কেন্দ্রগী গৃহ মন্ত্রীনা ওপরেসন সিন্দুর অমদি ওপরেসন মহাদেবকী খুত্থাঙদা ভারতকী ইকায়খুম্নবা হেনগৎহনখিবা আর্মী অমদি সিক্যুরিতী ফোর্স পুম্নমক্কী মফমদা থাগৎপা ফোঙদোকখি

ঐনা ওপোজিসনগী মফমদা হায়নিংবদি নখোয়না POK পীথোকখিবনি, মদু অমুক হন্না লৌশিনবগী থবক্তি মোদী লৈঙাকখক্তনা তৌগনি

ঐনা চাউথোকপগা লোয়ননা হায়নিংই মদুদি হিন্দু অমত্তা তেরোরিস্ত ওইরোই

ওপোজিসনগী লৈঙাক মতমদা, আর্মীদা নোংমৈ অমদি মরুদি লায়রদনা থুম, মৈখেৎ অমদি নিংথমথাদা শেৎনবা ফিরোল ফাওবা ৱাৎলম্মি

ঙসি, মোদী লৈঙাক্কী মখাদা, ঐখোয়গী লান্মীশিংদা পুংখায় অমগী মনুংদা পাকিস্তানগী দিফেন্স সিস্তেমবু মকুপ তাহনবা ঙম্বা মতমগা চুনবা খুৎলায় লৈরে

পাকিস্তান অমদি তেরোরিস্তশিংনা কাস্মির অসি তেরোরিজমদগী মনিং তমহল্লোই হায়না পাউজেল অমা পীবা পামখি, অদুবু জম্মু অমসুং কাস্মির তেরোরিজমগী খয়াৎনুংদগী মনীং তমহনগনি, মসি মোদীগী ফিরেপ্নি

করিগুম্বা পহলগাম এতেক্ত ওপোজিসনগী লৈঙাক মতমদা থোক্লম্বা ওইরবদি, পাকিস্তান্না ঙন্না ক্লীন চিত ফংলম্লগনি

ভারত্তা তেরোরিজমগী মশা মরেং ফন্দোক্লকপগী অমত্তা ঙায়রবা মরমদি ওপোজিসনগী পেলহন্নবগী থৌরাং অদুনি

ঙসিগী ভারতনা তেরোরিস্ত এতেক্তকী মতুংদা চে-চাংগী মহুত্তা মিসাইল ওইনা থাজিল্লি

ওপরেসন সিন্দুরগী খুত্থাঙদা, অহানবা ওইনা ঐখোয়না তেরোরিজমগী ময়ায় চবুক্তা লান্দাখি

মালেমগী ওইনা তেরোরিস্ত অহুম অসি পাকিস্তান মচাশিংনি হায়বগী খুদম চাংদম লৈরে, অদুবু ওপোজিসন পার্তীনা পাকিস্তান্দা ক্লীন চিত পীরি

ওপোজিসনগী প্রাইওরিতীদি লৈবাকসিগী ঙাকশেল নৎত্রগা তেরোরিজম মুত্থৎপা নত্তে, ভোত বেঙ্ককী রাজনিতীনি

ওপোজিসন লুচিংবশিংনা, সিবাজী মহারাজনা মুগলশিংগী মখুত্তগী নীংতম্বা ঙাক্নবগীদমক ‘হর হর মহাদেব’ হায়বা খোল্লাউগা লোয়ননা লান্থেংনখি কাউদুনা ওপরেসন মহাদেব হায়রিবা মমিং অসিবু লাইনিংগা মরী লৈনহল্লি হায়না মরাল শীরি

ওপরেসন সিন্দুর কনামত্তনা ইনশিল্লগা লেপখিবা নত্তে, পাকিস্তানগী মখুরাই থুদেক্লবা মতুংদা, মখোয়গী DGMO না কোল তৌরক্লগা ‘য়াম্না কা হেল্লে, চান্বিদুনা তোকপিরো’ হায়রকপদগী লেপখিবনি

ওপোজিসন্না ১৯৭১ গী লান অদু অচেৎপা মহৈ ফংখিবা লান্নি হায়না হায়বা ঙম্বরা? করিগুম্বা মদু ওইরম্লগদি, করিগী তেরোরিজম শন্দোরক্লিবনো?

য়েক্নবশিং কিরবা নৎত্রগা মশানা শেমদোকচবা নৎত্রগদি, তেরোরিজম মরু ফংনা লোইশিনবা ঙম্লোই। ঐখোয়না তেরোরিজমবু থুগাইগনি

ওপোজিসনগী খুজিল থৌরাংনা মরম ওইরগা কাস্মিরদা তেরোরিজম হেনগৎলকখিবনি, জমাত-ই-ইস্লামি অমসুং হুরিয়তপু ওপোজিসন্না য়োকখৎখিবনি, মদুনা মরম ওইরগা তেরোরিজম্না কাস্মির পুম্বা য়োৎশিনখিবনি

মমাঙদা ইমুং অহুমখক্তনা কাস্মিরদা লৈঙাক পায়রম্মি, অদুবু ঙসিদি পঞ্চায়ত মীখলগী খুত্থাঙদা কাস্মির মীয়ামগী লৈঙাক শেমখ্রে

মমাঙদা তেরোরিস্তশিংনা মপান্দগী লাক্লমদে, কাস্মিরগী নহাশিংখক্তনা নোংমৈ পায়রম্মি, হৌখিবা থা ৬ সিদা কাস্মিরগী নহা অমত্তনা তেরোরিস্ত লুপশিংদা য়াওখিদ্রে

ওপোজিসন লুচিংবশিংনা বত্লা হাউস এনকাউন্তরদা তেরোরিস্ত শিবদা মপী তাখি অদুবু মখোয়গী মমিত্তগী অথৌবা মোহন চন্দ শর্মগীদমক মপী অমত্তা শিন্থখিদে

পন্দিত নেহরুনা লৈবাকসিগী স্ক্বার কিলোমিতর ৩৮,০০০ চাইনাদা পীথোক্তুনা অচৌবা পাপ অমা লঙশিল্লম্মি। চাইনাগীদমক UNSC গী পর্মেমেন্ত মেম্বর ওইবা য়াখিদবদুসু পন্দিত নেহরুনি

রাজিব গান্ধী ফাউন্দেসন্না চাইনাগা MoU খুৎয়েক পীনখি, চাইনাদগী শেল লৌরম্মি, ঐখোয়না রাজিব গান্ধী ফাউন্দেসনগী FCRA লাইসেন্স লিগেল ওইবা মওংদা ককখি

ওপোজিসন্না চাইনাগা করম্বা মখলগী MoU খুৎয়েপ পীনখি, মখোয়না চাইনাদগী শেল কয়া য়াম্না লৌরমখি?

ঐখোয়না ১৯৭১ দা পাকিস্তানবু মায়থিবা পীখি অদুবু সিম্লা এগ্রীমেন্ততা ঐখোয়না করি তৌখি? ঐখোয়না PoK সু লৌশিনখিদে অদুগা স্ক্বার কিলোমিতর ১৫,০০০ গী লমসু লৌখিদে, মসিদসু নত্তনা, পাকিস্তানগী লান্ফা ৯৩,০০০ শু থাদোকখি

PoK কীদমক নুংশা থিবিরুনু, ঐখোয়গী লৈঙাক্না PoK সু লৌশিনখিনি

শর্ম এল-সৈখতা মতমদুগী ওপোজিসনগী লৈঙাক্না ভারতকী ইকায়খুম্নবা মাঙহন্দুনা তেরোরিজমগী মতাঙদা পাকিস্তান্দা ক্লীন চিত পীখি

মোদীজীগী লুচিং অসিদি ঈরৈবাক্কীদমক ইহুল খঙবা, খোঙফম চেৎপা অমদি ফিরেপ চেৎপা লুচিংবনি

মোদী জীগী লুচিং মখাদা, ঐখোয়না লৈবাকসিদগী তেরোরিজম অমসুং নক্সলিজম অথুবা মতমদা লোইশিল্লগনি

কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা ঙসি রাজ্য সভাদা, পহলগাম তেরর এতেক্তা ভারতনা অকনবা মওংদা খোঙফম চেৎনা পাউখুম পীখিবা ওপরেসন সিন্দুরগী মতাঙদা অখন্ননা খন্ন-নৈনবদা শরুক য়াখ্রে

খন্ন-নৈনবদা পাউখুম পীরদুনা, কেন্দ্রগী গৃহ মন্ত্রী অমদি কোওপরেসন মন্ত্রীনা পহলগাম এতেক্তা শীখিবা মরাল লৈজদ্রবা মীচমশিংগী ইমুং মনুংদা অৱাবা ফোঙদোকখি। মহাক্না ওপরেসন সিন্দুর অমদি ওপরেসন মহাদেবকী খুত্থাঙদা ভারতকী ইকায়খুম্নবা হেনগৎহনখিবা আর্মী অমদি সিক্যুরিতী ফোর্স পুম্নমক্কী মফমদা থাগৎপা ফোঙদোকখি। মহাক্না প্রধান মন্ত্রী শ্রী নরেন্দ্র মোদীবুসু থাগৎখি অমদি লৈবাকসিগী মীওই করোর ১৪০গী অপামবগী মতুং ইন্না পাকিস্তান্দা চপ চাবা পাউখুম পীনবগী রাজনিতীগী ওইবা মতিক মথৌনা উৎখি।

জুলাই ২৮ দা ওপরেসন মহাদেবকী মখাদা লাস্করগী তেরোরিস্ত অহুম – সুলেমান, অফঘান অমসুং জিব্রান – ঐখোয়গী সিক্যুরিতী ফোর্সশিংনা কাস্মিরদা হাৎখি অমদি মসিনা পহলগাম এতেক্ত লাস্করনা চত্থবনি হায়বা তাকখি। প্রধান মন্ত্রী মোদীনা ‘ওপরেসন সিন্দুর’গী খুত্থাঙদা তেরোরিস্ত মকোকশিং হাৎখি অদুগা ‘ওপরেসন মহাদেব’তনা পহলগাম এতেক্তা শরুক য়াখিবা তেরোরিস্তশিংবু মুত্থৎখি।

ওপরেসন সিন্দুর অমদি ওপরেসন মহাদেবকী খুত্থাঙদা ভারতকী সিক্যুরিতী ফোর্সশিংনা প্রধান মন্ত্রীগী লুচিং মখাদা মালেমগী ওইনা তেরোরিস্ত এতেক্ত মতুংদা পীবা খ্বায়দগী মপা চুম্বা অমদি অথুবা পাউখুম পীখি হায়না কেন্দ্রগী গৃহ মন্ত্রীনা হায়খি। লাস্করগী খুৎপু অমা ওইরিবা TRF না পহলগাম এতেক্ত মখোয়না চত্থবনি হায়জরকখি অমদি মহাক মশামক নুমিত্তুদা মফমদুদা চত্তুনা সিক্যুরিতীগী থৌরাং য়েংশিন্দুনা তেরোরিস্তশিং অদু লৈবাকসিদগী চেনখিদনবা থৌরাং য়াৎলমখি হায়না মহাক্না হায়খি।

কেন্দ্রগী গৃহ মন্ত্রীনা হাউসতা ওপরেসন মহাদেবতা হাৎখিবা তেরোরিস্ত অহুমদগী রাইফল অহুম ফংখি – মখোয়দুদি 19 M-4 কর্বাইন অমা অদুগা AK 47 অনিনি। পহলগাম এতেক্ত মতুংদা, NIA না বাইসরন তম্পাক্তগী অহাংবা তোক্নিং ফংখি অমদি মখোয়দু ফোরেন্সিক সাইন্স লেবতা চাংয়েং তৌখি। তেরোরিস্তশিং অদু হাৎপা মতমদা মখোয়দগী ফংখিবা রাইফলশিং অদু চাংয়েং তৌখি অমদি ফোরেন্সিক্না নীংথিনা য়েংলবা মতুংদা রাইফলশিং অদু পহলগাম এতেক্তা শীজিন্নখি হায়বা চাদা চাম্ম থাজনিংঙাই ওইবা খুদম চাংদম ফংখি। ফংখিবা তোক্নিংশিংদুগী মনুংদা ৪৪ না 19 M-4 কর্বাইনগীনি অদুগা ২৫ না AK 47 রাইফল্সকীনি হায়বসু খঙবা ঙমখি। NIA না মপুং ফানা থিজিনখি অমদি মীওই ১০৫৫ গী ৱারোল লৌখি অদুগা চিংনবা মীওইশিংগী স্কেত্চ য়েকখি অমদি মখোয়বু চঙজফম পীরম্বা মীওই অহুমদুসু ফাগৎখি হায়খি।

ঐখোয়গী এজেন্সীশিংনা মে ২২ দগী জুলাই ২২ ফাওবা লেপ্তনা হোৎনদুনা তেরোরিস্তশিং লৈবগী চপ চাবা পাউ ফংবা ঙমখি হায়না শ্রী অমিত সাহনা হায়খি। জুলাই ২২ দা ঐখোয় মায় পাকখি অমদি তেরোরিস্ত লৈরে হায়বা খঙবা ঙমখি। আর্মীগী ৪ পেরাগী লুচিং মখাদা, CRPF অমসুং জম্মু অমসুং কাস্মির পুলিস পর্সোনেলশিংনা তেরোরিস্তশিংবু কোয়শিনখি অমদি জুলাই ২৮ দা পাঙথোকখিবা ওপরেসন অদুদা ঐখোয়গী মরাল লৈজদ্রবা মীচম মীয়ামবু হাৎখিবা তেরোরিস্ত অহুম্মক হাৎখি।

কেন্দ্রগী গৃহ মন্ত্রী অমদি কোওপরেসন মন্ত্রীনা, ওপোজিসন্দগী হৌরকখিবা হান্নগী গৃহ মন্ত্রীনা “তেরোরিস্তশিং পাকিস্তান্দগী লাকখিবনি” হায়বগী খুদম চাংদম তান্দুনা পাকিস্তান অমসুং লাস্করবু কনখৎনবা হোৎনরি হায়খি। ওপোজিসন পার্তীনা মখোয়গী ভোত বেঙ্ক রাজনিতীগীদমক পাকিস্তান অমসুং লাস্করবু কনখৎপদা নাচুংবা পোক্তে হায়না মহাক্না হায়খি। ওপরেসন অদুবু লাইনিংগা মরী লৈনবা মমীং অমা থোনবা নত্তনা ঐখোয় করিমত্তা খঙদে হায়না ওপোজিসন পার্তীনা মরাল শীরি। অদুবু হর হর মহাদেব হায়বসি লাইনিংগী লাইশোল অমখক্তা নত্তে, মসি সিবাগী মহারাজনা মুগলগী মায়োক্তা লান্থেংনখিবদা লাউখিবা লানগী খোল্লাউনি হায়বা ওপোজিসন পার্তীনা খঙদ্রে হায়না মহাক্না হায়খি। মসি ভারতকী খুদম্নি, ভারতকী মনিং তম্বদা লান্দারকপা অমদি ভারতকী ঙমখৈ লৌশিল্লকপগী খুৎ হন্বগী খুদম্নি হায়না শ্রী সাহনা হায়খি। মসি ঐখোয়গী আর্মীগী লান্মীশিংগী পুক্নিংদগী থোক্লকখিবা লানগী খোল্লাউনি অমদি মসিবু হিন্দু-মুস্লিমগী মীৎয়েঙদগী য়েংলোইদবনি হায়না মহাক্না হায়খি।

শ্রী অমিত সাহনা তেরোরিস্ত অহুম অসি হাৎখিবা অসি অরায়বা ওইখিদে হায়খি। নুমিৎ ২২ নি চুপ্না CRPF, আর্মী অমসুং জম্মু অমসুং কাস্মির পুলিস পর্সোনেলশিংনা কা হেন্না খুদোং থিনিংঙাই ওইবা ফীভমদা তেরোরিস্তশিং অসিবু তান্নখি অমদি দ্রোন্না থাবা চিঞ্জাক চারগা মখোয়বু হাৎখিবনি। লৈবাকসিগী মীয়াম পুম্বনা ওপোজিসন পার্তীগী প্রাইওরিতীদি লৈবাক্কী ঙাকশেলদা লৈতে, রাজনিতীদা লৈ মখোয়গী প্রাইওরিতীদী তেরোরিজম লোইশিনবা নত্তে মখোয়গী ভোত বেঙ্ক রাজনিতীনি, মখোয়গী প্রাইওরিতী ঐখোয়গী ঙমখৈদা লৈতে সেকুলরিজম অমদি পেলহনবগী রাজনিতীদা লৈ হায়বা উনরে। পহলগাম এতেক্ত এপ্রিল ২২, ২০২৫ গী নুংথিল পুং ১ দা থোকখিবনি অদুগা মহাক মশামক স্রিনগরদা নুমিদাংৱাইরম য়ৌখি। মথঙগী নুমিত্তা মহাক্না থৌদোক্তুদা লৈখিদ্রবশিংগী মফমদা শ্রদ্ধাঞ্জলি কৎপা চৎখি অমদি নুমিৎ অদুবু মহাক্কী পুন্সিদা কাউবা ঙম্লরোইদবা নুমিৎ অমনি হায়খি। মীচমবু মখোয়গী ইমুং মনুংগী মমাঙদা লাইনিংগী মিংদা হাৎপগী তমথিরবা থৌদোক মমাঙথক্তা অমুক্তা থোকখিদ্রি হায়না মহাক্না হায়খি। তেরোরিস্তশিংনা মখোয়না কাস্মিরবু. কৈদৌঙৈদা তেরোরিজমদগী মনীং তমহল্লোই হায়না পাউজেল অমা পীবা পামখি হায়না কেন্দ্রগী গৃহ মন্ত্রীনা হায়খি। ঙসি হাউস অসিদা, ঐনা পাউজেল অসি তেরোরিস্তশিংগী মফমদা পীবা পাম্মি মদুদি কাস্মির তেরোরিজমদগী. মনীং তমহনগনি অমদি মসি নরেন্দ্র মোদী জীগী লৈঙাক্কী ফিরেপ্নি হায়না মহাক্না মখা তাখি।

প্রধান মন্ত্রী মোদী জীনা বিহারদা তেরোরিস্তশিংগী লৈরিবা মফম খুদিংমক থুগাইগনি হায়না হায়খি অমসুং ঙসিদি মখোয়গী ত্রেনিং কেম্পশিং, হেদক্বার্তরশিং অমসুং লোঞ্চ পেদশিং উফুল তানা থুগাইখ্রে হায়না কেন্দ্রগী গৃহ মন্ত্রীনা হায়খি। প্রধান মন্ত্রীনা হায়খি মদুদি তেরোরিস্তশিংগী মাস্তরশিংদি লেম্না থারোই অমসুং ঙসিদি তেরোরিস্তশিং থারক্লিবা মীওইশিং অসিসু ঐখোয়গী ফোর্সশিংনা লোইশিনখ্রে হায়না মহাক্না হায়খি। মহাক্না হায়খি মদুদি প্রধান মন্ত্রীনা তেরোরিস্তশিং ফাওবা কনবা ঙম্লোই হায়না হায়খি অমসুং ওপরেসন মহাদেবকী মখাদা তেরোরিস্ত অহুম অদু হাৎখি। শ্রী শাহনা হায়খি মদুদি মোদী জীনা ফোংদোকখিবা ৱাহৈ খুদিংমক ঐখোয়গী লান্মী, এয়র ফোর্স, নেভি, সেন্ত্রেল আর্মদ পুলিস ফোর্স পুম্নমক অমসুং জম্মু অমসুং কাশ্মীর পুলিসনা থবক ওইনা মপুং ফাহনখি, মখোয়না তেরোরিস্তশিংদা অহকপা চৈরাক পীখি।

শ্রী অমিত শাহনা হায়খি মদুদি এপ্রিল ২৩দা কেবিনেৎ কম্মিতি ওন সেক্যুরিতী (সি.সি.এস.) গী মীফম অমা পাংথোকখি অমসুং মসিদা পাকিস্তান খক্তা নত্তনা মালেম পুম্বদা ভারতকী ঙমখৈ, লান্মী, প্রজা অমসুং সোভরেন্তীদা শীংনরকপগী চৈরাক ফংগনি হায়না অকনবা পাউজেল অমা পীখি। মহাক্না হায়খি মদুদি সি.সি.এস. মীফমদা জৱাহরলাল নেহরুনা খুৎয়েক পীনখিবা ১৯৬০গী ইন্দস ৱাতর ত্রিতী, পাকিস্তানবু কান্নবা ফংহল্লিবা অসি খুদক্তা সস্পেন্দ তৌখি। মহাক্না হায়খি মদুদি ইন্দস ৱাতর ত্রিতী অসি নাকল অমা খক্তগী ওই অমসুং ভারতকী লৌমীশিংগীসু ঈশিং অসিগী হক লৈ, অমসুং হৌজিক অতেনবা মতমগী মনুংদা, কাশ্মীর, পঞ্জাব, হরিয়ানা, রাজস্থান অমসুং দিল্লীদা ইন্দস তুরেলদগী থক্নবা ঈশিং য়ৌহল্লগনি। মসিগী মতুংদা অত্তারিদা লৈরিবা ইন্তিগ্রেতেদ চেক পোস্ত অসি থিংজিনখ্রে, পাকিস্তানগী প্রজাশিংগী এস.এ.এ.আর.সি. ভিজাশিং সস্পেন্দ তৌখ্রে অমসুং মীপুম খুদিংমকপু পাকিস্তানদা হলহনখ্রে হায়না মহাক্না হায়খি। ন্যু দিল্লীদা লৈবা পাকিস্তানগী হাই কম্মিসনদা থবক তৌরিবা মখোয়গী দিফেন্স, মিলিতরী, নেভীগী এদভাইজরশিংবু অনদিজাইরেবল পর্সনশিংনি হায়না লাউথোকখি অমসুং মখোয়গী মশীং অসি ৫৫দগী ৩০দা হন্থহনখি। মহাক্না হায়খি মদুদি সি.সি.এস.গী মীফমদা তেরোরিস্তশিং থারক্লিবশিং অমসুং থৌওং অসি চত্থরিবা মীওইশিং অদু চৈরাক পীরগনি হায়না ৱারেপ লৌখি অমসুং মসিগীদমক সি.সি.এস.গী মীফমদা লান্মীদা ফ্রী হেন্দ পীখি।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী মোদী জীনা এপ্রিল ৩০দা আর্মদ ফোর্সেসতা "ওপরেস্নেল ফ্রীদম" পীখি অমসুং ঙাকশেল মন্ত্রালয় অমসুং আর্মী অনিমক্না তার্গেৎ, পাম্বৈ, মফম অমসুং মতমগী মতাংদা ৱারেপ লৌহনখি। মহাক্না হায়খি মদুদি মে ৭গী অহিং নোংয়াই পুং ১.০৪দা, পাকিস্তানগী তেরোরিস্ত বেজ ৯ থুগাইখি মসিদা য়ামদ্রবদা তেরোরিস্ত ১০০ শিখি অমসুং মোদী সরকার অমসুং ঐখোয়গী ফোর্সশিংনা লস্কর, জয়শ অমসুং হিজবুলগী হেদ ক্বার্তরশিং থুগাইবগী থবক পাংথোকখি। মহাক্না হায়খি মদুদি ওপোজিসন পার্তীনা পাকিস্তান ওক্যুপাইদ কাশ্মীর পীথোকখিবা অদু ঐখোয়গী সরকারনা মদু অমুক হন্না লৌশিনগনি। মহাক্না হায়খি মদুদি ঐখোয়না পাকিস্তানগী তেরোরিস্ত বেজশিংদা লান্দাখি, মদু পাকিস্তাননা মশাদা লান্দাবনি হায়না লৌখি অমসুং মে ৮দা পাকিস্তাননা ঐখোয়গী রেসিদেন্সিএল এরিয়াশিং অমসুং মিলিতরী এস্তাব্লিশমেন্তশিংদা লান্দাখি। মহাক্না হায়খি মদুদি ভারতকী লান্মীনা পাকিস্তানগী এয়রবেজ ১১ থুগাইখি অমসুং তেরোরিজমদা মতিক চাবা পাউখুম পীখি। মসিগী মতুংদা, পাকিস্তান্না চংজখি অমসুং এতেকশিং অসি লেপহন্নবা হায়জখি হায়না মহাক্না মখা তাখি। মহাক্না হায়খি মদুদি "ওপরেসন সিন্দুর" অসি তেরোরিজমগী ময়োলদা ভারতকী অহানবা এতেকনি।

শ্রী অমিত শাহনা হায়খি মদুদি মোদী সরকারগী পোলিসীশিংগী মতুং ইন্না কাশ্মীরদা তেরোরিজম অসি চাদা ৭০ হন্থরে অমসুং শান্তিগী মায়কৈদা চংশিল্লি। মহাক্না হায়খি মদুদি মমাংদা তেরোরিস্তশিং অসি মপান্দগী লাক্লমদে, কাশ্মীরগী নহাশিং খক্তনা খুৎলায় পায়রম্মি, হৌজিক্তি কাশ্মীরগী নহা অমত্তা তেরোরিস্ত ওর্গনাইজেসনশিংদা য়াওদ্রে। মহাক্না হায়খি মদুদি আর্তিকল ৩৭০ মুত্থৎখিবনা কাশ্মীরদা সেপারেতিজম অমসুং তেরোরিজম লাকশিল্লে। মহাক্না হায়খি মদুদি পাকিস্তানগী ঙাকশেলগী ইন্সতোলেসনশিং থুগাইখি অমসুং ওপরেসন সিন্দুরগী মতমদা ভারতকী লান্মীগী থৌনা অদু উবা ফংখি।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদী জীগী লুচিং মখাদা, 'আত্মনির্ভর ভারত'কী খুত্থাংদা ঐখোয়গী লানগী খুৎলায়গী মপান্দা থাদোকপা হেনগৎলে। মহাক্না হায়খি মদুদি ওপোজিসনগী এপীজমেন্ত পোলিসীশিংনা তেরোরিজম থোকহল্লি অমসুং পহলগামগী এতেক্কী মতুংদা, ভারতনা তেরোরিস্তশিংগী ইকোসিস্তেম মাংহনখ্রে। মহাক্না মখা তাখি মদুদি কাশ্মীরদা নুং থাবা অমসুং স্ত্রাইক তৌবগী থৌওং হন্থরে অমসুং শান্তিগী অনৌবা অহৌবা অমা লৈরে। মহাক্না হায়খি মদুদি মোদী সরকারনা তেরোরিস্তশিংগী অরোইবা মথৌ মঙমশিং পাংথোকপা থিংজিনখ্রে অমসুং অকনবা খোঙথাংশিং লৌখৎখ্রে। মহাক্না হায়খি মদুদি ভারতকী লান্মীদা হৌজিক্তি ব্রহ্মোস অমসুং আকাশ মিসাইলশিং লৈরে, অদুগা মমাংদা থুম অমসুং চিনিগী অৱাৎপা লৈরম্মি। মহাক্না মখা তাখি মদুদি কাশ্মীরদা দেমোক্রেসীগী মায় পাকপা অমা ওইনা পঞ্চায়ত মীখলশিং অসি ৯৮.০৩%গী চাংদা মাই পাক্না পাংথোকখ্রে। শ্রী শাহনা হায়খি মদুদি তেরোরিস্তশিংদা শেল থাদবা থিংজিনখ্রে অমসুং প্রোপর্তী ৩৪৭ ফাজিনখ্রে।

শ্রী অমিত শাহনা হায়খি মদুদি অৱাং নোংপোক অমসুং নক্সালিজমদা হিংসা চাদা ৭৫ হন্থরকপা অসি মোদী সরকারগী অচৌবা এচিবমেন্ত অমনি। মহাক্না হায়খি মদুদি ভারতনা ওপরেসন সিন্দুর অসি য়ুনাইতেদ নেসন্স চার্তরগী মখাদা মশাগী ঙাকশেলগীদমক পাংথোকখি। মহাক্না মখা তাখি মদুদি কাশ্মীরদা তেরোরিজমগী হৌরকফমশিং মুত্থৎখ্রে অমসুং জামাত-ই-ইস্লামীগুম্বা ওর্গনাইজেসনশিংসু অথিংবা থমখ্রে। মহাক্না হায়খি মদুদি মোদী সরকারনা প্রো-পাকিস্তান এমপ্লোয়ী ৭৫ থবক্তগী লৌথোকখ্রে।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি ওপরেসন সিন্দুরদা ভারতকী লান্মীনা পাকিস্তানদা তেরোরিস্ত বেজশিং অমসুং ত্রেনিং কেম্পশিং থুগাইখি। মহাক্না হায়খি মদুদি প্রোজেক্ত ৫৩গা লোইননা কাশ্মীরদা লুপা করোর ৫৯,০০০গী ইনভেস্তমেন্ত তৌদুনা অনৌবা চাউখৎপগী লম্বী য়াৎলি। মহাক্না ওপোজিসন পার্তীবু তেরোরিজম পুক্নিং থৌগৎপনি হায়না মরাল শিখি। শ্রী শাহনা হায়খি মদুদি উরিগী এতেক থোকখিবা মতমদা, ঐখোয়না সর্জিকেল স্ত্রাইক অমা পাংথোকখি। পুলৱামাগী এতেক্কী পাউখুম ওইনা ঐখোয়না এয়র স্ত্রাইক অমা পাংথোকখি। অমসুং পহলগামগী মতুংদা মখোয়গী তেরিতোরীদা চংদুনা মখোয়বু মুথৎখি।

. শ্রী অমিত শাহনা হায়খি মদুদি ২০১৯দা য়ু.এ.পি.এ.দা শেমদোক-শাদোকপা তৌখি, মদুগী মখাদা মীওই ৫৭বু তেরোরিস্ত ওইনা লাউথোকখি। মহাক্না হায়খি মদুদি এন.আই.এ.দা লৈবাক অসিগী মপান্দা থিজিন হুমজিনবগী শক্তি পীদুনা অমেন্দমেন্তশিং তৌখি। এন.এস.এ.বু অকনবা মওংদা চৎনহনখি, আর্তিকল ৩৭০ লৌথোকখি, পি.এফ.আই.বু অথিংবা থমখি, এম.এ.সি.বু মপাঙ্গল কনখৎহনখি, আই.সি.জে.এস. অমসুং এন.এ.এফ.আই.এস. লিংখৎখি, পি.এম.এল.এ.গী খুত্থাংদা তেরোরিস্ত ফাইনান্সিং থিংখি, অমসুং এন.এ.তি.জি.আর.আই.দি.গী খুত্থাংদা লৈবাক শিনবা থুংনা তেরোরিস্ত ওর্গনাইজেসনশিংবু কম্প্যুতর অমখক্তদা ক্লিক তৌদুনা য়েংশিনখি। শ্রী শাহনা হায়খি মদুদি নরেন্দ্র মোদী সরকারনা ইনফিলত্রেসন অমসুং তেরোরিস্তকী থৌদোকশিং লোইশিন্নবা ৱাশক লৌরে।

কেন্দ্রগী গৃহ মন্ত্রীনা হায়খি মদুদি ২০০৮গী মুম্বাই তেরোরাস্ত এতেক্কী মতুংদা, শারম এল-শেখ কনফরেন্স পাঙথোকখি, মসি মালেম পুম্বনা বলোচিস্তান ব্লন্দর হায়না খঙনখি, মদুদা লৈবাক অনিমক তেরোরিজমগী ভিক্তিমনি হায়না প্রপোজ তৌখি। মালেমদা কনাগুম্বা অমত্তনা পাকিস্তানবু তেরোরিজমগী ভিক্তিম অমনি হায়বা ঙমগদ্রা হায়না মহাক্না হংখি। মহাক্না ওপোজিসন পার্তীবু পাকিস্তানদা সর্তিফিকেৎ অমা পীবগী মতাংদা মরাল শিখি। মহাক্না হায়খি মদুদি পাকিস্তানদগী তেরোরিজম লেপত্রিবা ফাওবা, ৱারী অমত্তা শান্নরোই।

