IT 2.0গী মখাদা দিজিতেল ত্রান্সফোর্মেসনগী শরুক অমা ওইনা ইন্দিয়া পোস্তনা এদভান্স পোস্তেল তেক্নোলোজী (APT) এপ্লিকেসন লৈবাক শিনবা থুংনা রোল আউৎ তৌবা হৌখ্রে। লেগেসী সিস্তেমদগী অহোংবা অসি হেন্না থুনা, হেন্না স্মার্ত ওইবা, অমসুং কস্তমর-সেন্ত্রিক ওইবা পোস্তেল সর্ভিসশিং পীনবগী মায়কৈদা অচৌবা খোংথাং অমনি।

সহর, খুঙ্গং অমসুং অরাপ্পা মফমশিংদা লৈরিবা পোস্ত ওফিস লাখ 1.64  হেনবদা লৈরিবা মাইগ্রেসন অসিগী স্কেল অমসুং কমপ্লেক্সিতী অসি য়েংলগা, রোল আউৎকী অহানবা নুমিত্তা হায়বদি 2025গী ওগস্তকী তাং 04দা তপথবা উবা ফংখি। অদুম ওইনমক, তেক্নিকেল তীম্না অয়ুক-নুমিদাং চুপ্পা থবক তৌখি অমসুং 05.08.2025দা তপথবা অসি রেক্তিফাইফ তৌখি।

রোল আউৎ অসিগী পাক চাউবা অমসুং কমপ্লেক্সিতীনা মরম ওইদুনা অসিগুম্বা শিংনবশিং অসি মাংজৌননা খঙলদুনা, দিপার্তমেন্ত অসিনা থবক অসি পায়খৎপদা থেংনরিবা খুদোংচাদবশিং অসি অথুবা মতমদা কোকহন্নবা দিদিকেতেদ সপোর্ত তীমশিং অমসুং রিএল-তাইম মোনিতরিং সিস্তেমশিং শেমখ্রে। APT সিস্তেম অসিনা হৌজিক ত্রাঞ্জেক্সনগী খোঙজেল, দিজিতেল পেমেন্ত ইন্তিগ্রেসন, রিএল-তাইম ত্রেকিং, অমসুং অপুনবা য়ুজর এক্সপরিয়েন্সতা মশক থোকনা ফগৎলকপা ঙমহল্লি। 05.08.2025দা ভারত শিনবা থুংনা অনৌবা এপ্লিকেসন অসিগী খুত্থাংদা আর্তিকল লাখ 20 হেন্না বুক তৌখি অমসুং আর্তিকল লাখ 25 হেন্না দেলিভর তৌখি।

ইন্দিয়া পোস্তনা পব্লিক সর্বিস অপনবা লৈতনা ফংহন্নবা অচেৎপা ফিরেপ লৌরি। দিপার্তমেন্তনা থবক পাংথোকপগী মওং অদু কুপ্না য়েংশিল্লি অমসুং অপনবা লৈতবা অমসুং নীংথিনা ত্রাঞ্জিসন অমা লৈহন্নবগীদমক মথৌ তাবা থৌরাং পুম্নমক লৌখৎলি। মরুওইবা দিজিতেলগী অপগ্রেদ তৌবগী মতম অসিদা মখোয়গী অৱাবা খাংবা অমসুং তেংবাং পীবগীদমক লৈবাক অসিনা নাগরিকশিংদা থাগৎপা ফোংদোক্লি।

*****