ରେଳବାଇ ନିଯୁକ୍ତି ବୋର୍ଡ ନଭେମ୍ବର ୨୦୨୪ ଠାରୁ ୫୫୧୯୭ ଖାଲି ପଦବୀ ଲାଗି ସାତଟି ଭିନ୍ନ ବିଜ୍ଞପ୍ତି ଜରିଆରେ ୧.୮୬ କୋଟିରୁ ଅଧିକ ପ୍ରାର୍ଥୀଙ୍କ ପାଇଁ କମ୍ପ୍ୟୁଟର ଆଧାରିତ ପରୀକ୍ଷା କରିଛି। ଏହା ୨୦୨୫-୨୬ ଆର୍ଥିକ ବର୍ଷରେ ୫୦ ହଜାର ଅଧିକ ପ୍ରାର୍ଥୀଙ୍କୁ ନିଯୁକ୍ତି ପ୍ରଦାନ କରିବାକୁ ରେଳବାଇ ନିଯୁକ୍ତି ବୋର୍ଡ ସକ୍ଷମ କରିବ। ଏହି ଆର୍ଥିକ ବର୍ଷର ପ୍ରଥମ ତ୍ରୈମାସରେ ବୋର୍ଡ ଦ୍ୱାରା ୯ହଜାର ରୁ ଅଧିକ ନିଯୁକ୍ତି ଦିଆଯାଇସାରିଛି ।

ରେଳବାଇ ନିଯୁକ୍ତି ବୋର୍ଡ ପରୀକ୍ଷା ପାଇଁ କମ୍ପ୍ୟୁଟର ଆଧାରିତ ପରୀକ୍ଷା ପରିଚାଳନା କରିବା ଏକ ବଡ଼ ଦାୟିତ୍ୱ । ଏଥିପାଇଁ ବହୁତ ଯୋଜନା ଏବଂ ସମନ୍ୱୟ ଆବଶ୍ୟକ। ରେଳବାଇ ନିଯୁକ୍ତି ବୋର୍ଡ ସମ୍ପ୍ରତି ପ୍ରାର୍ଥୀଙ୍କ ବାସସ୍ଥାନ ନିକଟରେ ପରୀକ୍ଷା କେନ୍ଦ୍ର କରିବାକୁ ପଦକ୍ଷେପ ନେଇଛି । ମହିଳା ଏବଂ ଦିବ୍ୟାଙ୍ଗ ପ୍ରାର୍ଥୀମାନଙ୍କୁ ବିଶେଷ ଅଗ୍ରାଧିକାର ଦିଆଯାଇଛି। ଏଥିପାଇଁ ଅଧିକ ପରୀକ୍ଷା କେନ୍ଦ୍ରକୁ ତାଲିକାଭୁକ୍ତ କରିବା ଏବଂ ନିରପେକ୍ଷ ଓ ସ୍ୱଚ୍ଛ ଭାବରେ ପରୀକ୍ଷା ପରିଚାଳନା ପାଇଁ ଅଧିକ ମାନବ ସମ୍ବଳ ସଂଗ୍ରହ କରିବାର ଆବଶ୍ୟକତା ରହିଛି।

ରେଳବାଇ ନିଯୁକ୍ତି ବୋର୍ଡ ଦ୍ୱାରା ପ୍ରକାଶିତ ବାର୍ଷିକ କ୍ୟାଲେଣ୍ଡର ଅନୁଯାୟୀ ୨୦୨୪ ମସିହାରୁ ୧୦୮୩୨୪ଟି ଖାଲି ପଦବୀ ପାଇଁ ବାରଟି ବିଜ୍ଞପ୍ତି ଜାରି ହୋଇସାରିଛି। ପରବର୍ତ୍ତୀ ଆର୍ଥିକ ବର୍ଷ ୨୦୨୬-୨୭ ରେ ଆହୁରି ୫୦ ହଜାରରୁ ଅଧିକ ନିଯୁକ୍ତି ପ୍ରଦାନ କରାଯିବ।

ପରୀକ୍ଷାର ସ୍ୱଚ୍ଛତା ବୃଦ୍ଧି କରିବା ପାଇଁ, ପ୍ରଥମ ଥର ଏତେ ବଡ଼ ପରୀକ୍ଷାରେ ୯୫% ରୁ ଅଧିକ ସଫଳତା ହାସଲ କରୁଥିବା ପ୍ରାର୍ଥୀଙ୍କ ପରିଚୟ ପ୍ରମାଣିତ କରିବା ପାଇଁ ଇ-କେୱାଇସି ଆଧାରିତ ଆଧାର ପ୍ରମାଣୀକରଣ ବ୍ୟବହାର କରାଯାଇଛି। ଇଲେକ୍ଟ୍ରୋନିକ୍ ଉପକରଣ ମାଧ୍ୟମରେ ଠକେଇ ଦୂର କରିବା ପାଇଁ ବୋର୍ଡର ସମସ୍ତ ପରୀକ୍ଷା କେନ୍ଦ୍ରରେ ଏବେ ଶତପ୍ରତିଶତ ଜାମର୍‌ ନିୟୋଜିତ କରାଯାଉଛି।

*********

P.S.

(Release ID: 2143575)