ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଅଗଷ୍ଟ ୧୦ରେ କର୍ଣ୍ଣାଟକ ଗସ୍ତରେ ଯିବେ
ପ୍ରଧାନମନ୍ତ୍ରୀ ୭୧୬୦ କୋଟି ଟଙ୍କାରେ ନିର୍ମିତ ବାଙ୍ଗାଲୋର ମେଟ୍ରୋର ୟେଲୋ ଲାଇନକୁ ଉଦଘାଟନ କରିବେ
ପ୍ରଧାନମନ୍ତ୍ରୀ ୧୫,୬୧୦ କୋଟି ଟଙ୍କାରେ ହେବାକୁ ଥିବା ବାଙ୍ଗାଲୋର ମେଟ୍ରୋ ଫେଜ୍-୩ ପ୍ରକଳ୍ପର ଶିଳାନ୍ୟାସ କରିବେ
ପ୍ରଧାନମନ୍ତ୍ରୀ ବେଙ୍ଗାଲୁରୁରୁ ୩ଟି ବନେ୍ଦ ଭାରତ ଏକ୍ସପ୍ରେସର ଶୁଭାରମ୍ଭ କରିବେ
Posted On:
09 AUG 2025 2:20PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଅଗଷ୍ଟ ୧୦ ତାରିଖରେ କର୍ଣ୍ଣାଟକ ଗସ୍ତରେ ଯିବେ । ପୂର୍ବାହ୍ନ ପ୍ରାୟ ୧୧ଟା ସମୟରେ ସେ ବେଙ୍ଗାଲୁରୁ କେଏସଆର ରେଳଷ୍ଟେସନରୁ ୩ଟି ବନେ୍ଦ ଭାରତ ଟ୍ରେନର ଶୁଭାରମ୍ଭ କରିବେ । ଏହାପରେ ସେ ବାଙ୍ଗାଲୋର ମେଟ୍ରୋ ୟେଲୋ ଲାଇନର ଶୁଭାରମ୍ଭ କରିବା ସହ ମେଟ୍ରୋରେ ଆରଭି ରୋଡ(ରାଗିଗୁଡ଼ା)ରୁ ଇଲେକ୍ଟ୍ରୋନିକ୍ ସିଟି ମେଟ୍ରୋ ଷ୍ଟେସନ ପର୍ଯ୍ୟନ୍ତ ଯାତ୍ରା କରିବେ ।
ଦ୍ୱିପ୍ରହର ପ୍ରାୟ ୧ଟା ସମୟରେ ପ୍ରଧାନମନ୍ତ୍ରୀ ବେଙ୍ଗାଲୁରୁରେ ସହର ସଂଯୋଗୀକରଣ ପ୍ରକଳ୍ପର ଶିଳାନ୍ୟାସ କରିବେ । ଏକ ସାଧାରଣ ସଭାକୁ ମଧ୍ୟ ସମ୍ବୋଧିତ କରିବେ ।
ପ୍ରଧାନମନ୍ତ୍ରୀ ବାଙ୍ଗାଲୋର ମେଟ୍ରୋ ଫେଜ୍-୨ରେ ଆରଭି ରୋଡ (ରାଗିଗୁଡ଼ା)ରୁ ବୋମାସାନ୍ଦ୍ରା ପର୍ଯ୍ୟନ୍ତ ୟେଲୋ ଲାଇନର ଉଦଘାଟନ କରିବେ । ୭,୧୬୦ କୋଟି ଟଙ୍କାରେ ନିର୍ମିତ ୧୯ କିଲୋମିଟରର ଏହି ଲାଇନରେ ଅଛି ୧୬ଟି ଷ୍ଟେସନ । ଏହି ନୂତନ ୟେଲୋ ଲାଇନର ଉଦଘାଟନ ଫଳରେ ବେଙ୍ଗାଲୁରୁରେ ମେଟୋ ନେଟୱର୍କ ୯୬ କିଲୋମିଟରକୁ ବୃଦ୍ଧି ପାଇବ, ଯାହାକି ଏକ ବୃହତ ଜନସଂଖ୍ୟା ପାଇଁ ଉପଯୋଗୀ ।
ପ୍ରଧାନମନ୍ତ୍ରୀ ୧୫,୬୧୦ କୋଟି ଟଙ୍କାରେ ହେବାକୁ ଥିବା ବାଙ୍ଗାଲୋର ମେଟ୍ରୋ ଫେଜ୍-୩ ପ୍ରକଳ୍ପର ଶିଳାନ୍ୟାସ କରିବେ । ଏହି ପ୍ରକଳ୍ପର ଦୂରତ୍ୱ ମୋଟ ୪୪ କିଲୋମିଟର ହେବ ଏବଂ ୩୧ଟି ଇଲେଭେଟେଡ ଷ୍ଟେସନ ରହିବ । ଏହି ପ୍ରକଳ୍ପ ସହରର ଆବାସିକ, ବାଣିଜି୍ୟକ, ଔଦ୍ୟୋଗିକ ଏବଂ ଶୈକ୍ଷିକ କ୍ଷେତ୍ର ପାଇଁ ପରିବହନ ଆବଶ୍ୟକତା ପୂରଣ କରିବ ।
ପ୍ରଧାନମନ୍ତ୍ରୀ ବେଙ୍ଗାଲୁରୁରୁ ୩ଟି ବନେ୍ଦ ଭାରତ ଟ୍ରେନର ଶୁଭାରମ୍ଭ ମଧ୍ୟ କରିବେ । ଏହି ୩ଟି ଟ୍ରେନ ହେଲା ବେଙ୍ଗାଲୁରୁରୁ ବେଲଗାଭି, ଅମୃତସରରୁ ମାତା ବୈଷ୍ଣୋଦେବୀ କାଟ୍ରା ଏବଂ ନାଗପୁର (ଅଜନି)ରୁ ପୁନେ । ଏହି ଦ୍ରୁତଗତି ସମ୍ପନ୍ନ ଟ୍ରେନ ଗୁଡ଼ିକ ଆଞ୍ଚଳିକ ସଂଯୋଗୀକରଣକୁ ଦୃଢ଼ କରିବ, ଯାତ୍ରା ସମୟ ହ୍ରାସ କରିବ ଏବଂ ଯାତ୍ରୀମାନଙ୍କୁ ବିଶ୍ୱସ୍ତରୀୟ ଯାତ୍ରାର ଅଭିଜ୍ଞତା ଦେବ ।
SR
(Release ID: 2154726)
Read this release in:
Assamese
,
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam