وزیر دفاع جناب راج ناتھ سنگھ نے وزیر اطلاعات و نشریات جناب اشونی ویشنو اور وزیر مملکت برائے اطلاعات و نشریات ڈاکٹر ایل مروگن کے ہمراہ آج (23 جون) راشٹرپتی بھون میں صدر جمہوریہ ہند محترمہ دروپدی مرمو کو کتابوں کی دوسری جلد کی پہلی کاپیاں پیش کیں۔ اس موقع پر ڈائریکٹوریٹ آف پبلی کیشنز ڈویژن اور وزارت اطلاعات و نشریات کے حکام بھی موجود تھے۔

ڈائریکٹوریٹ آف پبلی کیشنز ڈویژن کے ذریعے شائع ہونے والی ’ونگز ٹو اور ہوپس‘ اور ’آشاؤں کی اڑان‘ کی دوسری جلد صدر دروپدی مرمو کی ان کے عہدے کے دوسرے سال کے دوران ان کی منتخب تقریروں کا مجموعہ ہے۔ وزیر دفاع جناب راج ناتھ سنگھ نے آج صبح راشٹرپتی بھون کلچرل سینٹر میں اطلاعات و نشریات کے وزیر جناب اشونی ویشنو، وزیر مملکت برائے اطلاعات و نشریات ڈاکٹر ایل موروگن اور دیگر معززین کی موجودگی میں ان کتابوں کا باضابطہ اجراء کیا۔

کتاب کی دوسری جلد میں صدر دروپدی مرمو کی 51 منتخب تقاریر شامل ہیں، جنھیں 11 حصوں میں تقسیم کیا گیا ہے: قوم سے خطاب، تعلیم کے ذریعے مجموعی ترقی کو فروغ دینا، بے لوث خدمت کے لیے کرم یوگیوں کی حوصلہ افزائی کرنا، مسلح افواج – ہمارا قومی فخر، شہریوں کو بااختیار بنانے میں حکمرانی کا کردار، نمایاں کامیابیوں کو تسلیم کرنا، عالمی رابطوں کی تعمیر اور مضبوطی، ہمارے ثقافتی ورثے کا جشن منانا، زراعت میں جدت طرازی: بھارت کی ترقی کو آگے بڑھانا، خود اور فطرت کو مربوط کرنا، اور خواتین کو بااختیار بنانا: رکاوٹوں کو توڑنا۔

***

(ش ح – ع ا)

U. No. 2067