2025

'One Nation, One Subscription' has simplified access to world-class research journals for students. pic.twitter.com/wSCrguVhOI

— PMO India (@PMOIndia) August 23, 2025

Guided by the mantra of Reform, Perform, Transform, India today is in a position to help lift the world out of slow growth. pic.twitter.com/PDJgrZVxJq

— PMO India (@PMOIndia) August 23, 2025

Bharat carries the strength to even bend the course of time. pic.twitter.com/g4Bf5X77Fx

— PMO India (@PMOIndia) August 23, 2025

***