ہندوستان میں غیر ملکی سیاحوں، پیشہ ور افراد اور ہنر مند افرادی قوت، کاروباری افراد، طلباء وغیرہ سمیت غیر ملکیوں کی قانونی داخلی نقل و حرکت کو قابل بنانے کے لیے ایک مضبوط ویزا نظام موجود ہے۔ حکومت نے گزشتہ  کچھ برسوں میں جائز غیر ملکی مسافروں کو سہولت فراہم کرنے کے لیے ویزا کے نظام کو آزاد، ہموار اور آسان بنانے کے لیے متعدد اقدامات کیے ہیں اور ساتھ ہی ساتھ داخلی سکیورٹی یکنالوجی کو بھی بہتر بنایا ہے۔

ہندوستانی ویزا نظام کو آزاد اور آسان بنانے کے لیے اٹھایا گیا ایک اہم قدم-  خاص طور پر سیاحتی ویزا نظام، ای - ویزا کی سہولت کا آغاز ہے۔ یہ سروس  الیکٹرانک ٹریول اتھارٹی (ای ٹی اے) کے ساتھ جو نومبر 2014 میں 43 ممالک کے شہریوں کے لیے متعارف کرائی گئی تھی، فی الحال 172 ممالک کے شہریوں کے لیے 32 نامزد بین الاقوامی ہوائی اڈوں اور 06 بڑی بندرگاہوں کے ذریعے داخلے کے لیے دستیاب ہے۔ ای - ویزا فی الحال 13 ذیلی زمروں کے تحت دستیاب ہے یعنی ای - ٹورسٹ ویزا، ای - بزنس ویزا، ای - میڈیکل ویزا، ای - میڈیکل اٹینڈنٹ ویزا، ای -  کانفرنس ویزا، ای - آیوش ویزا، ای - آیوش اٹینڈنٹ ویزا، ای - اسٹوڈنٹ ویزا، ای-  اسٹوڈنٹ ایکس  ویزا، ای-  ٹرانزٹ  ویزا، ای - ماؤنٹینیرنگ ویزا، ای-  فلم ویزا اور ای-  انٹری (ایکس - 1) ویزا۔

ای - ویزا کی پروسیسنگ مکمل طور پر آن لائن پلیٹ فارم پر دستایب  ہے۔ ایک غیر ملکی کہیں سے بھی ای ویزا کے لیے درخواست دے سکتا ہے۔ ای - ویزا کے متعارف ہونے سے غیر ملکیوں کو جائز مقاصد جیسے سیاحت، کاروبار اور طبی مقاصد وغیرہ کے لیے ہندوستان میں بغیر کسی پریشانی کے داخلہ فراہم کرنے میں مدد ملی ہے۔

25 امریکی ڈالر کی ویزا فیس کے ساتھ 30 دن کا ڈبل انٹری ای - ٹورسٹ ویزا - ا 2019 میں شروع کیا گیا تھا۔ آف سیزن (اپریل - جون) سیاحوں کی حوصلہ افزائی کے لیے اس کم مدت کے دوران 25 امریکی ڈالر کی ویزا فیس کو کم کر کے 10 امریکی ڈالر کر دیا گیا تھا۔

ای-  ویزا نظام کو آزاد اور آسان بنانا،  جس میں  کسی مخصوص ٹورسٹ گروپس کے لیے ویزا فیس میں چھوٹ یا خصوصی ویزا کیٹیگریز- جو  ایک جاری عمل ہے  اور جو سکیورٹی، اندرون ملک سیاحت اور سرمایہ کاری، دو طرفہ تعلقات، باہمی تعلقات کی بنیاد پر وغیرہ کو مدنظر رکھتے ہوئے کیا جاتا ہے۔

یہ بات وزارت داخلہ میں وزیر مملکت جناب بندی سنجے کمار نے ایواں زیریں  لوک سبھا میں ایک سوال کے تحریری جواب میں کہی۔

*******

ش ح- ظ ا-ج

UR No.4091