‘బదల్‌తా భారత్ మేరా అనుభవ్’ కార్యక్రమం కింద వరుసగా నిర్వహిస్తున్న ప్రభావవంతమైన, సృజనాత్మక పోటీల్లో పాల్గొనాల్సిందిగా కేంద్ర సమాచార, ప్రసార మంత్రిత్వ శాఖ దేశ పౌరులను ఆహ్వానిస్తోంది. ప్రధానమంత్రి శ్రీ నరేంద్ర మోదీ నేతృత్వంలోని కేంద్ర ప్రభుత్వ 11 ఏళ్ల దార్శనిక నిర్దేశకత్వం, అపూర్వమైన అభివృద్ధి, సమర్థమైన పాలనను చాటేలా మైగవ్ సహకారంతో దేశవ్యాప్తంగా ఈ పోటీలను నిర్వహిస్తున్నారు. వికసిత భారత్@2047 నేపథ్యంతో నిర్వహిస్తున్న ఈ కార్యక్రమం.. వ్యక్తిగత అనుభవాలను పంచుకునేలా, శరవేగంగా భారత్ అభివృద్ధి చెందుతున్న తీరును చాటేలా అన్ని వర్గాల ప్రజలకు అవకాశం కల్పిస్తోంది. క్షేత్రస్థాయి భాగస్వామ్యం నుంచి సృజనాత్మక ప్రదర్శనల వరకు.. భారతీయులంతా ఇందులో పాల్గొనేలా, స్ఫూర్తిని పొందేలా, తమ గళాన్ని వినిపించేలా ఈ కార్యక్రమాన్ని రూపొందించారు. మై గవ్ పోర్టలు ద్వారా ఈ పోటీల్లో పాల్గొనవచ్చు. జూలై 9న ఇవి ముగియనున్నాయి.

 

గత 11 సంవత్సరాలలో దేశంలో వచ్చిన విప్లవాత్మకమైన మార్పులను, వికసిత భారత్‌గా ఎదిగే దిశగా దేశం సాధించిన పురోగతిని చాటడం ఈ పోటీల లక్ష్యం. రైతు సంక్షేమం నుంచి నారీ శక్తి వరకు, జీవన సౌలభ్యం నుంచి సులభతర వాణిజ్యం వరకు, దేశమే ప్రథమం- జాతీయ భద్రత, విదేశాంగ విధానం నుంచి ప్రపంచ స్థాయి ఆర్థిక శక్తిగా భారత్ నిలవడం వరకు... అనేక ఇతివృత్తాలను ఈ పోటీల కోసం ఎంచుకోవచ్చు. పరిశోధకులు, వ్లాగర్లు, బ్లాగర్లు, ఇన్‌ఫ్లూయోన్సర్లు, ఉత్సాహవంతులైన కథకులు సహా భారత పౌరులంతా #BadaltaBharatMeraAnubhav అనే హ్యాష్ ట్యాగ్‌ను ఉపయోగించి ఈ పోటీల్లో పాల్గొని, మార్పు దిశగా ప్రయాణాన్ని తమదైన విశిష్ట శైలిలో ప్రదర్శించవచ్చు.

అయిదు సృజనాత్మక పోటీల వివరాలిలా ఉన్నాయి:

ఇన్‌స్టాగ్రామ్ రీల్ పోటీలు #BadaltaBharatMeraAnubhav
డిజిటల్ ఇండియా, ఆత్మనిర్భర భారత్, స్కిల్ ఇండియా వంటి ఇతివృత్తాలపై 30–60 సెకన్ల రీల్స్‌ రూపొందించేలా దేశంలోని సృజనకారులను ఇది ప్రోత్సహిస్తుంది.
బహుమతులు: విజేతకు రూ.50వేలు; రన్నరప్‌లుగా నిలిచినవారికి రూ.25,000, రూ.10,000; ఏడుగురికి రూ.5,000 చొప్పున ప్రోత్సాహక బహుమతులు.

https://www.mygov.in/task/badalta-bharat-mera-anubhav-instagram-reel-contest/?target=inapp&type=task&nid=359974