কম্ম্যুনিকেসন্সকী কেন্দ্রগী মন্ত্রী, শ্রী জ্যোতিরাদিত্যা এম. সিন্ধিয়ানা ঙসি তেলিকম্ম্যুনিকেসন্স বিভাগকী সেক্রেতরী দোক্তর নীরজ মিত্তলগা লোয়ননা এৱেরনেস হেন্না পীবা, চেকশিন থৌরাংশিং লৌখৎপা অমসুং সিতিজন রিপোর্তিংগী খুত্থাংদা জন-ভাগিদারী পুক্নিং থৌগৎপগী তঙাই ফদবা অদু য়েংলগা তেলিকোমগা মরী লৈনবা সাইবর ফ্রোদশিং থেংননবা ৱাখল্লোন পুথোক্নবা অমসুং  লৌখৎলিবা খোঙথাংশিং অসি হেন্না মপাঙ্গল কনখৎহন্নবা 'সঞ্চার সাথি' ইনিসিএতিবকী মখাদা স্তেকহোল্দরশিংগী মীফম অমদা ময়াই তাংবল লৌখ্রে।

সিতিজন-সেন্ত্রিক দিজিতেল সেফতী ইনিসিএতিব 'সঞ্চার সাথি' অসিদা হুরানখিবা নত্ত্রগা মাংখিবা ফোনশিং ব্লোক তৌবা ঙম্বা সি.ই.আই.আর. (সেন্ত্রেল ইক্বিপমেন্ত আইদেন্তিতী রেজিস্তর) দি.আই.পি. (দিজিতেল ইন্তেলিজেন্স প্লেৎফোর্ম), এ.এস.তি.আর.গুম্বা এ.আই.-বেজ সিস্তেমশিং (শাশিন্নবা দোক্যুমেন্তশিংদা লৌখিবা কন্নেক্সনশিং খঙদোকপা), অমসুং লাকপা য়াবা ফ্রোদ খঙদোক্নবা অমসুং ঙাকথোক্নবা এফ.আর.আই. (ফাইনান্সিএল ফ্রোদ রিস্ক ইন্দিকেতর) গুম্বা এদভান্স তুলশিং ইন্তিগ্রেৎ তৌরি। মসিনা ভারতকী তেলিকোম ইকোসিস্তেমবু সেক্যুর তৌবদা মশক থোকপা খুমাং চাউশিল্লকপা অমা রেকোর্দ তৌখ্রে।

হৌজিক ফাওবদা, ফেক মোবাইল কন্নেক্সন লাখ ৮২ হেন্না দিসকন্নেক্ত তৌখ্রে, অমসুং মাংখ্রবা নৎত্রগা হুরানখ্রবা ফোন লাখ ৩৫ হেন্না ব্লোক তৌখ্রে। সিস্তেম অসি লোঞ্চ তৌবগী শুপ্নগী পুং ২৪গী মনুংদা স্পুফ ইন্তর্নেস্নেল কোল করোর ১.৩৫ মায় পাক্না থিংখ্রে। সিস্তেম অসিনা অসিগুম্বা কোলশিংদা চাদা ৯৭ হন্থহনখ্রে।

সঞ্চার সাথি পোর্তেল অসিদা মীয়াম্না শরুক য়াবা হেনগৎলক্লি। মসিদা নোংমদা মীওই করোর ১৬ অমসুং নোংমদা য়ুজর লাখ ২ শিজিন্নরি। এ.আই.-পাৱর এ.এস.আর. তুল, সিতিজন রিপোর্তশিং, অমসুং স্তেকহোল্দরশিংগী ইনপুতশিংগী খুত্থাংদা, মোবাইল কন্নেক্সন করোর ৪.৭ হেন্না দিসকন্নেক্ত তৌখ্রে। খোঙথাং অসিনা মোবাইল হেন্দসেৎ লাখ ৫.১ ব্লোক তৌবা, ৱাত্সএপ একাউন্ত লাখ ২৪.৪৬ থিংবা অমসুং অরানবা থবক থৌরমশিংদা য়াওরিবা বল্ক এস.এম.এস. সেন্দর ২০,০০০ ব্লেকলিস্ত তৌবা ঙমখ্রে।

সঞ্চার সাথিগী সি.ই.আই.আর. সিস্তেমগী মখাদা, মাংখিবা নৎত্রগা হুরানখিবা দিভাইস লাখ ৩৫.৪৯ ব্লোক তৌখ্রে, লাখ ২১.৫৭ ত্রেক তৌখ্রে, অমসুং লাখ ৫.১৯ রিকোভর তৌখ্রে। ঙসি, 'সঞ্চার সাথি'না সেন্ত্রেল এজেন্সীশিং, স্তেত পুলিস ফোর্সশিং, তেলিকোম সর্বিস প্রোভাইদরশিং (তি.এস.পি.শিং), অমসুং জি.এস.তি.এন. য়াওনা ওর্গানাইজেসন ৬২০গা খুৎশম্নদুনা লৈবাক শীনবা থুংনা তেলিকোম ফ্রোদ অমসুং সাইবর থ্রেৎশিং থেংননবা মপাঙ্গল কনবা কোলাবোরেতিব নেতৱার্ক অমা শেমখ্রে।

