Ha ka sienjam ban kyntiew ïa ka jingïadei digital bad ban pynsuk ïa ka jingïoh ïa ki jingshakri na ka bynta ki samla jong ka ri India, ka Tnad kam ialehkai ka la sdang ïa ka jingpynïasoh WhatsApp bad ka rynsan MY Bharat (https://mybharat.gov.in).

Ka WhatsApp chatbot mynta ka la treikam ha ka rynsan MY Bharat bad lah ruh ban ïoh beit beit lyngba ka WhatsApp (7289001515), kaba ai ïa ki nongpyndonkam ïa ka lad kaba kham suk ban pyndonkam ia kane ka rynsan. Kane ka jingsdang ia kane ka kynthup ïa ki bynta ba kongsan na ka bynta baroh ki nongpyndonkam ba la pynrung kyrteng ha ka MY Bharat, kaba ailad ïa ki ban wad bniah ïa ki prokram ai jinghikai ba la ïoh jingtip, ki lad ban trei mon sngewbha, ka jingshna CV, ka jingai jingmut, ka jingïasoh/jingthaw kum ka seng, ban ai jingtip ïa kino kino ki jingeh bad ban ïoh ïa ka jingkyrshan jong ka MyBharat.

Ban sdang ïa ka jingpyndonkam ha ka WhatsApp Chatbot, ki riew shimet ki donkam ban phah ïa ka message ‘Hi’ sha u number 7289001515. Ia ka jingithuh ia ka login jong uwei pa uwei yn phah lyngba ka OTP bad yn sdang ia ka jingiakren.

Ha ki por ban wan yn pynrung bun ki bynta ba thymmai kum ki jingpynrung kyrteng ha ka app, ki jingpynbna ryngkat bad ki download, ki media upload na ka bynta ka jingïashim bynta ha ki jingïalang, ki jingpynkynmaw bad jingbuddien, ka jingpyndep ïa ki kam bad kiwei kiwei. Nalor ki jingshakri ba iadei bad ka jingsiew, lah ban pyndonkam ia ka chatbot ban phah ia ki jingpynkynmaw ba la pynkhreh lypa, ban pynpoi ia ki kot ki sla ba donkam, bad ban iasam ia ki jingpynbna shaphang ka kamram ba hap pyndep. Kan pynmih ruh ia ki jingthoh shaphang ki kam, ki jingjia ba kongsan, ki jingpynbna shaphang ki skhim sorkar, ki rukom treikam kiba bha tam, bad ki tiar ban pyntip ia ki samla bad ban ai lad ia ki ban iashim bynta.

Ki jingmyntoi ba kongsan ia ki samla:

• Ka jingsuk ban ioh ia ki jingshakri MY Bharat lyngba ka WhatsApp
• Ka jingkyntiew kyrteng kaba kham sted, ka jingiashim bynta ha ki prokram, bad ka jingbuddien ia ki prokram
• Ki jingai jingtip bad ki jingpynkynmaw ba mardor
• Ka jingsuk ban ai jingtip bad ka jingkyrshan ban pynbeit ia ki jingeh
• Ki jingai jingtip ba man ka por shaphang ki lad, ki skhim bad ki rukom treikam ba bha tam
• Ka rukom treikam kaba suk ban iasoh lang bad ki kam ba kongsan jong ka ri

Kane ka jingpyniasoh ka pynskhem ia ka jingkut jingmut jong ka Tnad ban pynkupbor ia ki samla da kaba pynrung ia ki jingshakri paidbah ha ki lad digital ba ki pyndonkam bha, kaba pynsuk ia ki ban iasoh, ban iatreilang, bad ban ioh jingtip.

Ka MY Bharat ka dei ka rynsan teknoloji ba la shna da ka tnad kam ialehkai bad ba la pynwandur da ka Digital India Corporation (DIC) MeitY ka Sorkar India ban pynbiang ia ka rukom treikam kaba la pynskhem na ka bynta ban pynïasoh ïa ki samla jong ka ri. Da ka jingthmu ba kongsan ban pynkup bor ïa ki samla lyngba ka jingngeit tynrai jong ka India, ‘Seva Bhav’ bad ‘Kartavya Bodh’ kane ka rynsan ka ai ki lad ki lynti ban ïashim bynta ha ki kam trei mon sngewbha bad jinghikai bapher bapher, ban ïoh jinghikai na ki riew shemphang, ban shna ia ka CV, ban pynïasoh bad kiwei pat ki samla bad kiwei kiwei ki kam kiba kyntiew ia ka bor treikam.

*****