এম.এস.এম.ই সেক্তর চাউখৎনবা অমসুং য়োকখৎনবা এম.এস.এম.ই মিনিষ্ট্রিনা তোঙান তোঙানবা থবকশিং পায়খৎলে। থবক খরগী অকুপ্পা মরোলশিং মখাদা পীরি: 

ললোন-ইতিক পাংথোকপা লাইনবা ১.৭.২০২০ দগী এম.এস.এম.ইশিং উদ্যম রেজিষ্টার তৌবা য়ারে।

প্রাইওরিতি সেক্তর লেন্দিং (পি এস এল)গী মখাদা কান্নবা ফংনবা ইনফোর্মেল মাইক্রো ইন্তরপ্রাইজশিং পুশিন্নবা উদ্যম এসিষ্ট প্লেতফোর্ম হৌদোক্লে।

২.৭.২০২১ দগী রিতেল অমসুং হোসেল ললোনবশিং এম.এস.এম.ইগী মনুং চনহল্লে।

এম.এস.এম.ইশিংদা লুপা করোর লাখ ২ গী অহেনবা শেন্থং পীনবা অমসুং থবক ফংনবগী খুদোংচাবশিং হেনগৎনবা ক্রেদিদ গরেন্তি স্কিম্না লুপা করোর ৯০০০ পীখ্রে।

মমাংঙৈগী খুৎহৈবশিং অমসুং শীনফম ১৮ দা থবক শুরিবা মীওইশিংদা কান্নবশিং ফংহন্নবা ১৭.০৯.২০২৩ দা পি.এম বিশ্বকর্মা স্কিম হৌদোক্লে।

অচৌবা য়ুনিতশিং ওইরকপা য়াবগী ফিবমদা লৈরিবা এম.এস.এম.ইশিংদা ইকুইতি ফন্দিং ওইনবা লুপা করোর ৫০,০০০ থাদনবা সেল্ফ রিলিয়েন্ত ইন্দিয়া(এস আর আই) ফন্দ হৌদোক্লে।

এম.এস.এম.ইশিংদা গরেন্তি চাদা ৯০ ফাওবা কভরেজ পীদুনা ০১.০৪.২০২৫ দগী হৌনা লুপা কারোর ১০ ফাওবা গরেন্তর য়াওদনা লোন পীরে, ক্রেদিদ গরেন্তি স্কিমগী মখাদা ক্রেদিদ গরেন্তি ফন্দ ত্রষ্ট ফোর মাইক্রো এন্দ স্মোল ইন্তরপ্রাইজেস (সি জি তি এম এস ই) গী খুৎথাংদা তোঙান তোঙানবা মখলগী লোনশিং পীরে।

এম.এস.এম.ইশিংদা শেন পীবা থেংনবগী খুদোংচাদবশিং কোকহন্নবা সরকারগী দিপার্তমেন্তশিং অমসুং পি.এস.য়ুশিং য়াওনা কোর্পোরেতশিং অমসুং অতোপ্পা পোৎ লৈরিবশিংদগী এম.এস.এম.ইশিংনা শেনফমশিং ফংনবা ত্রেদ রিসিফএবলস দিসকাউন্তিং সিষ্টেম (তি আর ই দি এস) লিংখৎলে।

প্রাইম মিনিষ্টরস ইমপ্লোইমেন্ত জেনেরসন প্রোগ্রামগী মখাদা মেনুফেকচরিং সেক্তরগী খ্বাইদগী য়াম্বা প্রোজেক কোষ্ট লুপা লাখ ২৫ দগী লুপা লাখ ৫০ অমসুং সর্বিস সেক্তরগী ওইনা লুপা লাখ ১০ দগী লুপা লাখ ২০ দা হেনগৎহল্লে।

ভারত পুম্নমক্কী ওইনা ০১.০৭.২০২০ দগী ৩১.০৭.২০২৫ ফাওবদা উদ্যম রেজিষ্ট্রেসন পোর্তেল অমসুং উদ্যম এসিষ্ট প্লেতফোর্মদা রেজিষ্টার তৌবা এম.এস.এম.ই মশিং করোর ৬.৬৩ য়ৌরে।

ৱাফম অসি ঙসি রাজ্য সভাদা ৱাহং অমগী পাউখুম অইবা ওইনা পীবদা মাইক্রো, স্মোল অমসুং মেদিয়ম ইন্তরপ্রাইজেসকী রাজ্য মন্ত্রী সুশ্রী সোভা করান্দলাজেনা ফোঙদোকখিবনি।

***