ਸਿੱਖਿਆ ਮੰਤਰਾਲਾ 29 ਜੁਲਾਈ, 2025 ਨੂੰ ਭਾਰਤ ਮੰਡਪਮ ਪਰਿਸਰ ਵਿਖੇ ਰਾਸ਼ਟਰੀ ਸਿੱਖਿਆ ਨੀਤੀ (NEP) 2020 ਦੀ 5ਵੀਂ ਵਰ੍ਹੇਗੰਢ ਮਨਾਉਣ ਲਈ ਅਖਿਲ ਭਾਰਤੀਯ ਸਿਕਸ਼ਾ ਸਮਾਗਮ, 2025 ਦਾ ਆਯੋਜਨ ਕਰ ਰਿਹਾ ਹੈ। ਦਿਨ ਭਰ ਚੱਲਣ ਵਾਲੇ ਵਿਚਾਰ-ਵਟਾਂਦਰੇ ਦਾ ਉਦਘਾਟਨ ਸਿੱਖਿਆ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਕਰਨਗੇ। ਰਾਸ਼ਟਰੀ ਸਿੱਖਿਆ ਨੀਤੀ (NEP) 2020 ਦੀ 5ਵੀਂ ਵਰ੍ਹੇਗੰਢ ਦੇ ਜਸ਼ਨ ਵਿੱਚ ਆਯੋਜਿਤ ਹੋਣ ਵਾਲਾ ਅਖਿਲ ਭਾਰਤੀਯ ਸਿਕਸ਼ਾ ਸਮਾਗਮ (ABSS) 2025 ਸਿੱਖਿਆ ਸ਼ਾਸਤਰੀਆਂ, ਨੀਤੀ ਨਿਰਮਾਤਾਵਾਂ, ਅਧਿਆਪਕਾਂ, ਉਦਯੋਗ ਦੇ ਦਿੱਗਜਾਂ ਅਤੇ ਸਰਕਾਰੀ ਪ੍ਰਤੀਨਿਧੀਆਂ ਲਈ ਇੱਕ ਮੰਚ ਵਜੋਂ ਕੰਮ ਕਰੇਗਾ। ਇਸ ਮੌਕੇ ‘ਤੇ ਉਹ ਐੱਨਈਪੀ 2020 ਦੌਰਾਨ ਹੋਈ ਜ਼ਿਕਰਯੋਗ ਪ੍ਰਗਤੀ ਦੀ ਸਮੀਖਿਆ ਕਰਕੇ ਅੱਗੇ ਦਾ ਰਾਹ ਨਿਰਧਾਰਤ ਕਰਨਗੇ। ਏਬੀਐੱਸਐੱਸ 2025 ਦੌਰਾਨ ਹੋਣ ਵਾਲੇ ਵਿਚਾਰ-ਵਟਾਂਦਰੇ ਵਿੱਚ ਸਿੱਖਿਆ ਨੂੰ ਵਧੇਰੇ ਪਹੁੰਚਯੋਗ, ਵਿਵਹਾਰਕ, ਹੁਨਰ-ਅਧਾਰਿਤ ਅਤੇ ਰੋਜ਼ਗਾਰ ਦੇ ਮੌਕਿਆਂ ਨਾਲ ਸਮੇਕਿਤ ਤੌਰ 'ਤੇ ਏਕੀਕ੍ਰਿਤ ਕਰਨ ‘ਤੇ ਧਿਆਨ ਕੇਂਦ੍ਰਿਤ ਕੀਤਾ ਜਾਵੇਗਾ, ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਵਿਦਿਆਰਥੀ ਇੱਕ ਮਜ਼ਬੂਤ ਆਲਮੀ ਅਰਥਵਿਵਸਥਾ ਲਈ ਤਿਆਰ ਹੋਣ। ਇਹ ਵਿਚਾਰ-ਵਟਾਂਦਰੇ ਖਾਸ ਤੌਰ 'ਤੇ ਸੈਕੰਡਰੀ ਸਿੱਖਿਆ ਨੂੰ 2030 ਤੱਕ 100% GER ਪ੍ਰਾਪਤ ਕਰਨ ਲਈ ਮੁੜ ਪਰਿਭਾਸ਼ਿਤ ਕਰਨ, ਭਾਰਤੀ ਭਾਸ਼ਾਵਾਂ, ਕਲਾਸਰੂਮਾਂ ਵਿੱਚ ਟੈਕਨੋਲੋਜੀ ਦਾ ਲਾਭ ਉਠਾਉਣ, ਭਾਰਤੀ ਗਿਆਨ ਪ੍ਰਣਾਲੀਆਂ (IKS) ਨੂੰ ਮੁੱਖ ਧਾਰਾ ਵਿੱਚ ਲਿਆਉਣ ਅਤੇ ਸਿੱਖਿਆ ਨੂੰ ਸਾਰਿਆਂ ਲਈ ਪਹੁੰਚਯੋਗ ਬਣਾਉਣ ਲਈ ਸਮਾਵੇਸ਼ਿਤਾ ਨੂੰ ਉਤਸ਼ਾਹਿਤ ਕਰਨ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਜਾਵੇਗਾ। 

ਆਪਣੀ ਸ਼ੁਰੂਆਤ ਤੋਂ ਬਾਅਦ ਪਿਛਲੇ ਪੰਜ ਸਾਲਾਂ ਵਿੱਚ, NEP 2020 ਨੇ ਉੱਚ ਸਿੱਖਿਆ ਵਿੱਚ ਭਾਰਤ ਦੇ ਸਿੱਖਿਆ ਦ੍ਰਿਸ਼ ਵਿੱਚ ਕ੍ਰਾਂਤੀ ਲਿਆ ਦਿੱਤੀ ਹੈ, ਅਤੇ ਅਜਿਹੀਆਂ ਪਰਿਵਰਤਨਸ਼ੀਲ ਨੀਤੀਆਂ ਪੇਸ਼ ਕੀਤੀਆਂ ਹਨ ਜੋ ਅਨੁਕੂਲਤਾ, ਸਮਾਵੇਸ਼ ਅਤੇ ਇਨੋਵੇਸ਼ਨ ਨੂੰ ਉਤਸ਼ਾਹਿਤ ਕਰਦੀਆਂ ਹਨ। 170 ਯੂਨੀਵਰਸਿਟੀਆਂ ਦੁਆਰਾ ਅਪਣਾਏ ਗਏ ਰਾਸ਼ਟਰੀ ਕ੍ਰੈਡਿਟ ਫਰੇਮਵਰਕ ਦੁਆਰਾ ਅਕਾਦਮਿਕ, ਹੁਨਰ-ਅਧਾਰਤ, ਅਤੇ ਅਨੁਭਵੀ ਸਿੱਖਿਆ ਵਿੱਚ ਸਹਿਜ ਕ੍ਰੈਡਿਟ ਡਿਲੀਵਰੀ ਨੂੰ ਸਮਰੱਥ ਬਣਾਇਆ ਗਿਆ ਹੈ। ਅਕਾਦਮਿਕ ਬੈਂਕ ਆਫ਼ ਕ੍ਰੈਡਿਟ ਨੇ 2,469 ਸੰਸਥਾਵਾਂ ਨੂੰ ਸ਼ਾਮਲ ਕੀਤਾ ਹੈ ਅਤੇ 32 ਕਰੋੜ ਤੋਂ ਵੱਧ ਪਛਾਣ ਪੱਤਰ ਜਾਰੀ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚੋਂ 2.36 ਕਰੋੜ ਵਿਲੱਖਣ APAAR ਪਛਾਣ ਪੱਤਰ ਪਹਿਲਾਂ ਹੀ ਕ੍ਰੈਡਿਟ ਨਾਲ ਜੁੜੇ ਹੋਏ ਹਨ। 153 ਯੂਨੀਵਰਸਿਟੀਆਂ ਵਿੱਚ ਮਲਟੀਪਲ ਐਂਟਰੀ ਅਤੇ ਐਗਜ਼ਿਟ ਵਿਕਲਪਾਂ ਦੀ ਸ਼ੁਰੂਆਤ, ਜਦਕਿ UGC ਦੁਆਰਾ ਪ੍ਰਵਾਨਿਤ ਦੋ-ਸਾਲਾ ਦਾਖਲੇ, ਭਾਰਤ ਨੂੰ 2035 ਤੱਕ ਇਸਦੇ 50 ਪ੍ਰਤੀਸ਼ਤ ਕੁੱਲ ਦਾਖਲਾ ਅਨੁਪਾਤ ਟੀਚੇ ਦੇ ਨੇੜੇ ਲਿਜਾ ਰਹੇ ਹਨ।

ਟੈਕਨੋਲੋਜੀ -ਅਧਾਰਤ ਸਿੱਖਿਆ ਦਾ ਕਾਫ਼ੀ ਵਿਸਥਾਰ ਹੋਇਆ ਹੈ, 116 ਉੱਚ ਸਿੱਖਿਆ ਸੰਸਥਾਵਾਂ 1,149 ਓਪਨ ਅਤੇ ਡਿਸਟੈਂਸ ਲਰਨਿੰਗ ਪ੍ਰੋਗਰਾਮ ਪੇਸ਼ ਕਰ ਰਹੀਆਂ ਹਨ, ਜਿਸ ਨਾਲ 19 ਲੱਖ ਤੋਂ ਵੱਧ ਵਿਦਿਆਰਥੀਆਂ ਨੂੰ ਲਾਭ ਹੋ ਰਿਹਾ ਹੈ, ਅਤੇ 107 ਸੰਸਥਾਵਾਂ 544 ਔਨਲਾਈਨ ਕੋਰਸ ਪੇਸ਼ ਕਰ ਰਹੇ ਹਨ। ਸਵਯਮ (SWAYAM) ਪਲੈਟਫਾਰਮ ਹੁਣ 40 ਪ੍ਰਤੀਸ਼ਤ ਤੱਕ ਕ੍ਰੈਡਿਟ ਟ੍ਰਾਂਸਫਰ ਦੀ ਸਹੂਲਤ ਪ੍ਰਦਾਨ ਕਰਦਾ ਹੈ, 388 ਯੂਨੀਵਰਸਿਟੀਆਂ ਇਸ ਦੇ ਕੋਰਸਾਂ ਨੂੰ ਏਕੀਕ੍ਰਿਤ ਕਰਦੀਆਂ ਹਨ। ਸਮਰੱਥ ਵਰਗੀਆਂ ਡਿਜੀਟਲ ਪਹਿਲਕਦਮੀਆਂ 32 ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ 440 ਜ਼ਿਲ੍ਹਿਆਂ ਵਿੱਚ 13,000 ਤੋਂ ਵੱਧ ਉੱਚ ਸਿੱਖਿਆ ਸੰਸਥਾਵਾਂ ਵਿੱਚ ਡਿਜੀਟਲ ਸ਼ਾਸਨ ਦਾ ਸਮਰਥਨ ਕਰਦੀਆਂ ਹਨ, ਜਿਸ ਨਾਲ ਦਾਖਲੇ, ਭੁਗਤਾਨ ਅਤੇ ਅਕਾਦਮਿਕ ਰਿਕਾਰਡਾਂ ਸੁਚਾਰੂ ਹੁੰਦੇ ਹਨ, 518 ਯੂਨੀਵਰਸਿਟੀਆਂ ਅਤੇ 10,465 ਸੰਸਥਾਵਾਂ ਮਾਨਤਾ ਪ੍ਰਾਪਤ ਹਨ ਅਤੇ 6,517 ਸੰਸਥਾਵਾਂ ਰਾਸ਼ਟਰੀ ਸੰਸਥਾਗਤ ਦਰਜਾਬੰਦੀ ਢਾਂਚੇ ਵਿੱਚ ਹਿੱਸਾ ਲੈ ਰਹੀਆਂ ਹਨ। ਵਨ ਨੇਸ਼ਨ ਵਨ ਸਬਸਕ੍ਰਿਪਸ਼ਨ ਪਹਿਲਕਦਮੀ 6,300 ਸੰਸਥਾਵਾਂ ਵਿੱਚ ਲਗਭਗ 13,000 ਈ-ਜਰਨਲਜ਼ ਤੱਕ ਪਹੁੰਚ ਪ੍ਰਦਾਨ ਕਰਦੀ ਹੈ, ਜਿਸ ਨਾਲ ਇੱਕ ਮਜ਼ਬੂਤ ਖੋਜ ਵਾਤਾਵਰਣ ਨੂੰ ਪ੍ਰੋਤਸਾਹਨ ਮਿਲਦਾ ਹੈ। ਮਾਲਵੀਯ ਮਿਸ਼ਨ ਟੀਚਰ ਟ੍ਰੇਨਿੰਗ ਪ੍ਰੋਗਰਾਮ (MMTTP) ਨੇ 3,950 ਤੋਂ ਵੱਧ ਟ੍ਰੇਨਿੰਗ ਪ੍ਰੋਗਰਾਮਾਂ ਨਾਲ 2.5 ਲੱਖ ਤੋਂ ਵੱਧ ਅਧਿਆਪਕਾਂ ਨੂੰ ਸਸ਼ਕਤ ਬਣਾਇਆ ਹੈ, ਜਿਸ ਨਾਲ ਅਧਿਆਪਕਾਂ ਨੂੰ ਏਆਈ, ਸਾਈਬਰ ਸੁਰੱਖਿਆ, ਮਾਨਸਿਕ ਸਿਹਤ ਅਤੇ ਉੱਦਮਤਾ ਵਿੱਚ ਮੁਹਾਰਤ ਹਾਸਲ ਹੋਈ ਹੈ।

