সরকারনা লৈবাক অসিগী LPG কঞ্জ্যুমরশিংদা LPG দিস্ত্রিব্যুসন অমসুং সবসিদী ত্রান্সফরশিং অসি ইফিসেন্ত, ত্রান্সপরেন্ত অমসুং ইনক্লুসিব ওইহন্নবা লেপ্তনা থবক পায়খৎলি। মসি পেত্রোলিয়ম অমসুং নেচরেল গ্যাসকী মন্ত্রী শ্রী হরদীপ সিংহ পুরিনা রাজ্য সভাদা স্তার্দ তৌবা ৱাহং অমগী অইবা পাউখুমদা ফোঙদোকখি। মহাক্না PAHAL (DBTL) স্কিম, আধার-বেজ ভেরিফিকেসন, বাইওমেত্রিক ওথেন্তিকেসন, অমসুং ইনইলিজিবল নৎত্রগা দুপ্লিকেৎ কন্নেক্সনশিং লৌথোকপা অসিগুম্বা ইনিসি‌এতিবশিং অসি ইমপ্লিমেন্ত তৌবনা তার্গেতেদ সবসিদীশিং ত্রান্সফর তৌবগী সিস্তেম অসি য়াম্না মপাঙ্গল কনখৎহল্লে হায়না পনখি।

শ্রী পুরিনা হায়খি মদুদি কঞ্জ্যুমর এমপৱারমেন্ত হেনগৎহন্নবা অমসুং সর্ভিস ত্রান্সপরেন্সী হেনগৎহন্নবা, IVRS/SMS রিফিল বুকিং সিস্তেম অসি লৈবাক শিনবা থুংনা LPG দিস্ত্রিব্যুতরশিপ পুম্নমক্তা চৎনহনখ্রে। সিস্তেম অসিগী মখাদা, কঞ্জ্যুমরশিংনা মরুওইবা তাঙ্ককশিংদা SMS নোতিফিকেসনশিং ফংগনি - রিফিল বুকিং, কেশ মেমো জেনরেসন, অমসুং রিফিল দেলিভরী - মসিনা মখোয়না মখোয়গী ত্রাঞ্জেক্সনশিং ত্রেক তৌবা অমসুং অরানবা নৎত্রগা দেলিভরী তৌদবগী কেসশিং রিপোর্ত তৌবা ঙমহনগনি। মহাক্না মখা তানা হায়খি মদুদি ওল মার্কেতিং কম্পনীশিং (OMCশিং)না দেলিভরী ওথেন্তিকেসন কোদ (DAC) হৌদোক্লে, মসি কঞ্জ্যুমরদা কেস মেমো জেনেরেসন তৌরবা মতুংদা SMSগী খুত্থাংদা থাই অমসুং দেলিভরী তৌবা মতমদা দেলিভরী পর্সনেলদা শিয়র তৌবা মথৌ তাই, অসুম্না তৌদুনা ওথেন্তিকেসন তৌহল্লি।

কমপ্লায়েন্স ঙাক্নবা অমসুং অরানবা তৌবা অসি লাকশিন্নবা, OMCশিংগী ফিল্দ ওফিসরশিংনা LPG দিস্ত্রিব্যুতরশিং চাং নাইনা অমসুং খঙহৌদনা য়েংশিনবগী থবক পায়খৎলি হায়না মন্ত্রীনা পনখি। মসিগী মথক্তা, রিজনেল ওফিসশিং, জোন ওফিসশিং, দিভিজন ওফিসশিং অমসুং তেরিতোরী ওফিসশিংগী ওফিসিএলশিংনা এন্তি-অদলতরেসন সেল, ক্বালিতী রিএস্যুরেন্স সেলশিং, অমসুং ভিজিলেন্স দিপার্তমেন্তকী ওফিসিএলশিংগা লোয়ননা দিস্ত্রিব্যুতরশিংগী গোদাউনশিং, শো রুমশিং, দেলিভরী পোইন্তশিং অমসুং লম্বীদা LPG লান্না শীজিন্নবা ঙাকথোক্নবা রেন্দম চেকশিং চৎথৈ।

শ্রী পুরিনা সবসিদী ত্রান্সফরশিং অমসুং সিস্তেম মপাঙ্গল কনখৎহনবদা মরু ওইনা রিফোর্মশিং পায়খৎলিবা অদু পাউদমখি, মসিদা য়াওরিবা অদুদি:

1. দাইরেক্ত বেনিফিৎ ত্রান্সফর ওফ LPG (DBTL) – PAHAL স্কিম: লৈবাক শিনবা থুংনা সবসিদীশিং ত্রান্সপরেন্ত অমসুং ইফেক্তিব ওইনা য়েন্থোক্নবগীদমক PAHAL স্কিম অসি জনুৱারী, 2015দগী চৎনরক্লি। শ্রী পুরিনা হায়খি মদুদি স্কিম অসিগী মখাদা দোমেস্তিক LPG সিলিন্দর পুম্নমক সবসিদী লৈতবা মমলদা য়োনগনি অমসুং সবসিদী অদু কঞ্জ্যুমরশিংগী বেঙ্ক একাউন্তদা হকথেংননা ত্রান্সফর তৌগনি। সবসিদী ক্রেদিৎ তৌরবা মতুংদা, কঞ্জ্যুমর অদুনা সবসিদী দিপোজিৎ তৌখিবগী কনফর্ম তৌরবা SMS অমা লাক্কনি। করিগুম্বা ত্রাঞ্জেক্সন অমা মায় পাক্লক্ত্রবদি, কঞ্জ্যুমর অদুদা ইসু অদুগী মতাংদা SMSগী খুত্থাংদা খঙহনগনি অমসুং মথৌ তাবা কোরেক্তিব এক্সন লৌখৎকনি। মহাক্না মখা তানা হায়খি মদুদি PAHALনা "ঘোস্ত" একাউন্তশিং, মলতিপল একাউন্তশিং অমসুং ইনএক্তিব LPG কন্নেক্সনশিং মশক খঙদোকপা অমসুং থিংবদা মরু ওইবা থৌদাং লৌরি। মসিনা কম্মর্সিএল ওইনা শিজিন্ননবা সবসিদী পীবা LPG 01.07.2025 ফাওবদা, লুপা করোর 4.08গী দুপ্লিকেৎ, ফেক/নন-একজিস্তেন্ত, অমসুং ইনএক্তিব LPG কন্নেক্সনশিং ব্লোক তৌখ্রে, সস্পেন্দ তৌখ্রে, নৎত্রগা দিএক্তিব তৌখ্রে।
2. কম্মন LPG দেতাবেজ প্লেৎফোর্ম (CLDP)গী খুত্থাংদা দি-দুপ্লিকেসন:
   শ্রী পুরিনা হায়খি মদুদি সরকারনা CLDP হৌদোকখি মসিগী খুত্থাংদা দুপ্লিকেৎ কন্নেক্সন মশখ খঙদোকখী অমসুং LPG দেতাবেজতগী লৌথোকখি। আধার নম্বর, বেঙ্ক একাউন্তকী অকুপ্পা মরোল, AHL TIN নম্বর, রাসন কার্দকী অকুপ্পা মরোল, মমিং অমসুং এদ্রেস অসি মরুওইবা পেরামিতরশিং ওইনা শিজিন্নদুনা দি-দুপ্লিকেসন পাংথোকই।
3. বাইওমেত্রিক আধার ওথেন্তিকেসন দ্রাইব: মন্ত্রীনা হায়খি মদুদি DBT স্কিমশিংগীদমক আধারদা য়ুম্ফম ওইবা ওথেন্তিকেসন অসিনা বেনিফিসরীশিংগী অচুম্বা, রিএল-তাইম, অমসুং শেল চংদবা মশক খঙদোকপা, ওথেন্তিকেসন অমসুং দি-দুপ্লিকেসন তৌবা ঙমহল্লি, মসিনা পান্দম থমদুনা কান্নবা ফংহনবদা মতেং পাংই। সরকারনা পব্লিক সেক্তরগী OMCশিংদা PMUY অমসুং PAHALগী কান্নবা ফংলবশিংগী বাইওমেত্রিক আধার ওথেন্তিকেসন পাংথোক্নবা অমসুং মপুং ফাহননবা খঙহনখ্রে। 01.07.2025ফাওবদা, হৌজিক লৈরিবা PMUYগী কান্নবা ফংলবা মীওই 67%গীদমক বাইওমেত্রিক আধার ওথেন্টিকেসন লোইশিনখ্রে। মসিগী মথক্তা, অনৌবা PMUY কঞ্জ্যুমর পুম্নমক কন্নেক্সনশিং রিলিজ তৌদ্রিঙৈদা বাইওমেত্রিক ওথেন্তিকেসন তৌই।
4. ইনইলিজিবল কঞ্জ্যুমরশিং লৌথোকপা:
   শ্রী পুরীনা হায়খি মদুদি PAHALগী কঞ্জ্যুমরশিংদা পান্দম থমদুনা সবসিদীগী কান্নবা পীনবা PAHALনা মতেং পাংলি। কান্নবা অসি ইলিজিবল ওইরবা অমসুং পান্দম থম্লিবা বেনিফিসরীশিংদা মতিক চাবা অমসুং মতম চানা য়ৌহন্নবগীদমক খোংথাং কয়া অমা লৌখৎখ্রে। হৌরকপা মতমদগীদি, অপুনবা দিদুপ্লিকেসন এক্সরসাইজকী মহৈ ওইনা, PMUYগী কন্নেক্সন লাখ 8.49 ককথৎখ্রে। মহাক্না মখা তাখি মদুদি জনুৱারী 2025দা, PMUY কঞ্জ্যুমরশিংবু মখোয়গী কন্নেক্সন ইনস্তোলেসন তৌরবা মতুংদা রিফিল অমত্তা লৌখিদবা অদু লৌথোক্নবগীদমক স্তেন্দর্দ ওপরেতিং প্রোসিদ্যুর (SOP) থোকখ্রে। হায়রিবা SOPগী মখাদা, PMUYগী ইনএক্তিব কন্নেক্সন 12,000 রোম ককথৎখ্রে।
5. আধার কমপ্লায়েন্স হেনগৎহন্নবা ত্রাঞ্জেক্সন ফেলিয়রশিং হন্থহল্লি:
   মন্ত্রীনা হায়খি মদুদি সবসিদীগী ত্রাঞ্জেক্সন অয়াম্বদি দেলিভরী তৌরবা মতুং নুমিৎ নিনিগী মনুংদা মায় পাক্না লোইশিনবা ঙম্মি, অদুবু অখন্নবা ইসু খরনা ত্রাঞ্জেক্সন ফেলিয়রশিং থোকহল্লি। মসিগী মনুংদা বেঙ্ক একাউন্তশিংদগী আধার লৌথোকপা, বেঙ্ক মর্জর তৌবা, ইনএক্তিব আধার নম্বরশিং, অমসুং একাউন্ত ক্লোজর নৎত্রগা ত্রান্সফর তৌবা য়াওরি। কঞ্জ্যুমর খুদিংমক আধার ত্রান্সফর কমপ্লাইএন্ত ওইহন্নবগীদমক মীৎয়েং চঙনা হোৎনরি। 01.07.2025 ফাওবদা, অপুনবা LPG কঞ্জ্যুমর করোর 33.05 গী মনুংদা 92.44%গী আধার অসি OMCশিংগী দেতাবেজদা য়াওরে। অপুনবা DBTL কঞ্জুমর করোর 30.63গী মনুংদা চাউরাক্না 86.78%দি আধার ত্রান্সফর কমপ্লাইন্ত ওইরি।

