জুলাই 23, 2025দা, নিতি আয়োগকী ভাইস চেয়রমেন, শ্রী সুমন বেরীনা য়ুনাইতেদ নেসন্সকী ইকোনোমিক অমসুং সোসিএল কাউন্সিল (ECOSOC) না কৌখিবা SDGশিংগা মরী লৈনবা হায়-লেবেল পোলিতিকেল ফোরম (HLPF) গী মিনিস্তরেল সেগমেন্ততা সস্তেনেবল দিবেলপমেন্ত গোলশিং (SDG) গী মতাংদা ভারতকী অহুমশুবা ভোলুন্তরী নেস্নেল রিভিয়ু (VNR) পুথোকখ্রে।

মহাক্না ফোংদোকখি মদুদি শেন্মিৎলোন চাউখৎপা, ইনফ্রাস্ত্রকচরদা শেল থাদবা, পান্দম থম্লিবা স্কিমশিং মপুং ফানা পাংথোকপা অমসুং লোকেল কম্মিৎমেন্তগী পুনশিনবা অসিনা চহি তরাগী মনুংদা সস্তেনেবল দিবেলপমেন্ত গোলশিং অসি নেস্নেল মুভমেন্ত অমদা ওন্থোকখিবা অসি মালেমগা লোয়ননা শেয়র তৌনবগী মরুওইবা খুদোংচাবা অমনি।

VNR অসিনা HLPFদা ভারতকী অহুমশুবা সবমিসন ওইরি, মসিনা SDGশিংগীদমক UN 2030 এজেন্দাদা লৈবাক অসিনা লেপ্পা লৈতনা হোৎনরিবা অদু অমুক্কা হন্না ফোংদোক্লি।

ভারতকী VNR 2025 শেম-শাবা অসি সরকার অমসুং খুন্নাই পুম্নমক্কী ওইবা থৌওং অমদা য়ুম্ফম ওইদুনা, রাজ্যশিং, য়ুনিয়ন তেরিতোরীশিং, সিবিল সোসাইতী অমসুং দিবেলপমেন্ত পার্তনরশিং অমসুং প্রাইবেৎ সেক্তরগী শরুক য়াবা স্ত্রকচর অমসুং কন্সলতেতিব প্রোসেস অমগী খুত্থাংদা নিতি আয়োগনা লমজিংখি। মমাংগী VNRশিংদা চৎনখিবা থৌওং অদুদা য়ুম্ফম ওইদুনা, ময়েক শেংবা নেস্নেল রোদমেপ অমনা থৌওং অদু লমজিংখি, মসিনা দেতা অমসুং এভিদেন্সতা য়ুম্ফম ওইদুনা পাক শন্না শরুক য়াবা ঙমহনখি। UNDPনা রাজ্যশিং/UTশিংদা SDG লোকেলাইজেসন হেনগৎহন্নবগীদমক SDG কোওওর্দিনেসন এন্দ এসেলরেসন সেন্তরশিং লিংখৎপদা য়াম্না মতেং পাংখি।

ভারতকী VNR 2025না চপ চাবা পোলিসী এক্সন অমসুং সস্তেনেবল দিবেলপমেন্তকী মল্তিপল দাইমেন্সনশিংদা ত্রান্সফোর্মেতিব রিজল্তকী চহি তরাগী খুজিং অমা উৎলি:

• লায়রবা কোকহনবা: চাউরাক্না মীওই মিলিয়ন 248না মল্তিদাইমেনস্নেল পোভর্তী (MPI)দগী থোরকপা ঙমখি।
• ফুদ সেক্যুরিতী: পি.এম. গরীব কল্যান অন্ন য়োজনানা মীওই লাখ কয়াগীদমক ন্যুত্রিসনগী তেংবাং ফংহনখ্রে।
• হকশেল অমসুং ন্যুত্রিসন: পোশন অভিয়ান অমসুং আয়ুশ্মান ভারতনা ক্বালিতী লৈবা ন্যুত্রিসন অমসুং হকশেলগী সেবা ফংহন্নবা থবকশিং পাকথোক চাউথোকহল্লে।
• ক্লিন ইনর্জী: নেস্নেল গ্রীন হাইদ্রোজেন মিসন, পি.এম.-কুসুম, অমসুং পি.এম. সুর্য় গর মুফ্ত বিজলী য়োজনাগুম্বা প্রোগ্রামশিংনা ভারতপু ক্লিন ইনর্জীদা ওন্থোকপদা মপাঙ্গল কনখৎহল্লি।
• ইন্নোবেসন অমসুং গ্রোথ: ভারত অসি হৌজিক মালেমগী খ্বাইদগী চাউবা অহুমশুবা স্তার্ত-অপ ইকোসিস্তেম ওইরে।
• ইনফ্রাস্ত্রকচর অমসুং ইন্দস্ত্রী: পি.এম. গতি শক্তি, মেক ইন ইন্দিয়া অমসুং নেস্নেল ইন্দস্ত্রীএল কোরিদোর দিবেলপমেন্ত প্রোগ্রামগুম্বা স্কিমশিংনা মথংগী জেনরেসনগী ইনফ্রাস্ত্রকচর শেমগৎলি।

রিপোর্ত অসিনা ইনক্লুসিব, ত্রান্সপরেন্ত, অমসুং ইফিসিএন্ত সর্বিস দেলিভরীগী মালেমগী মোদেল অমা ওইরকখিবা জন ধন-আধার-মোবাইল (JAM) ত্রিনিতীদা য়ুম্ফম ওইবা দিজিতেল পব্লিক ইনফ্রাস্ত্রকচর (DPI) শেমগৎপদা ভারতকী লুচিংবা ওইবগী মশক তাক্লি।

SDG ইন্দিয়া ইন্দেক্স, নোর্থ-ইস্তর্ন রিজন দিস্ত্রিক্ত SDG ইন্দেক্স, অমসুং নেস্নেল মল্তি-দিমেন্সনেল পোভর্তী ইন্দেক্সকুম্বা খুৎলাইশিং অসিগা লোয়ননা ভারতনা দেতা-দ্রিভন গভর্নান্স অমসুং SDG এস্পিরেস্নেল দিস্ত্রিক্তস প্রোগ্রাম (ADP) অমসুং এস্পিরেস্নেল ব্লোক্স প্রোগ্রাম (ABP)গুম্বা ইনিসিএতিবশিংনা গর্ভমেন্ত সর্বিসশিংগী লাস্ত মাইল সেচুরেসন লৈহন্নবা হোৎনরি।

ভারতকী VNR 2025না চাউখৎলক্লিবা লৈবাকশিংদা কেপাসিতী-বিল্দিং অমসুং ইন্সতিত্যুস্নেল সপোর্তকী খুত্থাংদা থাজবা য়াবা দিবেলপমেন্ত পার্তনর অমা ওইনা মাগী থৌদাং অদু উৎতুনা, সাউথ-সাউথ কোওপরেসনদা ভারতকী চাওখৎলক্লিবা কন্ত্রিব্যুসনবু হেন্না ময়েক শেংহল্লি।

এজেন্দা 2030 অসি ভিক্সিৎভারত@2047 – ভারতকী নীংতম্বগী চহি 100 শুবদা চাউখৎপা ভারত অমা ওইহন্নবা ভারতকী লোং-তর্ম ভিজনগা চুনৈ। মসিনা ইনক্লুজন, ইন্নোবেসন অমসুং ইন্সতিত্যুস্নেল স্ত্রেতেজীদা য়ুম্ফম ওইবা ইন্তিগ্রেতেদ দিবেলপমেন্ত স্ত্রেতেজীদা মীৎয়েং থম্মি।

***