ਸਕੂਲ ਸਿੱਖਿਆ ਅਤੇ ਸਾਖਰਤਾ ਵਿਭਾਗ ਨੇ ਸਕੂਲ ਸਿੱਖਿਆ ਦੇ ਸਾਰੇ ਪੱਧਰਾਂ 'ਤੇ ਵਿਭਿੰਨ ਗਤੀਵਿਧੀਆਂ ਅਤੇ ਪਹਿਲਕਦਮੀਆਂ ਨਾਲ NEP 2020 ਨੂੰ ਲਾਗੂ ਕਰਨ ਵਿੱਚ ਸ਼ਾਨਦਾਰ ਪ੍ਰਗਤੀ ਕੀਤੀ ਹੈ। ਇਸ ਵਿੱਚ 14.72 ਲੱਖ ਸਕੂਲ ਹਨ, 98 ਲੱਖ ਤੋਂ ਵੱਧ ਅਧਿਆਪਕ ਹਨ, ਅਤੇ UDISE+ 2023-24 ਦੇ ਅਨੁਸਾਰ ਪ੍ਰੀ-ਪ੍ਰਾਇਮਰੀ ਤੋਂ ਲੈ ਕੇ ਹਾਇਰ ਸੈਕੰਡਰੀ ਪੱਧਰ ਤੱਕ ਵਿਭਿੰਨ ਸਮਾਜਿਕ-ਆਰਥਿਕ ਪਿਛੋਕੜ ਵਾਲੇ ਲਗਭਗ 24.8 ਕਰੋੜ ਵਿਦਿਆਰਥੀਆਂ ਨੂੰ ਸਿੱਖਿਆ ਪ੍ਰਦਾਨ ਕੀਤੀ ਗਈ ਹੈ। ਸਰਕਾਰੀ ਸਕੂਲਾਂ ਨੇ ਪ੍ਰਾਈਵੇਟ ਸਕੂਲਾਂ ਨਾਲੋਂ ਵੱਧ ਲਾਭ ਦਿਖਾਇਆ ਹੈ, 2022-2024 ਦੀ ਮਿਆਦ ਵਿੱਚ ਇੱਕ ਦਹਾਕੇ ਵਿੱਚ ਸਭ ਤੋਂ ਤੇਜ਼ ਸੁਧਾਰ ਦੇਖਿਆ ਗਿਆ ਹੈ। ਪਰਖ (PARAKH) ਰਾਸ਼ਟਰੀ ਸਰਵੇਖਣ 2024 ਅਤੇ ਏਐਸਈਆਰ (ASER) 2024 ਦੇ ਨਤੀਜੇ ਬੁਨਿਆਦੀ ਸਾਖਰਤਾ ਅਤੇ ਸੰਖਿਆਤਮਕ ਹੁਨਰ ਦੇ ਨਤੀਜਿਆਂ ਵਿੱਚ ਮਹੱਤਵਪੂਰਨ ਸੁਧਾਰ ਨੂੰ ਉਜਾਗਰ ਕਰਦੇ ਹਨ, ਜੋ NEP 2020 ਵਿੱਚ ਕਲਪਨਾ ਕੀਤੇ ਗਏ ਭਾਰਤ ਮਿਸ਼ਨ ਦੇ ਸਕਾਰਾਤਮਕ ਪ੍ਰਭਾਵ ਨੂੰ ਦਰਸਾਉਂਦੇ ਹਨ। ਇਸ ਪਹਿਲ ਦੇ ਤਹਿਤ ਲੱਦਾਖ ਪਹਿਲੀ ਪੂਰੀ ਤਰ੍ਹਾਂ ਸਾਖਰ ਪ੍ਰਸ਼ਾਸਕੀ ਇਕਾਈ ਬਣ ਗਿਆ, ਉਸ ਤੋਂ ਬਾਅਦ ਮਿਜ਼ੋਰਮ, ਗੋਆ ਅਤੇ ਤ੍ਰਿਪੁਰਾ ਹਨ।

