ਭਾਰਤ ਦੇ ਰਾਸ਼ਟਰਪਤੀ, ਸ਼੍ਰੀਮਤੀ ਦ੍ਰੌਪਦੀ ਮੁਰਮੂ ਨੇ ਅੱਜ (14 ਅਗਸਤ, 2025) ਅੰਮ੍ਰਿਤ ਉਦਯਾਨ ਗਰਮੀਆਂ ਦੇ ਵਾਰਸ਼ਿਕ ਉਤਸਵ ਸੰਸਕਰਣ, 2025 (Amrit Udyan Summer Annuals Edition, 2025) ਦੇ ਉਦਘਾਟਨ ਸਮਾਰੋਹ ਦੀ ਸ਼ੋਭਾ ਵਧਾਈ।

ਅੰਮ੍ਰਿਤ ਉਦਯਾਨ ਗਰਮੀਆਂ ਦੇ ਵਾਰਸ਼ਿਕ ਉਤਸਵ (The Summer Annuals of Amrit Udyan) ਦੇ ਦੌਰਾਨ 16 ਅਗਸਤ ਤੋਂ 14 ਸਤੰਬਰ, 2025 ਤੱਕ ਆਮ ਜਨਤਾ ਦੇ ਲਈ ਖੁੱਲ੍ਹਾ ਰਹੇਗਾ। ਇਸ ਦੌਰਾਨ, ਉਦਯਾਨ (Udyan) ਸਵੇਰੇ 10:00 ਵਜੇ ਤੋਂ ਸ਼ਾਮ 6:00 ਵਜੇ ਤੱਕ ਖੁੱਲ੍ਹਾ ਰਹੇਗਾ, ਅਤੇ ਅੰਤਿਮ ਪ੍ਰਵੇਸ਼  ਸ਼ਾਮ 5:15 ਵਜੇ ਹੋਵੇਗਾ। ਉਦਯਾਨ (Udyan) ਰੱਖ-ਰਖਾਅ ਲਈ ਸਾਰੇ ਸੋਮਵਾਰ ਨੂੰ ਬੰਦ ਰਹੇਗਾ।

ਅੰਮ੍ਰਿਤ ਉਦਯਾਨ (Amrit Udyan) ਵਿੱਚ ਪ੍ਰਵੇਸ਼ ਦੇ ਲਈ ਰਜਿਸਟ੍ਰੇਸ਼ਨ ਲਾਜ਼ਮੀ ਹੈ ਅਤੇ ਇਹ ਮੁਫ਼ਤ ਹੈ। ਸੈਲਾਨੀ ਰਾਸ਼ਟਰਪਤੀ ਭਵਨ ਦੀ ਵੈੱਬਸਾਇਟ  (https://visit.rashtrapatibhavan.gov.in/) ‘ਤੇ ਔਨਲਾਇਨ ਰਜਿਸਟ੍ਰੇਸ਼ਨ ਕਰ ਸਕਦੇ ਹਨ। ਸੈਲਾਨੀ ਗੇਟ ਨੰਬਰ 35  ਦੇ ਬਾਹਰ ਸਥਿਤ ਆਪ ਸੈਲਫ-ਸਰਵਿਸ ਕਿਓਸਕਸ (Self Service Kiosks)  ਦੇ ਜ਼ਰੀਏ ਵੀ ਸਿੱਧੇ ਆਪਣੀ ਰਜਿਸਟ੍ਰੇਸ਼ਨ ਕਰ ਸਕਦੇ ਹਨ।

ਅੰਮ੍ਰਿਤ ਉਦਯਾਨ (Amrit Udyan) ਵਿੱਚ ਪ੍ਰਵੇਸ਼ ਨੌਰਥ ਐਵੇਨਿਊ ਰੋਡ ਦੇ ਪਾਸ, ਰਾਸ਼ਟਰਪਤੀ ਭਵਨ ਦੇ ਗੇਟ ਨੰਬਰ 35 ਤੋਂ ਕੀਤਾ ਜਾ ਸਕਦਾ ਹੈ। ਸੈਲਾਨੀ ਉਦਯਾਨ (Udyan) ਦੇ ਅੰਦਰ ਮੋਬਾਈਲ ਫੋਨ,  ਇਲੈਕਟ੍ਰੌਨਿਕ ਚਾਬੀਆਂ, ਪਰਸ,  ਹੈਂਡਬੈਗ, ਪਾਣੀ ਦੀਆਂ ਬੋਤਲਾਂ,  ਬੱਚਿਆਂ ਦੀਆਂ ਦੁੱਧ ਦੀਆਂ ਬੋਤਲਾਂ ਅਤੇ ਛਤਰੀਆਂ ਲੈ ਜਾ ਸਕਦੇ ਹਨ। ਇਨ੍ਹਾਂ  ਦੇ ਇਲਾਵਾ,  ਕੋਈ ਹੋਰ ਸਮਾਨ ਨੂੰ ਲੈ ਜਾਣ ਦੀ ਆਗਿਆ ਨਹੀਂ ਹੋਵੇਗੀ।

************

ਐੱਮਜੇਪੀਐੱਸ/ਐੱਸਆਰ