প্রধানমন্ত্রীগী লোইশঙ
ভারতকী উপ রাষ্ট্রপতিগী মীখলদা এন.দি.এগী মীরেপ ওইনবা খল্লবা তিরু সি.পি রাধাকৃষ্ণন জি প্রধান মন্ত্রীনা তরাম্না ওকখ্রে
Posted On:
17 AUG 2025 8:54PM by PIB Imphal
ভারতকী উপ রাষ্ট্রপতিগী মীখলদা তিরু সি.পি রাধাকৃষ্ণন মীরেপ ওইন্নবা নেসনেল দেমোক্রেতিক এল্লাইন্স (এন দি এ)গী ৱারেপ ঙসি প্রধান মন্ত্রী শ্রী নরেন্দ্র মোদীনা তরাম্না ওকখ্রে।
এক্সতা পোষ্ট থ্রিদ অমদা, প্রধান মন্ত্রীনা হায়খি;
“মহাক্না মতম শাংনা মীয়ামগী থবক তৌরকপদা, মহাক্কী কৎথোকপা, মীওইবগী অৱাবা মশক খঙবা অমসুং লৌশিংগীদমক তিরু সি.পি রাধাকৃষ্ণন জি মশামক শক্নাইবনি। মহাক্না তোঙান তোঙানবা ফমশিং পায়রিঙৈ মনুংদা, মহাক্না মতম পুম্নমক্ত মীয়ামগী থবক অমসুং লায়রবশিংগী ফিবম ফগৎনবা পুক্নিং চঙখি। মহাক্না তামিল নাদুদা মীয়ামগা লোয়ননা থবক ফজনা পাংথোকখি। ঐখোয়গী এল্লাইন্সনা মহাক উপ রাষ্ট্রপতিগী মীরেপ ওইহন্নবা এন.দি.এনা ৱারেপ লৌবদা ঐ হরাওই।
“তিরু সি.পি রাধাকৃষ্ণন জি এম.পি ওইনা অমসুং তোঙান তোঙানবা রাজ্যশিংগী রাজ্যপাল ওইনা য়াম্না খঙলে। মহাক্না সংসদতা পুথোরকপা ৱাফমশিং মতম পুম্নমক্ত খন্নবা য়াবা ওইখি। মহাক্না রাজ্যপাল ওইরিঙৈ মনুংদা, মহাক্না মীচম মীয়াম্না থেংনরিবা অৱাবশিং কোক্নবা পুক্নিং চঙখি। মসিদগী থেংনরকপা কয়া অদুনা মহাক্কী লেজিসলেতিপ অমসুং সংবিধানগী মতাংদা লৌশিং কয়া লৈরি। মহাক অফবা উপ রাষ্ট্রপতি অমা ওইগনি হায়না ঐনা থাজৈ”।
***
(Release ID: 2157352)
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Kannada
,
Malayalam