ਅਸੈੱਸਮੈਂਟ ਅਤੇ ਮੌਨੀਟਰਿੰਗ ਨੂੰ ਹੇਠ ਲਿਖੇ ਮਾਧਿਅਮ ਰਾਹੀਂ ਮਜ਼ਬੂਤ ਕੀਤਾ ਗਿਆ ਹੈ। 

• ਪਰਖ ਰਾਸ਼ਟਰੀਯ ਸਰਵੇਕਸ਼ਣ (ਦਸੰਬਰ 2024): 74,000 ਸਕੂਲਾਂ ਵਿੱਚ 21.15 ਲੱਖ ਵਿਦਿਆਰਥੀ।

• ਰਾਸ਼ਟਰੀ ਉਪਲਬਧੀ ਸਰਵੇਖਣ (NAS) 2021: 34 ਲੱਖ ਵਿਦਿਆਰਥੀ ਅਤੇ 1.18 ਲੱਖ ਸਕੂਲ।

• ਰਾਜ ਵਿਦਿਅਕ ਉਪਲਬਧੀ ਸਰਵੇਖਣ (SEAS): 4 ਲੱਖ ਸਕੂਲਾਂ ਵਿੱਚ 84 ਲੱਖ ਵਿਦਿਆਰਥੀ।

ਪੀਐਮ ਸ਼੍ਰੀ ਪਹਿਲ ਨੇ ਐਨਈਪੀ 2020 ਫਾਰ ਟ੍ਰਾਂਸਫਾਰਮੇਸ਼ਨ ਲਈ ਮਾਡਲ ਸਕੂਲ ਬਣਨ ਲਈ 13,076 ਸਕੂਲਾਂ ਦੀ ਚੋਣ ਕੀਤੀ ਹੈ, ਜਦਕਿ ਪੀਐਮ ਪੋਸ਼ਣ ਯੋਜਨਾ ਹੁਣ ਬਾਲ ਵਾਟਿਕਾ ਦੇ ਵਿਦਿਆਰਥੀਆਂ ਵੀ ਸ਼ਾਮਲ ਹਨ ਅਤੇ 6.28 ਲੱਖ ਤੋਂ ਵੱਧ ਸਕੂਲਾਂ ਵਿੱਚ ਸਕੂਲ ਪੋਸ਼ਣ ਗਾਰਡਨਜ਼ ਦਾ ਸਮਰਥਨ ਕੀਤਾ ਜਾ ਰਿਹਾ ਹੈ। ਸਕੂਲੀ ਸਿੱਖਿਆ ਲਈ ਸਵਯਮ ਪ੍ਰਭਾ ਦੇ ਮੌਜੂਦਾ 12 ਡੀਟੀਐਚ ਚੈਨਲਾਂ ਨੂੰ 200 ਚੈਨਲਾਂ ਤੱਕ ਵਧਾ ਦਿੱਤਾ ਗਿਆ ਹੈ ਜਿਸ ਵਿੱਚ ਕੁੱਲ 92,147 ਵੀਡੀਓ ਸਮੱਗਰੀ ਹੈ ਜੋ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ/ਗਲੈਕਸੀਆਂ ਤੋਂ ਪ੍ਰਾਪਤ 26,662 ਘੰਟਿਆਂ ਦੇ ਪ੍ਰਸਾਰਣ ਦੇ ਬਰਾਬਰ ਹੈ।