সঞ্চার সাথি এপ হিন্দী অমসুং রিজনেল লোল ২১দা লোঞ্চ তৌখ্রে

এক্সেসিবিলিতী হেনগৎহন্নবগী মায়কৈদা অচৌবা খোংথাং অমা ওইনা, কেন্দ্রগী মন্ত্রীনা সঞ্চার সাথি মোবাইল এপ্লিকেসন অসি হিন্দী অমসুং রিজনেল লোল ২১দা হৌদোকখি। অহানবদা জনুৱারী ২০২৫দা হৌদোকখিবা, এপ অসিনা শীজিন্নরিবা মীশিংদা চিংননিংঙাই ওইবা কম্ম্যুনিকেসনশিং রিপোর্ত তৌনবা, মাংখ্রবা/হুরানখ্রবা ফোনশিং ব্লোক তৌনবা নৎত্রগা ত্রেস তৌনবা, অমসুং অয়াবা য়াওদ্রবা মোবাইল কন্নেক্সনশিং য়েংশিন্নবা য়াহল্লি। হৌজিক্তি মসি এন্দ্রোইদ অমসুং আই.ও.এস. প্লেৎফোর্ম অনিমক্তা ফংলে। মসিনা ভারত শিনবা থুংনা লৈরিবা নাগরিকশিংদা লোল কয়াদা ঙাকথোক্নবা দিজিতেলগী খুৎলাইশিং ফংহল্লি। এপ অসি দাউনলোদ লাখ ৪৬ হেন্না তৌখ্রে।

স্তেকহোল্দরশিং অমসুং প্রজাশিংদা কান্নরবা এক্সপরিয়েন্স শিয়র তৌরি

ৱারী শানবগী থৌরম অদুদা আইন চৎনহনবা, তেলিকোম সর্ভিস প্রোভাইদরশিং, ফাইনান্সিএল ইন্সতিত্যুসনশিং অমসুং সিবিল সোসাইতীগী মরুওইবা স্তেকহোল্দরশিং য়াওখি। শরুক য়ারিবা মীওইশিং অদুদি শিখা গোয়েল (হেদ-তেলঙ্গানা সাইবর সেক্যুরিতী ব্যুরো), সঞ্জীব কুমার শর্মা (দি.দি.জি. - দিজিতেল ইন্তেলিজেন্স য়ুনিৎ), রাজেশ কুমার (সি.ই.ও. আই.৪.সি.), পুশপমিত্র সাহু (সি.জি.এম., আর.বি.আই.), শিবনাথ থুক্রাল (হেদ ওফ পব্লিক পোলিসী, ফোনপে), এম. পরমসিভম (ই.দি., পি.এন.বি.) ৱেব দিবেলপরশিং অমসুং সঞ্চা সাথি ইনিসিএতিবশিংগী তেক্নিকেল তীমশিং, সি.-দি.ও.তি., আর.পি.এফ. অমসুং দিপার্তমেন্ত ওফ তেলিকম্ম্যুনিকেসনগী মকোক থোংবা ওফিসিএলশিংনি।

হরিয়ানা অমসুং উত্তর প্রদেশকী নাগরিকশিংনা 'সঞ্চার সাথি' ইনিসিএতিবশিং অসিগা লোয়ননা মখোয়গী এক্সপরিয়েন্সশিং শিয়রখি। মসিগী হেনগৎলক্লিবা ইফিসিএন্সী অমসুং রিএল-তাইম রিদ্রেসেল কেপাসিতিশিংগীদমক মখোয়না থাগৎপা ফোংদোকখি। মখোয়না প্লেৎফোর্ম অসিবু শীজিন্নদুনা মতৌ করম্না মখোয়না মাংখিবা ফোনশিং অদু থুনা ফংবা ঙমখিবগে হায়বদু শন্দোক্না তাকখি। সাইবর ৱারিয়র অমা ওইরিবা সুজিত বেকনা, সঞ্চার সাথিগী খুত্থাংদা মহাক্না করম্না ফ্রোদ্যুলেন্ত মোবাইল কন্নেক্সন লিশিং কয়া ককথৎপদা মতেং পাংখি অমসুং মীওইশিং, মরুওইনা চহি য়াম্লবা মীওইশিংদা, সাইবর ফ্রোদকী মায়োক্তা এৱেরনেস ইনিসিএতিবশিং ফংহনবা অমসুং খোঙজেল য়াংনা থবক লৌখৎপদা মতেং পাংখি।

সঞ্চার সাথি অসি নাগরিকশিংদা তেলিকোম ফ্রোদতগী ঙাকথোক্নবা শক্তি পীবা অমসুং ভারতকী সাইবর রেসিলিয়েন্সতা মশক থোক্না তেংবাংলিবা, মপাঙ্গল লৈবা, ইনক্লুসিব প্লেৎফোর্ম অমা ওইনা লেপ্তনা চাউখৎলি। এপ অসি লমদমসিগী লোনশিংদা এক্সপান্দ তৌবা অসিনা মীপুম খুদিংমক্কী দিজিতেল সেক্যুরিতী ফংহন্নবগী মায়কৈদা মরু ওইবা খোংথাং অমা ওইরি।

<><><>