ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা নবনির্মন অন্দোলন অমসুং সম্পুর্না ক্রান্তি অভিয়ানবু নমথনবা অঙম্বা তৌবগা লোয়ননা 1974দা হৌখিবা মঙম হন্থহন্নবা খোঙথাং অমা ওইরিবা, ইমর্জেন্সী অমসুং ভারতকী সম্বিধানগী মঙম হন্থহন্নবা হোৎনখিবশিংগী মায়োক্তা থৌনা লৈনা থেংনখিবা মীওই কয়াগী কত্থোকপশিংবু নীংশিংনবা অমসুং ইকাই খুম্নবা উৎনবা ৱারেপ লৌখি।

থৌরম অদু পালন তৌবা ওইনা, কন্সতিত্যুসনগী মতুং ইন্না গরেন্তী পীরিবা দেমোক্রেসীগী হকশিং মৎখিবা অমসুং তমথিবা মীওৎ-মীনৈ মায়োক্নখিবা মীওইশিংবু ইকায় খুম্নবা ওইনা ঙসিগী কেন্দ্রগী মন্ত্রী-মন্দলগী মীফম অদুদা মিনিত অনি তুমিন্না লৈখি। কেন্দ্রগী মন্ত্রী-মন্দলনা ইমর্জেন্সীগী কা হেনবা মীওৎ মীনৈশিংবু থেংনখিবা থৌনা ফরবা অমসুং লিংজেল খাবা মীওইশিংদা ইকায় খুম্নবা উৎখি।

চহি 2025 অসি ভারতকী পুৱারীদা কাউঙমদ্রবা তাঙ্কক অমা ওইরিবা সম্বিধানবু খোঙ্গোইনখিবা, ভারতকী রিপব্লিক অমসুং দেমোক্রেসীগী স্পিরিৎতা লান্দাখিবা, ফেদরেলিজমবু নমথখিবা, অমসুং ফন্দামেন্তেল রাইৎশিং, মীওইবগী নীংতম্বা অমসুং ইকাই খুম্নবগী থৌওংশিং মাংহনখিবা - 'সম্বিধান হত্যা দিবস'কী চহি 50 মপুং ফারি

কেন্দ্রগী মন্ত্রী-মন্দলনা ভারতকী সমবিধান অমসুং লৈবাক অসিগী দেমোক্রেসীগী ইথোসকী মপাঙ্গলদা ভারতকী মীয়াম্না লেপ্পা লৈতনা থাজবা থম্লি হায়না অমুক হন্না থাজবা পীখি। দিক্তেতোরিএল তেন্দেন্সীশিং থেংনখিবা অমসুং ঐখোয়গী সম্বিধান অমসুং মাগী দিমোক্রেসীগী মওং-মতৌ ঙাক্নবা লেপ্পা লৈতনা লেপখিবা মীওইশিং অদুদগী ইথিল লৌবা হায়বা অসি নহা ওইরিবা মীওইশিংগীদমক্তসু মরু ওই।

ভারত অসি মাদর ওফ দেমোক্রেসী ওইবনা, সম্বিধানগী মগুনশিং ঙাক-শেন্দুনা থম্বগী খুদম অমা ওইরি।

লৈবাক অমা ওইনা ঐখোয়গী সম্বিধান অমসুং মাগী দিমোক্রেসী অমসুং ফেদরেল স্পিরিৎ ঙাক্না চৎনবগী ঐখোয়গী ৱারেপ অদু নৌহৌনা লৌরসি।

***