اطلاعات و نشریات اور پارلیمانی امور کے وزیر مملکت ڈاکٹر ایل مروگن نے نئی دہلی میں اپنی رہائش گاہ پر مدھیہ پردیش کے وزیر اعلیٰ ڈاکٹر موہن یادو کی میزبانی کی۔

میٹنگ میں مدھیہ پردیش میں جاری اور مستقبل کے ترقیاتی اقدامات سے متعلق معاملات پر توجہ مرکوز کی گئی۔ قائدین نے مرکز اور ریاست کے درمیان میڈیا کی رسائی، عوامی مواصلات اور نشریاتی ڈھانچہ سمیت اہم شعبوں میں تعاون کو مضبوط بنانے کے طریقوں پر تبادلہ خیال کیا۔ اس بات پر خصوصی توجہ دی گئی کہ آکاشوانی اور دوردرشن جیسے مرکزی میڈیا پلیٹ فارم کس طرح مدھیہ پردیش کی ترقی کی کہانیوں کو مزید وسعت دے سکتے ہیں۔

اجین میں نیا آکاشوانی کیندر

میٹنگ میں اجین میں ایک نئے آکاشوانی کیندر کے قیام پر بھی بات چیت ہوئی، جس کی مدد مرکز کے براڈکاسٹنگ انفراسٹرکچر اینڈ نیٹ ورک ڈیولپمنٹ (بی آئی این ڈی) اسکیم کے تحت کی جائے گی۔ نئے مرکز کا مقصد علاقائی نشریات کو مضبوط بنانا، ثقافتی ورثے کا تحفظ کرنا اور مدھیہ پردیش کے لوگوں کو بروقت معلومات فراہم کرنا ہے۔بی آئی این ڈی اسکیم کا مقصد پرسار بھارتی کو اس کے براڈکاسٹنگ انفراسٹرکچر کی توسیع اور اپ گریڈیشن، مواد کی ترقی اور تنظیم سے متعلق سول کام سے متعلق اخراجات کے لیے مالی مدد فراہم کرنا ہے۔

مضبوط نشریاتی انفراسٹرکچر کی ترقی

دونوں لیڈروں نے ریاست میں مضبوط نشریاتی انفراسٹرکچر کی ترقی کے لیے بالخصوص کم خدمات اورپرعزم اضلاع کیلئے اپنی وابستگی کا اعادہ کیا۔ بہتر کنیکٹیویٹی اور جدید سہولیات ریاست بھر کے شہریوں تک معلومات اور حکومتی مواصلات کی آخری میل کی فراہمی کو یقینی بنانے میں کلیدی کردار ادا کریں گی۔ یہ میٹنگ متعدد شعبوں میں مرکز اور مدھیہ پردیش کے درمیان تعاون کو گہرا کرنے کے باہمی عزم کے ساتھ اختتام پذیر ہوئی، اس بات کو یقینی بناتے ہوئے کہ ثمرات نچلی سطح تک پہنچیں اور وکشت بھارت کے وژن میں تعاون کریں۔

جناب ہیمنت کھنڈیلوال، مدھیہ پردیش بی جے پی کے ریاستی صدر، جناب سنجے جاجو، سکریٹری، اطلاعات و نشریات وزارت، آکاشوانی کی ڈائرکٹر جنرل ڈاکٹر پرگیہ پالیوال گوڑ اور دیگر سینئر افسران بھی میٹنگ میں موجود تھے۔ ان کی موجودگی نے حکومت کے ترقیاتی وژن کو آگے بڑھانے میں ادارہ جاتی ہم آہنگی کی اہمیت کو اجاگر کیا۔

***

(ش ح۔اص)

UR No 2571