ਅਖਿਲ ਭਾਰਤੀਯ ਸਿਕਸ਼ਾ ਸਮਾਗਮ (ਏਬੀਐਸਐਸ) 2025 ਦਾ ਇੱਕ ਮੁੱਖ ਆਕਰਸ਼ਣ ਮੁੱਖ ਨੀਤੀ ਨਿਰਮਾਤਾਵਾਂ, ਸਿੱਖਿਆ ਸ਼ਾਸਤਰੀਆਂ ਅਤੇ ਹਿੱਸੇਦਾਰਾਂ ਨਾਲ ਚਰਚਾ ਦੇ ਥੀਮੈਟਿਕ ਖੇਤਰ ਹੋਣਗੇ। ਚਰਚਾ ਦੇ ਮੁੱਖ ਖੇਤਰ ਇਹ ਹੋਣਗੇ:

• ਅਧਿਆਪਨ-ਸਿਖਲਾਈ ਵਿੱਚ ਭਾਰਤੀ ਭਾਸ਼ਾਵਾਂ ਦੀ ਵਰਤੋਂ।

• ਅਨੁਸੰਧਾਨ ਅਤੇ ਪ੍ਰਧਾਨ ਮੰਤਰੀ ਖੋਜ ਫੈਲੋਸ (PMRF): ਭਾਰਤ ਦੀ ਅਗਲੀ ਪੀੜ੍ਹੀ ਦੇ ਅਕਾਦਮਿਕ ਅਤੇ ਉਦਯੋਗਿਕ ਅਗਵਾਈ ਦਾ ਪਾਲਣ-ਪੋਸ਼ਣ।

• 2030 ਤੱਕ 100% GER ਪ੍ਰਾਪਤ ਕਰਨ ਲਈ ਸੈਕੰਡਰੀ ਸਿੱਖਿਆ ਦੀ ਮੁੜ ਕਲਪਨਾ ਕਰਨਾ।

• ਸਿੱਖਿਆ ਲਈ ਏਆਈ ਵਿੱਚ CoE - ਟੀਚਿੰਗ ਅਤੇ ਲਰਨਿੰਗ ਦੇ ਈਕੋ-ਸਿਸਟਮ ਨੂੰ ਬਦਲਣਾ।

ਏਬੀਐਸਐਸ 2025 ਦਾ ਏਜੰਡਾ ਵਿਦਿਅਕ ਪਰਿਵਰਤਨ ਦੇ ਅਗਲੇ ਪੜਾਅ ਲਈ ਦਿਸ਼ਾ ਨਿਰਧਾਰਤ ਕਰਦੇ ਹੋਏ ਇਹਨਾਂ ਪ੍ਰਾਪਤੀਆਂ ਨੂੰ ਉਜਾਗਰ ਕਰੇਗਾ। ਇਹ ਚਰਚਾਵਾਂ ਉਦਯੋਗ-ਅਕਾਦਮਿਕ ਸਹਿਯੋਗ ਨੂੰ ਡੂੰਘਾ ਕਰਨ, ਕਿੱਤਾਮੁਖੀ ਮਾਰਗਾਂ ਨੂੰ ਸੁਧਾਰਨ, ਡਿਜੀਟਲ ਬੁਨਿਆਦੀ ਢਾਂਚੇ ਦਾ ਵਿਸਥਾਰ ਕਰਨ ਅਤੇ ਪਾਠਕ੍ਰਮ ਵਿੱਚ ਸਥਿਰਤਾ ਨੂੰ ਸ਼ਾਮਲ ਕਰਨ 'ਤੇ ਕੇਂਦ੍ਰਿਤ ਹੋਣਗੇ। ਭਾਰਤ ਦੇ ਪ੍ਰਮੁੱਖ ਸਿੱਖਿਆ ਸੰਮੇਲਨ ਦੇ ਰੂਪ ਵਿੱਚ, ABSS 2025 ਸਮਾਨਤਾ, ਉੱਤਮਤਾ ਅਤੇ ਇਨੋਵੇਸ਼ਨ ਪ੍ਰਤੀ ਰਾਸ਼ਟਰ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕਰੇਗਾ ਅਤੇ ਇਹ ਯਕੀਨੀ ਬਣਾਏਗਾ ਕਿ NEP 2020 ਦਾ ਪ੍ਰਭਾਵ ਆਉਣ ਵਾਲੇ ਸਾਲਾਂ ਵਿੱਚ ਵਿਦਿਅਕ ਪ੍ਰਗਤੀ ਨੂੰ ਗਤੀ ਪ੍ਰਦਾਨ ਕਰਦਾ ਰਹੇ।

*******

ਐੱਮਵੀ/ਏਕੇ 

MOE/DoHE/28 July 2025