শ্রী অমিৎ শাহনা হায়খি মদুদি মোদী জীনা জি.২০দা রাজ্য খুদিংমক্তা চৎতুনা মালেমদা ঐখোয়গী চৎনবী, তৌবা ঙম্বা, শক্তি অমসুং দেমোক্রেসী উৎখি। মহাক্না হায়খি মদুদি মোদীজীগুম্না লৈবাক অসিগী লুচিংবা অমত্তনা লৈবাক ২৭তগী খ্বাইদগী ৱাংবা সিবিলিয়ন ইকাই খুম্নবা ফংখিদে অমসুং মসিগী ইকাই খুম্নবা অসি মোদীজী খক্তগী নত্তে, ভারতকী প্রধান মন্ত্রী অমসুং লৈবাক অসিগী মীওই করোর ১৪০গীনি। মহাক্না হায়খি মদুদি প্রধান মন্ত্রী মোদীগী লুচিংবগী মতৌ অসি পুক্নিংগী ইহুলদা চৎতে অদুবু সেন্সিতিব, দিসিসিব অমসুং রিজোলুৎ ওই। কোবিদকী মতমদা, মোদী জীনা খোঙফম চেৎনা লেপখি, অমসুং লাইচৎ অসি লোইরকপদা, মালেম্না ভারতনা খ্বাইদগী ফবা মওংদা মেনেজ তৌখিবদু খঙখি। মহাক্না হায়খি মদুদি প্রধান মন্ত্রী, ভারত সরকার, রাজ্য সরকারশিং, অমসুং মীওই করোর ১৪০না কোবিদকী মায়োক্তা পুন্না লান্থেংনখি। গৃহ মন্ত্রীনা মখা তাখি মদুদি ভারত অসি কোবিদ ভেক্সিন পুথোকখিবা অহানবা লৈবাকশিংগী মরক্তা অমনি অমসুং চহি ১১ অসিদা মালেমনা ভারতকী তৌবা ঙম্বশিংবু মশক খঙলে।

কেন্দ্রগী গৃহ মন্ত্রীনা হায়খি মদুদি ঙসিদি ঐখোয়না জি.দি.পি. ত্রিলিয়ন ৪.১৯ য়ৌবগা লোয়ননা ১১শুবদগী মালেমগী মরিশুবা খ্বাইদগী চাউবা ইকনোমী ওইরকখি। ত্রিলিয়ন-দোল্লর অমগী দিজিতেল ইকোনোমী অমা শেমখ্রে। পর কেপিতা ইনকম লুপা ৬৮,৫৭২দগী লুপা ১,৩৩,৪৮৮দা হেনগৎলে। নেস্নেল হায়ৱে নেৎৱার্ক অসি চাদা ৬০ হেনগৎখ্রে, ওপরেস্নেল এয়রপোর্ত ১৫৯ লৈরে, বন্দে ভারত ত্রেন ১৩৬ লৈরে, অমসুং ইন্দিয়ন রেলৱেজগী চাদা ৯৭ হেন্না ইলেক্ত্রিফাই তৌখ্রে। ভারত অসি খ্বাইদগী চাউবা মোবাইল ফোন পুথোকপা লৈবাক অমা ওইগদৌরি অমসুং খ্বাইদগী চাউবা স্তার্তঅপ ইকোসিস্তেমগী অহুমশুবদা লৈরি। মোদী সরকারগী মতমদা য়ুনিকোর্ন ১১৮ শেমখ্রে, দিফেন্স প্রদক্সন অসি করোর লাখ ১.২৭ য়ৌখ্রে অমসুং এক্সপোর্ত অসি করোর ২১,০০০ য়ৌখ্রে। শ্রী শাহনা হায়খি মদুদি মোদী সরকারগী খ্বাইদগী চাউবা মায়পাকপা অসি মীওই করোর ৬০দা য়ুম, মৈ, গ্যাস, তোইলেৎ, থক্নবা ঈশিং, চেং-হৱায় কিলোগ্রাম ৫ অমসুং লুপা লাখ ৫ ফাওবগী হেল্থকিয়র ফংহনবা অসিনি।

শ্রী অমিত শাহনা হায়খি মদুদি ভারতকী নীংতম্বা চহি ১০০ শুরকপা অসিদা ভারতকী নীংতমগী পুৱারী অসি ইরকপা মতমদা, মোদীগী মতম অসিসু সনাগী ময়েকশিংনা ইগনি। মহাক্না হায়খি মদুদি ঐখোয়গী ইকাই খুম্নবা, চৎনবী অমসুং পুৱারীগা মরী লৈনবা ৱাফম কয়া অমা ওপোজিসন্না চহি ৭৫ চুপ্না পন্দুনা লৈহনখি।

*****