তেক্সতাইল মন্ত্রালয়
হেন্দলুম এৱার্দ্স ২০২৪: হেন্দলুম সেক্তরদা মীথোয় মীহেনবশিং ইকায়খুম্নবা
মনাশিং অসি চহি অসিগী ওগস্ত ৭ তা পাঙথোক্কদবা ১১শুবা নেস্নেল হেন্দলুম দে থৌরমদা ইকায়খুম্নরবা ভারতকী প্রধান মন্ত্রীনা লান্থোক্কনি
থৌরম অসিদা অতৈ মীথুংশিংগা লোয়ননা তেক্সতাইল্সকী কেন্দ্র মন্ত্রী শ্রী গিরিরাজনা শরুক য়াগনি
সন্ত কবির এৱার্দ অমসুং নেস্নেল হেন্দলুম এৱার্দ ১৯ য়াওনা পুন্না মীওই ২৪ হেন্দলুম সেক্তরদা মখোয়গী তোপ তোপ্পা থৌদাংশিংগীদমক ইকায়খুম্নগনি
Posted On:
21 JUL 2025 4:33PM by PIB Imphal
হেন্দলুম সেক্তরদা ফিশাবী, দিজাইনর, মার্কেতর, স্তার্ত-অপ ভেঞ্চর, অমদি প্রদ্যুসর কম্পেনীশিংনা লৌরিবা তোপ তোপ্পা থৌদাংশিংবু শকখঙদুনা, লেমজনিংঙাই ওইরবা সন্ত কবির হেন্দলুম এৱার্দ অমসুং নেস্নেল হেন্দলুম এৱার্দ ২০২৪ লান্থোক্নবা লাউথোকপদা তেক্সতাইল মন্ত্রালয়না চাউথোকচবা পোকচৈ। মনাশিং অসি নেস্নেল হেন্দলুম দিভেলপমেন্ত প্রোগ্রাম (NHDP) গী মখাদা লৈবা হেন্দলুম মার্কেতিং এসিস্তেন্স (HMA) কম্পোনেন্তকী শরুক অমা ওইনা লান্থোকপনি।
চহি অসিদা সন্ত কবির এৱার্দ অমসুং নেস্নেল হেন্দলুম এৱার্দ ১৯ য়াওনা পুন্না মীওই ২৪ হেন্দলুম সেক্তরদা মখোয়গী তোপ তোপ্পা থৌদাংশিংগীদমক ইকায়খুম্নগনি। মনাশিং অসি ১১শুবা নেস্নেল হেন্দলুম দে সেলেব্রেসন্দা ইকায়খুম্নরবা ভারতকী রাস্ত্রপতীনা লান্থোক্কনি। থৌরম অসি ওগস্ত ৭, ২০২৫, শগোলশেন নুমিত্তা নই দিল্লীগী ভারত মন্দপমদা পাঙথোক্কনি। থৌরম অসিদা তেক্সতাইল্সকী কেন্দ্র মন্ত্রী শ্রী গিরিরাজ সিংহগা লোয়ননা এমপি, ইন্দস্ত্রী লুচিংবা, দিজাইনর, এক্সপোর্তর, লৈঙাক্কী মকোক থোংবা ওফিসিএলশিং, মহৈরোয়শিং, অমদি লৈবাক পুম্বদগী ফিশাগী ৫০০ হেনবনা শরুক য়াগনি।
হেন্দলুম এৱার্দ্সকী চাউরাকপা মশক
মনা অসিনা হেন্দলুম ইন্দস্ত্রীদা থোইদোক হেন্দোক্না তৌথোরকপশিং ইকায় খুম্ননবা, খুৎশা-হৈবা, ইনোভেসন, অমদি সেক্তর অসি চাওখৎহন্বদা লৌরিবা থৌদাংশিংদা বেঞ্চমার্ক শেম্লিবা লনাই মীওইশিং অমদি লুপশিংবু ইকায়খুম্নরি।
সন্ত কবির হেন্দলুম এৱার্দ
মনা অসিনা সেক্তর অসিনা খুমাঙ চাওশিনবদা থোদোক হেন্দোক্না থৌদাং য়ারিবা ইয়োংগী ফিশাববীশিংবু শকখঙলি। মসি ফংবা য়াবা ফিশাবীশিংদি নেস্নেল নৎত্রগা স্তেত এৱার্দ, নেস্নেল মেরিত সর্তিফিকেত ফংলবা নৎত্রগা, ফি শাবগী চৎনবী য়োকখৎপদা, খুন্নাইগী য়াইফনবা হোৎনবদা, অমদি সেক্তর অসিবু চাওখৎহনন্নবা হোৎনবদা তোপ তোপ্পা মওং মতৌ উত্থোরকপা অমদি থৌদাং য়াখিবশিংনি।
মনাসিদা য়াওরিবশিং:
শেলগী মনা: লুপা লাখ ৩.৫
সনাগী শেনয়েক (মাউন্তেদ)
তাম্রপত্র (সর্তিফিকেত)
সোল
সর্তিফিকেত ওফ রিকোগনিসন
নেস্নেল হেন্দলুম এৱার্দ্স:
নেস্নেল হেন্দলুম এৱার্দ অসিনা তোপ তোপ্না খুৎশা-হৈবা, পুক্নিং লুপ্পা অমদি অনৌবা ৱাখল্লোন পুথোকপগীদমক ফিশাবীশিংবু ইকায়খুম্নবনি। মসিনা ফিশাবীশিংবু লম অসিদা মখোয়গী তোপ তোপ্পা থবকশিং অমদি অতোপ্পশিংবু পুক্নিং থৌগিৎপগী থবক লেপ্তনা তৌনবা পুক্নিং থৌগৎলি।
মনাসিদা য়াওরিবশিং:
শেলগী মনা: লুপা লাখ ২.০০
তাম্রপত্র
সোল
সর্তিফিকেত
খনবগী মওং:
ফিশাবীগী কাঙলুপকী মনা ফংগদবশিং খনবগী মওং অসিদা য়াম্না চেকশিন্বা তাঙ্কক অহুমগী থৌওং য়াওরি, মখোয়শিং অদুদি জোনেল, হেদক্বার্তর্স, অমদি সেন্ত্রেল লেভেল কম্মিতীশিংনি, অদুগা মখোয়শিং অসিবু মখোয় মখোয়গী জোনেল দাইরেক্তর, দিভেলপমেন্ত কম্মিস্নর (হেন্দলুম), অমদি সেক্রেতরী (তেক্সতাইল্স)না লুচিংই, অমদি অমমমদা মীওই ১১ য়াওরি। কম্মিতীশিং অসিদা সেক্তর এক্সপর্তশিং য়াওরি অমদি শেম-শারবা ইলিজিবিলিতী ক্রাইতেরিয়াদা য়ুম্ফম ওইরবা নোমিনেসনশিং ইভালুএত তৌই।
দিজাইন দিভেলপমেন্ত, মার্কেতিং, স্তার্ত-অপ ভেঞ্চর, অমদি প্রদ্যুসর কম্পেনীশিংগী ওইনা, হেদক্বার্তর অমদি কেন্দ্রগী থাক্তা মীওই ১১ না শাবা অমদি দিভেলপমেন্ত কম্মিস্নর (হেন্দলুম) অমসুং সেক্রেতরী (তেক্সতাইল্স)না লুচিংবা কম্পেনীশিংগী ওইবা থাক অনিগী সেলেক্সন প্রোসেস লৈ।
হেন্দলুম এৱার্দীশিংগী লিস্তকীদমক মসিদা নম্বিয়ু।
***
(Release ID: 2146675)