LPGগী য়েন্থোকপা অসি রেগুলেত তৌনবা, শ্রী পুরীনা হায়খি মদুদি সরকারনা 'লিক্বিফাইদ পেত্রোলিয়ম গ্যাস (রিগুলেসন ওফ সপ্লাই এন্দ দিস্ত্রিব্যুসন) ওর্দর, 2000'গী নোতিফিকেসন পীখ্রে। মসিগী মথক্তা, OMCশিংনা LPG দিস্ত্রিব্যুতরশিংনা ঙাক্না চৎকদবা "মার্কেতিং দিসিপ্লিন গাইদলাইনশিং" শেমখ্রে। মসিগী গাইদলাইনশিং অসিনা দিস্ত্রিব্যুতরশিংনা অরানবা থৌবা থেংনরবদি মখোয়গী মথক্তা পেনাল এক্সন লৌবা য়াগনি। LPGগী মার্কেতিং তৌবদা ইরিগ্যুলেতরীশিং থোকপা থেংনরবা কেস পুম্নমক্তা মার্কেতিং দিসিপ্লিন গাইদলাইনশিং নত্ত্রগা দিস্ত্রিব্যুতরশিপ এগ্রীমেন্তকী প্রোভিজনশিংগী মতুং ইন্না থবক লৌখৎকনি।

