​​​​ಎಂ.ಎಸ್.ಎಂ.ಇ. ಸಚಿವಾಲಯವು ಎಂ.ಎಸ್.ಎಂ.ಇ.  ವಲಯದ ಉತ್ತೇಜನ ಮತ್ತು ಅಭಿವೃದ್ಧಿಗೆ ವಿವಿಧ ಕ್ರಮಗಳನ್ನು ಕೈಗೊಂಡಿದೆ. ಇವುಗಳಲ್ಲಿ ಕೆಲವನ್ನು ಕೆಳಗೆ ವಿವರಿಸಲಾಗಿದೆ.

1.7.2020ರಿಂದ ವ್ಯವಹಾರವನ್ನು ಸುಲಭಗೊಳಿಸಲು ಎಂ.ಎಸ್.ಎಂ.ಇ.ಗಳಿಗೆ ಉದ್ಯಮ ನೋಂದಣಿ.

ಆದ್ಯತಾ ವಲಯ ಸಾಲ (ಪಿ.ಎಸ್.ಎಲ್.) ಅಡಿಯಲ್ಲಿ ಪ್ರಯೋಜನವನ್ನು ಪಡೆಯಲು ಅನೌಪಚಾರಿಕ ಸೂಕ್ಷ್ಮ ಉದ್ಯಮಗಳನ್ನು (ಐ.ಎಂ.ಇ. ಗಳು) ಔಪಚಾರಿಕ ವ್ಯಾಪ್ತಿಯೊಳಗೆ ತರಲು ಉದ್ಯಮ ಸಹಾಯ ವೇದಿಕೆ (ಯು.ಎ.ಪಿ.) ಪ್ರಾರಂಭ.

2.7.2021ರಿಂದ ಚಿಲ್ಲರೆ ಮತ್ತು ಸಗಟು ವ್ಯಾಪಾರಿಗಳನ್ನು ಎಂ.ಎಸ್.ಎಂ.ಇ.ಗಳಾಗಿ ಪರಿಗಣಿಸುವುದು.

ಎಂ.ಎಸ್.ಇ.ಗಳಿಗೆ 2 ಲಕ್ಷ ಕೋಟಿ ರೂ. ಹೆಚ್ಚುವರಿ ಸಾಲವನ್ನು ಒದಗಿಸಲು ಮತ್ತು ಉದ್ಯೋಗಾವಕಾಶಗಳನ್ನು ವಿಸ್ತರಿಸಲು 9,000 ಕೋಟಿ ರೂ.ಗಳ ನಿಧಿಯೊಂದಿಗೆ ಕ್ರೆಡಿಟ್ ಗ್ಯಾರಂಟಿ ಯೋಜನೆಯನ್ನು ಪರಿಷ್ಕರಿಸಲಾಗಿದೆ.

ಸಾಂಪ್ರದಾಯಿಕ ಕುಶಲಕರ್ಮಿಗಳು ಮತ್ತು ಕರಕುಶಲಕರ್ಮಿಗಳಿಗೆ ಕೊನೆಯವರೆಗೆ ಸಮಗ್ರ ಪ್ರಯೋಜನಗಳನ್ನು ಒದಗಿಸಲು 17.09.2023 ರಂದು 'ಪಿ.ಎಂ. ವಿಶ್ವಕರ್ಮ' ಯೋಜನೆಯನ್ನು ಪ್ರಾರಂಭಿಸಲಾಯಿತು.

ಸ್ವಾವಲಂಬಿ ಭಾರತ (ಎಸ್.ಆರ್.ಐ.) ನಿಧಿಯನ್ನು ಸ್ಥಾಪಿಸಲಾಗಿದೆ, ಇದನ್ನು ದೊಡ್ಡ ಘಟಕಗಳಾಗಿ ಬೆಳೆಯುವ ಸಾಮರ್ಥ್ಯ ಮತ್ತು ಕಾರ್ಯಸಾಧ್ಯತೆಯನ್ನು ಹೊಂದಿರುವ ಎಂ.ಎಸ್.ಎಂ.ಇ.ಗಳಿಗೆ 50,000 ಕೋಟಿ ರೂ.ಗಳನ್ನು ಈಕ್ವಿಟಿ ನಿಧಿಯಾಗಿ ನೀಡುವುದಕ್ಕಾಗಿ ಸ್ಥಾಪಿಸಲಾಗಿದೆ.

