પોસ્ટેડ ઓન:
03 JUL 2025 2:12AM by PIB Ahmedabad
પ્રધાનમંત્રી શ્રી નરેન્દ્ર મોદીને આજે ઘાનાના રાષ્ટ્રપતિ જોન ડ્રામાની મહામા દ્વારા ઘાનાનું રાષ્ટ્રીય સન્માન - ઓફિસર ઓફ ધ ઓર્ડર ઓફ ધ સ્ટાર ઓફ ઘાના - એનાયત કરવામાં આવ્યું, જે તેમના અસાધારણ શાસન અને અસરકારક વૈશ્વિક નેતૃત્વમાં યોગદાન બદલ હતું. 1.4 અબજ ભારતીયો વતી એવોર્ડ સ્વીકારતા, પ્રધાનમંત્રીએ આ એવોર્ડ ભારતના યુવાનોની આકાંક્ષાઓ, સાંસ્કૃતિક પરંપરાઓ અને વિવિધતા અને ઘાના અને ભારત વચ્ચેના ઐતિહાસિક સંબંધોને સમર્પિત કર્યો.
પ્રધાનમંત્રીએ આ વિશેષ સન્માન માટે ઘાનાના લોકો અને સરકારનો આભાર માન્યો. તેમણે કહ્યું કે બંને દેશોના સહિયારા લોકશાહી મૂલ્યો અને પરંપરાઓ ભાગીદારીને આગળ ધપાવતા રહેશે. તેમણે કહ્યું કે આ એવોર્ડ બંને દેશો વચ્ચેની મિત્રતાને વધુ ગાઢ બનાવે છે અને દ્વિપક્ષીય સંબંધોને આગળ વધારવા માટે તેમના પર નવી જવાબદારી મૂકે છે. પ્રધાનમંત્રીએ કહ્યું કે તેમને વિશ્વાસ છે કે ઘાનાની તેમની ઐતિહાસિક રાજ્ય મુલાકાત ભારત-ઘાના સંબંધોને નવી ગતિ આપશે.
AP/SM/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com