भारतीय निवडणूक आयोग
azadi ka amrit mahotsav

उपराष्ट्रपतीपदासाठी निवडणूक 2025

Posted On: 25 JUL 2025 11:28AM by PIB Mumbai
  1. कलम 324 नुसार,  देशाच्या  निवडणूक आयोगावर भारताच्या उपराष्ट्रपती  पदासाठी निवडणूक घेण्याची जबाबदारी आहे. भारताच्या उपराष्ट्रपती पदाची निवडणूक  राष्ट्रपती आणि उपराष्ट्रपती पदासाठी निवडणूक कायदा, 1952 आणि त्याखालील नियमांनुसार, अर्थात राष्ट्रपती आणि उपराष्ट्रपती पदासाठी निवडणूक नियम, 1974 नुसार होते.
  2. राष्ट्रपती आणि उपराष्ट्रपती पदासाठी निवडणूक कायदा, 1952 मधील कलम 3 नुसार निवडणूक आयोग, केंद्र सरकारच्या सल्ल्याने, नवी दिल्ली येथे कार्यालय असलेला एक निवडणूक अधिकारी नियुक्त करतो आणि एक किंवा अधिक सहाय्यक निवडणूक अधिकारी देखील नियुक्त करू शकतो. प्रथेनुसार, लोकसभा सरचिटणीस किंवा राज्यसभा सरचिटणीस यांना फिरत्या पद्धतीने निवडणूक अधिकारी म्हणून नियुक्त केले जाते. मागील उपराष्ट्रपती निवडणुकीत, लोकसभा सरचिटणीस यांची निवडणूक अधिकारी म्हणून नियुक्ती करण्यात आली होती.
  3. म्हणूनच, निवडणूक आयोगाने, कायदा आणि न्याय मंत्रालयाच्या सल्ल्याने आणि राज्यसभेच्या सन्माननीय उपसभापतींच्या संमतीने, आगामी उपराष्ट्रपती निवडणूक, 2025 साठी राज्यसभा सरचिटणीस यांची निवडणूक अधिकारी म्हणून नियुक्ती केली आहे
  4. भारताच्या निवडणूक आयोगाने, उपराष्ट्रपतीपद निवडणूक, 2025 च्या कालावधीत, राज्यसभा सचिवालयाच्या सहसचिव  गरिमा जैन आणि राज्यसभा सचिवालयाचे संचालक  विजय कुमार यांची सहाय्यक  निवडणूक अधिकारी म्हणून नियुक्ती केली आहे
  5. आवश्यक राजपत्रित अधिसूचना आज स्वतंत्रपणे जारी केली जात आहे.

***

SuvarnaBedekar/ShaileshPatil/DineshYadav

सोशल मिडियावर आम्हाला फॉलो करा:@PIBMumbai   Image result for facebook icon /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai


(Release ID: 2148293)
Read this release in: English , Urdu , Nepali , Hindi , Bengali , Bengali-TR , Manipuri , Assamese , Punjabi , Gujarati , Odia , Tamil , Telugu , Kannada , Malayalam