মন্ত্রীনা হায়খি মদুদি DBTL-PAHAL স্কিমগী কান্নবা য়েংশিন্নবা স্তদী কয়ামরুম পাংথোকখ্রে। রিসর্চ এন্দ দিবেলপমেন্ত ইনিসিএতিব  (RDI)না পাংথোকপা কমপ্রিহেন্সিব থর্দ-পার্তী ইভাল্যুসন অমনা রেস্পোন্দেন্তশিংগী 90% হেনবনা সবসিদী রিইমবর্সমেন্ত মেকানিজমদা অপেনবা পোক্লি। রিপোর্ত অসিনা সবসিদী পেমেন্ত ইনফ্রাস্ত্রকচর অমসুং গ্রিভান্স রিদ্রেসেল সিস্তেমশিং মপাঙ্গল কনখৎহল্লি, অমসুং শেল-থুমদা শোকহল্লবা শরুকশিংদা সবসিদীশিং ককথৎবা অদু হেনগৎহন্নবা তার্গেৎ তৌরি। মসিনা LPGগী সেফ য়ুজ অমসুং হেন্না শিজিন্নবগীদমক লোকেল লোল অমসুং মাস মীদিয়া কেম্পেনগী খুত্থাংদা লেপ্পা লৈতবা সেফতি এৱারনেস অমসুং হেন্না পাক শন্না য়ৌহনবা মথৌ তাবগী ৱাফমসু পনখি। ফীভমশিং অসিগী মতুং ইন্না, শ্রী পুরিনা হায়খি মদুদি PAHAL স্কিমগী ইফিসিএন্সী, ত্রান্সপরেন্সী অমসুং আউতচিক হেন্না ফগৎহন্নবা খোংথাংশিং লৌখৎলি।

2024-25গী মনুংদা, LPG রিফিল করোর 194 রোম কঞ্জ্যুমরশিংদা য়ৌহনখি অমসুং মসিগী মনুংদা চাদা 0.08 খক্তগীদমক কমপ্লেন্তশিং লাকখি। অয়াম্বনা সিস্তেম অসিগী অপুনবা ইফিসিএন্সী অদু উৎলিবা সবসিদী ত্রান্সফর নৎত্রগা দেলিভরী দিলে ওইরকপগা মরী লৈনৈ।

LPG কঞ্জ্যুমরশিংগী অপুনবা কঞ্জ্যুমর এক্সপরিয়েন্স অমসুং সর্ভিসকী মগুন হেনগৎহন্নবা LPG কঞ্জ্যুমরশিংগীদমক গ্রিভান্স রিদ্রেসেল সিস্তেম অসি তপ্না তপ্না মপাঙ্গল কনখৎহনখ্রে অমসুং ফগৎহনখ্রে হায়নসু মহাক্না পনখি। কঞ্জ্যুমরশিংনা মখাদা পীরিবা মেকানিজমশিং অসিগী খুত্থাংদা গ্রিভান্সশিং নত্ত্রগা কমপ্লেন্তশিং থাগৎপা য়াই:

1. তোল ফ্রি হেল্পলাইন: 1800 2333 555 (সবসিদীগী ইসুশিং য়াওনা কঞ্জ্যুমরগা মরি লৈনবা ৱাহং পুম্নমক্কীদমক)
2. OMCশিংগী ওফিসিএল ৱেবসাইতশিং অমসুং মোবাইল এপ্লিকেসনশিং
3. সেন্ত্রেলাইজ পব্লিক গ্লেমেন্স রিদ্রেসমেন্ত অমসুং মোনিতরিং সিস্তেম (CPGRAMS)
4.  MoPNGeSEVA য়াওনা চেৎ বোৎশিং, ৱাতসএপ অমসুং সোসিএল মীদিয়া প্লেৎফোর্মশিং (ত্বিত্তর, ফেসবুক, ইন্সতাগ্রাম)
5. হেল্পলাইন 1906: LPGগী এক্সিদেন্ত অমসুং লিকেজশিংগীদমক্তা অখন্নবা
6.  দিস্ত্রিব্যুতরগী ওফিসতা কমপ্লেন্তশিং হকথেংননা থাগৎপা

***