ವಿವಿಧ ವರ್ಗದ ಸಾಲಗಳಿಗೆ 90% ವರೆಗೆ ಗ್ಯಾರಂಟಿ ವ್ಯಾಪ್ತಿಯನ್ನೊಳಗೊಂಡು ಎಂ.ಎಸ್.ಇ.ಗಳಿಗೆ 10 ಕೋಟಿ ರೂ.ಗಳವರೆಗೆ (01.04.2025 ರಿಂದ) ಮೇಲಾಧಾರ ರಹಿತ ಸಾಲವನ್ನು ಕ್ರೆಡಿಟ್ ಗ್ಯಾರಂಟಿ ಯೋಜನೆಯಡಿಯಲ್ಲಿ ಸೂಕ್ಷ್ಮ ಮತ್ತು ಸಣ್ಣ ಉದ್ಯಮಗಳಿಗೆ ಕ್ರೆಡಿಟ್ ಗ್ಯಾರಂಟಿ ಫಂಡ್ ಟ್ರಸ್ಟ್ (ಸಿ.ಜಿ.ಟಿ.ಎಂ.ಎಸ್.ಇ.) ಮೂಲಕ ನೀಡಲಾಗುತ್ತದೆ.

ಎಂ.ಎಸ್.ಎಂ.ಇ.ಗಳಿಗೆ ವಿಳಂಬ ಪಾವತಿಯ ಸಮಸ್ಯೆಯನ್ನು ಪರಿಹರಿಸಲು, ಕಾರ್ಪೊರೇಟ್‌ಗಳು ಮತ್ತು ಸರ್ಕಾರಿ ಇಲಾಖೆಗಳು ಮತ್ತು ಸಾರ್ವಜನಿಕ ವಲಯದ ಉದ್ಯಮಗಳು (ಪಿ.ಎಸ್.ಯು.ಗಳು) ಸೇರಿದಂತೆ ಇತರ ಖರೀದಿದಾರರಿಂದ ಎಂ.ಎಸ್.ಎಂ.ಇ.ಗಳ ವ್ಯಾಪಾರ ಸ್ವೀಕೃತಿಗಳ ಹಣಕಾಸು ಒದಗಿಸಲು ಬಹು ಹಣಕಾಸುದಾರರ ಮೂಲಕ ವ್ಯಾಪಾರ ಸ್ವೀಕೃತಿಗಳ ಡಿಸ್ಕೌಂಟಿಂಗ್ ವ್ಯವಸ್ಥೆಯನ್ನು (TReDS) ಸ್ಥಾಪಿಸಲಾಗಿದೆ.

ಉತ್ಪಾದನಾ ವಲಯಕ್ಕೆ ಗರಿಷ್ಠ ಯೋಜನಾ ವೆಚ್ಚವನ್ನು 25 ಲಕ್ಷ ರೂ.ಗಳಿಂದ 50 ಲಕ್ಷ ರೂ.ಗಳಿಗೆ ಮತ್ತು ಸೇವಾ ವಲಯಕ್ಕೆ10 ಲಕ್ಷ ರೂ.ಗಳಿಂದ 20 ಲಕ್ಷ ರೂ.ಗಳಿಗೆ ಹೆಚ್ಚಿಸಲಾಗಿದೆ. ಪ್ರಧಾನ ಮಂತ್ರಿ ಉದ್ಯೋಗ ಸೃಷ್ಟಿ ಕಾರ್ಯಕ್ರಮ (ಪಿ.ಎಂ.ಇ.ಜಿ.ಪಿ.) ಅಡಿಯಲ್ಲಿ ಈ ಹೆಚ್ಚಳ ಮಾಡಲಾಗಿದ್ದು, ಇದರಿಂದಾಗಿ ಯೋಜನೆಯ ವ್ಯಾಪ್ತಿಯೂ ಹೆಚ್ಚಿದೆ.

01.07.2020 ರಿಂದ 31.07.2025 ರವರೆಗೆ ಅಖಿಲ ಭಾರತದಲ್ಲಿ ಉದ್ಯಮ ನೋಂದಣಿ ಪೋರ್ಟಲ್ ಮತ್ತು ಉದ್ಯಮ ಸಹಾಯ ವೇದಿಕೆಯಲ್ಲಿ ನೋಂದಾಯಿಸಲಾದ ಒಟ್ಟು ಎಂ.ಎಸ್.ಎಂ.ಇ.ಗಳ ಸಂಖ್ಯೆ 6.63 ಕೋಟಿ.

ಈ ಮಾಹಿತಿಯನ್ನು ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳ ಸಹಾಯಕ ಸಚಿವರಾದ ಸುಶ್ರೀ ಶೋಭಾ ಕರಂದ್ಲಾಜೆ ಅವರು ಇಂದು ರಾಜ್ಯಸಭೆಯಲ್ಲಿ ನೀಡಿದ ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.

****