প্রধান মন্ত্রী শ্রী নরেন্দ্র মোদীনা ঙসি ঘানাগী রাস্ত্রপতি ঐচ.ই. দোক্তর. জোন দ্রামানি মহামাগা উনখ্রে। জুবিলী হাউস য়ৌরকপদা, মহাকপু রাস্ত্রপতি মহামানা তরাম্না ওকখি। প্রধান মন্ত্রীগী ঘানাদা চৎপা স্তেৎ বিজিৎ অসি চহি তরাগী খুজিং অহুম অসিদা অহানবা খোঙচৎনি।

লুচিংবা অনিনা অখন্নবা মীফমদা অমসুং দেলিগেসনগী থাক্তা উনখি অমসুং লম কয়াদা ৱারী শানখি। মখোয়না মরী অসি কম্প্রিহেন্সিব পার্তনরশিপ অমা ওইহন্নবা য়ানখি। লুচিংবা অনিমক্না ভারত অমসুং ঘানাগী মরক্তা লৈরিবা অচেৎপা মরী অদু অমুক হন্না ফোংদোকখি অমসুং ললোন-ইতিক অমসুং ইনভেস্তমেন্ত, লৌউ-শিংউ, কেপাসিতী বিল্দিং, দিজিতেল তেক্নোলোজী, ইনফ্রাস্ত্রকচর অমসুং পিপল-তু-পিপলগী মরী য়াওনা মরুওইবা লমশিংদা তেংবাং পীনবা হেনগৎহন্নবা খন্নখি। মখোয়না ঘানাদা হেনগৎলক্লিবা বাইলেতরেল ত্রেদ অমসুং ভারতকী ইনভেস্তমেন্তশিংবু তরাম্না ওকখি। লুচিংবা অনিনা দিফেন্স অমসুং সেক্যুরিতী পার্তনরশিপ মপাঙ্গল কনখৎহন্নবা খন্ন-নৈনখি। মখোয়না দিবেলপমেন্ত কোওপরেসন পার্তনরশিপ মখা তানা মপাঙ্গল কনখৎহন্নবা অচেৎপা ৱাফম থমখি- মরু ওইনা ভারতনা মতেং পাংলিবা ইনফ্রাস্ত্রকচর অমসুং কেপাসিতী বিল্দিং প্রোজেক্তশিংগী খুত্থাংদা। ভারতনা হকশেল, ফার্মা, দিজিতেল পব্লিক ইনফ্রাস্ত্রকচর, য়ু.পি.আই. অমসুং স্কিল দিবেলপমেন্তকী লমশিংদা মাগী এক্সপিরিয়েন্সশিং শেয়র তৌনবা হায়খি। গ্লোবেল সাউথকী সমস্যাশিং ফোংদোক্নবগীদমক ভারতনা অচেৎপা ফিরেপ লৌরি হায়না প্রধান মন্ত্রীনা ফোংদোকখি অমসুং মসিগী মতাংদা ঘানা মতেং পাংবগীদমক থাগৎপা ফোংদোকখি। ঘানাদা লৈরিবা ভারত মচা ১৫,০০০গী মশিং য়াম্লবা কাংলুপ অদুবু য়েংশিনবীবগীদমক প্রধান মন্ত্রীনা রাস্ত্রপতি মহামাদা থাগৎপা ফোংদোকখি।

লুচিংবা অনিনা য়ু.এন.গী রিফোর্মশিং য়াওনা নাকল অসিগী ওইবা মালেমগী ওইবা সমস্যাশিং খন্নখি। পহলগামগী তেরর এতেক্তকী মতুংদা পীখিবা তেংবাং অমসুং উৎখিবা সোলিদরিতীগীদমক প্রধান মন্ত্রীনা রাস্ত্রপতি মহামাদা থাগৎপা ফোংদোকখি। নাকল অনিমক্না তেরোরিজমগী মায়োক্তা মালেমগী থাক্তা লান্থেংনবা মপাঙ্গল কনখৎহন্নবা য়ানখি। প্রধান মন্ত্রীনা ঘানাগী য়ু.এন. হ্যুমেন রাইৎস কাউন্সিলদা লৈরিবা তর্ম অমসুং কম্মনৱেল্থগী সেক্রেতরী জেনরেল ওইনা ঘানাগী ফোরেন মিনিস্তরনা ৱাশক লৌখিবা য়াওনা হেনগৎলক্লিবা ইন্তর্নেস্নেল প্রোফাইলগীদমক থাগৎপা ফোংদোকখি। লুচিংবা অনিমক্না দেমোক্রেসীগী মগুনশিং, সাউথ-সাউথকী মতেং পীনবা অমসুং সস্তেনেবল দিবেলপমেন্ত অমসুং মালেমগী শান্তিগীদমক্তা অপুনবা পান্দম অমা লৈনবা মখোয়গী অচেৎপা ফিরেপ অদু অমুক হন্না ফোংদোকখি।

দেলিগেসন লেভেলগী ৱারী শানবগী মতুংদা, কলচর, স্তেন্দর্দশিং, আয়ুর্বেদ অমসুং ত্রেদিস্নেল মেদিসিনগী লমশিংদা এম ও য়ু মরি অমসুং ফোরেন মিনিস্ত্রীশিংগী মরক্তা এঙ্গেজমেন্তগীদমক জোইন্ত কম্মিসন মেকানিজমগী খুৎয়েক পীনখি। প্রধান মন্ত্রীগী ইকায় খুম্নবা উৎনবা রাস্ত্রপতি মহামানা স্তেত বেঙ্কিৎ অমা পাংথোকখি। প্রধান মন্ত্রীনা মহাকপু তরাম্না ওকপগীদমক থাগৎপা ফোংদোকখি। মহাক্না রাস্ত্রপতি মহামাবু নাকল অনিমক্তা খুদোংচাবা মতম অমদা ভারত্তা লাক্নবা কৌখি।

****